ARTISTA na rin ang nag-iisang anak ni Sheryl Cruz, ang twenty-four year old na si Nicole Sonora.
“First of all I guess… I’m very fortunate because Ateng is taking care of my daughter, Artist Circle is taking care of my daughter.”
Ang “Ateng” na tinutukoy ni Sheryl ay si Rams David na talent manager na pinuno ng Artist Circle management na siya ring nangangalaga sa showbiz career ni Sheryl.
“Ngayon passion niya iyan kaya hindi ko siya pangungunahan sa gusto niya.
“She’s already of age, graduate na siya sa school, she can take on whatever profession she wants.
“But because gusto nga niya at nasa dugo niya ang pag-try paano ang showbusiness hindi ko iyon puwedeng tanggalin sa kanya.
“Di ba?
“Sabi nga nila kung para sa iyo talaga kahit harangan mo ng sibat walang makakapigil sa iyo, and nasa dugo, e.
“Nagsusumigaw, so ano ang gagawin ko di ba?”
Tinanong namin si Sheryl bakit ngayon lang nag-artista si Nicole?
“Siguro because yung sa part ko, I started very young so, she’s aware naman of it naman, the situation, kung paano nagsimula ang auntie ko sa showbiz, kung paano nagsimula ang mama ko, ang papa ko, uncle ko, so kahit papaano may awareness na siya.
“At ang sinabi ko lang naman talaga sa kanya is to finish her studies and do whatever she wants afterwards. Di ba, yung ganyan.
“Akala ko nga doon sa America magta-try ng showbusiness pero sabi niya she wants to try it first here so hindi ko gustong pangunahan yung future niya kasi the world is her oyster right now.
“She’s still young, she has a long way to go at may guidance naman ni Rams, next to Kuya Germs, he’s the best, for me.”
Si Kuya Germs ay si German Moreno, ang Master Showman ng That’s Entertainment kung saan mas lalong sumikat si Sheryl noon at iba pang mga teenstars noong dekada otsenta.
Samantala ay nagbabalik-pelikula si Sheryl sa pelikulang ‘Kappa-tiran’ na pinagbibidahan ni Ejay Falcon. Hatid ng Mamay Production ni Nunungan, Lanao del Norte Vice-Mayor Marcos Mamay na isa rin sa mga cast members ng pelikula.

(ROMMEL L. GONZALES)

BINUWELTAHAN ni Mark Herras ang mga vlogger o content creators na mahilig gumawa ng kuwento.
Nag-viral ng ang pinost ni Mark na umiiyak, at halatang may matinding pinagdadaanan. Dahil kanya-kanya nang haka-haka kung ano ang tunay na dahlia tungkol dito, na labis na ikinabahala ng marami lalo na ang kanyang showbiz friends.
May nagsasabing may kinalaman daw ito sa relasyon nila ng asawang si Nicole Donesa na ipinagdarasal na sana ay maayos din.
Anyway, may mga lumabas na vlog na kaya raw umiiyak si Mark ay dahil wala na siyang trabaho, bagay na ikinagalit niya.
Kaya galit na galit na nag-post si Mark sa Facebook, “FYI sa mga basta may ma ipost lang kung ano anong storya ang gingawa basta may ma content lang wag kayong gago!!!
“Yung post ko na umiiyak eh tungkol sa personal na problema! Wag kayong tanga at mahilig gumawa ng kwento para lang sa content nyo!!!”
Pagdidiin pa ni Mark, “may mga trabaho akong ginagawa, may show ako na ginagawa under GMA 7 at under BuenasPH so para sa mga gumagawa ng storya na umiiyak ako dahil wala akong trabaho wag kayong tanga!
“Maghanap kayo ng ibang macocontent wag ako mga inutil!!!! [face with symbols on mouth emojis].”
***

Chair Lala, pinangunahan ang panunumpa ng dalawang bagong Board Member

PINANGUNAHAN ni Movie and Television Review and Classification Board (MTRCB) Chairperson at CEO Lala Sotto ang panunumpa sa tungkulin ng dalawang bagong Board Members noong Lunes, Pebrero 9, 2026, sa MTRCB Liezl Martinez Hall, Quezon City.

Itinalaga ni Pangulong Ferdinand R. Marcos Jr. sina Sarah-Ingrid Aurelia B. Sia at Atty. Jerico A. Antonio, kapalit nina Mark Anthony Andaya at Glenn Patricio, na parehong natapos na ang termino sa panunungkulan.

Alinsunod sa Section 2 (Composition; Qualifications; Benefits) ng Presidential Decree No. 1986, ang mga miyembro ng MTRCB ay manunungkulan ng isang taon, pero puwedeng maitalaga muli matapos ang kanilang termino.

Batay sa kanilang appointment na nilagdaan ng Pangulo noong Enero 30, sina Sia at Antonio ay manunungkulan hanggang Setyembre 30, 2026.

Malawak ang karanasan ni Sia sa marketing, financial planning at organizational operations, bukod sa kanyang kaalaman sa treasury product marketing na sumasaklaw sa cash management, foreign exchange at investment solutions.

Si Antonio ay isang aktor at producer sa pelikula at telebisyon, at isa ring miyembro ng Philippine Bar, na may matibay na akademikong pundasyon at pormal na kasanayan sa larangan ng batas.

Tiwala si Sotto sa propesyonalismo ng mga bagong Board Member, at binigyang-diin ang mahalagang ambag ng mga ito sa mandato at misyon ng Ahensiya.

“Ang kanilang propesyonal na karanasan, integridad at mga bagong pananaw ay lalo pang magpapatibay sa pangako ng MTRCB na isulong ang responsableng panonood,” ani Sotto.

Pinasalamatan din niya sina Andaya at Patricio sa kanilang tapat na paglilingkod sa publiko.

“Malaki ang naging ambag nila sa pagsusulong ng ating misyon, at hangad natin ang kanilang patuloy na tagumpay sa mga susunod nilang gawain,” dagdag ni Sotto.

(ROHN ROMULO)

NILINAW na ni Sofia Pablo ang isyu kay Iñigo Jose, na diumano’y nagkagusto sa kanya sa loob ng PBB house.
Ibinahagi ni Sofia na napag-usapan na nila ni Iñigo na isa siya sa mga nagustuhan nitong babae sa loob ng Bahay ni Kuya.
“I mean, meron pong mga nang-aasar na housemates inside, pero hindi ko talaga ine-entertain kasi mabait po talaga si Iñigo sa lahat ng housemates,” sabi ni Sofia.
Ikinuwento ng ex-PBB housemate na ayaw niyang paasahin si Iñigo, kaya hindi siya nagpakita ng kahit anong motibo.
“Si-net ko na po talaga ‘yung boundaries namin. Sinabi ko po talaga na the last thing I want inside the house is to be involved with someone romantically kasi iniisip ko talaga si Allen (Ansay). Sobrang vocal ko po doon inside,” kuwento niya.
Inamin ni Sofia na iniisip niya sa loob ng Bahay ni Kuya ang nararamdaman ni Allen sa labas. Samantala, sinabi ni Allen kay Sofia na maaari siyang magkagusto ng iba habang siya ay nasa loob ng PBB.
“Hindi ko alam kung matutuwa ako o hindi e. Sabi ko para kang ewan, hindi talaga. Kasi sabi ko ang dami na nating pinagsamahan. Ang dami na nating naka-work.
“Pero I am sure, I am not that type of person like may paninindigan ako if ikaw ‘yung taong gusto ko, ikaw ‘yung taong gusto ko,” diin pa niya.
***
NAGLAWAY ang mga acclang netizens sa ginawang workout video ng tatlong Sparkle hunks na sina Derrick Monasterio, David Licauco at Vince Maristela.
Nag-viral ang threesome workout nila dahil mga naka-gym shorts lang silang tatlo at pawisan ang kanilang katawan.
Nag-comment nga ang isang netizen na “tender, juicy, tasty” ang tatlo. Para lang daw silang mga karne na hinahanda para kainin.
Hydrox workout ang ginagawa ng tatlo na uso ngayon sa mga mahilig mag-gym. Combination ito ng running at ilang functional exercises tulad ng rowing, burpees, pagbubuhat ng kettlebells, at ilan pa.
Naka-focus si David sa naturang workout dahil naghahanda siya para sa isang fitness event.
Marami naman ang nakapansin na lumapad ang katawan ni Derrick at kailangan nitong magbawas ng timbang. Dahil siguro na enjoy nito masyado ang pag-travel sa iba’t ibang bansa kasama ang girlfriend na si Elle Villanueva.
***
TATAPUSIN na lang daw ni Kelly Clarkson ang 7th season ng kanyang talkshow na ‘The Kelly Clarkson Show’ at magpapaalam na siya rito.
Isa raw dahilan kung bakit hindi na itutuloy ni Kelly ang kanyang show ay para matutukan ang kanyang dalawang anak.
“I have been extremely fortunate to work with such an outstanding group of people at TKCS, both in Los Angeles and New York. After years of an intense daily schedule, I’m excited to move at a different pace and have more flexibility to spend time with my kids without the structure of a daily show.
“This change gives me the space to be more present at home while still doing the creative work I love. This next phase is about balance,” sey ni Kelly
Ayon pa sa American Idol winner, “heartbroken” ang kanyang dalawang anak dahil na pagpanaw last year ng ama nilang si Brandon Blackstock.
“Losing their dad is incredibly painful and confusing,” sey ni Kelly na divorced na kay Blackstock since 2022.

(RUEL J. MENDOZA)