“THAT’s her choice.”
Ito ang reaksyon ni Pangulong Ferdinand Marcos Jr. sa kamakailan lamang na anunsyo ni Vice President Sara Duterte na tatakbo siya sa pagka-Pangulo sa 2028 elections.
Ang pahayag na ito ng Pangulo ay matapos niyang pangunahan ang pag-inspeskyon sa implementasyon ng “Oplan Kontra Baha” project sa Sagop Creek sa Barangay Triangul, kasama si Naga City Mayor Leni Robredo.
Tumanggi naman si Pangulong Marcos na mag-komento sa posibilidad na ang kanyang kapatid na si Sen. Imee Marcos, ang maging running mate ni VP Sara.
Samantala, nauna nang inanunsyo ni VP Sara, araw ng Miyerkules na tatakbo siyang presidente sa 2028 national elections.
“Ako si Sara Duterte tatakbo bilang pangulo ng Pilipinas,” sabi ni Duterte sa isang punong balitaan. ( Daris Jose)
- March 24, 2026
Ang Diyaryong Pinagkakatiwalaan
Archive for February, 2026
PBBM sa presidential bid ni VP Sara: ‘That’s her choice
Minamadaling pagpapasa ng anti-dynasty bills, ‘magandang senyales’- Malakanyang
PARA sa Malakanyang, magandang senyales ang ginagawang pagsisikap ng dalawang Kapulungan ng Kongreso na kaagad na maipasa ang matagal nang hinihintay na anti-dynasty bill.
“Maganda pong senyales iyan kung kanila po itong minamadali dahil iyan din po ang nais ng Pangulo,” ayon kay Presidential Communications Office (PCO) Undersecretary at Palace Press Officer Claire Castro.
“So, hintayin po natin kung gaano po magiging kabilis ang pagtatrabaho po ng ating Kongreso at para maisumite nila ang binalangkas na bill para sa Pangulo at para maaral po ito,” dagdag na wika nito.
Nauna rito, nagpahayag ang liderato ng Kongreso na ipapasa nito ang Anti-Political Dynasty measure sa 20th Congress.
Ito’y matapos na magsagawa ang Kongreso ng Mindanao leg ng kanilang pagdinig at public consultations, araw ng Biyernes, Pebrero 20 habang ang Senado ay nagsagawa ng consultative meetings ukol sa anti-political dynasty bills matapos amgdaos ng kanilang pang-lima at panghuli sa Mindanao, araw ng Huwebes.
At nang tanungin naman si Castro kung babanggitin ng Pangulo ang usapin hinggil sa anti-dynasty sa State of the Nation Address ng Chief Executive sa Hulyo, ang tugon ni Castro ay “Hindi natin masasabi sa ngayon, mahirap mangako.” (Daris Jose)
Task Force Kasanag, muling nanawagan nang mahigpit na pananagutan sa mga proyekto ng DPWH
INILAHAD ng Task Force Kasanag (TFK) sa pamumuno ni Dr. John Chiong DHum, ang pinakahuling update hinggil sa mga reklamong inihain nito kaugnay ng mga umano’y iregularidad sa ilang flood control at iba pang proyektong pang-imprastraktura ng Department of Public Works and Highways (DPWH).
Sa pagharap sa media sa ginanap na press conference, inilatag ng organisasyon ang estado ng mga kasong sinimulan nito noong 2022 at muling nanawagan nang mahigpit na pananagutan sa paggamit ng pondo para sa pampublikong imprastraktura. Iginiit nito na ang bawat proyekto ay dapat sumailalim sa ganap na transparency, wastong oversight, at masusing pagsusuri.
Binigyang-diin ng Task Force Kasanag ang patuloy nitong pakikipag-ugnayan sa DPWH at sa mga kaukulang ahensya sa pamamagitan ng pormal na pagsusumite ng dokumento at ebidensya upang matiyak ang masusi, patas, at naaayon sa batas na pagsusuri sa mga reklamong may kaugnayan sa flood control at iba pang proyekto.
Ipinaliwanag ni Dr. Chiong na pormal nang naghain ang kanilang grupo ng Ethics Complaint laban kay House Committee on Public Works Chairperson at Surigao del Sur 1st District Representative Romeo Salazar Momo Sr., kasama ang iba pang mga indibidwal at kumpanya na saklaw ng kanilang mga reklamo.
Kabilang dito ang ilang kumpanyang ginawaran umano ng kontrata para sa multi-bilyong pisong flood control at iba pang proyektong pang-imprastraktura ng DPWH sa kani-kanilang rehiyon, gaya ng: GCI Construction and Development Corp. (Bicol), Equi-Parco Construction Company (Region XIII / X), Montesclaros Enterprises, Inc. (Region X), EUS Construction (Region V), Brentmin Roofing Enterprise (Region V), Centerways Construction and Development, Inc. (Region V), at EGB Construction Corporation (Northern Luzon).
Nilinaw ng organisasyon na ang mga nabanggit ay batay sa dokumentadong kontrata at sa mga pormal na reklamong isinumite sa mga kinauukulang ahensya para sa pagsusuri. Ang lahat ng indibidwal at kumpanya ay itinuturing na inosente hangga’t hindi napapatunayang nagkasala alinsunod sa due process ng batas.
Muling binigyang-diin ng Task Force Kasanag ang mga reklamong inihain nito noong 2022 laban kina Zaldy Co, Eric Yap, Edwin Gardiola, dating DPWH Secretary Manuel Bonoan at Mga Regional Director ng DPWH.
Tinukoy din ng organisasyon ang mga kasong Plunder at Graft laban sa dating DPWH Undersecretary na si Romeo Momo, na kasalukuyang sumasailalim sa naaayon na legal na proseso.
Ayon kay Dr. Chiong, kabilang ang Task Force Kasanag sa mga unang grupo na nagbigay-diin sa mga isyung may kinalaman sa flood control projects noong 2022. Aniya, magpapatuloy ang organisasyon sa pakikipagtulungan sa mga awtoridad at sa pagsusulong ng mga repormang magtitiyak ng integridad at mahigpit na pananagutan sa paggamit ng pondo ng publiko.
Muling pinagtibay ng Task Force Kasanag ang pangako nitong bantayan ang mga proyektong pang-imprastraktura at suportahan ang mga hakbang na magpapalakas sa transparency at accountability sa pamahalaan.
(Richard Mesa)
Nakaharap si Mayor Leni Robredo… PBBM ininspeksyon ang mga ginagawang pagsasaayos sa Oplan kontra baha sa Naga City
ININSPEKSYON ni Pangulong Ferdinand R. Marcos Jr., Sabado ang patuloy na operasyon ng Oplan Kontra Baha (OKB) sa Naga City, bilang patunay ng matibay na paninindigan ng administrasyon na tugunan ang matagal nang problema sa pagbaha sa bansa.
Pagdating sa Naga City, unang binisita ng Pangulo ang Jesse M. Robredo Coliseum bago nagtungo sa Sagop Creek sa Barangay Triangulo upang personal na inspeksyunin ang mga isinasagawang dredging, paglilinis ng basura, at clearing operations sa lugar.
Kasama ni Pangulong Marcos sa inspeksyon si Naga City Mayor Maria Leonor Robredo, Kalihim Vince Dizon ng Department of Public Works and Highways at mga opisyal ng local government.
Sinabi ng Pangulo na bahagi ang mga dredging at cleanup activities ng patuloy na pagsisikap ng pamahalaan na resolbahin ang paulit-ulit na pagbaha sa mga lugar sa paligid ng Bicol River Basin.
Binanggit din ng Pangulo ang matinding siltation o naipong putik na lubhang nagpababaw sa ilog at nagpapababa sa kapasidad nitong magdala ng tubig, dahilan ng madalas na pagbaha sa lugar.
Ayon kay Pangulong Marcos, base sa sinabi ni Mayor Robredo, may mga lugar na dati ay hindi binabaha ngunit ngayon ay naaapektuhan na, dulot ng mga pagbabagong pangkapaligiran at mas pinalalang epekto ng climate change.
Binigyang-diin ng Pangulo na determinado ang pamahalaan na tugunan ang problema sa pagbaha sa lungsod, bagama’t inamin niyang mangangailangan ito ng komprehensibo at pangmatagalang solusyon.
Matapos ang Sagop Creek, nagtungo rin ang Pangulo sa Sitio Magaya-gaya Creek sa Barangay Concepcion Pequeña upang inspeksyunin ang isinasagawang dredging at clearing operations sa lugar.
Nagsimula ang OKB operations sa Naga City noong Pebrero 18, 2026 at inaasahang matatapos sa Hulyo 31, 2026. Saklaw ng proyekto ang 29 na ilog at sapa at dalawang lawa, na may kabuuang dami ng tubig na 26,621,370.51 cubic meters.
Kasama rin sa proyekto ang paglilinis at clearing ng drainage system ng lungsod na may habang 250.51 kilometro, kung saan tinatayang 75,152.19 cubic meters ng sediment ang aalisin.
Upang suportahan ang mga operasyong ito, nag-deploy ang DPWH at ang lokal na pamahalaan ng 27 dredging units, 30 dump trucks, at 1,525 personnel na may kumpletong protective gear.
Ang Oplan Kontra Baha ay isang patuloy na inisyatiba ng administrasyong Marcos upang mabawasan ang pagbaha at maprotektahan ang mga komunidad sa buong bansa sa pamamagitan ng mas maayos na pamamahala ng mga daluyan ng tubig at drainage systems.
Kasalukuyan ding isinasagawa ang mga operasyon nito sa Metro Manila, Cebu, at Bacolod. (Daris Jose)
LUMANG JUAN LUNA BUILDING, MULING NAGNINGNING SA MAYNILA
PINANGUNAHAN ni Manila City Mayor Francisco “Isko” Moreno Domagoso ang seremonyal na pagpapailaw sa naibalik na harapan ng makasaysayang Juan Luna Building sa Binondo, bilang bahagi ng panibagong pagtutulak na pangalagaan at itampok ang pamanang arkitektura ng Maynila.Dating kilala bilang First National City Bank of New York Building at kalaunan bilang Ayala Building, ang estruktura ay itinayo noong 1922 at nananatiling isa sa mga natitirang komersiyal na gusali mula sa panahon ng mga Amerikano sa dating sentrong pangnegosyo ng kabisera.“Mula sa dilim, muling nagniningning ang Juan Luna Building, ang dating First National City Bank of New York Building o Ayala Building, sa Binondo!” pahayag ni Domagoso sa ginanap na seremonya.Itinayo noong 1922, ang limang-palapag na gusali ay patuloy na nakatayo bilang mahalagang bahagi ng makasaysayang tanawin ng arkitektura ng Maynila.“Sa tulong ng ating mga private partners na patuloy na nagtitiwala sa Pamahalaang Lungsod ng Maynila, sisikapin nating buhayin, pangalagaan, at pagandahin ang mga makasaysayang pook at pasyalan sa Kapitolyo ng bansa,” aniya.Isinagawa ang rehabilitasyon sa pamamagitan ng pagtutulungan ng mga pribadong katuwang at ng Pamahalaang Lungsod ng Maynila.Hinimok din ni Domagoso ang mga may-ari ng iba pang heritage properties sa distrito na makipag-ugnayan sa pamahalaang lungsod para sa kahalintulad na mga proyekto sa pagpapailaw.“We are encouraging owners of heritage buildings sa Binondo—kabilang ang El Hogar Building at iba pang makasaysayang gusali. Bukas po ang inyong Pamahalaang Lungsod na makipagtulungan sa inyo upang mapailawan din natin at maipakita ang ganda ng inyong mga istruktura sa gabi!” dagdag niya.Matatagpuan ang Juan Luna Building sa kanto ng Juan Luna Street at Muelle de la Industria, sa loob ng dating pangunahing distritong pinansiyal at komersiyal ng Maynila noong panahon ng kolonyalismong Amerikano.Ang pagtatayo nito noong 1922 ay kasabay ng mabilis na paglawak ng mga dayuhang bangko at kompanyang pangkalakalan sa Pilipinas.Dinisenyo sa estilong Beaux-Arts at Neoclassical ng mga Amerikanong arkitekto na Murphy, McGill at Hamlin, tampok sa gusali ang mga klasikong haligi, arched openings, at rusticated na ground floor—mga elementong karaniwang ginagamit ng mga internasyonal na bangko noong unang bahagi ng ika-20 siglo upang magpahiwatig ng katatagan at pagiging permanente.Orihinal itong natapos bilang Pacific Commercial Company Building at pinasinayaan noong Nobyembre 13, 1922. Kalaunan ay naging tanggapan ito ng First National City Bank of New York noong dekada 1930 at 1940, na lalong nagpatibay sa Binondo at kalapit na Escolta bilang sentrong pinansiyal ng bansa sa panahong iyon.Mula 1940 hanggang 1959, nabili ang ari-arian ni Enrique Zobel at nakilala bilang Ayala Building, patunay ng patuloy nitong paggamit bilang mahalagang komersiyal na address sa Maynila matapos ang digmaan.Sa paglipas ng mga dekada, sumailalim ang gusali sa iba’t ibang pagbabago ng pagmamay-ari at gamit, kabilang ang malaking renovasyon noong 2007 at mga sumunod na plano para sa adaptive reuse. Nasira rin ang ilang bahagi nito noong Mayo 2018 nang kumalat dito ang sunog mula sa katabing gusali at naapektuhan ang ilang bahagi ng itaas na palapag.Sa kasalukuyan, ang naibalik na harapan ng gusali ay nagsisilbing paalala ng pag-angat ng komersiyo ng Maynila noong unang bahagi ng ika-20 siglo at ng matibay na pamana ng arkitektura mula sa panahong Amerikano—isang panahong ang Escolta at Binondo ang sentro ng pagbabangko, kalakalan, at aktibidad pangkorporasyon sa bansa.(Gene Adsuara)
US figure skater Alysa Liu nagwagi ng gintong medalya
NAGWAGI ng gintong medalya sa figure skating si American superstar Alysa Liu sa Winter Olympics
Sa unang bahagi ng event ay nasa pangatlong puwesto ito matapos magkamit ng mga errors.
Subalit nakabawi ito sa performance of the ages sa free skate.
Nakasuot ng gold dress at isinagawa ang pagtatanghal sa kanta ni Donna Summer.
Mayroon kabuuang puntos itong nakamit na 226.79 na tinalo ang pambato ng Japan na si Kaori Sakamoto .
Ang 20-anyos na si Liu ay naging unang American Olympic champion sa women’s figure skating mula noong si Sarah Huhes sa taong 2002 at unang USA medalist mula noong nakuha ni Sasha Cohen sa taong 2006.
Yahoo Mail: Search, Organize, Conquer
Alex Eala bigong makapasok sa semis ng Dubai Open
HINDI umubra si Pinay tennis star Alex Eala kay world number 4 Coco Gauff sa quarterfinals ng Dubai Open Championships.
Nakuha ng American tennis star ang panalo sa score na 6-0, 6-2 para tuluyang tapusin ang kampanya ni Eala sa nasabing torneo.
Sa simula pa lamang ng laro ay dominado ng American tennis star ang laro kung saan tinapos nito ang unang set ng wala pang 30 minuto.
Ang Dubai Tennis Championships ay siyang pang-anim na torneo ni Eala ngayong taon.
Pagkatapos naman ng Dubai tennis ay magtutuno na si Eala sa US para sa pagsali nito sa Wells Open o BNP Paribas Open sa California na magsisimula mula Marso 4 hanggang 15.
Muli din ito ng maglalaro sa MiamiOpen na magsisimula naman sa Marso 17 hanggang 29.
Agarang pagtuloy ng Quad Committee Investigation, panawagan ng Makabayan Bloc sa Kamara
NANAWAGAN ang Makabayan bloc ng mga mambabatas sa Kamara sa agarang pagtuloy ng Quad Committee investigation at pagdinig ng House Committee on Good Government and Public Accountability kaugnay sa sinumpaang salaysay ni Ramil Madriaga na nagdidiin kay Bise Presidente Sara Duterte sa paglustay ng mga confidential funds, illegal POGO operators at mga sindikato ng droga sa bansa.
Ayon kina ACT Teachers party list Rep. Antonio Tinio, Gabriela Women’s Party list Rep. Sarah Jane Elago at Kabataan Party-list Rep. Atty. Renee Louise Co, dapat idagdag sa isasagawang pagdinig ang mga kaso ng extrajudicial killings ng mga aktibista at human right defenders, kasabay ng isinisagawang pagdinig sa kaso ni dating pangulo Rodrigo Duterte sa International Criminal Court sa The Hague, Netherlands.
Idinetalye ni Madriaga, ang sinasabing bagman ni VP Sara, ang Oplan Double Barrel operations, ang delivery ng confidential funds at ang papel nila Col. Raymund Dante Lachica at Col. Dennis Nolasco sa security at operations ng Bise Presidente, ang POGO funding ng Sara Duterte campaign at ang importasyon ng magnetic lifters para ipuslit ang mga droga mula sa Bureau of Customs.
Sinabi rin ni Madriaga kung papaano siya nagdi-deliver ng sako-sakong pera na galing sa confidential funds na umaabot sa P80 million. Aniya, pinondohan ng POGO operators and drug dealers ang kampanya ni Duterte noong 2022.
“How can she account for claims that her campaign was funded by the very POGO operators and drug dealers her father’s administration claimed to be fighting? If Madriaga’s statements are true, this represents a betrayal of public trust of historic proportions. Beyond the Madriaga revelations, the resumption of Quad Committee hearings presents an urgent opportunity to investigate cases of political extrajudicial killings of activists, human rights defenders, journalists, lawyers, and community organizers who have been systematically targeted and murdered under the Duterte administration and continuing under the current government,” pahayag ng Makabayan bloc.
“The Quad Committee hearings must investigate the role of state security forces, intelligence agencies, and paramilitary groups in these killings. Witnesses like Madriaga, who worked within security apparatuses close to the Duterte family, may have knowledge not only of corruption schemes but also of operations targeting activists and dissenters,” dagdag ng grupo.
(Vina de Guzman)
Kelot na wanted sa Acts of Lasciviousness sa Bulacan, nabitag sa Malabon
LAGLAG sa selda ang isang lalaki na wanted sa kaso ng pangmomolestiya sa lalawigan ng Bulacan nang matunton ng pulisya sa kanyang pinagtataguan sa Malabon City, kamakalawa ng hapon.
Ayon kay Northern Police District (NPD) Acting Director P/BGen. Christopher Dela Cruz, ang akusado ay isang 34-anyos na freelance technician at kabilang sa talaan ng mga Most Wanted Person (MWP) ng Bulacan.
Nang makatanggap ng impormasyon District Special Operations Unit (DSOU) ng NPD na nagtatago umano sa Malabon ang akusado, kaagad nilang ikinasa ang manhunt operation laban sa kanya.
Dakong alas-4:40 ng hapon nang tuluyang makorner ng mga operatiba ng NPD-DSOU ang akusado sa Barangay Potrero, ng Lungsod.
Hindi naman umano pumalag ang akusado nang isilbi ng pulisya ang arrest warrant laban sa kanya na inilabas ng Regional Trial Court, Third Judicial Region, Branch 5, San Jose Del Monte, Bulacan, noong February 4, 2026, para sa kasong Acts of Lasciviousness in relation to Section 5 ng R.A 7610 na may inirekomendang piyansa na P180,000.
Ipiniit pansamantala ang akusado sa NPD Custodial Facility Unit (CFU) habang hinihintay ang pagpapalabas ng commitment order mula sa korte para sa paglilipat sa kanya sa Provincial Jail ng Bulacan.
Ayon kay Gen. Dela Cruz, tinitiyak ng NPD sa publiko ang walang patid na pagsisikap nitong mahanap at arestuhin ang mga wanted person at itaguyod ang hustisya sa pakikipag-ugnayan sa mga korte at komunidad. (Richard Mesa)