- March 26, 2026
Ang Diyaryong Pinagkakatiwalaan
Archive for February, 2026
Kasal nila ni Jerald sa Marso, ililihim muna kung saan… Dream wedding gown ni KIM, gawa ng sikat na fashion designer na si MAK
SA mediacon ng upcoming movie ng Viva Films na ‘Wonderful Nightmare’, natanong si Kim Molina tungkol sa nalalapit na kasal nila Jerald Napoles sa Marso.
Kuwento ng actress/comedienne, “next month na po, sa March at hindi po sa Manila gagawin, pero dito pa rin sa bansa natin.”
Singit ni Jerald, “yun lang kaya ng budget namin.”
Pagbabahagi pa ni Kim sa magaganap na wedding…
“Nag-decide kami ni Je na,..kasi honestly, yun proposal niya, nagulat ako na mas nauna pang nalaman ng mga tao, bago ko siya mai-post.
” So, I think sa wedding na ito, sa amin na muna. Of course, isi-share din namin on that day of our wedding.”
Ayon pa kay Kim, ang kanyang dream wedding gown ay gagawin ni Mak Tumang, ang sikat fashion designer na lumikha ng mga gowns nina Catriona Gray at Athisa Manalo.
Samantala, ang pelikulang pinagbibidahan nina Kim at Herald ay adaptation ng 2015 Korean blockbuster hit na may same title. Mula sa direksyon ni RC Delos Reyes.
Kuwento ito ng isang career woman na mapupunta sa katauhan ng isang housewife matapos maaksidente.
Si Atty. Ma. Luisa Lui Manuel (Molina) ay kilala bilang matinik na abogado na may malalaking kaso. Hindi ito nagpapakita ng emosyon kaya naman walang puso ang tingin sa kanya, pero sa katunayan, umiiwas lang ito na masaktan.
Bata pa lang ay naulila na si Lui, at dahil sa sunud-sunod na masamang pangyayari, pinangako niya sa sarili na hindi maghihirap at hindi mangangailangan sa lalaki at pag-ibig.
Ang kalkuladong buhay ni Lui ay biglang matatapos nang mabangga ang kanyang sasakyan. Magigising siya sa langit pero muling pababalikin sa lupa dahil hindi pa ito ang tamang oras ng kanyang kamatayan. Kailangan niyang mabuhay sa katawan ng isang babae sa loob ng isang buwan.
Sa muling paggising ni Lui, isa na siyang asawa ng isang simpleng empleyado na si Julian (Napoles) at ina ng isang teenager na babae na si Jaja (Althea Ruedas) at ng anim na taong gulang na si Justin (Archilles Wenceslao). Nakatira sila sa munting apartment.
Hindi makapaniwala si Lui na kailangan niyang alagaan ang kanyang temporaryong pamilya gamit ang maliit na sweldo ni Julian.
Sa paglipas ng mga araw, unti-unting matututo na tanggapin ni Lui ang buhay niya bilang isang ina at asawa. Natutuwa naman si Lui sa pagiging mapagmahal na asawa at ama ni Julian kahit may pagka-corny ito. Ang bunsong anak na si Justin ay mabait at sweet rin, pero si Jaja ay may pagka-rebelde.
Sa bagong buhay na ito, magkakaroon rin si Lui ng mga bagong kaibigan: ang raketerang si Olga (Yumi Lacsamana), ang nagbebenta ng leche flan na si Sansan (Quinn Carillo), at ang pinaka-logical sa kanilang lahat na si Daisy (Divine Aucina).
Sa takbo ng kwento, alamin kung kailan at paano maiiba ang pananaw ni Lui sa kanyang bagong buhay. Kung noon ay hindi niya pinangarap na magkaroon ng pamilya at makaranas ng pagmamahal at kaligayahan, ngayon ay isang bangungot na ang iwan ang pamilyang ito.
Pero isang buwan lang ang dapat niyang itagal at hindi maiiwasang magigising siya sa pinaka-magandang bagay na kanyang naranasan.
Kasama rin sa movie sina Al Tantay bilang hepe ng Heavens intermediary, Candy Pangilinan bilang reklamador at masungit na kapitbahay ni Lui, Krissha Viaje bilang kapwa abogado ni Lui, Jaycee Parker bilang nanay ni Lui, at marami pang iba.
Ipalalabas sa mga sinehan ang ‘Wonderful Nightmare’ sa February 25, 2026.
(ROHN ROMULO)
Happy sa balik-tambalan sa action-drama series… KYLIE, walang ibang nai-imagine na puwedeng gumanap sa role bukod kay JAK
BALIK-TAMBALAN sina Kylie Padilla at Jak Roberto sa action-drama series na ‘Task Force, Firewall.’
Nagkuwento si Kylie sa bagong project niya na ito ngayong 2026.
“It’s very timely sa panahon natin, since lahat nasa internet na and lahat tayo may cellphones. So, everyone is vulnerable to this kind of crime,” paliwanag niya sa ‘Chika Minute.’
Inilarawan pa niyang exciting ang bago nilang serye na ibang-iba sa naging role nila sa ‘My Father’s Wife.’
Lahad ni Kylie, “Like I usually say, pagkasama ko si Jak [Roberto] you know 50 percent of the work [is] done na kasi maganda ‘yung chemistry namin.
“So, exciting ibang characters si Jak dito, ako rin naman. Pero, ibang-iba ‘yung character niya dun sa ‘My Father’s Wife’, so abangan n’yo din ‘yun.”
Para naman sa Kapuso hottie ang tanging si Kylie lang ang nakikita niya na puwedeng gumanap sa role nito sa ‘Task Force, Firewall.’
Bakit kaya ito nasabi ng Kapuso actor?
“Wala akong nai-imagine na ibang character na gaganap nito, kung hindi siya lang. So, I’m happy to work with her again.
“And I’m excited of course dahil ang maganda sa amin, when it comes na magkakaroon kami ng project nag-aadjust na lang kami through character, e.”
Makakasama rin ng JakLie sa show sina Miguel Tanfelix, Kyline Alcantara, at Bubble Gang star na si Buboy Villar.
Bago ang ‘My Father’s Wife’ (2025), nagkasama na rin sina Kylie at Jak sa primetime series na ‘Bolera’ (2022).
***
ENGAGED na ang Filipino designer and ‘Project Runway’ winner na si Veejay Floresca.
Sa isang Facebook post, nag-share si Veejay ng cute photos kasama ang foreigner fiancé and showing off her ring as she announced her engagement to her long-time partner.
“Thinking of a perfect caption, but i can’t think of anything. All I know is im ready to spend the rest of my life with you,” caption ni Veejay.
Si Veejay ang kauna-unahang Filipino designer na magwagi sa 21st season ng Project Runway.
***
NAG-FILE na ng official divorce papers ang Hollywood film and stand-up comedian na si Amy Schumer sa kanyang husband na si Chris Fischer.
Kinasal ang dalawa noonb Feb. 13, 2018 at meron silang isang anak. Naghiwalay ang couple noong Dec. 12, 2025.
Ayon sa Trainwreck star: “Chris and I have made the difficult decision to end our marriage after 7 years. We love each other very much and will continue to focus on raising our son. We would appreciate people respecting our privacy at this time.”
This year, naka-focus si Amy sa “self-care and self-love. And moving forward with no regrets.”
(RUEL J. MENDOZA)
Carlos Alcaraz, pinakabatang tennis player na nagwagi ng career grand slam
UMUKIT ng kasaysayan sa sports na tennis si Carlos Alcaraz.
Itinuturing siya bilang pinakabatang nakumpleto ang careers grand slam.
Nakamit nito ng talunin si Novak Djokovic sa finals ng Australian Open sa score na 2-6, 6-2, 6-3, 7-5.
Pinatunayan ng 22-anyos na si Alcaraz na siya pa rin ang nasa world number 1 sa tennis.
Pinatunayan nito ang galing niya matapos na mamamayagpag sa mga torneo gaya ng Australian Open, French Open, Wimbledon at US Open.
Mas bata pa ito ngayon noong makamit nina Rafael Nadal na nasa edad 24 noong nakuha ang Grand Slam; habang edad 27 si Roger Federer ng makamit ang Grand Slam at 29 anyos naman ang Serbian tennis star na si Djokovic.
Eala at Tjen pasok na women’s doubles quarterfinals ng Abu Dhabi Open
ABANSE na sa womens doubles quarterfinals ng Abu Dhabi Open si Alex Eala at Janice Tjen ng Indonesia.
Tinalo ng dalawa ang magkasamang sina Filipino-Canadian Leylah Fernandez at Kristina Mladenovic ng France.
Naitala ng nina Eala ang panalo sa score na 7-5, 3-6 at 10-6.
Naresolba nina Eala ang mahinang pagsisimula ng laro sa Set 1 subalit gumanti agad sina Fernandez pagpasok ng ikalawang set.
Hindi nagpatinag sina Eala at Tjen hanggang tuluyang maisara nila ang panalo.
Tulak, swak sa selda sa Valenzuela
HINDI inakala 52-anyos na mister na sangkot umano sa pagtutulak ng iligal na droga na pulis na ang kanyang napagbinyahan ng shabu nang maaresto siyang buy bust operation sa Valenzuela City, Martes ng umaga.
Hindi na nakapalag ang suspek na si alyas “Chong”, ng Brgy., Malinta nang sunggaban ng mga tauhan ni P/Lt. Sherwin Dascil, hepe ng Station Drug Enforcement Unit (SDEU) ng Valenzuela City Police Station.
Ayon kay Lt. Dascil, unang nakatanggap sila ng impormasyon hinggil sa umano’y pagbebenta ng suspek ng iligal na droga sa kanilang lugar at sa kalapit na mga barangay sa lungsod.
Nang magawang makipagtransaksyon sa suspek ng isa sa kanyang mga tauhan, kaagad bumuo ng team si Lt. Dascil bago ikinasa ang buy bust operation laban kay ‘Chong’ sa koordinasyon sa PDEA.
Dakong alas-8:00 umaga nang makipagtransaksyon umano si ‘Chong’ sa isang pulis na nagpanggap na buyer sa Manggahan St., Brgy. Karuhatan na nagresulta sa pagkakaaresto sa kanya.
Nakumpiska sa kanya ang humigi’t kumulang 10 grams ng hinihinalang shabu na may standard drug price na P68,000, buy bust money na isang tunay na P500 bill, kasama ang 14-pirasong P500 boodle money, P300 cash at coin purse.
Ayon kay SDEU investigator PMSg Ana Liza Antonio, kasong paglabag sa Sections 5 at 11 ng RA 9165 o ang Comprehensive Dangerous Drug Act of 2002 ang isasampang kaso laban sa suspek sa pamamagitan ng Inquest Proceedings sa Valenzuela City Prosecutors Office.
Pinuri naman ni Northern Police District (NPD) Acting Director P/BGen. Christopher Dela Cruz ang SDEU team sa kanilang matagumpay na drug operation na bahagi aniya ng pinaigting na kampanya ng NPD laban sa mga indibidwal na sangkot sa pagpapakalat ng iligal na droga. (Richard Mesa)
NEWS 5
Bebot na wanted sa Carnapping, nalambat sa Navotas
BINITBIT sa selda ang isang bebot na wanted sa kaso ng Carnapping sa Lungsod ng Malabon nang malambat ng pulisya sa pinaigting na manhunt operation sa Navotas City.
Sa ulat ni Navotas Police Chief P/Col. Renante Pinuela kay Northern Police (NPD) Acting Director P/BGen. Christopher Dela Cruz, nakatanggap sila ng impormasyon na nagtatago sa Navotas ang 22-anyos na akusado.
Ang akusado ay kabilang umano sa talaan ng mga Most Wanted Person ng Malabon City Police Station dahil sa kasong paglabag sa R.A 10883 o ang New Anti-Carnapping Act of 2016.
Naglabas ng arrest warrant laban sa akusado ang Regional Trial Court, National Capital Judicial Region, Branch 289, Malabon City, nitong January 27, 2026, para sa naturang kaso na walang inirekomendang piyansa.
Sa isinagawang manhunt operation ng mga operatiba ng Warrant and Subpoena Section ng Navotas CPS ay matagumpay na naaresto ang akusado sa Barangay Tangos South, dakong alas-6:20 ng gabi.
Nakakulong ang akusado sa Custodial Facility Unit ng Navotas CPS habang hinihintay ang pagpapalabas ng commitment order mula sa hukuman para sa paglilipat sa kanya sa Malabon City Jail. (Richard Mesa)
Energy Storage Systems Act, ipinasa ng Kamara sa pamumuno ni Speaker Faustino “Bodjie” Dy III
IPINASA ng Kamara sa pamumuno ni Speaker Faustino “Bodjie” Dy III sa ikatlo at huling pagbasa ang House Bill No. 6676, o Energy Storage Systems Act.
Sa botong 192 pabor, tatlong no at zero abstentions, inaprubahan ang panukalang nagsusulong sa pagkakaroon ng national policy framework para sa development, utilization, at commercialization ng energy storage systems upang suportahan ang grid reliability, renewable energy (RE) integration, at power supply security sa grid-connected at off-grid areas.
Sinabi naman ni Committee on Energy Chairperson and Palawan Rep. Jose Alvarez na “this measure puts in place a clear policy direction for developing and commercializing energy storage systems, which are essential to stabilizing our power supply and maximizing the use of renewable energy.”
Sa pamamagitan ng panukala ay inihahanda na ang power sector para sa mas magandang RE integration sa enerhiya habang sinisiguro ang reliability at affordability para sa mga consumers.
Sa ilalim ng panukala, ang Department of Energy (DOE) ang magsisilbing implementing agency, habang ang Energy Regulatory Commission (ERC) ang siyang magbubuo ng regulatory framework para sa licensing, pricing, at cost recovery ng energy storage facilities.
Maglalaan din ng insentibo sa integrated renewable energy plants na may storage systems.
(Vina de Guzman)
House Majority Leader Ferdinand Alexander “Sandro” Marcos inihain na tanggalin ang travel tax
ISINUSULONG ng isang mambabatas na agad i-abolish o tanggalin ang travel tax dahil tumataliwas na ito sa layunin ng bansa na makabangon ang ekonomiya at regional competitiveness.
Inihain ni House Majority Leader Ferdinand Alexander “Sandro” Marcos (Ilocos Norte) ang House Bill (HB) No. 7443, na nagsusulong na ibasura ng travel tax at tugunan ang panawagan ng mga biyaherong Pilipino.
“The travel tax was created in a very different economic context. Today, it has become an added cost that restricts mobility and weighs heavily on ordinary Filipinos who simply want to travel for work, family or opportunity,” ani Marcos.
Sa panukala, ang travel tax na ipinapataw sa ilalim ng Presidential Decree (PD) No. 1183 at probisyon sa Tourism Act of 2009 na ibasura at itigil ang pangongolekta ng charges na P2,700 na ipinapataw sa mga first-class passengers at P1,620 para sa mga economy class travelers.
Sinabi ni Marcos na para sa isang bumibiyaheng pamilya ay pabigat na ito dahil sa halip ibang gustusin mailalaan ay sa pagbabayad ng travel tax.
“When travel becomes more expensive, fewer people move, fewer people spend and fewer opportunities circulate through the economy. Lowering the cost of travel allows Filipino families to allocate their money where it matters most,” paliwanag ni Marcos.
(Vina de Guzman)
FRASCO SA PUNA NI TULFO: ‘I’M VERY VISIBLE BECAUSE I’M SIMPLY WORKING’
ITO ang naging matapang na tugon ni Tourism Secretary Christina Frasco nitong Miyerkules, Pebrero 4, 2026, matapos kuwestyunin sa Senado ang tila “over-visibility” ng kanyang imahe sa mga promotional materials ng Department of Tourism (DOT).
Sa Kapihan sa Manila Bay forum, iginiit ni Frasco na walang basehan ang mga akusasyon ng self-promotion at nilinaw nito na ang kanyang aktibong presensya sa publiko ay hindi paghahanda para sa susunod na eleksyon.
“There’s no reason for me to promote myself because I’m not running for any national position,” pahayag ng kalihim, sabay diin na nakatuon lamang siya sa pagtupad ng kanyang tungkulin sa kagawaran.
Ang isyu ay nag-ugat sa mga puna ni Senator Tulfo sa ginanap na pagdinig ng Senate Committee on Tourism na pinamunuan ng naturang senador, hinggil sa mga nakitang tarpaulin at magazine cover sa ibang bansa, partikular sa Japan, kung saan mas prominente umano ang mukha ng kalihim kaysa sa mga tourist destinations ng Pilipinas.
Inihalintulad pa ni Tulfo ang istilo ng mga materyales sa pagiging “vlogger.”
Bilang tugon sa kontrobersya at upang matiyak na ang atensyon ay mananatili sa kagandahan ng bansa, iniutos na ni Frasco sa lahat ng regional offices ng DOT ang pagtanggal sa anumang promotional material na nagtatampok sa kanyang imahe.
Ipinag-utos din niya na huwag nang gumawa pa ng mga bagong materyales na may kanyang mukha.
Nanawagan din ang kalihim sa mga Local Government Units (LGUs) na iwasan ang paglalagay ng kanyang litrato sa mga welcome tarpaulins o tourism ads.
Ayon kay Frasco, kahit hindi niya iniutos ang paglalagay ng mga ito, nais niyang ituon ang lahat ng resources ng DOT sa mga “high-impact national projects” kaysa sa mga isyung itinuturing niyang “distraction” lamang sa paglago ng turismo.
( FRANZ ANGELES)
Walang nilabag na protocol sa pagpili ng ASEAN venues—Malakanyang
WALANG nilabag na protocol sa pagpili ng venue para sa gagawing pagho-host ng PIlipinas sa Association of Southeast Asian Nations (ASEAN)-related events.
Ito ang binigyang diin ni Presidential Communications Office (PCO) Undersecretary at Palace Press Officer Claire Castro, sabay sabing “no breach of protocol” kung ang pag-uusapan ay venue—ang hotel-casino ay ginamit aniya para sa international summit, at hindi sa pagsusugal.
Kasunod ito sa alalahanin mula sa mga observers, na nagsabing ang kamakailan lamang na nagtapos na ASEAN Ministers’ Meeting sa Cebu na idinaos sa hotel-casino ay kinkonsiderang hindi akma para sa Muslim delegates.
At nang tanungin kung paano iwawasto ng gobyerno ang pagpili, sinabi ni Castro na “there is nothing to resolve over the venue selection.”
“Unang-una po, there’s nothing to rectify dahil kung ito naman po ay hotel casino at ang nature ng event ay gagamitin po ito para sa isang international event like summit, hindi po para magsugal, wala naman pong nilalabag na protocol ang bansang Pilipinas,” ang sinabi ni Castro.
“So, iba po kasi ang usapan kung pupunta doon para magsugal. Pero kapag ang hotel although may kasamang casino pero ang purpose po ay um-attend ng isang event, hindi po naman …wala pong nilalabag na anumang protocol ang Office of the President or ang administrasyon na ito,” aniya pa rin.
Nagbigay naman ng katiyakan si Castro na ang procurement process para sa pagho-host ng Pilipinas ngayong taon para sa ASEAN events ay mahigpit na tinutukan at sinuri.
“Patungkol po naman sa sinasabi nating procurement, ang proseso po na ito ay mahigpit po na tinututukan at kasama na rin po ang evaluation of cost at ang nature ng event,” ang winika ni Castro.
“Pero ang katulad po nitong event ay masasabi po nating high-profile international events na karamihan po ay nagka-qualify po for exemptions from standard open competitive bidding, allowing for alternative procurement methods katulad ng negotiated procurement at direct contracting,” aniya pa rin. (Daris Jose)