2026 February 12 Archive - People's Balita

Archive for February 12th, 2026

MGA KANDIDATO, NAGHAIN NG KANDIDATURA SA 2ND DISTRICT NG ANTIPOLO

Posted on: February 12th, 2026 by @peoplesbalita No Comments

PITO ang opisyal na kandidato kasama ang isang ordinaryong mamamayan ang naghain ng kandidatura para sa ikalawang distrito ng Antipolo para sa special elections matapos ang filing ng Certificate of Candidacy para punan ang nabakanteng pwesto ni dating Rep Romeo Acop.

Ayon kay Comelec chairman George Garcia, maituturing na maganda ang kinalabasan ng filing of candidacy dahil nagpapakita ito ng pagiging masigla at buhay ng demokrasya sa ikalawang distrito ng Antipolo.

Sa pagtatapos ng en banc session ng Comelec at matapos isumite at aprubahan ang opisyal na listahan ay asahan ilalabas na ang final list ng mga kandidato.

Sa kasalukuyan, wala pa umanong natatanggap na petisyon ang Comelec para i-disqualify o kanselahin ang kandidatura ng alinman sa pitong aspirante.

Nilinaw rin ng Comelec na ang gaganaping halalan ay manual election, kung saan hindi naka-print ang mga pangalan ng kandidato sa balota at isusulat mismo ng mga botante ang pangalan ng kanilang napiling kandidato . (Gene Adsuara)

2 tiklo sa droga sa Valenzuela

Posted on: February 12th, 2026 by @peoplesbalita No Comments

BAGSAK sa kulungan ang apat na indibidwal kabilang ang dalawang hinihinalang drug personalities matapos maaktuhan ng mga pulis na nagsusugal sa magkahiwalay na lugar sa Valenzuela City.

Sa ulat ni Police Investigator P/MSgt. Carlito Nerit Jr. kay Valenzuela Police Chief P/Col. Joseph Talento, habang nagsasagawa ng Anti-Criminality Operation Oplan Galugad ang mga tauhan ng Marulas Police Sub-Station 3 sa F. Bautista St., Brgy. Marulas nang maaktuhan nila ang dalawang lalaki na naglalaro ng iligal na sugal na cara y cruz alas-10:10 ng gabi.

Kaagad nilang nilapitan ang dalawa sabay nagpakilala bilang mga saka inaresto bago ipinapaalam sa kanila ang nilabag nilang pagkakasala at mga karapatan.

Nang kapkapan, nakumpiska sa mga suspek ang bet money, pangara at isang plastic sachet na naglalaman ng hinihinalang shabu na nakuha kay alyas “Alex”, 45.

Nauna rito, nadakip naman ng mga tauhan ng Bignay Police Sub-Station 7 ang dalawa ring lalaki nang maaktuhan na naglalaro ng ilegal na sugal na cara y cruz sa No. 13 Block 6, Disiplina Village, Brgy., Bignay dakong alas-5:15 ng madaling araw.

Nasamsam sa kanila ang bet money, pangara at isang plastic sachet na naglalaman ng umano’y shabu na nakumpiska kay alyas “Edwin”, 44, Telecom Technician.

Mahaharap ang mga suspek sa kasong paglabag sa PD 1602 (Anti-illegal Gambling Law) habang karagdagan pa na kasong paglabag sa Comprehensive Dangerous Drug Act of 2002 ang kakaharapin nina ‘Alex’ at ‘Edwin’.

Hinihikayat naman ni Col. Talento ang mga mamamayan na manatiling mapagbantay at makipagtulungan sa mga awtoridad sa pamamagitan ng pag-uulat ng anumang impormasyon na maaaring makatulong sa patuloy na pagsisikap sa pagpapatupad ng batas. (Richard Mesa)

YORME ISKO, NAIS DALHIN SA MAYNILA ANG URBAN FARMING TECHNOLOGY NG SINGAPORE

Posted on: February 12th, 2026 by @peoplesbalita No Comments

IPINAHAYAG ni Manila City Mayor Francisco “Isko” Moreno Domagoso na nakikipagtulungan ang pamahalaang lungsod sa Bureau of Plant Industry (BPI) upang pag-aralan ang pag-angkop ng mga teknolohiyang pang-urban farming ng Singapore bilang bahagi ng pagpapalakas ng food sufficiency sa kabisera.

Sa kanyang talumpati sa ika-96 na anibersaryo ng BPI nitong Pebrero 11, sinabi ni Domagoso na layunin ng ugnayang ito na maisulong ang lokal na produksyon ng pagkain sa isang mataas ang urbanisasyon na lungsod, sa pamamagitan ng pagkuha ng mga aral mula sa karanasan ng Singapore bilang isang masikip ngunit maunlad na lungsod-estado na malaki ang pamumuhunan sa teknolohiya para sa agrikultura.

“Pinili ko ang Singapore dahil sa heograpiya at pisikal na kalagayan nito—maliit ang Singapore, ngunit highly urbanized at fully developed. Kung kaya nilang magprodyus ng sarili nilang pagkain, kaya rin nating gawin iyon,” ani ng alkalde.
Binanggit ng alkalde ang pakikipag-ugnayan sa iba’t ibang institusyon sa Singapore na may kinalaman sa agrikultura, teknolohiya, at skills training bilang batayan sa pagpaplano ng Maynila.
Matatandaang bumisita si Domagoso, kasama ang mga opisyal ng BPI, sa ilang pasilidad tulad ng Horticulture Technology Hub ng Institute of Technical Education (ITE) College East, Republic Polytechnic, at National University of Singapore (NUS) upang pag-aralan ang indoor farming, automation, data analytics, at resource-efficient growing systems.
“Sa pamamagitan ni Director Glenn at ng kanyang team mula sa BPI, kasama ang team ng inyong city government, nagpunta kami sa ITE, Republic Polytechnic, NUS, at sa private sector upang pag-aralan ang tinatawag na food production sa isang highly urbanized setting,” aniya.

“Sinisikap ngayon ng inyong city government na pagsama-samahin ang national government bureaus, local government, at private sector upang makabuo ng sistema para sa food production,” dagdag ni Domagoso, na nagsabing layunin nitong makalikha ng balangkas na maipagpapatuloy ng mga susunod na lider ng lungsod.
“Ang food insecurity ay banta sa pambansang seguridad. Patuloy na lumalaki ang populasyon, lumiit ang espasyo, at ang lupang maaaring gamitin ng susunod na henerasyon para magprodyus ng pagkain ay patuloy na nababawasan,” aniya.

Ayon pa kay Domagoso, mahalaga ang papel ng BPI, kasama ang mga siyentipiko at espesyalista sa ilalim ng Department of Agriculture, sa pagbuo ng praktikal at maka-agham na solusyon para sa urban agriculture, partikular sa mas epektibong paggamit ng limitadong espasyo para sa produksyon ng pagkain.
“Para sa hinaharap, sa pamamagitan ng BPI at ng mga siyentipiko at espesyalista nito, maaari ninyong mailigtas ang kinabukasan sa pagiging praktikal sa paggamit ng espasyo,” wika niya.

Idinagdag ng alkalde na kaakibat ang inisyatibang ito sa mas malawak na papel ng Maynila bilang distribution hub ng mga produktong agrikultural. Inalala rin niya kung paano napanatiling umaandar ang daloy ng pagkain sa kasagsagan ng pandemya ng COVID-19 nang pahintulutan ng lungsod ang mga magsasaka at negosyante mula sa Luzon na makapagbenta ng kanilang ani sa Maynila sa kabila ng mga lockdown sa ibang lugar.
“Ito ay simula pa lamang ng mahabang paglalakbay ng inyong city government at ng BPI nang magkasama, upang ang mga susunod sa atin ay mayroon nang gabay kung paano titiyakin ang food security sa Lungsod ng Maynila,” aniya. (Gene Adsuara)

Alex Eala tiniyak ang pagbawi sa ilang torneo na sasalihan

Posted on: February 12th, 2026 by @peoplesbalita No Comments

TINIYAK ni Pinay tennis star Alex Eala na ito ay babawi sa mga magkakasunod na pagkatalo niya.

Nakatakda kasi itong sumabak sa WTA 1000 Dubai Tennis Championship na magsisimula sa Pebrero 15.

Sinabi nito na kahit talo ito sa nagdaang Qatar Open ay babawi siya sa Dubai Open.

Pagkatapos ang laban nito sa Dubai ay magtutungo ang ranked 40 tennis star sa US.

Sasabak ito sa Indian Wells Open o BNP Paribas Open sa California mula Marso 4 hanggang 15 at Miami Open na magsisimula mula Marso 17 hanggang 29.

Gilas Pilipinas target ang 10 araw na ensayo para sa 2nd window ng FIBA World Cup Asian Qualifiers

Posted on: February 12th, 2026 by @peoplesbalita No Comments

TARGET ni Gilas Pilipinas head coach Tim Cone na magkaroon sila ng mas maraming araw para sa paghahanda ng second window ng FIBA World Cup Asian Qualifiers.

Ayon kay Cone, na sa darating na Pebrero 16 ay magsisimula ang kanilang training camp.

Dagdag pa nito na sa inisyal na plano ay gaganapin sana ito ngayong araw, Pebrero 11 subalit nagkaproblema pa ang ilang mga schedule ng mga manlalaro.

Ilan sa mga hinihintay niyang mga manlalaro na galing pa sa liga sa Japan ay sina AJ Edu, Dwight Ramos at Quentin Millora-Brown habang ang mga manlalaro na galing pa sa Korea ay sina Kevin Quiambao at Carl Tamayo.
Mayroong dalawang laro ang Gilas na gaganapin dito sa bansa na ang una ay sa Pebrero 26 laban sa New Zealand habang sa Marso 1 naman ay laban sa Australia na parehas na gaganapin sa Mall of Asia Arena.

A jewel thief, a broker, and a detective. Meet the lineup of characters in “Crime 101,” starring Chris Hemsworth, Halle Berry, and Mark Ruffalo

Posted on: February 12th, 2026 by @peoplesbalita No Comments

FATES collide in the high stakes crime thriller Crime 101, starring Chris Hemsworth, Halle Berry, Mark Ruffalo. An elusive jewel thief prepares for the job of a lifetime, while a disillusioned insurance broker stands at the precipice of her career, and as they cross paths, a detective hot in pursuit gets closer and closer to unraveling who is behind all the high-profile jewel heists along the Southern California coast. Crime 101 is written, directed, and produced by Bart Layton, based on the hit novella of the same name by Don Winslow.

Assembling the perfect cast is akin to planning a flawless heist, and veteran producer Eric Fellner, co-chair of Working Title Films, wanted A-list actors that can pull off the job with the intensity and dedication needed for Crime 101. “You can talk about them being a great cast in terms of their names, but they’re also phenomenal actors,” Fellner says. “Every single one of them brings their character into the world beautifully.”

Watch the trailer: https://youtu.be/jnrf3f4PVXI

Leading the pack is Chris Hemsworth, who plays Davis, the prolific jewel thief whose life of crime has left him isolated and mistrustful. For this character, Layton and his partner producer Dimitri Doganis took a journalistic approach and interviewed real-life criminals who specialize in pilfering precious jewels.

“For us, that isn’t unusual. That is absolutely the standard place that one starts building a story. Real people, real experiences,” Doganis says. “Then you make sure that what you are doing really feels like it’s anchored in truth. I think that’s what we were always struggling for, even with something which is entirely invented. It has to plug into broader truths about who we are and how we live and what we want if it’s going to stay with people. Both jewel thieves and the policemen who chased them were really important sources to get certain details.”

Caught in the fallout of Davis’ actions is longtime insurance broker Sharon Coombs, played by Halle Berry. The string of thefts unfortunately coincide with Coombs’ elite clientele, and at a pivotal point in her career, she feels only frustration in her current position. “One of the reasons I was really attracted to this movie when Bart first talked to me was because I think it’s very poignant,” Berry says. “It speaks to who we are as women today, and women in midlife, and how we are often discarded and we are devalued. I’ve been on a tear to bring our second acts to the forefront, because so many of us have struggled in the workplace.”

Working with Hemsworth and Ruffalo is also a treat for Berry, who has nothing but praise for her co-stars. “This is one of the best movie making experiences I’ve ever had, and that’s a lot to say when you’ve been doing this for 30 years,” Berry says. “But between Chris, Bart and Mark, I have never felt more cared for, more respected, more listened to, and more supported.”

Hot on Davis’ heels is Detective “Lou” Lubesnik, played by Mark Ruffalo. Loyal to the law and obsessed with capturing those that defy it. Ruffalo was excited to land the role, and collaborated heavily with everyone involved to bring Detective Lubesnik to life. “I was really excited about this when it came along,” Ruffalo says. “My talks with Bart were great. There was a lot of back and forth about the character and just how to punch out some of those moral themes to make the suspense better.”

Hemsworth remarks that there’s more in common between their characters, who are in a high stakes game of cat-and-mouse, than one would think. “We see Mark Ruffalo as someone who has never really been given his due or been taken seriously, as he deserves,” Hemsworth says. “There’s a slight self-sabotaging nature about the way the character operates. He’s kind of at that point in his life where he’s asking the question: is this as good as it gets? Have I run my course now or is there more to be had?”

Crime 101 set in motion in Philippine cinemas starting February 18.

Photo & Video Credit: “Columbia Pictures”

(ROHN ROMULO)

Mula sa pagiging close nila sa ‘Manila’s Finest’… PIOLO at ASHTINE, lumabas na parehong hindi na pina-follow ang isa’t-isa

Posted on: February 12th, 2026 by @peoplesbalita No Comments

Nagulat kami sa mga salitang binitawan ni KD Estrada patungkol sa is ah netizen na tila binigyan ng malisya ang livestream niya kasama ang kanyang Bagets The Musical castmate na si Mia Bella.

Nasimula ang isyu sa X (dang screenshot mula sa TikTok livestream ni Mia kung saan makikitang magkatabi sila ni KD sa iisang kuwarto. Tinag ng netizen si KD at maging si Alexa Ilacad.

“Ito na pala bago ni @kdestrada_?? @alexailacad kawawang alx 💔,” comment ng isang netizen.

Mabilis itong sinagot ni KD at kinuwestiyon kung bakit ginagawang isyu ang simpleng interaksiyon nila ng kanyang kasamahan sa teatro.

Sabi ni KD, “Nag-livestream lang ang castmate ko sa Bagets and tinutok niya lang yung camera sa’kin? ano ang issue?

“Wag kayong magsalita na para bang alam niyo ang buhay namin dahil wala naman kayong alam talaga. higit pa kayo sa mga writer na gumagawa ng mga kwento. so classless at chaka” sey niya.

May sumagot naman na gawain din daw ito ng mga fan ni KD na binabash din si Alexa.

“Gawain din naman iyan ng kaydets mo kay Alexa mas malala pa nga naransan nya sana mapagsabihan mo rin. nandiyan magbasa ka diyan kung gaano kabastos yung solids mo lalo na yung romcom.”

Pinagdiinan naman ni KD na hindi niya tino-tolerate ang anumang uri ng online harassment.

“Again, hindi ko itotolerate KAHIT SINO man yan. kung sino makakabasa neto, alahanin kung ano ang ibig sabihin ng boundaries. pati ako may limits. fan o hindi.

“Para sa lahat ng mga naghahate-speech diyan, lalo na sa mga nagha-harass sa mga taong mahal ko. this is your warning.”

O ha!

***

NAKITA lang namin sa X kunsaan, ipinost ang screenshots na katibayan na parehong hindi pina-follow nina Piolo Pascual at Ashtine Olviga ang isa’t isa sa kanilang Instagram account.

Ito ay sa kabila ng mahigit isang-libong accounts ang pina-follow ni Piolo at close to 1k naman si Ashtine.

So bakit nga ba isyu? Kailangan ba naka-follow sila sa kanya-kanyang IG account?

Well, ang pinanggagaling ng mga fan, kasi naman daw, during 2025 MMFF’s Manila’s Finest, parang napaka-close nilang dalawa. Pero imagine, wala ni isa sa kanila na nag-follow.

Meron pa ngayong sino ba ang dapat na mauna? Si Piolo raw bilang siya ang lalaki. Pero dapat din daw si Ashtine dahil senior n’ya si Papa P.

(ROSE GARCIA)

Kasabay ng ‘National Down Syndrome Consciousness Month’… SYLVIA, sobrang saya na binahagi ang pagbabalik-sinehan ng ‘I’mPerfect’ ngayong Valentine’s Day

Posted on: February 12th, 2026 by @peoplesbalita No Comments

SOBRANG happy na binahagi ng premyadong aktres at producer na Sylvia Sanchez na magbabalik-sinehan ang award winning MMFF movie na ‘ImPerfect’.

Post ni Sylvia sa Facebook:

“This Valentine’s Day, we’re celebrating love that knows no labels 💛

In line with National Down Syndrome Consciousness Month, I’mPerfect returns to the big screen. Reminding us that love doesn’t have to be perfect to be real.

Catch this inspiring story for a special screening at your most-loved SM Cinema.

🎟 Ticket Price: ₱275
📅 February 14–15

📍 SM Mall of Asia
📍 SM North EDSA
📍 SM Southmall

BUY YOUR TICKETS HERE:
📱 SM Cinema App
◉ Apple: https://gosm.link/SMCinemaAppApple
◉ Android: https://gosm.link/SMCinemaAppAndroid
🔗 www.smcinema.com
🎟 SM Cinema ticket booths

#ImPerfect
#ImPerfectAtSMCinema
#SMCinema

Thank you SM 😘😘😘

Part naman ni Direk Sigrid Bernardo…

“Wow!! Due to insistent (insistent talaga?!😅) public demand, “I’mPerfect” is BACK in selected SM Cinemas!!! 🎬💛🩵

This is the I’mPerfect PERFECT Valentine’s date, may jowa man o wala!
Kaya see you at the cinemas! Happy puso 💛🩵 day!

The perfect Valentine’s date is back. 🎬

The MMFF Best Picture I’mPerfect returns to cinemas this February 14–15, in line with National Down Syndrome Consciousness Month.

A celebration of love that knows no labels—because they belong, they exist, and they deserve to be seen.

Catch this inspiring story at your favorite SM Cinema.

***
MTRCB, Aprub ang anim na pelikula ngayong linggo ng FEB-ibig

NGAYONG FEB-ibig, ihanda ang mga puso sa mga kuwentong puno ng pag-ibig at katatakutan matapos aprubahan ng Movie and Television Review and Classification Board (MTRCB) ang anim na pelikulang ipapalabas ngayong linggo.

Nangunguna sa lineup ang Filipino romantic-drama na “The Loved One,” na pinagbibidahan nina Anne Curtis, Jericho Rosales at Miss Universe 2018 Catriona Gray.

Rated R-13 ang pelikula para sa mga edad 13 pataas.

Ikinukuwento nito ang muling pagkikita ng dating magkasintahan makalipas ang isang dekada, habang binabalikan nila ang mga alaala ng pag-ibig at lungkot na hindi kailanman nawala.

Rated R-13 din ang romantic drama na “Wuthering Heights,” isang madamdamin at masalimuot na kuwento ng pag-ibig na nakasentro sa matinding ugnayan nina Heathcliff at Catherine Earnshaw, na nangyari sa makapigil-hiningang tanawin ng Yorkshire moors.

Nakakuha rin ng R-13 ang action thriller na “Shelter” dahil sa karahasan at pagdurusa na maaaring hindi angkop sa mga batang wala pang 13 taong gulang.

Ang pelikula’y tungkol sa isang dating British government assassin na namumuhay nang mag-isa sa baybayin ng Scotland.

Napilitan siyang harapin ang kanyang nakaraan habang pinoprotektahan ang isang batang babae mula sa ahensiyang nais siyang patahimikin.

Ang animated sports comedy na “Goat,” na co-produced ng basketball legend na si Stephen Curry, ay nakatanggap naman ng PG (Parental Guidance) rating.

Puwede itong panoorin ng edad 12 at pababa bastat may kasamang magulang o nakatatanda.

Tampok dito ang isang kambing na si Will Harris na nangangarap maging pinakamahusay sa isang basketball-like sport na roarball.

Ang horror films na “Diabolic” at “Strangers Chapter 3” ay kapwa R-16 (Restricted-16) dahil sa mature at supernatural na tema, matitinding katatakutan at mga imaheng maaaring makagambala sa musmos na isipan.

Para ito sa mga edad 16 pataas.

Binigyang-diin ni MTRCB Chairperson at CEO Lala Sotto ang mahalagang papel ng Board sa paggabay sa publiko tungo sa responsableng panonood.

“Ang mga rating na ibinibigay ng Board ay para tiyakin na ang mga pelikula ay angkop sa edad ng manonood at napoprotektahan ang kabataan mula sa mga palabas na maaaring hindi naaayon sa kanilang edad,” sabi ni Sotto.

(ROHN ROMULO)

Walang karapatan ang netizen na gumawa ng maling kuwento… KD, sobrang bad trip sa nagpapakalat na pinalitan na si ALEXA

Posted on: February 12th, 2026 by @peoplesbalita No Comments

SUPER bad trip ang Kapamilya actor-singer na si KD Estrada dahil may nagpapakalat ng balitang pinalitan na niya si Alexa Ilacad.

Nakarating sa kanya ang post ng isang netizen sa social media kung saan binigyan ng malisya ang photo ng co-star sa “Bagets The Musical” na si Mia Bella.

Sa naturang social media user sa X ang screenshot mula sa TikTok livestream ni Mia kung saan makikita na katabi si KD sa loob isang room.

Isa lamang itong behind-the-scenes pero nag-trending nga dahil sa caption na inilagay ng nag-upload.
Tinag pa niya rito sina KD at Alexa.

“Ito na pala bago ni @kdestrada_?? @alexailacad kawawang alx (broken heart emoji),” post ng netizen.

Sa comments section ng post, sumagot nga si KD sa malisyosong netizen.
Say ng binata, “Nag-livestream lang ang castmate ko sa Bagets and tinutok niya lang yung camera sa’kin? ano ang issue?”

Wala raw karapatan ang kahit na sino na gumawa ng malisyosong kuwento tungkol sa personal life ng mga celebrity.

“Wag kayong magsalita na para bang alam niyo ang buhay namin dahil wala naman kayong alam talaga.

“Higit pa kayo sa mga writer na gumagawa ng mga kwento. so classless at chaka,” pahayagvni KD.

Isang netizen naman ang rumesbak sa aktor at nagsabing mahilig ding mag-post ng hate comments laban kay Alexa ang fandom ng aktor na Kaydets.

“Gawain din naman iyan ng kaydets mo kay Alexa mas malala pa nga naransan nya sana mapagsabihan mo rin. nandiyan magbasa ka diyan kung gaano kabastos yung solids mo lalo na yung romcom,” sey ng netizen.

Sagot ni KD, “Again, hindi ko itotolerate KAHIT SINO man yan. kung sino makakabasa neto, alahanin kung ano ang ibig sabihin ng boundaries. pati ako may limits. fan o hindi.

“Para sa lahat ng mga naghahate-speech diyan, lalo na sa mga nagha-harass sa mga taong mahal ko. this is your warning. ”

Ipinagtanggol naman ng KDLex fans si KD at hinangaan ang pagtatanggol niya sa tambalan nila ni Alexa.

“Don’t mind them, KD! No need to explain sa mga ganyan ka babaw na mga basher. Walang magawa sa buhay nila yan kaya buhay ng iba pinapakialaman,” sey ng isang fan.

“I’ll be here for you and Alexa no matter what they say, hayaan mo yang mga mahilig gumawa ng issue, they’re not happy with their lives,” dagdag pa ng netizen.

***

Rep. Romualdez, nanawagan sa Lakas-CMD para isulong ang priority bills ni PBBM

NANAWAGAN si Leyte 1st District Rep. Martin Romualdez sa mga miyembro ng Lakas-CMD na magkaisa at bilisan ang pagpasa sa mga priority bills ni Pangulong Ferdinand Marcos Jr.
Binigyang-diin ni Romualdez na ang pangunahing pokus ng partido ay gawing ganap na batas ang mga programa ng Pangulo sa pamamagitan ng disiplina at maayos na kooperasyon sa loob ng Kamara.
Ayon kay Romualdez, nakatutok ang Mababang Kapulungan sa kanilang tungkulin sa ilalim ng pamumuno ni Speaker Bodjie Dy, na siyang nangunguna sa pag-usad ng mga panukalang inirekomenda ng Legislative-Executive Development Advisory Council (LEDAC). Sinabi niya na ang pagtutulungan ng partido at ng kasalukuyang liderato ay mahalaga upang matugunan ang mabigat na trabaho sa Kamara at masigurong maipatutupad nang maayos ang mga layunin ng administrasyon.
Binigyang-diin din ni Romualdez ang mahalagang papel ni House Majority Leader Ferdinand Alexander Marcos sa pagpapanatili ng ugnayan sa pagitan ng House leadership at ng majority bloc. Aniya, ang ganitong klaseng kolaborasyon ay kailangan para sa mabilis at organisadong pagpasa ng mga batas. Bilang kinatawan ng unang distrito ng Leyte, muling ipinangako ni Romualdez ang kanyang dedikasyon sa paggawa ng mga makabuluhang batas na magsusulong ng inklusibong pag-unlad at proteksyon sa kapakanan ng publiko.
“Bilang mga mambabatas, pangunahing responsibilidad natin ang magpasa ng mga batas na direktang magpapabuti sa buhay ng ating mga kababayan,” ani Romualdez. “Todo ang suporta ng Lakas-CMD sa legislative priorities ng Pangulo at handa kaming makipagtulungan kay Speaker Bodjie Dy at sa lahat ng lider ng mga partido sa Kamara. Sa limitadong oras na mayroon tayo, ang pinakamahalaga ay manatili tayong nakapokus sa mga batas na magbibigay ng tunay na benepisyo sa mga Pilipino—ito ang paraan upang makatulong tayo sa pagbuo ng isang mahalagang legasiya para sa administrasyong ito.”

(ROHN ROMULO)

Ads February 12, 2026

Posted on: February 12th, 2026 by Francis Paolo Torres No Comments