2026 January 29 Archive - People's Balita

Archive for January 29th, 2026

Pinuri ng netizens ang pagiging humble and generous… SHARON, ipinasyal at ipinag-shopping ang mga loyal ‘angels’

Posted on: January 29th, 2026 by @peoplesbalita No Comments

UMANI ng mga papuri mula netizens ang latest YouTube vlog ni Megastar Sharon Cuneta na may titulong ‘MEGA Day Out with my Angel.’
Caption ni Sharon, “Hi everyone! Wanted to share a Day Out that I recently had with my Angels from home. It really made me so happy seeing my girls happy that day [heart emoji]
“I hope that you all enjoy watching this new vlog! Happy Sunday, I love you all!”
#GirlsDayOut #shoppingday #bondingtime
Binida nga ni Mega ang kanyang loyal angels o mga kasambahay at staff na matagal na nilang kasama. Isa nga sa matagal niyang kasama ay ang bodyguard na bata pa lang ay nandun na, umalis lang ng saglit at bumalik din sa kanya.
Ipinasyal ni Sharon ang mga ito sa isang mall, at ipinamili ang kanyang mga angels ng mga damit at ilang gamit, na kitang-kita ang kaligayahan at may kasama pang Q & A, kaya sobrang nakakaaliw ang kanilang tsikahan na tungkol sa lovelife.
Karamihan nga ng komento ng netizens ay sinabing nakapa-generous at humble ni Sharon at masuwerte ang mga angels na siya ang kanilang pinagsisilbihan.
Ilan nga sa mababasa sa comment section ng vlog:
“Kay ma’am Sharon talaga namana ni Ms.KC yung kababaang loob. Kahit saan mu dalhin very humble at marunong makisama sa lahat.”
“The comfort and vibes between her and her yaya are so genuine. Kitang-kita kung gaano talaga kabait our Mega is!”
“Npaka bait at generous tlga idol mega. Tama yn un uniform nla presentable at pwede p nla magamit s lbas.”
“My megastar Ms. Sharon nag enjoy po ako sa vlogs nyo.Ingat palagi Ms. Sharon with your Angels.”
“So mabait naman po kayo, Ate Sharon. More blessings pa po.”
“Ang sarap maging staff ni mega shawie ang bait Nya.”
“Lahat ng kasama ni Megastar eh super blessed, mabait na tao kasi c Mega.”
“Wow sana all may pa shopping si mega sarap maging yaya love you my idol Sharon.”
“Sana ganyan lahat ng amo sobrang genuine sa mga employee . bless you more and ingat po kayo Ma’am Sharon.”
“Love your vlogs Sharon!! It’s so down to earth, very humble to your Angels!! Please make more weekly vlogs to show your normal day-in-a-life. Can you do a home tour at your new home??”
Say pa ng certified Sharonians….
“Sharonian here since elem, hi skul, college and now working with fam and kids..really like and love her so much coz she’s so kind,humble and very genuine..may d Lord bless u always and more my MEGA IDOL.”
“Sooo blessed po mga kasama po ninyo sa bahay. God bless you more Ms.Shawie mula noon untill now no.1 ka saken kasama po c Sen. Kiko po. praying for your family blessings and protection everyday.”
“Thank you for sharing this my megastars ate Shawie. Nag enjoy po ako lahat happy ang mga Angels nyo. Mula noon hangang ngayon talagang nag shares ng blessings,kaya naman more blessings to come . I am praying for your good health and safety always with your family.”
“Shawie if ever I see you, that will be one of my happiest days. I’ve been a Sharonian growing up. Back in the 80’s, my elementary years, bought magazines with your cover and the middle folded poster, happy na ako nun.”

(ROHN ROMULO)

Labis na humanga sa husay ni Direk Brillante… BARBIE, na-challenge sa upcoming movie dahil walang ibinigay na script

Posted on: January 29th, 2026 by @peoplesbalita No Comments

NAGING malaking hamon para kay Barbie Forteza ang pagganap niya sa kaniyang role sa upcoming movie niya na ‘Until She Remembers’ sa direksyon ni Brillante Mendoza.
Kuwento niya na walang script ang upcoming film nila, kaya naging malaking hamon ito para sa kaniya.
“Challenging siya overall kasi ang aming napakahusay na direktor na si Brillante Mendoza ay wala pong script,” sabi ng aktres.
Pagbabahagi ng Kapuso Primetime Princess, ang tanging binibigay lang sa kanila ay kung ano ang mangyayari sa eksena. Lahat umano ng dialogue ay galing sa kanilang mga aktor.
“One take lang si direk. Ang explanation niya kaya wala siyang script kasi gusto niya, ‘no acting acting’ talaga and very raw ang reactions and emotions ng mga actors,” sabi ni Barbie.
Dagdag pa ng aktres, “So gusto niya, ‘yung reaction mo habang nangyayari yung eksena, ganun din talaga ‘yung mangyayari sa totoong buhay.”
Gagampanan ni Barbie ang role ni Angel, isang 16-year-old na unti-unting natututo tungkol sa iba’t ibang uri ng pagmamahal, kabilang na ang sa kaniyang lola na ginampanan naman ni Charo Santos.
Makakasama rin nila sa pelikula ang star-studded cast na sina Boots Anson-Roa, Angel Aquino, Albert Martinez, Eric Quizon, at Vince Rillon.
Mapapanood ang pelikula sa mga sinehan ngayong February 25.

***

KABILANG ang dating teen actress na si Aiza Marquez sa maraming Pinoy na na-experience ang natinding snowstorm na laganap ngayon sa US East Coast.
More than 11 years nang nakatira sa Queens, New York si Aiza at sanayan lang daw ang lahat, lalo kapag dumating ang sobrang tinding lamig na dala ng Arctic blast.
“Honestly sanayan lang din. Mag-11 years na din ako dito sa NY and this year hindi pa ito yung pinakamalalang naexperience ko.
“The key is tamang layers, yun nga lang at least 3 to 4 layers ang need mo kung ginawin ka kagaya ko. From puffer to fuzzy layer with thermal and another long sleeves. Tapos beanie and gloves. Total gear up talaga to protect you from getting sick. Yung iba nga two layers lang okay na sila!”
Nakakalungkot lang daw kapag may binabalitang may mga namamatay dahil sa sobrang malamig na weather.
“Meron nga ako nakita sa social media ng New York platform. Unfortunately, meron nga kasi ito yung mga homeless talaga na sa kalye talaga natutulog mapa-summer or winter.
“Kung meron man siłang shelter, as far as I heard, matitigas din talaga ulo nila at naglalayas or baka hindi sapat ang space, wala din ako Idea how it works ‘pag dating dyan dito sa NY. Syempre nakaka-feel bad yung kapag nakakapanood ka ng ganoong sitwasyon.”
Pinakamalala raw na snowstorm na na-experience ni Aiza ay noong 2016 dahil three days daw silang hindi makalabas ng bahay.
“Unang experience ko na mataas ang snow as in ang kalye sarado mga between 24 to 27 Inches siguro yun nung 2016 kasi blizzard tapos halos 3 days nonstop sya tapas may hangin pa.”

***

NAGSALITA si David Beckham regarding sa mga nilabas na statements ng anak niyang si Brooklyn na hindi na ito interesadong makipag-reconcile sa pamilya nila.
Ayon kay David: “I’ve always spoke about social media and the power of social media, you know, for the good and for the bad. The bad we’ve talked about with what kids can access these days. And it can be it can be dangerous, but what I’ve found personally, you know, especially with my kids as well, use it for the right reasons.
“I’ve tried to do the same with my children to educate them. They make mistakes. Children are allowed to make mistakes. That’s how they learn. So that’s what I try to teach my kids. but you know, you have to sometimes let them make those mistakes as well.”
Nag-ugat ang hidwaan dahil sa pakikialam diumano nila David at Victoria sa pagsasama nila Brooklyn at misis na si Nicola Peltz.
Rant ni Brooklyn: “I have been silent for years and made every effort to keep these matters private. Unfortunately, my parents and their team have continued to go to the press, leaving me with no choice but to speak for myself and tell the truth about only some of the lies that have been printed. My wife and I do not want a life shaped by image, press, or manipulation. All we want is peace, privacy, and happiness or us and our future family.”

(RUEL J. MENDOZA)

Pasabog ang dala ng bagong yugto ng ‘Roja’… Serye nina DONNY at KYLE, nakakuha ng bagong online viewership record

Posted on: January 29th, 2026 by @peoplesbalita No Comments

PATULOY na sinusubaybayan ng mga manonood ang “Roja,” na umeere sa ALLTV2, A2Z, Kapamilya Channel, at online, kung saan nakamit nito ang panibagong online viewership record, kasabay ng pagbubukas nito ng bagong yugto kasama ang mga bagong karakter.

Nagtala ang “Roja” noong Enero 27 ng all-time high record na 620,186 peak concurrent online viewers o sabay-sabay na nanonood sa Kapamilya Online Live sa ABS-CBN Entertainment YouTube, ang most-subscribed na YouTube media at entertainment channel sa Southeast Asia.

Pasabog nga ang dala ng “bagong yugto” trailer na inilabas ng ABS-CBN kamakailan kung saan tampok ang mga buwis-buhay na pagsubok na kailangan lampasan nina Liam (Donny Pangilinan) at Olsen (Kyle Echarri), lalo pa at nadagdagan ng alyansa ang mga hostage-taker at ngayon bihag ang kanilang mga biktima sa isang ospital.

Mas lalo pang iigting ang tensyon sa nagaganap na krisis sa pagpasok ng mga bagong karakter na ginagampanan nina Christian Vasquez, Iana Bernardez, Jeremiah Lisbo, Joel Molina, Mac Manicad, Miggy Campbell, at Paolo Serrano.

Kasing tindi rin ng sagupaan ang malupit na rebelasyon ni Greta (Lorna Tolentino) dahil malaki ang suspetsa niya na magkapatid sina Liam at Olsen. Pinanghahawakan kasi ni Greta ang hinalang ito matapos matuklasan ang pagiging kabit ng BFF niyang si Wendy (Janice De Belen) sa asawa niyang si Magnus (Raymond Bagatsing).

Dapat naman abangan sa mga susunod na episode kung paano muling malalagay sa peligro ang inaakala na ligtas at payapang buhay nina Liam, Olsen, at Luna (Maymay Entrata) dahil sa kalbaryo na dala ng mga hostage-taker at pagsindak ng mga ito sa awtoridad sa paglusob nila sa ospital kung saan kasalukuyang nanatili ang mga biktima ng La Playa Roja.

Aabot na rin sa sukdulan ang paghihiganti ng lider ng mga hostage-taker na si Emil (Joel Torre) dahil gagawin nito ang lahat para maibalik ang nawawalang milyones na datung na nakuha nila mula sa kanilang mga hostage.

Napapanood na ang “Roja” sa Kapamilya Channel sa ALLTV2. Buksan ang inyong digital black box, pindutin ang scan button sa remote control, at hanapin ang ALLTV2.

Napapanood na ang “Roja” gabi-gabi tuwing Lunes hanggang Biyernes ng 8:45 PM sa Kapamilya Channel sa ALLTV2, A2Z, at Kapamilya Online Live sa YouTube at Facebook. Napapanood din ang pinakabagong mga episode ng serye 72 oras na mas maaga sa Netflix at 48 oras na mas maaga sa iWant. Maaari rin itong mapanood sa labas ng Pilipinas sa pamamagitan ng The Filipino Channel (TFC) sa cable at IPTV. (ROHN ROMULO)

“Mercy” rises to no. 1 in its US debut, plus watch this special video of Chris Pratt greeting his Pinoy fans

Posted on: January 29th, 2026 by @peoplesbalita No Comments

MERCY rises to the top of the American box office in its debut, the futuristic action thriller dethroning Avatar: Fire and Ash’s five-week reign. Mercy is set in a not too distant future, where Det. Chris Raven (Chris Pratt) stands accused of killing his wife. He has ninety minutes to prove his innocence to the A.I. judge Maddox (Rebecca Ferguson), or face the death penalty.

Watch Chris Pratt’s greeting: https://youtu.be/md_6ZdEWNfI

The cast talks about how the film makes use of the current rise of AI, with Chris Pratt explaining the progression of Judge Maddox’s character. “Chris Raven’s story is his attempt to establish he’s not guilty while being forced to come to terms with his demons,” says Pratt, “but an equally incredible arc is the character of Judge Maddox, who feels like a cold, calculating computer program but through the course of the film actually becomes more sentient. She’s a character who essentially is trying to hide the humanity creeping up inside of her programming.”

“In a way, the film could be seen as offering a sort of Bill of Rights about how AI should be controlled, if it ever finds its way into the justice system,” Pratt continues. “Who knows what advances will be made between now and 2029? Maybe in a few years, someone will watch this film and say, ‘Wow, they got that right!’”

Mercy has since received positive reviews from US critics, with Variety calling it a ““Well-executed future-shock thriller.” ComicBookMovie.com praised the film, writing that it’s a “Great popcorn entertainment with some wild twists!.”

There’s also great feedback from the UK, where Press Association UK described watching the film as “A thought provoking and thrilling 90 minutes.” VT UK mirrored the sentiment regarding the thrilling nature of Mercy, writing “Hugely original plot. Gripped from start to finish.”

Mercy is now to Philippine theaters, including 4DX and IMAX. Mercy is distributed in the Philippines by Columbia Pictures, local office of Sony Pictures Releasing International.

Connect with the hashtag #MercyMovie @columbiapicph

(ROHN ROMULO)

US tennis star Coco Gauff humiling ng dagdag na privacy sa Australian Open

Posted on: January 29th, 2026 by @peoplesbalita No Comments

HUMILING si American tennis star Coco Gauff ng dagdag na privacy sa mga manlalaro.

Kasunod ito ng makuhanan siya ng video na winawasak ang raketa.

Nangyari ang insidente matapos ang pagkatalo niya kay Elina Svitolina sa quarterfinals ng Australian Open.

Sa nasabing laro ay nagtala ang 21-anyos na si Gauff ng limang doubles faults, 26 unforced errors sa scores na 6-1 6-2 sa laro na nagtapos sa loob ng 59 minuto.
Sinabi nito na pinigilan niya ang sarili na sirain ang raketa sa court kaya doon sa players area niya ito winasak.

Dagdag pa nito na sinubukan niyang magpunta kung saan walang camera subalit nakuhanan pa rin ito.

Mahalaga aniya na pag-usapan ng organizers ito dahil ang tanging pribado lamang sa ngayon ay ang kanilang locker rooms.

Pinay tennis sensation Alex Eala, lalo pang hinangaan sa consistent effort sa mga laban

Posted on: January 29th, 2026 by @peoplesbalita No Comments

MAINIT na sinasalubong ng mga manonood sa Rizal Memorial Sports Complex sa kanyang mga laban ang Pinay tennis sensation na si Alex Eala para sa Philippine Women’s Open.

Halos maubos ang mga tiket dahil sa dami ng fans na nais makita ang 20-anyos na tennis star ng Pilipinas.

Sa pagtatanong ng Bombo Radyo sa mga supporters ni Alex, sinabi nilang kahanga-hanga ang pagiging consistent nito na buhos ang effort sa bawat event.

Nararamdaman naman ni Eala ang pride, pressure, at privilege ng pagdadala ng bandila ng bansa sa isang bihirang pagkakataon, kung saan ang tennis ay nasa sentro ng atensyon.

Bagama’t naantala ng higit isang oras ang huli niyang laban dahil sa mahabang naunang mga laro, nanatiling masigla at kapanapanabik pa rin ang pagtrato nito sa mga manonood.

Itinampok sa paligsahan ang temang “Our moment to shine”, na tumutugma sa pag-usbong ni Eala bilang bagong mukha ng Philippine tennis.

Sa kabila ng presensya ng iba pang manlalaro, si Eala ang naging pangunahing agaw-pansin na inaabangan ng publiko.
Ang kanyang paglahok ay hindi lamang laban sa tennis court kundi pagpapakita ng dedikasyon at inspirasyon para sa mga Pilipino na naniniwala sa kakayahan ng kabataan sa pandaigdigang entablado.

Inaasahan naman ng Tennis Association na makakatulong ito upang lumakas ang nasabing laro sa mga kabataang Pinoy.

NAVOTAS, GINAWARAN NG GREEN LEGACY AWARD NG DENR

Posted on: January 29th, 2026 by @peoplesbalita No Comments

BILANG pagkilala sa patuloy na kontribusyon at pakikipagtulungan nito sa pagsusulong ng mga programang nangangalaga sa kalikasan at kapaligiran, iginawad ng Department of Environment and Natural Resources – National Capital Region (DENR-NCR) ang Green Legacy Award sa Lungsod ng Navotas.

Ang Green Legacy Awards ay isang taunang pagkilala na ibinibigay sa mga institusyon, komunidad, at sektor na napatunayang matibay na katuwang ng DENR-NCR sa pagtataguyod ng pangangalaga sa kapaligiran, pamamahala, at pagpapanumbalik ng mga likas na yaman sa buong Metro Manila.

Kinilala ng DENR-NCR ang Environment and Natural Resources Office ng Lungsod bilang isa sa mga inductees ng Green Legacy Awards para sa patuloy na kontribusyon at pakikipagtulungan nito sa pagpapatupad ng mga programang pangkalikasan, partikular sa coastal at urban environmental management, solid waste management, at community engagement.

Nagpahayag naman ng pasasalamat si Mayor John Rey Tiangco sa pagkilala, na binibigyang-diin ang kahalagahan ng magkakasamang responsibilidad sa pangangalaga sa kapaligiran.

“We are grateful to DENR–NCR for honoring Navotas as a Green Legacy Award inductee. This recognition highlights the collective efforts of our city government and our communities in protecting the environment, particularly in coastal and urban management and solid waste initiatives,” ani Mayor Tiangco.

“We continue to urge all Navoteños to support these efforts by practicing proper waste segregation and disposing of waste at the proper time,” dagdag niya.

Patuloy na pinalalakas ng Pamahalaang Lungsod ng Navotas ang mga inisyatiba nito sa kapaligiran sa pamamagitan ng regular na mga aktibidad sa paglilinis sa baybayin at mga programang pangkalikasan na nakabatay sa komunidad.

Kabilang sa mga pangunahing proyekto nito ay ang pagtatatag ng Greenhouse at Materials Recovery Facility (MRF) sa Barangay Tanza 2, na sumusuporta sa wastong paghihiwalay ng basura, pag-recycle, at sustainable waste management.
(Richard Mesa)

Sa kabila ng hindi pagdalo sa event sa Malakanyang: PBBM, maayos nasa maayos na kondisyon- Malakanyang

Posted on: January 29th, 2026 by @peoplesbalita No Comments

MULI ay tiniyak ng Malakanyang ang matatag na progreso at maayos na kondisyon ni Pangulong Ferdinand Marcos Jr.
Ito’y sa kabila ng hindi pagdalo ng Pangulo sa event na Pagpupugay 2025: Parangal Sa Mga Lingkod, na isinagawa sa Rizal Ceremonial Hall, Palasyo ng Malakanyang, araw ng Miyerkules, sa halip ay si Executive Secretary Ralph Recto ang kumatawan sa kanya.
“The President has recently returned from medical care and is recovering from diverticulitis. His medical team notes his steady progress,” ayon kay Sinabi ni Presidential Communications Office (PCO) Acting Secretary Dave Gomez.
Tiniyak ni Gomez na ipagpapatuloy ng Pangulo na mag-pokus sa mahahalagang tungkulin subalit ang Executive Secretary at iba pa niyang miyembro ng Gabinete na kanyang alter ego ay maaaring tumayong kinatawan niya sa ilang engagements.
Sa kabilang dako, sa isang ambush interview matapos ang nasabing event, sinabi ni Recto na ”He’s fine. It’s only natural for his Dr. to recommend that he rest for a week,” na ang tinutukoy ay si Pangulong Marcos.
”PBBM is catching up with paper work,” dagdag na wika nito.
Magugunitang, isinailalim sa medical observation si Pangulong Marcos nitong nakalipas na linggo dahil sa diverticulitis, o ang pamamaga ng pouches sa labas ng kanyang bituka.
Buhat noon ay hindi na nakita sa publiko ang Pangulo.
Naglabas ang Pangulo ng kanyang video message at tiniyak sa publiko na maayos ang kanyang kalagayan at hindi life-threatening ang kanyang kundisyon.
Una na ring pinabulaanan ng Malakanyang na sasailalim ang Pangulo sa surgery dahil sa nasabing karamdaman. ( Daris Jose)

JAMES JIMENEZ NG COMELEC, PUMANAW NA

Posted on: January 29th, 2026 by @peoplesbalita No Comments

PUMANAW na si James B. Jimenez, ang nagsilbing matagal nang tagapagsalita ng Commission on Election (Comelec).
Si Jimenez ay nagsilbi rin bilang Direktor V ng Education and Information Department ng Komisyon, na naglingkod sa institusyon at sa mamamayang Pilipino nang may integridad, kalinawan, at dedikasyon.

Ayon sa Comelec, may natatanging karangalan si Jimenez bilang pinakamatagal na nagsilbi at pinakabatang tagapagsalita sa gobyerno noong siya ay italaga.

Mula Hulyo 2006 hanggang Setyembre 2022, siya ang mukha at matatag na tinig ng Komisyon—nagpapaliwanag ng mga komplikadong proseso ng eleksyon nang may katumpakan, ipinagtatanggol ang mga institusyong demokratiko nang may mahinahon na tapang, at nakikipag-ugnayan sa mga mamamayan at media nang may respeto, katalinuhan, at transparency.

Sa maraming electoral cycle, si Jimenez ay nanindigan ng pampublikong impormasyon sa mga matinding pagsisiyasat at pambansang kahihinatnan.

Bukod sa kanyang papel bilang tagapagsalita, si Jimenez ay kilala sa kanyang mga kakilala sa kanyang intelektuwal na tiyaga, sense of humor at pagiging makatao—hindi kailanman nawawalan ng kabigatan sa papel.
(Gene Adsuara)

Mga Makabayang Grupo Kinondena ang Agresyon ng China sa West Philippine Sea

Posted on: January 29th, 2026 by @peoplesbalita No Comments

NAGDAOS ng kilos-protesta ang Filipinos Do Not Yield Movement (FDNY), kasama ang mga lider at kasapi ng iba’t ibang makabayang organisasyon at non-government organizations, sa harap ng Chinese Embassy upang kondenahin ang patuloy na pananakot at agresibong kilos ng China sa West Philippine Sea.

Kinondena ng grupo ang paggamit ng water cannon, pangha-harass, at iba pang coercive actions laban sa mga sundalo at mangingisdang Pilipino. Ayon sa FDNY, malinaw na paglabag ang mga ito sa United Nations Convention on the Law of the Sea (UNCLOS) at sa 2016 Arbitral Award, lalo na sa loob ng exclusive economic zone (EEZ) ng Pilipinas.

Kabilang sa mga organisasyong nakibahagi at nagpahayag ng suporta sa kilos-protesta ang mga grupong pinamumunuan ni Jose Antonio Goitia, isang kilalang civic leader at tagapagtaguyod ng soberanya. Si Goitia ay Chairman Emeritus ng Alyansa ng Bantay sa Kapayapaan at Demokrasya (ABKD), People’s Alliance for Democracy and Reforms (PADER), Liga Independencia Pilipinas (LIPI), at ng Filipinos Do Not Yield Movement (FDNY).

“Ang pambu+bully ng China sa West Philippine Sea ay hindi lamang paglabag sa internasyonal na batas, kundi tahasang pananakot sa sambayanang Pilipino,” pahayag ni Giselle L. Albano, convenor at tagapagsalita ng FDNY. “Kapag pinabayaan ito, magiging normal na lamang ang paninindak, mula sa ating mga sundalo at mangingisda hanggang sa karaniwang mamamayan.”

Binigyang-diin ni Albano na tungkulin ng pamahalaan na ipagtanggol ang katotohanan, soberanya, at pambansang interes laban sa agresibong asal ng China.

“Sinusuportahan namin ang mga opisyal ng pamahalaan na matapang na nagsasalita at naninindigan para sa West Philippine Sea. Ang pagtatanggol sa soberanya ay hindi pagpipilian, ito ay obligasyon,” dagdag niya.

Kinondena rin ng FDNY ang ilang politiko, kolumnista, at indibidwal na umano’y patuloy na ipinagtatanggol ang China sa kabila ng mga dokumentadong insidente ng pananakot at panggigipit sa mga Pilipino sa sariling karagatan ng bansa.

Nanawagan ang grupo sa publiko na maging mapanuri laban sa maling impormasyon at manatiling nagkakaisa sa pagtatanggol sa soberanya at karapatan ng Pilipinas.

Ipinahayag din ng FDNY ang suporta nito sa kasalukuyang tindig ng pamahalaan sa usapin ng West Philippine Sea at hinimok ang mga opisyal na manatiling matatag at prinsipyado sa paggiit ng karapatan ng bansa.

Tinapos ang kilos-protesta sa mga panawagang tumututol sa tinaguriang “nine-dash line” claim ng China at panawagang umatras ang Beijing mula sa mga lugar na saklaw ng EEZ ng Pilipinas.

“Hindi tayo mananahimik. Atin ang West Philippine Sea. China ang bully, hindi ang Pilipinas,” ayon kay Albano. (Richard Mesa)