IPINAUBAYA na ni Pangulong Ferdinand Marcos Jr. sa Independent Commission on Infrastructure (ICI) ang desisyon sa hinaharap nito.
Nauna rito, sinabi ni Pangulong Marcos na malapit nang matapos ang trabaho ng ICI at naimbestigahan na nito ang mga dapat silipin kaugnay ng mga kuwestiyonableng flood management projects.
Gayunman, ayon kay Castro, hinihintay pa rin ng Pangulo ang pinal na ulat ng komisyon at wala pang itinakdang deadline para sa pagsusumite nito.
“Kung ano po ang magiging desisyon ng ICI, ‘yun po ang maaaring maging tugon ng Pangulo. Kung kinakailangan nila ng tulong sa Executive, ibibigay po,” ang sinabi ni Presidential Communications Office (PCO) Undersecretary at Palace Press Officer Claire Castro sa press briefing sa Malakanyang.
“Kung ano po ang magiging destiny ng ICI, kung ano ang susunod na galaw nila, ‘yan ay pinauubaya ng Pangulo sa ICI bilang independent commission,” aniya pa rin.
At nang uriratin naman si Castro sa kung paano aakto ang ICI kung kulang naman ang quorum, sinabi ni Castro na ang ICI bilang independent body ay maaaring kumuha ng mga opisyal na kailangan nito.
“Hindi ko po alam kung paano nila gagawin pero as an independent body, I think pwede naman sila kumuha kung sinong tauhan ang kailangan nilang gawin o kunin,” ang winika ni Castro .
Tanging ang chairperson, retired Justice Andres Reyes, ang natitirang miyembro ng ICI kasunod ng pagbibitiw sa tungkulin ng dalawang miyembro nito.
“Kung ano ang nais ng ICI, according to the President, kung ano ang nais nila gawin, at kung gusto pa nila magpatuloy, sabihin lang nila sa Pangulo at susuportahan sila,” ang tinuran ni Castro.
Sinabi pa ni Castro na ang Pangulo ay magdedesisyon lamang kung magpapasya ang ICI na tapos na ang mandato nito.
“Kung sasabihin nila na tapos na ang kanilang obligasyon, makikinig ang Pangulo,” aniya pa rin.
Matatandaang, sinabi ni ICI chair Andres Reyes na hinihintay lamang nila ang guidance mula sa Malakanyang kaugnay sa nakabinbing appointment ng mga miyembro nito.
“Mag-propose po sila sa Pangulo. Kung ang desisyon nila ay magkaroon ng bagong miyembro, sabihin lang nila sa Pangulo,” ang sinabi ni Castro. (Daris Jose)
- February 5, 2026
Ang Diyaryong Pinagkakatiwalaan
Archive for February, 2026
Kapalaran ng ICI, ipinaubaya na sa komisyon ni PBBM
Ayon kay DILG Secretary Jonvic Remulla… Car dealer at partner nito, nasa likod ng pagpatay kay PSMS Diane Mollenido at anak
INIHAYAG ng DILG na ang isang car dealer at ang kanyang partner ang nasa likod ng pagpatay kay Police Senior Master Sergeant Diane Marie Mollenido at sa kanyang walong taong gulang na anak na si John Ysmael, na umano’y nag-ugat sa isang P450,000 na transaksyon sa pagbenta ng sasakyan.
Ayon kay DILG Secretary Jonvic Remulla, kabilang sa mga suspek ang kapatid ng partner ng car dealer at isa pang kasabwat.
Patuloy pa ring iniimbestigahan ang posibleng kinalaman ng mister ng biktima na si Police Senior Master Sergeant John Mollenido.
Magugunitang namatay si Diane matapos barilin sa ulo na natagpuan sa Bulacan habang ang anak naman nito ay nasawi dahil sa pagsakal na kalaunan ay nakita sa taniman ng Kalamansi sa Tarlac.
Samantala itinuturing nang case closed ang pagpatay sa mag-ina kasunod ng pagkaka-aresto ng apat na suspek na itinuturong nasa likod ng karumal-dumal na krimen. (Daris Jose)
No work, no pay scheme sa lahat ng mga mambabatas, panukala ni Cong. Sandro Marcos sa Kamara
HINDI pa nag-uusap ang mag-amang Pangulong Ferdinand Marcos Jr. at House Majority Leader at presidential son Sandro Marcos ukol sa panukala ng huli na “no work, no pay” scheme para sa mga miyembro ng Kongreso.
“Tinanong rin po natin ang Pangulo kaninang umaga patungkol po dyan at sinabi po natin na ito’y panukala ni Congressman Sandro. So, mukhang hindi pa po sila nag-uusap patungkol po dito dahil nabigla siya (Pangulong Marcos) na may proposal si Cong. Sandro,” ani Castro.
Ang sabi lamang aniya ng Pangulo ay trabaho ito ng mambabatas at hindi siya makikialam kung ano ang mangyayari. Kung ito ay magiging batas at kung ano ang ihahain lamang sa kanya at mababasa niya ay iyon lamang ang kanyang aaralin.
Para sa Malakanyang, ‘in general’, maganda ang panukala ni Cong. Sandro para malaman din naman ng publiko na ang mga taong hindi nagta-trabaho ay hindi naman dapat makinabang sa pondo ng bayan.
‘Pero muli, inuulit natin ang sinabi ng Pangulo, hindi niya saklaw ang paggawa ng batas,” ang pahayag ni Castro.
Sa ulat, ayon sa House Bill (HB) No. 7432, ninanais ng panukalang ito ni Cong. Sandro na siguruhing nagagasta ang pondo ng bayan para sa mga opisyal na ginagawa talaga ang kanilang mga tungkulin at responsibilidad.
“This bill seeks to institutionalize a ‘no work, no pay’ compensation scheme for Members of Congress, ensuring that public funds are spent only when these elected officials fulfill their duties,” ayon sa HB 7432.
Layon din nitong tapusin na ang “public concern” kaugnay sa isyu ng madalas na pagliban sa mga sesyon at pagpupulong, kakulangan sa pananagutan, at pagkasayang ng pondo ng bayan—na mula sa mga Pilipinong regular na nagbabayad ng buwis.
“The principle of ‘no work, no pay’ is a general labor standard applied to workers across the country. However, Members of Congress, who are entrusted with the responsibility of crafting laws and representing the people, are currently compensated regardless of attendance or participation. This has led to public concern over absenteeism, lack of accountability, and wastage of taxpayer funds,” anang panukala.
Inirerekomenda rin ang “enactment” ng panukalang batas na ito sa lalong madaling panahon. ( Daris Jose)
81-ANIBERSARYO NG BATTLES FOR MANILA, GINUNITA
GINUNITA ang ika-81 anibersaryo ng Battles for Manila sa St. Paul University sa Manila, Pebrero 3, Martes ng umaga.
Nagsama-sama ang ilang matataas na opisyal ng Pamahalaang Lungsod ng Maynila sa pamumuno ni Manila Mayor Isko Moreno, kasama si Manila Vice Mayor Chi Atienza , mga beterano, mga diplomatic community at kinatawan ng iba’t ibang bansa, para mag-alay ng bulaklak at bigyang pagkilala ang katapangan at pagmamahal sa bayan ng mga Filipino noong panahon ng World War II upang makamit ang pag-asa at demokrasya.
Ayon kay Mayor Domagoso ang aral sa Battle for Manila ay malinaw, walang siyudad na nakaligtas na mag-isa.
Sinabi pa ng alkalde na ang katatagan ngayon ay tungkol sa kahandaan , nagsisimula bago dumating ang krisis–kapag ang mga tao ay nabalaan sa oras at kapag alam ng gobyerno kung paano kumilos.
“The rebuilding of Manila after the early was not the work of one sector one institution or one nation. It was a product of bayanihan– cooperation of local, National, and international partners in both private and public sectors”.
Diin ng alkalde, ang parehong diwa ng bayanihan ay kailangan ngayon para magtulungan ang National at local governments, pakikipagtulungan sa mga allies at institutions pagbabahagi ng responsibilidad para sa kapayapaan, kaligtasan at pagbabago.
“Your presence reminds us that after the war cooperation helped citing rise again– that even today peace is sustained not by isolation, but by partnership”, anang alkalde ng Maynila.
Ayon pa kay Mayor Domagoso, itigil na ang poot at magsama-sama– iisang puso,iisang damdamin, iisang diwa.
“May the memorya of the Battles for Manila continue to guide us– not to Ward anger but towards Unity and peace,” pagtatapos ni Mayor Domagoso .
Ayon kay Sister Ma. Evangeline Anastacio Presidente ng St. Paul University of Manila ang nasabing unibersidad ay naging saksi sa kasaysayan kung saan kinikilala ang alala ng mga nagtago, nagkubli at nagbuwis ng buhay sa nasabing unibersidad. (Gene Adsuara)
SENIOR CITIZENS PARTYLIST CONG. RODOLFO ORDANES, IPINAGTANGGOL ANG SENIOR SA PANANAKIT NI CONG. GOMEZ SA 33rd SOUTHEAST ASIAN GAMES
PINUNA at inalmahan ni Senior Citizens Partylist Rep. Rodolfo “Ompong”Ordanes ang naging aksyon ni Leyte Rep. Richard Gomez sa isang nakatatandang opisyal matapos magkaroon ng pisikalan sa nagdaang 33rd Southeast Asian Games nitong Disyembre 2025.
Sa kanyang privilege speech, sinabi ni Rep. Ordanes na hindi naayon ang ginawa ni Rep. Gomez na isa pa namang mambabatas na dapat magsilbing modelo sa delegasyon.
Aniya, hindi angkop na gawan ng physical at verbal abuse na si Rene Gacuma, president ng Philippine Fencing Association (PFA) kung saan nakuhanan ito sa isang CCTV na halos batukan at kumprontahin ni Rep. Gomez ang kaawa-awang matandang opisyal.
Ipinaliwanag ni Rep. Ordanes na sa kasalukuyang kondisyon ni Gacuma na isa ng senior citizen na nagdaan pa sa quadruple bypass, may pacemaker ay nalagay sa balad ng alanganin ang kanyang buhay makaraang tumaas ang presyon nito matapos ang insidente.
Binigyang diin pa ni Cong. Ordanes na nagkaroon ng trauma si Gacuma bunsod ng naganap na pisikalan at komprontasyon na aniya hindi na sana pinaabot ni Gomez.
Sinabi pa ni Cong. Ordanes na sanay kinausap na lamang ni Gomez si Gacuma kung anuman ang hindi pagkakasundo sa mga desisyon o idinaan na lamang sana nito sa legal.
Giit pa ni Ordanes na may dignidad at nirerespeto dapat ang naturang senior official at hindi tinatrato ito o inaabuso pisikal man o sa pananalita.
Nabatid mula kay Gacuma na aprubado ng buong Board ang kanyang ginawang desisyon na taliwas sa sinasabi ni Gomez na pabigla bigla at may pinapaborang player ang nabanggit na opisyal.
Matatandaang nag ugat ang di pagkakaunawaan sa pagitan nina Gomez at Gacuma noong Disyembre 16, 2025 makaraang mapalitan ang national athlete na si Alexa Larrazabal na pambato sana sa fencing sa gitna ng pagdaraos ng 33rd Southeast Asian Games na ginanap sa Fashion Island, Thailand kung saan nag viral online ang pananakit ni Gomez sa naturang opisyal. (PAUL JOHN REYES)
Quezon City LGU paiigtingin kampanya vs textile waste
HIGIT pang paiigtingin ng lokal na pamahalaan ng Quezon City ang kampanya kontra textile waste makaraang lagdaan ni Mayor Joy Belmonte ang naipasang City Ordinance SP-3472,S-2025 o ang Textile Sustainability and Circularity Ordinance ng QC Council.
Layon ng ordinansa na bawasan ang textile waste at isulong ang muling paggamit, pagre-recycle, at pag-upcycle ng mga tela sa lungsod.
Bahagi rin ng ordinansa ang pagtatatag ng mga pasilidad at koleksyon para sa textile waste, pagtataguyod ng responsable at napapanatiling konsumo, at pagbibigay ng suporta at insentibo sa mga negosyong at komunidad na nakikilahok sa circular textile practices.
Binigyan-din ni Belmonte na bahagi ito ng mas malawak na programa ng lokal na pamahalaan na protektahan ang kalikasan, lumikha ng kabuhayan, at itaguyod ang isang mas napapanatiling kinabukasan para sa mga QCitizen.
Sinabi ni Belmonte na dagdag ito sa Circularity Hub sa Brgy. Payatas na inilunsad noong Oktubre kung saan mayroon itong weaving looms, cutting machines, production at showroom area kung saan maaring i-display ang mga artisans weave at gawing bagong items ang mga upcycled scraps.
Ayon kay Belmonte, palalakasin din ng lokal na pamahalaan ang partnership sa ibang government agencies, civil society organizations, at academe para rito.
In-unveil sa first death anniversary… BARBIE HSU, ginawan ng memorial statue at dumalo sina JERRY YAN at VIC ZHOU sa ceremony
BILANG patuloy na pag-alala, isang memorial statue ang ipinatayo para sa Taiwanese actress na si Barbie Hsu.
Ayon sa inilabas na balita ng international media, itinayo ang naturang memorial statue ni Barbie, malapit sa kanyang libingan sa Chin Pao San cemetery sa New Taipei, Taiwan nitong Lunes,Pinangunaha, kasabay ng first death anniversary ng aktres.
Ang singer and DJ na si Koo Jun Yup, asawa ni Barbie ang nag-design ng memorial statue in her honor.
Ayon pa sa asawa, ito ay sumisimbolo sa walang hanggang pagmamahal niya kay Barbie at ng kanyang pamilya.
Pinangunahan ni Koo at ng kanyang ina ang unveiling ceremony kung saan kasama rin nila ang kapatid ng aktres na si Dee Hsu.
Matatandaan na pumanaw si Barbie noong February 2, 2025 sa Tokyo, Japan dahil sa komplikasyon dulot ng sakit na influenza na kinumpirma ng kanyang kapatid.
Dumalo naman ng mga taong malalapit kay Barbie sa naturang ceremony tulad na lang ng “Meteor Garden” co-stars na sina Jerry Yan say Vic Zhou.
Dumating din ang Taiwanese singer na si Rainie Yang, South Korean boy group Super Junior member na si Choi Si-won, Taiwanese TV producer Wang Wei-chung kasama ang kanyang asawa, at ang mga TV hosts na sina Kevin Tsai at Matilda Tao.
Sigurado kaming dadayuhin ito ng fans, ng “Meteor Garden” at posibleng maging tourist spot sa Taipei, Taiwan. (ROHN ROMULO)
Happy sa balik-tambalan sa action-drama series… KYLIE, walang ibang nai-imagine na puwedeng gumanap sa role bukod kay JAK
BALIK-TAMBALAN sina Kylie Padilla at Jak Roberto sa action-drama series na ‘Task Force, Firewall.’
Nagkuwento si Kylie sa bagong project niya na ito ngayong 2026.
“It’s very timely sa panahon natin, since lahat nasa internet na and lahat tayo may cellphones. So, everyone is vulnerable to this kind of crime,” paliwanag niya sa ‘Chika Minute.’
Inilarawan pa niyang exciting ang bago nilang serye na ibang-iba sa naging role nila sa ‘My Father’s Wife.’
Lahad ni Kylie, “Like I usually say, pagkasama ko si Jak [Roberto] you know 50 percent of the work [is] done na kasi maganda ‘yung chemistry namin.
“So, exciting ibang characters si Jak dito, ako rin naman. Pero, ibang-iba ‘yung character niya dun sa ‘My Father’s Wife’, so abangan n’yo din ‘yun.”
Para naman sa Kapuso hottie ang tanging si Kylie lang ang nakikita niya na puwedeng gumanap sa role nito sa ‘Task Force, Firewall.’
Bakit kaya ito nasabi ng Kapuso actor?
“Wala akong nai-imagine na ibang character na gaganap nito, kung hindi siya lang. So, I’m happy to work with her again.
“And I’m excited of course dahil ang maganda sa amin, when it comes na magkakaroon kami ng project nag-aadjust na lang kami through character, e.”
Makakasama rin ng JakLie sa show sina Miguel Tanfelix, Kyline Alcantara, at Bubble Gang star na si Buboy Villar.
Bago ang ‘My Father’s Wife’ (2025), nagkasama na rin sina Kylie at Jak sa primetime series na ‘Bolera’ (2022).
***
ENGAGED na ang Filipino designer and ‘Project Runway’ winner na si Veejay Floresca.
Sa isang Facebook post, nag-share si Veejay ng cute photos kasama ang foreigner fiancé and showing off her ring as she announced her engagement to her long-time partner.
“Thinking of a perfect caption, but i can’t think of anything. All I know is im ready to spend the rest of my life with you,” caption ni Veejay.
Si Veejay ang kauna-unahang Filipino designer na magwagi sa 21st season ng Project Runway.
***
NAG-FILE na ng official divorce papers ang Hollywood film and stand-up comedian na si Amy Schumer sa kanyang husband na si Chris Fischer.
Kinasal ang dalawa noonb Feb. 13, 2018 at meron silang isang anak. Naghiwalay ang couple noong Dec. 12, 2025.
Ayon sa Trainwreck star: “Chris and I have made the difficult decision to end our marriage after 7 years. We love each other very much and will continue to focus on raising our son. We would appreciate people respecting our privacy at this time.”
This year, naka-focus si Amy sa “self-care and self-love. And moving forward with no regrets.”
Kasal nila ni Jerald sa Marso, ililihim muna kung saan… Dream wedding gown ni KIM, gawa ng sikat na fashion designer na si MAK
SA mediacon ng upcoming movie ng Viva Films na ‘Wonderful Nightmare’, natanong si Kim Molina tungkol sa nalalapit na kasal nila Jerald Napoles sa Marso.
Kuwento ng actress/comedienne, “next month na po, sa March at hindi po sa Manila gagawin, pero dito pa rin sa bansa natin.”
Singit ni Jerald, “yun lang kaya ng budget namin.”
Pagbabahagi pa ni Kim sa magaganap na wedding…
“Nag-decide kami ni Je na,..kasi honestly, yun proposal niya, nagulat ako na mas nauna pang nalaman ng mga tao, bago ko siya mai-post.
” So, I think sa wedding na ito, sa amin na muna. Of course, isi-share din namin on that day of our wedding.”
Ayon pa kay Kim, ang kanyang dream wedding gown ay gagawin ni Mak Tumang, ang sikat fashion designer na lumikha ng mga gowns nina Catriona Gray at Athisa Manalo.
Samantala, ang pelikulang pinagbibidahan nina Kim at Herald ay adaptation ng 2015 Korean blockbuster hit na may same title. Mula sa direksyon ni RC Delos Reyes.
Kuwento ito ng isang career woman na mapupunta sa katauhan ng isang housewife matapos maaksidente.
Si Atty. Ma. Luisa Lui Manuel (Molina) ay kilala bilang matinik na abogado na may malalaking kaso. Hindi ito nagpapakita ng emosyon kaya naman walang puso ang tingin sa kanya, pero sa katunayan, umiiwas lang ito na masaktan.
Bata pa lang ay naulila na si Lui, at dahil sa sunud-sunod na masamang pangyayari, pinangako niya sa sarili na hindi maghihirap at hindi mangangailangan sa lalaki at pag-ibig.
Ang kalkuladong buhay ni Lui ay biglang matatapos nang mabangga ang kanyang sasakyan. Magigising siya sa langit pero muling pababalikin sa lupa dahil hindi pa ito ang tamang oras ng kanyang kamatayan. Kailangan niyang mabuhay sa katawan ng isang babae sa loob ng isang buwan.
Sa muling paggising ni Lui, isa na siyang asawa ng isang simpleng empleyado na si Julian (Napoles) at ina ng isang teenager na babae na si Jaja (Althea Ruedas) at ng anim na taong gulang na si Justin (Archilles Wenceslao). Nakatira sila sa munting apartment.
Hindi makapaniwala si Lui na kailangan niyang alagaan ang kanyang temporaryong pamilya gamit ang maliit na sweldo ni Julian.
Sa paglipas ng mga araw, unti-unting matututo na tanggapin ni Lui ang buhay niya bilang isang ina at asawa. Natutuwa naman si Lui sa pagiging mapagmahal na asawa at ama ni Julian kahit may pagka-corny ito. Ang bunsong anak na si Justin ay mabait at sweet rin, pero si Jaja ay may pagka-rebelde.
Sa bagong buhay na ito, magkakaroon rin si Lui ng mga bagong kaibigan: ang raketerang si Olga (Yumi Lacsamana), ang nagbebenta ng leche flan na si Sansan (Quinn Carillo), at ang pinaka-logical sa kanilang lahat na si Daisy (Divine Aucina).
Sa takbo ng kwento, alamin kung kailan at paano maiiba ang pananaw ni Lui sa kanyang bagong buhay. Kung noon ay hindi niya pinangarap na magkaroon ng pamilya at makaranas ng pagmamahal at kaligayahan, ngayon ay isang bangungot na ang iwan ang pamilyang ito.
Pero isang buwan lang ang dapat niyang itagal at hindi maiiwasang magigising siya sa pinaka-magandang bagay na kanyang naranasan.
Kasama rin sa movie sina Al Tantay bilang hepe ng Heavens intermediary, Candy Pangilinan bilang reklamador at masungit na kapitbahay ni Lui, Krissha Viaje bilang kapwa abogado ni Lui, Jaycee Parker bilang nanay ni Lui, at marami pang iba.
Ipalalabas sa mga sinehan ang ‘Wonderful Nightmare’ sa February 25, 2026.
Why “NOBODY” Is a Fun, Feel-Good Animated Film That Captures You With Its Tale
image.jpeg
Photo credit: Encore Films Philippines
NOBODY expects much from a pig, a toad, a weasel, and a gorilla, but that’s exactly what makes NOBODY such a delightful, fun animated 2D film this 2026. Witness it on the big screen starting February 4.
NOBODY is about the adventure of these four nameless little demons who leave their ordinary lives on Mount Langlang, setting them on a rollercoaster ride journey where they experience danger, discovery, and unexpected growth of themselves.
Watch the trailer: https://www.youtube.com/watch?v=nqTJKSBOzAA
Here’s why NOBODY captures audiences with its tale:
Four Loveable Underdogs
The pig, toad, weasel, and gorilla are individually unique yet loveable characters, despite being underdogs. Their distinct personalities, flaws, and quirks bring comedic antics that drive them toward their goals. Although they are neither legendary nor powerful, they are clever, resilient, and their determination makes them both relatable and endearing. Along their journey, these unlikely “heroes” show that being a nobody doesn’t mean you can’t make a difference because sometimes, you are THAT difference.
image.jpeg
Photo credit: Encore Films Philippines
Animation and Hand-Drawn Style
NOBODY’s 2D animation style, with its lush hand-drawn visuals and watercolor stroke aesthetics, has caught the attention of early critics and viewers of the film, as it blends traditional techniques while presenting the feel of classic Chinese landscape painting, perfect for its waggish and mystical setting. NOBODY pays homage to its cultural roots while giving a playful twist to tales like Journey to the West.
image.jpeg
Photo credit: Encore Films Philippines
The Heart and Soul
The pig, the toad, the weasel, and the gorilla may seem flawed and often underestimated, yet their dynamic turns everyday mischief into shared purpose, trust, and heartfelt moments, making their journey chaotically entertaining, funny, and touching. What starts as an adventurous chase for recognition becomes a heartfelt exploration of bravery, learned through laughter, failure, and the unwavering companionship of these four.
NOBODY’s heart lies in the laughter that opens space for tenderness, and in how courage and friendship reshapes oneself, while the soul is the belief that bravery and kindness make anyone extraordinary, and that even “nobodies” have stories worth telling.
image.jpeg
Photo credit: Encore Films Philippines
Prepare yourself to laugh out loud, and get ready for a heartfelt journey that redefines what it means to be a “nobody.”
Get to know more about our four nameless little demons in NOBODY, and check out other updates only at Encore Films Philippines on Facebook and Instagram @encorefilmsph.
(ROHN ROMULO)