OPISYAL nang inanunsyo ng Mentorque ang pagbabalik ng BarakoFest.
Isa ito sa pinaka-aabangang multi experience festival sa Southern Luzon, na magaganap sa Marso 26 hanggang 28, 2026 sa kahabaan ng Manila–Batangas Bypass Road sa Lipa City, sa pakikipagtulungan ng Provincial Government ng Batangas at ng Lipa City Government.
Pinagsasama-sama ng tatlong araw na kaganapan ang musika, kultura, pamumuhay, at komunidad sa isang purpose built open air festival ground na dinisenyo para sa sukat at nakaka-engganyong karanasan.
Sa first wave ng artist announcements, pinangunahan ito ng Ben&Ben, isa sa mga pinakasikat na banda sa bansa, na kilala sa pag-akit ng napakaraming tao at paghahatid ng malalakas na live performance.
Kinumpirma ng mga organizer na mas maraming artista at karanasan sa festival ang ihahayag sa mga darating na linggo.
Nakaposisyon ang BarakoFest 2026 bilang isang full spectrum festival na higit pa sa musika. Maaasahan ng mga dadalo ang isang dynamic blend of live performances, regional flavors, automotive showcase, competitive sports, and cultural experiences, na nagpapakita ng enerhiya at pagkakakilanlan ng Batangas.
Musika na gumagalaw. Mga lasa na tumutukoy. Mga sasakyan na nakakamangha. Mga sports na nakaka-excite at kultura na nagbubuklod.
“With BarakoFest, we are building more than a concert. We are creating a large scale shared experience that brings people together through sound, movement, and culture,” ayon sa Mentorque, ang festival’s official organizer.
“The vision is to elevate the festival standard in the region while celebrating the spirit and energy of Batangas.”
Ang mga lugar ng pagdiriwang ay binuo upang ma-accommodate ng large audiences, immersive stage production, curated concessionaires, at interactive lifestyle zone, na nagpapatibay sa posisyon ng BarakoFest bilang pangunahing destinasyon ng mga kaganapan sa kalendaryo ng mga pagdiriwang ng Pilipinas.
Dala ng BarakoFest ang opisyal na tagline na FEEL THE ENERGY, na sumasalamin sa intensity, atmosphere, at collective spirit na nilalayon ng festival.
Samantala, bukas na ang mga pakikipagsosyo, mga pagkakataon na makapag-sponsor, at mga aplikasyon ng concessionaire.
Para mga tanong sa partnership and sponsorship tumawag sa +63 992 408 3576 at +63 991 940 5983
At para naman sa concessionaire tumawag sa+63 966 241 8467 at +63 916 325 9555
Puwede ring mag-email sa inquiry@mentorque.ph
Narito naman ang link ng post: https://www.facebook.com/share/p/1DTsBWqnJc/?mibextid=wwXIfr

(ROHN ROMULO)

PUMAPAG-IBIG na rin ang self-confessed NBSB (No Boyfriend Since Birth) na si Sanya Lopez.
May suot daw kasing promise ring ito na regalo ng isang “mystery guy” na nagpapatibok ngayon ng kanyang puso. Inamin ng Kapuso star na isang foreigner ito.
Ayon kay Sanya, masaya ang lovelife niya ngayon at naipakilala na niya ang afam boyfriend sa mga kaibigan niyang sina Glaiza de Castro, Kylie Padilla at Gabbi Garcia.
Mas masaya raw ang mga ito noong magkaroon na siya ng lovelife.
“Sila ‘yung number one na excited talaga sa akin bago pa mangyari ang lahat… sa mga bagay-bagay na paparating sa buhay natin. So, may gano’n sila lagi na, ‘Uy, kapag meron ka na, ipakilala mo agad sa amin na,’” sey ni Sanya.
Ipapakilala raw ni Sanya ang kanyang boyfriend sa publiko soon.
Ayon sa isang source, naka-base sa Dubai at Serbian ang nationality ng bf ni Sanya.
“Kapag dumating ‘yung panahon na hindi maiwasan siguro, sige, puwede naman,” sabi pa niya.
***
NAGKUWENTO si Ashley Ortega na ayaw ng boyfriend niyang si Mavy Legaspi na tawagin itong “baby boy”.
Two years lang daw ang tanda ni Ashley (27) kay Mavy (25). Pero nagulat si Ashley noong niligawan daw siya nito.
“Mavy is something new. Kasi mas bata siya sa akin. Nililigawan niya ako, sinasabi ko talaga, ‘Oh my God, baby boy lang tingin ko sa’yo.’ Nagagalit siya, ‘Oh my gosh. How dare you say that to me?’” natatawang kuwento ni Ashley.
Natuklasan ng bida ng upcoming Kapuso teleserye na ‘Apoy Sa Dugo’ na sobrang maalaga si Mavy.
“‘Pag mas younger pala, mas maalaga. Si Mavi, tutok talaga sa akin 24/7.”
***
NA-RELEASE na ang official music video ng bagong single ni Taylor Swift na ‘Opalite’ last Feb. 6. exclusively on Spotify and Apple Music.
Star-studded ang naturang music video na may ‘90s theme at tampok sina Domhnall Gleeson, Cillian Murphy, Greta Lee, Jodie Turner-Smith, Lewis Capaldi, and Graham Norton.
Si Taylor ang nag-concept ng music video na hango sa October 2025 appearance niya sa The Graham Norton Show.
Ayon kay Taylor: “Opalite is a state-of-the-art chemical potion designed to transform disappointment and frustration in relationships into happiness. I had written down the word ‘opalite’ because I learned that it’s actually a man-made opal. I thought it was kind of a cool metaphor that it’s a man-made opal, and happiness can also be man-made.”
Ang gem stone na Opal ay birthstone din ng kanyang fiance na si Travis Kelce.

(RUEL J. MENDOZA)

NAKATRABAHO ni Ejay Falcon si former Senator Ramon ‘Bong’ Revilla, Jr. sa season 2 ng GMA series na “Walang Matigas Na Pulis sa Matinik Na Misis” na umere noong 2023 hanggang 2025.
Kaya tinanong namin si Ejay kung ano ang naging saloobin niya sa pagkaka-aresto kay Sen. Bong na may kinalaman sa maanomalyang isyu ng flood control projects
“Siyempre nakakalungkot po, I mean nakakalungkot po yung nangyayari.
“Siyempre hindi naman po natin sinasabi na iyan ay totoo or ano pa man.
“Wala ako dun sa posisyon na iyon para magsabi niyan, pero nakakalungkot lang.“Kasi bago pa naman lahat ngayon, talagang ang korapsyon po kasi mahabang panahon na, matagal na iyan e, matagal na iyan.
“Iyon nga lang sana lumabas din ang katotohanan at sana ay nasa mabuti siyang kalagayan kahit papaano.
“Iyon naman yung importante.
“Kasi base sa mga napapanood ko at nababasa ko ay parang walang… walang special treatment, siyempre kahit papaano artista pa rin yung tao, senador pa rin yung tao, tapos malalagay sa ano, so hindi natin alam kung papaano magsu-survive si Sen.“So iyon, ipanalangin na lang po natin na sana dito sa nangyayaring korapsyon sa buong Pilipinas, isama niyo na ang buong mundo, ay managot yung deserve na managot, iyon na lang po.
“Iyong deserving na managot ay managot na lang po.
“At yung mga walang kasalanan ay mapawalang-sala.”
Tinanong rin namin si Ejay kung may naaalala siyang magandang payo na ibinigay sa kanya noon si Bong habang nagte-taping sila ng kanilang serye.
“Yes! Ang sabi niya sa akin, nag-start siya na Vice Governor, ganun din, at iyon nga, ‘Dapat nag-aaral ka pa rin’, sabi niya.”
Nagsimula ang political career ni Bong bilang Bise Gobernador ng Cavite (1995-1998) at si Ejay naman ay dati ring nakaupo bilang Bise Gobernador ng lalawigan naman ng Oriental Mindoro (2022-2025).
Pagpapatuloy pang kuwento ni Ejay.
“And siyempre dun sa mga action scene namin, sabi niya sa akin, e kasi ako one time nung pumunta ako [sa taping], segue ako nun e, may ginagawa din ako sa ABS, galing akong province na puyat-puyat ako.
“Tapos may fight scene kami, kino-choreograph niya ako, sabi niya, ‘Parang sa edad ko mas malakas ako ngayon sa iyo,’ gumaganun siya.
“Kasi nagte-training daw siya, e puyat nga ako, e nagte-training-training daw siya, sumusuntok-suntok daw siya sa bahay, boxing, so iyon, mga ganun lang.
“Hindi rin kami nabigyan ng maraming time kasi alam niyo naman ngayon, pagdating sa shooting, may Eddie Garcia Law so kailangang tapusin lahat iyon, di ba, may cut-off, so pagdating mo sa set trabaho na ng trabaho, diretso po.”
Magbabalik-pelikula si Ejay sa ‘Kappa-tiran’ kung saan siya ang male lead star kapareha si Sheryl Cruz.
Produced ito ng Mamay Production ni Nunungan Lanao del Norte Vice Mayor Mamay Marcos na isa rin sa mga cast members ng pelikula.
Tungkol sa fraternity, nasa Kappa-tiran rin sina Bembol Roco, Sam Coloso, Patricia Javier, MJ Macalintal, Bernie Batin, Mygz Molino, Jimsen Jison, Darwis Esmaeili at marami pang iba, sa direksyon ni Neal “Buboy” Tan with Shiela Torres Lintan as line producer.

(ROMMEL L. GONZALES)