NAGLABAS ng ebidensya ang Filipino footwear designer na si Jojo Bragais na magpapatunay na nasa Iloilo si Miss Universe-Philippines 2023 Michelle Dee nang mangyari ang binibintang na bugbugan.

Imposible raw mangyari ang alegasyon na pinagtulungang bugbugin nina Michelle, Rhian Ramos at Samantha Panlilio at ng kanilang bodyguards ang isang driver sa loob ng condominium unit.

Matapos nga silang akusahan ng personal driver ni Rhian na si “Alyas Totoy” na binugbog, tinortyur at ikinulong siya sa condo unit na pag-aari ng kanyang amo.

Sa kanyang social media account, nag-post si Bragais noong January 29, at sinabing nakasama niya si Michelle sa Iloilo noong January 17, ang araw kung kailan nangyari umano ang insidente base sa salaysay ng driver.

Pahayag ni Bragais, na siyang official footwear provider sa nakaraang tatlong edisyon ng Miss Universe pageant, “Base sa pano ko kilala si MMD (Michelle Dee) and SamPan (Samantha Panlilio), I doubt they could do ‘yung mga issues na binabato. Parehong chill na tao ‘to. And nasa Iloilo kami nila MMD nung January 17.”

Nireplayan din ni Jojo ang tanong ng isang netizen kung may kasama bang mga bodyguard sina Michelle sa nangyaring event sa Iloilo.

“Sa mga raket namin na mag kakasama, RM (road manager) ang kasama at di body guard. Wala akong ma alala base sa aking memory at personal na pagsasama na may ganap kaming may dala syang bodyguard. Mapa event, provincial judging or commercial shoot.”

Bukod kay Bragais, pinatunayan din ng celebrity makeup artist na si Dave Quiambao, na kilala ring regular na nag-aayos sa mga events ni Michelle, na nasa Iloilo nga ang Kapuso star noong mangyari ang sinasabing pambubugbog kay “Totoy.”

“Pano nangyari ‘to ng January 17 eh nasa Iloilo kami? Panooo?” caption na ni-repost niyang istorya tungkol sa akusasyon ng driver.

Nagsampa nga ng reklamo si “Totoy” sa National Bureau of Investigation laban sa kanyang amo na si Rhian, Michelle at Samantha.

Ayon sa kanyang salaysay, paulit-ulit umano siyang sinaktan at “tinortyur” ng tatlo sa loob ng condo ni Rhian noong January 17, dahilan upang maisip niyang wakasan ang kanyang buhay.

Sa isang pahayag na inilabas ng abogado nina Michelle, Rhian, at Samantha ay sinabi nitong hindi pa umano nila nakukuha ang kopya ng reklamong inihain sa NBI.

Sa kasalukuyan, si “Totoy” ay nasa pangangalaga ng Volunteers Against Crime and Corruption (VACC).

Ibinasura naman ng Makati City Prosecutor’s Office ang reklamong paglabag sa Article 310 ng Revised Penal Code o qualified theft na inihain ni Michelle laban sa driver ni Rhian.

Ngunit makalipas lang ang tatlong araw ay ibinasura ito ng prosekusyon.

Nag-ugat ang kaso sa reklamo ni Michelle matapos niyang madiskubre na nasa kamay ng driver ang umano’y mga “sensitive images” o photos na may kaugnayan sa kanya.

Kaya usap-usapan ngayon kung ano ba talaga ang mga sensitibong mga larawan. (ROHN ROMULO)

SA media conference ng ‘Batang Paco’ natanong si Ai Ai delas Alas baka ma-develop sila ng kanyang coach sa gym.

Active kasi si Ai Ai sa pag-eehersisyo o pagpunta sa gym na ibinabahagi niya sa social media. At ni-reveal na rin niya ang pagsali nila sa Hyrox HongKong.

Ang Hyrox Hong Kong ay isang fitness competition na bukas para sa lahat. Isa itong innovative, holistic approach sa fitness tulad ng running at natural movements combined to a unique indoor fitness competition.

At dahil madalas silang magkasama ng naturang coach, biniro siya na baka magka-develop-an.

Kaya nilinaw ng aktres na bida rin sa Batang Paco kasama si Empoy Marquez na may pamilya na ang naturang coach.

“Ayaw ko magsalita ng tapos pero ayokong sumira ng buhay ng may asawa.

“Ang coach ko ay may asawa at napakasaya ng pamilya niya kasama ng mga anak. Huwag nating bastusin si coach,” diin pa ng aktres.

Samantala, gayong Pebrero, tuluyan nang nasa spotlight ang “Batang Paco” dala ang isang matapang na pangako: isang pelikulang Pinoy na tumatama sa puso, totoo sa emosyon, at muling nagpapaalala kung bakit mahalaga pa rin ang mga kuwentong umiikot sa pagmamahal.

Pinagbibidahan ni Empoy Marquez, ang paparating na family comedy film ay mabilis na nagiging usap-usapan bilang isa sa pinaka-inaabangang local releases sa unang quarter ng 2026.

Produced ng MiVida Productions, Inc., ang “Batang Paco” ang kauna-unahang handog ng kompanya — at maituturing na kanilang statement piece.

Ipinapakilala ng pelikula ang isang bagong production outfit na hindi takot maghalo ng genres, emosyon, at enerhiya, na lahat ay nakasentro sa isang makapangyarihang ideya: kayang gawing extra­ordinaryo ng pagmamahal ang kahit pinaka-ordinaryong tao.

Sa puso ng kuwento ay si Paco — isang mahiyain at tahimik na tattoo artist na kailanman ay hindi inisip ang sarili bilang bayani, hanggang sa dumating ang pagkakataong wala na siyang ibang choice.

Nang dinampot ang kanyang anak, napilitan si Paco na pumasok sa isang delikadong mundong mas malaki at mas mabigat.

Ang kasunod ay hindi lang isang thrilling ride, kundi isang malalim na kuwentong Pilipino tungkol sa takot, pananampalataya, at hanggang saan kayang umabot ang isang magulang para sa anak.

Hatid ni Empoy ang isang powerhouse performance na pinagsasama ang humor, puso, at vulnerability — ito na yata ang isa sa kanyang pinaka-grounded at relatable roles sa ngayon.

Ang Paco na kanyang ginampanan ay hindi perpekto, hindi fearless, at lalong hindi invincible — tao siya, may takot at kahinaan.

At doon nagmumula ang tunay na lakas ng pelikula.

“Hindi kailangang maging perpekto para maging bayani,” ani Empoy.

“Kapag pagmamahal na ang nagtutulak sa’yo, may lakas kang hindi mo inaasahan.”

Nakabalangkas sa raw, colorful, at chaotic na backdrop ng Metro Manila, mahusay na binabalanse ng “Batang Paco” ang laugh-out-loud moments, exciting thrills, at mga tahimik pero tumatamang emotional beats.

Sinusuportahan ang kuwento ng isang dynamic ensemble cast na nagbibigay ng lalim at bigat sa paglalakbay ni Paco.

Nangunguna rito sina Ai Ai Delas Alas, Mon Confiado, Ynez Veneracion, Chichi Rita, at Cassy Lavarias, kasama din sina Richard Quan, Alma Concepcion, Lara Morena, Natasha Ledesma, Kookoo Gonzales, Gerard Acao, Josh Ivan Morales, Kim Rodriguez, Jovi Vargas, at Quentin Molo.

Sa direksyon ni Rechie del Carmen at panulat ni Gina Marissa Tagasa, malinaw na nasasalamin sa pelikula ang creative vision ng MiVida Productions — bold na storytelling, emotionally grounded, at swak sa panlasa ng modernong audience.

Para sa producer na si Ana Abiera Del Moral, isang dating aktres na ngayo’y entrepreneur, ang “Batang Paco” ay higit pa sa unang proyekto — ito ang boses ng kompanya.

“Personal, fearless, at puno ng puso ang pelikulang ito,” sabi ni Ana.

“Ito ang klase ng kuwentong gusto naming makilala ang MiVida.”

Habang papalapit ang nationwide theatrical release ng “Batang Paco,” malinaw ang mensahe nito: hindi lang ito basta entertainment — isa itong paalala na hindi lahat ng bayani ay hindi laging may suot na kapa.

Minsan, mukha lang itong isang magulang na ayaw sumuko.

Mapapanood ang “Batang Paco” sa mga sinehan sa buong bansa simula Pebrero 18.

(ROHN ROMULO)

LAMAN ng social media, television, tabloid ang magkaibang Rhian Ramos at Michelle Dee at friend beauty queen ng dalawa na si Samantha Panlilio.
Papaano raw mangyayari ang alleged illegal detention ni Baro na personal driver at personal assistant ni Rhian e, sa mismong residence o condo ni Rhian siya nakatira. Magkakaroon lang ng ganitong kaso kung dinala ka sa ibang lugar at dito ka ikinulong ng sapilitan.
At para sa ikalilinaw ng issue ay narito ang ipinadalang statement ng famous celebrity lawyer na si Atty. Maggie Abraham-Garduque, na parehong legal council nina Michelle at Rhian.
“Our clients have not received a copy of the complaint allegedly filed against them before the NBI. They will answer as soon as they received the copy of said complaint.
“As far as our client is concerned there is no incident of illegal detention happened as Mr. Baro was a resident of the condo, being the driver of Rhian.
“The last incident of our clients with Mr. Baro was when Michelle Dee filed a criminal case for qualified theft against him which he admitted and he even returned some of the items to Michelle.
“Thus, our clients cannot think of any reason for initiating this complaint but a leverage and vindictive suit to said qualified theft case.”

***

NITONG Jan. 28 ay nakapag-recording na ng revival niya ng “Bulong Ng Damdamin” sa G-Sharp Studios ang “Pop Rock Diva” at tinaguriang ding “Independent Concert Queen” na si Rozz Daniels.
At wow, napabilib kaming lahat na team at Angels ni Rozz at ang involve sa recording na composer at icon ng music industry na si Doc Mon Del Rosario at ang sound engineer na si Gerry Salazar.
At sa loob lang ng dalawang oras ay natapos agad ni Rozz i-record ang nasabing jukebox hit song ni Marissa Tubig noong 80’s.
Her American hubby naman na si Sir David Daniels ay teary eyed at proud sa magandang wifey singer.
May pasabog pala ang version na ito ni Rozz na personal na request sa kanya ni Mon na sa dulo ng song ay may dialogue si Rozz na pabulong niyang ginawa na dapat abangan sa pag-release soon ng kanyang bagong single.
At full blast ang magiging promotion ni Rozz sa song niyang ito.

(PETER S., LEDESMA)