SINABI ni Pangulong Ferdinand Marcos Jr. na ang konstruksyon ng Metro Manila Subway Project ay mas mabilis ngayon kaysa sa orihinal na timetable.
“I’m happy to report that the progress is proceeding. And the work is proceeding and we are very much on schedule. In fact, from the original timetable, we have accelerated the process and we are moving even more quickly than that,” ang sinabi ng Pangulo sa kanyang talumpati.
Ang pahayag na ito ng Pangulo ay matapos na personal niyang inspeksyunin ang konstruksyon ng Shaw Boulevard Station sa Pasig City at pangunahan ang groundbreaking ng Kalayaan Avenue Station at BGC Station sa Taguig City, Biyernes ng umaga.
Nauna rito, sinabi ng Department of Transportation (DOTr) na target nito na isagawa ang demo run ng Metro Manila Subway sa unang quarter ng 2028, bilang bahagi ng paghahanda sa operasyon ng kauna-unahang underground railway system ng bansa.
Ayon kay DOTr Acting Secretary Giovanni Lopez, saklaw ng demo run ang unang yugto ng proyekto mula East Valenzuela hanggang Quirino Avenue sa Quezon City.

Nilinaw ng DOTr na iba pa ang demo run sa testing at commissioning, at layon nitong masuri ang aktuwal na operasyon ng mga bagon sa riles bago tuluyang buksan sa publiko.
Sinimulan ang Metro Manila Subway Project (MMSP) noong 2019 at bubuo ito ng 33-kilometrong linya na may 17 istasyon, mula Valenzuela City hanggang Pasay City, na may spur line patungong NAIA Terminal 3.
Tinatayang matatapos ang buong subway system sa huling bahagi ng 2031 o 2032, depende sa budget at right-of-way acquisition.
Mahigit 90% ng right-of-way ang nakuha na ng ahensiya at inaasahang maaayos ang natitirang isyu sa ikalawang quarter ng 2026.
Kapag ganap na operational, inaasahang makikinabang ang 300,000 hanggang 400,000 pasahero kada araw, at makokonekta ang subway sa LRT-1, MRT-3, MRT-7, LRT-2, at North-South Commuter Railway.
Samantala, sinabi ni Pangulong Marcos na mahigit sa P49 bilyon ang inilabas ngayong taon para sa railway sector sa ilalim ng DOTr, kabilang na ang ‘station upgrades at accessibility improvements.’
“Once fully operational, the project is expected to serve approximately 500,000 passengers daily and will have an end-to-end travel time of about 46 minutes,” ayon kay Presidential Communications Office (PCO).
(Daris Jose)

BILANG bahagi ng pagdiriwang ng lungsod sa ika-28 Charter Day nito, pinasinayaan ng Pamahalaang Lungsod ng Valenzuela sa pangunguna ni Mayor WES Gatchalian, ang Phase 1 hanggang 3 ng Disiplina Village Arkong Bato sa M. H Del Pilar Street, Barangay Arkong Bato na minarkahan ang isa pang milestone sa in-city housing program ng lungsod.

Ang Disiplina Village Arkong Bato ay nagtatampok ng apat na palapag na residential building na may kabuuang 336 na housing units. Sa panahon ng seremonya ay pormal na ipinamahagi sa mga kuwalipikadong benepisyaryo ang Certificates of Award bilang mga bagong may-ari ng bahay sa ilalim ng pangunahing inisyatiba ng pabahay ng lungsod.

Naisakatupatan ang Disiplina Village Arkong Bato sa suporta ng National Housing Authority (NHA) at ng Department of Human Settlements and Urban Development (DHSUD), na ika-apat na in-city housing relocation project ng lungsod, kasunod ng Disiplina Village Ugong, Bignay, at Lingunan.

Pangunahing inilaan ang proyekto sa mga pamilyang biktima ng sunog at Informal Settler Families (ISFs) na dating nanirahan sa mga mapanganib na lugar, kabilang sa tabig ilog at sa ilalim ng transmission line.

Sa kanyang mensahe, sinabi ni Mayor WES “Gusto nating makilala ang Valenzuela hindi lamang lugar kung saan nakikita ang mga naglalakihang mga pabrika, kundi makilala bilang isang liveable city. Ngayon ay matutunghayan natin ang isang panibagong kasaysayan sa pag inaugurate natin ng Disiplina Village Arkong Bato. Gusto natin maging isang lugar na hindi lamang trabaho ang meron, may pabahay, edukasyon, malakas na sistema ng gobyerno, healthcare, at peace and order para tayo ay matawag na ganap na liveable city.”

Binigyang-diin nito ang patuloy na misyon ng pamahalaang lungsod na magbigay ng disente, abot-kaya, at ligtas na pabahay para sa mga Valenzuelano.

Dumalo rin sa kaganapan sina DHSUD Secretary Jose Aliling, NHA General Manager Joeben Tai, Vice Mayor Marlon Alejandrino, City Council, at Barangay Arkong Bato Punong Barangay Alvin Feliciano Jr.
(Richard Mesa)

NAGSAGAWA ng wreath laying ceremony at pag-aalay ng bulaklak sa bantayog ng mga heroes roles sa ika-125 na anibersaryo ng pagkakatatag ng Manila Police District (MPD) bilang pagpupugay sa mga namayapang pulis sa pagtupad sa kanilang tungkulin ngayong Pebrero 13.
Dinaluhan ito ni Manila Mayor Isko Moreno-Domagoso kasama si Manila Vice Mayor Chi Atienza, mga opisyal ng Pamahalaang Lungsod ng Maynila, ilang mataas na opisyal ng PNP ; DILG Undersecretary for Peace and Order Nestor B . Sanares bilang kinatawan ni DILG Secretary Jonvic Remulla bilang gusto honoraria and speaker na hindi nakasipot sa mahalagang okasyon at ang Chinese community organization .
Kasabay ng wreath laying ceremony, pinasinayaan din ang “Museum of the Manila’s Finest” kung saan tampok ang mga artifacts na ginamit ng mga kapulisan simula ng maitatag ito kung saan may temang “MPD@125: Pinatay ng Kasaysayan, Naglilingkod nang Mabilis ,Tapat at Nararamdaman : Tungo sa Matatag na Bagong Pilipinas”.
Nagbigay din ng 21 gun salute bilang pagbibigay respeto sa mga kapulisan ng Maynila na tinaguriang mga bayani.
Sa nasabing pagdiriwang pinuri ni Mayor Isko ang MPD sa maayos na pagpapatupad ng peace and order situation at sa walang humpay nilang pagpapatrolya sa lungsod.
Ikinatuwa at pinasalamatan ng alkalde ang pamumuno ni MPD Director PBrig.General Arnold Abad dahil sa huling kuwarter ng 2025 , ang crime rate o crime incident sa Maynila ay -13 percent.
Kung sa kabuuang taon ng 2025 bumaba ng 10.83 percent ang focus crime kumpara sa 2024 na datos, ayon sa MPD.
Tiniyak ng alkalde sa DILG na ang polisiya ng lokal na pamahalaan kaugnay sa peace and order situation sa ilalim ng pamumuno ni Interior Secretary Jonvic Remulla.
(Gene Adsuara)

PARA sa Malakanyang, kailangan nang itigil ni Vice-President Sara Duterte ang drama at sa halip ay gumawa ng aksyon na magpapatunay na ganap na ginagampanan nito ang kanyang mandato.
Pinalagan ni Presidential Communications Office (PCO) Undersecretary at Palace Press Officer Claire Castro sa press briefing sa Malakanyang ang sinasabing pag-aalala ni VP Sara sa kasalukuyang kalagayan ng bansa at hayagang sinabi na nakagawa ng impeachable offense si Pangulong Ferdinand Marcos Jr.
“Unang-una, masasabi natin ang Bise President ay bulag, hindi niya nakikita kung ano ang ginagawa ng Pangulo,” ayon kay Castro.
Ani Castro, hindi na nakagugulat ang pambabatikos ni VP Sara laban kay Pangulong Marcos at sa administrasyon nito dahil ang kanyang ginagawa at aksyon ay sumasalamin sa tunay na pag-uugali ng isang Duterte.
Malinaw na ipinapakita na ngayon ng isang Duterte ang katangian ng isang “emotional vulture pretending to be concerned about the state of the country.”
“Nananatili siyang bulag dahil malamang ay hindi niya pinanonood or ayaw niyang panoorin kung ano ang nagaganap na katotohanan sa mga ginagawa ng Pangulo at ng administrasyon ngayon,” anito.
“In fact, she admitted that she doesn’t want to help the President in his projects for the country. Drama pero walang gawa,” dagdag pahayag ni Castro.
Samantala, pinayuhan naman ni Castro si VP Sara na iprayoridad ang sarili niyang impeachment cases bago pa batikusin ang kasalukuyang administrasyon. (Daris Jose)

GINAWARAN ni Caloocan City Mayor Dale Gonzalo “Along” Malapitan ng cash incentives na nagkakahalaga ng P1 milyon ang 2025 bar passers mula sa University of Caloocan City (UCC) sa kanilang Testimonial Ceremony na ginanap sa Bulwagang Katipunan, ng Lungsod.

Pinuri ni Mayor Along at 1st District Congressman Oscar ‘Oca’ Malapitan ang 16 bagong abogado na produkto ng UCC-College of Law (UCC-COL) at kinilala ang pagsisikap at dedikasyon na kanilang ibinuhos sa pagharang sa Bar Examinations at pagkamit ng kanilang titulo.

“Congratulations po, at maraming salamat sa karangalan na ibinigay ninyo sa ating lungsod. Kayong lahat ay patunay ng sipag, talino, at determinasyon ng Batang Kankaloo,” ani Mayor Along.

“Ngayong ganap na kayong mga attorney, nawa’y dalhin ninyo ang mga natutunan niyo sa UCC sa pakikipaglaban para sa karapatan ng ating mga mamamayan. Maglingkod nang buong husay, may integridad, at higit sa lahat, may malasakit sa inyong kapwa,” dagdag niya.

Kinilala rin ng local chief executive ang UCC-COL sa pagkakamit ng 72.73% passing rate sa 2025 Bar Examinations, na higit na mataas sa national average na 48.98 percent.

“Binabati rin po natin ang UCC-College of Law para sa patuloy na paggabay at paghuhubog sa ating mga mag-aaral upang maging mahuhusay na abogado. Ipagpatuloy niyo lang po ang paghahatid ng dekalidad na edukasyon sa ating mga mag-aaral,” pahayag niya. (Richard Mesa)