DIRETSAHANG sinagot ni Will Ashley ang isang basher na nagkomento tungkol sa height niya.
Nangyari ito habang ongoing ang gaming livestream ng Sparkle actor na sa tangkad na 5’7″ ay tila naliliitan pa sa binata ang naturang basher.
“Ginagawang pangkabuhayan yung pamba-bash. Wala na ba kayong ibang pam-bash kung hindi height ko,” pagpaprangkang sagot ni Will sa basher.
“Diyos ko, five years na akong tapos diyan. Wala na ibang mahanap?”
“Anong magagawa ko ito lang binigay ni Lord, e!”
Litanya pa ni Will, hindi man siya nabiyayaan na maging matangkad na matangkad, binigyan naman daw siya ni Lord ng maraming talento.
“At least binigyan ako ng talents, singing, dancing, acting, modeling din ako, gamer ako.
“Compare mo yun sa height ko. One equals five? Anong gagawin ng height ko sa talents ko,” pagtukoy ni Will sa “1=5” na height (1) at talents (5) niya.
Hindi na bago kay Will ang ganitong isyu dahil sa isang episode noon ng ‘PBB: Celebrity Collab Edition Season 1’ (kung saan itinanghal siyang 2nd Big Placer), naikuwento ni Will isa sa madalas na natatanggap niyang pamba-bash ay tungkol sa kanyang height.
“Nakakaapekto sa akin before ay mga comments na, ‘May itsura, magaling sana kaso kulang sa height.’”
Samantala, busy si Will ngayon bilang parte ng ng bagong collab project ng GMA Network at ABS-CBN, ang suspense-thriller na The Secrets of Hotel 88.
Kasama niya rito ang Big Winners ng PBB: Celebrity Collab Edition na sina Mika Salamanca, at Brent Manalo pati na rin ang mga dating housemates na sina Bianca de Vera, Dustin Yu, Ralph de Leon AZ Martinez, Josh Ford, River Joseph, Klarisse de Guzman, Esnyr Ranollo, Xyriel Manabat at Kira Balinger.

(ROMMEL L. GONZALES)

SINA Gelli de Belen at Pilar Pilapil ay kabilang sa main cast ng pelikulang “Mantsa.”

Isa itong kaabang-abang na psychological thriller movie.
Bago nagsimula ang shooting nito ay nakapanayam namin ang dalawang mahusay na aktres at ang award-winning direktor nito na si Direk Louie Ignacio. Nabanggit nila ang ilang bagay na may kaugnayan sa kanilang pelikula.

Sinabi ni Direk Louie na ibang klaseng challenge sa kanya ang pelikula dahil nandoon ang veteran actress na si Ms. Pilar.

Wika niya, “Nakaka-challenge ito for me.’ Kasi nag-e-expect siya ng good quality, kasi nandoon si Pilar Pilapil. At hindi gagawa si Pilar Pilapil ng isang ka-cheap-an na pelikula. Kaya, iyon ang challenge sa akin.”

Bilang reaksiyon, ito naman ang tinuran ni Ms. Pilar. “I trust him, I know he will be able to cope with the challenge.”

Aniya pa, “It’s a good role. It’s a role that is not very long but markado siya, with a lot of nuances, body language, expressions of the eyes.

“When I get a role, I really read the whole script, not just my role. I want to be in touch with the other characters.”

Ang ‘Mantsa’ ay hatid ng Dragon Talent Management nina Bambbi Fuentes at Tine Areola. Co-producer sa movie si Mr. Ric Valenzuela.

Ayon naman kay Gelli, nang i-pitch sa kanya ang project ay nagustuhan niya agad ito.

Aniya, “Nang ikinuwento kasi sa akin ni Bambbi yung istorya… okay, i-set aside natin na nandiyan sina Bambbi at Direk Louie, nang ikinuwento sa akin ang story – actually, I think hindi pa confirm noon si Tita Pilar, sinabi sa akin na ito iyon, medyo horror, whatever… so sabi ko, ‘Wow, sounds interesting.’ Kasi I think, the last time I did a horror movie was in the 90’s.

“So, sabi ko, ‘Uy parang bago, sige-sige gusto ko, gusto ko talaga.’ Lalo na noong ikinuwento sa akin kung ano ang magaganap. Eventually sinabi sa akin na okay na si Tita Pilar at si Direk Louie ito… Kasi I’ve never worked with Direk Louie puro kami “Sis” (dating talk show sa GMA-7), puro kami variety show, never talagang acting. So, exciting ito,” masayang sambit pa ni Gelli.

Nang usisain ang veteran actress kung sanay na ba siya na kapag gagawa ng film, yung mga baguhan ay medyo akala ay mataray siya?

Nakangiting tugon ni Ms. Pilar, “Sanay na ako dyan, because they don’t really know me. That’s why I’m reassuring them.”

Tampok din sa Mantsa sina Janice de Belen, Snooky Serna, Lloyd Samartino, Dino Guevarra, LA Santos, Shira Tweg, Bo Bautista, Khai Flores, Ghia Garcia, Mill Marzo, RJ Ariar, Rain Barreto, Miles Poblete, at iba pa.

(NONI NICASIO)

KAALIW ang Facebook post ng singer-actress at host na si KitKat na kung saan nagparetoke siya sa Montesa Aesthetics.
Nagpa-botox siya sa noo at in-avail ang collagen stimulation na nilagay sa magkabilang pisngi. At ayon sa kanya ay may instant effect dahil nawala agad ang eyebugs niya.
Siya rin ang bagong ambassador ng Montesa Medical Group sa Tomas Morato, QC kung saan isinabay na rin ang contract signing last Wednesday, Feb. 11.
Si Anna Marie Montesa ang may-ari nito na isa ring Mrs. Universe Philippines titleholder tulad ni Kitkat.
Sa video na kasama sa FB post sinabi niya na, “Magpaparetoke ako!
“Ayokong ma-expire kailangan lagi akong maganda kaya magpaparetoke ako, pasok bashers! Ha-hahaha!
“Ang ganda-ganda ko. Naku lalo pa akong gaganda kasi magpaparetoke ako dito sa Montessa Medical Group, ‘pag inggit-pikit.”

Dagdag pa ng mommy influencer and content creator, “Bashers, lalo akong gaganda kaya sa mga bashers diyan, stay pangit, beh!”
Mababasa sa kanyang Facebook post ang ginanap na contract signing.
“Another signed, sealed, and snatched moment for your girl at @montesamedicalgroup.
“Today I officially signed as the new ambassador of Montesa Medical Group and syempre hindi basta-basta — Dr. Anna Montesa herself ang gumawa sakin today!
“Buena mano pagka-sign ng contract, derecho agad sa treatment room. Ayoko ma
EXPIRE mga besh. Ha-hahaha!
“Contract signing? (check emoji).
“Botox? (check emoji).
“Collagen stimulation? (check emoji).
“Freshness locked in? DOUBLE (check emojis).
“Sabi ko nga, habang may bashers na gigil na gigil kakahanap ng panget angle ko…
eh di lalo tayong magpaganda para mas manggigil sila.
“Public service na din ‘to —para may pag-usapan sila. HAHAHA!”
Kaya super happy and thankful si KitKat kay Dra. Anna.
Say pa niya, “pag may kontrata, dapat may kasamang maintenance. Hindi pwedeng ambassador na haggard!”

***

Mr. Malaysia at Ms. Canada, wagi sa ‘Mr. and Ms. Chinatown Global’

SA second edition ng ‘Mr. and Ms. Chinatown Global’ kinoronahan ang pambato ng Malaysia na si Ang Wei Yang at Tyra Rosnuk ng Canada sa ginanap na Winners’ Night sa Smart Araneta Coliseum noong Feb. 10.
Twenty-three candidates na mula sa 15 countries ang naglaban-laban sa para sa titulo at karangalan bilang ‘Mr. and Ms. Chinatown Global.’
Nagsilbing host sa coronation night sina Janeena Chan, Mr. and Ms. Chinatown Global Pageant Director Nicole Cordoves, Kevin Tai at Marc Nelson.
Ang tinanghal namang first runner up ay sina Olivier Liu Xu (Switzerland) at Khaohom Seearamroongruang (Thailand). Sina Yi Fang Gao (Canada) at Belle Nanphasorn (Malaysia) and 2nd runner-up sa prestigious international pageant.
Marami naman ang nadismaya na hindi man lang nakapasok sa Top 12 ang panlaban ng Pilipinas, na kung saan nakakuha sila ng special awards.
Narito ang listahan ng special awards: Ang Wei Yang (Malaysia) and Rochelle Kirsten Canlas (USA), who were awarded Mr. & Ms. Friendship; Faces of Chinatown – Adrien Yaw Kan Tong, and Estellina Ah-hon, both representing Mauritius; Best in Formal Wear – Olivier Liu Xu (Switzerland) and Monica Geronimo (Philippines); Best Resort Wear – Olivier Liu Xu (Switzerland) and Monica Geronimo (Philippines).
Ipinagkaloob din sa mga candidates ang sponsor awards: Ms. Hotel101 – Ang Wei Yang (Malaysia) and Christina Cai (Singapore); Mr. & Ms. King Chef – Yi Fang Gao (Canada) and Christina Cai (Singapore); Mr. and Ms.Gibi Shoes – Ang Wei Yang (Malaysia) and Monica Geronimo (Philippines); Mr. & Ms. Youthful Confidence by Hana PH – Olivier Liu Xu (Switzerland) and Monica Geronimo (Philippines); and Mr. and Ms. Novodental – Aldrich Chen Perez (Philippines) and Khaohom Seearamroongruang (Thailand).
Congrats to Malaysia and Canada!