MATAGUMPAY na naaresto ng Northern Police District (NPD), sa ilalim ng pamumuno ni PBGEN Christopher Dela Cruz ang mga indibidwal na nakalista bilang Top 1 hanggang Top 10 Most Wanted Persons ng NPD para sa buwan ng Pebrero, na nagmarka ng isang makabuluhang milestone sa pinaigting na kampanya nito laban sa kriminalidad.

Ani BGen. Dela Cruz, ang tagumpay na ito ay ang direktang resulta ng pinalakas na intelligence-driven operations, relentless manhunt efforts at hindi natitinag na pangako ng NPD para sa kaligtasan ng publiko.

Sa buong Pebrero, ang strategic coordination at continuous monitoring ay nagbigay-daan aniya sa mga operatiba ng NPD na mahanap at maaresto ang mga high-profile fugitive na ito at dalhin sila sa hustisya.

Pinuri naman ni BGEN Dela Cruz, ang dedikasyon at pagtutulungan ng lahat ng operating unit, na binibigyang-diin na ang tagumpay ay sumasalamin sa matatag na paninindigan ng Distrito laban sa lawlessness.

“The arrest of the District’s Top 10 Most Wanted Persons for the month of February demonstrates our unwavering resolve to protect the community and uphold the rule of law. Let this serve as a strong warning to those who attempt to evade justice — the Northern Police District will find you, and we will ensure that you face the consequences of your actions,” pahayag ni Gen. Dela Cruz.

Binigyang-diin pa niya na ang pinaigting na kampanya laban sa mga wanted person ay nananatiling pangunahing priyoridad, na nagpapatibay sa pangako ng Philippine National Police sa pananagutan, kaayusan, at seguridad ng komunidad.

Tinitiyak din ng NPD sa publiko na ang mga operasyon ay magpapatuloy nang walang tigil, na nakatuon sa agarang pag-aresto sa mga natitirang pugante at sa aktibidad ng mga kriminal sa buong CAMANAVA area.

Hinihikayat din ang mga mamamayan na manatiling mapagbantay at makipagtulungan sa mga awtoridad sa pamamagitan ng pag-uulat ng anumang impormasyon na maaaring makatulong sa patuloy na pagsisikap sa pagpapatupad ng batas.

Sa tagumpay na ito, muling pinagtitibay ng NPD ang dedikasyon nito sa paglikha ng mas ligtas na mga komunidad at pagpapanatili ng kapayapaan at kaayusan para sa lahat. (Richard Mesa)

ISANG bidder mula sa Igorot Stone Kingdom Inc., ang nakabili ng luxury car na Rolls-Royce Culinan mula sa nakumpiskang mga sasakyan ng mag-asawang Curlee at Sarah Discaya na sangkot sa flood control anomalies.

Ayon kay Pio Velasco, ang founder at CEO ng Igorot Stone Kingdom Inc , sinabi na binili nito ang magarang sasakyan upang ma-preserved ang kasaysayan ng Pilipinas.

Aniya ang naturang sasakyan na may payong at binayaran ng fully paid ay nagbukas ng kaalaman sa nangyaring korapsyon sa bansa kaugnay sa maanomalyang flood control projects.

Na-bid ng Igorot Stone Kingdom Inc., ng Cordillera Region ang Rolls-Royce Royce Culinan na may floor price na P29,025,132.58 mula sa dating mahigit P45 milyon .

Ayon kay Velasco , napag-isipan nilang i-save ang naturang sasakyan dahil nabalitaan nilang maaari itong sirain kapag hindi nabili kaya lumahok sila sa ikatlong subasta ng BOC.

Paliwanag ni Velasco, hindi sila na nakalahok sa una at pangalawang bid dahil hindi nila ito nalaman.

Maaari aniya nitong idisplay sa team park ng Baguio City ang Rolls-Royce Culinan pero kailangan muna aniyang subukang imaneho ito .

Kabilang ang Rolls-Royce Culinan sa sampung luxury vehicles na isinubasta nitong Miyerkules kung saan walo rito ang mga sasakyan ng pamilya Discaya.

Sa sampung luxury car na isinubasta , tanging ang Rolls-Royce Culinan lamang ang na-bid kaya muling nagtakda ang BOC ng susunod na subasta sa Pebrero 25, 2026 .

Ayon sa BOC, tatlong bidder ang nagparehistro kasama ang TV host na si Willy Revillame ngunit tanging ang Igorot Stone Kingdom Inc. lamang ang nakarating.
( Gene Adsuara)

PINANGUNAHAN ni Mayor John Rey Tiangco ang pag-iisang dibdib ng 49 Navoteño couples sa ginanap na taunang Kasalang Bayan sa Lungsod ng Navotas. Kabilang sa mga ikinasal ay sina Ereneo Belino Jr. at Helen Corocoto na 38 taon nang nagsasama at nabiyayaan ng tatlong anak. Mensahe niya sa mga bagong kasal na sana ay mapuno lagi ng pagmamahalan at pag-uunawaan ang tahanan ng bawat isa. Kung may hindi aniya mapagkasunduan ay pag-usapan. Alagaan at irespeto ang isa’t isa at higit sa lahat, piliin ang isa’t isa araw-araw. (Richard Mesa)

DINALAW ni RVillamor ang iba’t ibang residente at mga Presidente ng Mapalad Yellow bell Homeowners Association na sakop ng Barangay Commonwealth. Ito ay upang alamin ang pagbabago sa kanilang mga nasasakupan at kung ano ang kanyang maitulong para sa tuluy -tuloy na kaayusan ng nasabing lugar. Ipinadama ni RVillamor ang kanyang pagmamalasakit sa kanyang mga nasasakupan gayundin sa kaayusan ng kanilang kapaligiran.
(Text & Photos by Sonny Asignacion)