MAAARING kumupas ang mga aalala, pero ang tunay na pag-ibig, hindi nakakalimot, ito ang uri ng pagmamahal na isasabuhay sa ‘A Special Memory.’

Inihahandog ng Viva Films ang romance-drama na ito mula sa blockbuster director na si Jerry Lopez Sineneng at sa screenplay ng Pambansang Alagad ng Sining Ricky Lee, na pinagbibidahan nina Bela Padilla at Carlo Aquino.

Isang Philippine adaptation ng kilalang Japanese series na ‘Pure Soul’. Ang ‘A Special Memory’ ay isang kwento kung paano nanatili ang pagmamahal sa kabila ng mga pagsubok sa buhay.

Bibida si Bela Padilla bilang Sandra, isang fashion designer na pilit kinakalimutan ang heartbreak mula sa kanyang nakaraang relasyon. Habang sinusubukan niyang muling buuin ang kanyang buhay, makikilala niya si Dindo, na ginagampanan ni Carlo Aquino, isang construction foreman sa kumpanya ng kanyang pamilya.

Mula sa isang simpleng koneksyon, unti-unting mabubuo ang pag-iibigan nina Sandra at Dindo at magdedesisyon silang magsama sa iisang bahay. Ngunit, susubukin sila ng tadhana nang matuklasan ni Sandra na siya ay may early onset- Alzheimer’s disease. Dahil sa takot na maging pabigat, lalayo si Sandra at ipapasok ang sarili sa isang nursing home.

Nasaktan man sa naging desisyon ni Sandra ay igagalang ito ni Dindo. Mananatiling matatag ang pag-ibig niya para sa minamahal. Bibisitahin niya si Sandra at paulit-ulit na ipapakilala ang sarili sa pag-asang kahit saglit ay muli siya nitong maaalala.

Panoorin ang pag-ibig na patuloy na kumakapit sa kabila ng kumukupas na alaala, at ituturo sa atin na ang pagmamahal na wagas ay hindi kailanman mawawala sa puso.

Mula sa kanilang unang pagsasama sa ‘Meet Me in St. Gallen’ (2018), muling magtatambal sina Bela at Carlo sa ‘A Special Memory,’ kung saan mararamdaman muli ng mga manonood ang kanilang minahal na magic at chemistry.

Kilala sa kanyang relatable performances sa romance-drama, muling haharap si Bela sa isang papel na magpapakita ng kanyang emotional range. Si Carlo naman, na matagal nang hinahangaan sa kanyang pagiging versatile, ay muling magdadala ng lalim sa kanyang karakter.

Makakasama nina Bela at Carlo ang isang kahanga-hangang ensemble cast na kinabibilangan nina Lotlot de Leon, Joel Torre, Yayo Aguila, Jaime Fabregas, Phoebe Walker, at Paolo Gumabao, na pawang magdadagdag ng puso at damdamin sa pelikula.

Punung-puno ng emosyon, pagmamahal, at pag-asa, ipapaalala ng ‘A Special Memory’ na ang mga hindi malilimutang koneksyon ay mananatili sa atin magpakailanman.

Mapapanood na sa mga sinehan sa buong bansa simula March 11, 2026. (ROHN ROMULO)

TINANGGAP agad ni Kapuso Primetime King Dingdong Dantes ang pagso-sorry nng isang netizen matapos magpakalat ng ‘fake quote’ tungkol kay Vice President Sara Duterte.
Sagot ni Dingdong, “Apology accepted.”
Ayon sa kumalat na fake statement: “Dingdong Dantes said, ‘Nakakatakot ‘pag nanalo si VP Sara. Nakikita ko sa kanya ang tapang, talino, at abilidad na may kakayahang mamuno gaya ng kanyang ama.”
Nilinaw agad ito ng aktor/host na hindi niya sinabi ang naturang statement.
Kasama ng kanyang pagpapatawad, nagpaalala rin siya sa publiko sa kumakalat na fake news sa social media.
“Nawa’y maging mas mapanuri po tayong lahat, lalo na sa misinformation at disinformation… at sa bawat diskurso, piliin sana natin ang respeto sa kapwa Pilipino. Peace!” pahayag ni Dingdong.
Nakatanggap naman ng mga papuri ang aktor mula sa netizens at may isang nag-comment pa ng, “nakaka-proud talaga na maging DDS.” Na ang ibig niyang sabihin ay Dingdong Dantes Supporter.
Narito ang ilan pang komento…
“Sana laging totoo ‘yung ipo-post madalas nakakadisgrasya ng ibang tao ang maling impormasyon [smiling face iwth hearts emoji].”
“A sincere simple apology lang naman talaga people make mistakes unintentionally, ng importante he apologize.”
“Napakabuti ni Mr Dingdong Dantes [red heart emoji] Lesson learned sa mga content creator na mahilig sa tsismis ng kapwa para lang pagkakakitaan.”
“‘Yan ang dapat. Magpasaya na lang tayo ng kapwa natin. Just be happy always. Iisipin mabuti kung makakasakit tayo o hindi bago tayo magbitaw ng mga salita.”
Marami rin ang nag-comment na hindi sapat na mag-sorry, dapat daw ay kasuhan din ni Dingdong ang nagpakalat ng fake news…
“Mabait parin si Dingdong Dantes hindi nya na kakasuhan yung nagpost.”
“Jusko bakit patatawarin yan jusme gagawa ng kwento gagawa ng salita at mandadamay ng taong may pangalan. Hehehe joke lang. Salute sir Dingdong Dantesnapakabuti mo.”
“Nakakahiya as a dds karamihan 90% kasi ng dds vlogger puro fake news . Mahilig sila gumawa nyan kasi alam nila ang kapwa nila Dds mabilis mapaniwala mauto at ma
Brainwash . Salamat at hindi na ako ganap na dds.”
“Kung ako yan mag kaso ako pag na iyak na withdraw ko na kase need talaga may ma sample sa mga nonsense na use ng names ng mga non political persons ehh.
Kasuhan mo. Apology is not enough for these people..lalala pa yan pag malapit na election
“No kasuhan mo.. hindi pweding maging normalize nalang sa knila yang mga ganyang palusot..”
“Yes sir. but much better file a cyber libel case for accountability. para magtanda.”
“Apology accepted, ok nman…. kaso d mo sana pinalampas ang consequence. Parang binigyan mo lang ULIT ng pagkakataon yung fake news peddler na namumuhunan sa likes at views ng bawat fake news posts niya, at base sa mga posts nga niya ay literal na namumuhay sa pagkakalat ng mga maling impormasyon at walang pakialam sa sinasabi ng iba bagkus pinagkakatuwaan pa niya ang mga issue laban sa kanya.”
“Sayang naman hindi pa nakasuhan para maging aral sa mga DDS na fake news spreader.”

(ROHN ROMULO)

Title 2 for front:
30 taon matapos siyang tumigil sa pag-aaral…
EPY, natupad na ang pangarap na makapagtapos ng kolehiyo

HINDI pinapabayaan ng Filipino‑American singer‑songwriter Kris Lawrence ang anak nila ni Katrina Halili na si Katie.

Nag-share pa si Kris ng ilang personal plans niya para sa kanyang anak, kabilang dito ang pag-asikaso niya para maging U.S. citizen si Katie.

Ikinatuwa naman ito ni Katrina dahil co-parenting ang arrangement nila ni Kris kay Katie.

Thankful ang Kapuso actress sa pagbigay ni Kris ng oras at panahon kay Katie kahit na may isa pa itong anak sa current partner nito.

Noong sumailalim si Katie sa isang operasyon kamakailan, full support si Kris sa anak at panay ang facetime nila habang nagpapagaling ito.

Nagsama sila ni Katrina ng limang taon bago sila naghiwalay noong 2014.

Nasabi nga ni Kris na kung single pa rin daw sila ni Katrina in ten years, baka may possibility na magkabalin sila.

Si Kris ay grand champion ng ‘Search For The Star in a Million’ noong 2006.

***

NATUPAD na ni Epy Quizon ang kanyang pangarap na makapagtapos ng kolehiyo, 30 taon matapos siyang tumigil sa pag-aaral.

Sa isang Instagram post, ibinahagi ng aktor ang kanyang pagtatapos kamakailan sa De La Salle University. Nag-post siya ng kaniyang larawan sa harap ng iconic na St. La Salle Hall habang suot ang toga, at nagsulat ng liham para sa kaniyang sarili sa caption.

“Dear Self, 30 years ago, in 1996, you walked the halls of De La Salle University just a thesis away from graduation. Fear and circumstance pulled you away, and survival became more important than ceremony. But you made a promise. Through the years of work, loss, and other responsibilities.”

Binanggit din niya ang kanyang yumaong ama na si Dolphy, at panghihinayang na hindi na nito nasaksihan ang naturang mahalagang araw sa kaniyang buhay.

“Mama, turning 80 soon, will. Today, you return—not as the young man who left, but as someone steadier, stronger, and faithful to his word.”

Sinabi rin ni Epy na hindi lang kapirasong papel ang diploma kung hindi “a promise kept. A prayer answered. A legacy for your children.”

“It was never too late,” pagdiin niya.

***

MARAMI ang nabigla sa pagpanaw ng Hollywood actor na si Eric Dane sa edad na 53. Sumikat si Dane sa pagganap niya as
Dr. Mark Sloan a.k.a. McSteamy sa US medical series na Grey’s Anatomy.

Ayon sa actress-wife ni Dane na si Rebecca Gayheart, lumaban hanggang sa huli ang aktor sa sakit nitong ALS (amyotrophic lateral sclerosis) na isinapubliko niya last year.

Bago lumabas sa Grey’s Anatomy, lumabas si Dane sa mga shows na Saved By The Bell, The Wonder Years, Roseanne, Married With Children, Charmed, at Gideon’s Crossing. Huli niyang TV appearance ay sa Euphoria ng HBO.

Sa movies ay lumabas siya sa Valentine’s Day, X-Men: The Last Stand, Marley and Me, Bad Boys: Ride Or Die, at Burlesque