UMAKYAT na sa 18 pasahero ang kumpirmadong nasawi, 317 ang nasagip at 24 iba pa ang nawawala nang lumubog ang isang Roll-on/Roll-off (RoRo vessel) sa katubigang sakop ng Basilan nitong Lunes ng madaling araw.Batay sa ulat ng Philippine Coast Guard (PCG), ang M/V Trisha Kerstin 3 ng Aleson Shipping Lines, ay nanggaling sa pantalan ng Zamboanga City at patungo sana sa pantalan ng Jolo, Sulu, nang sinawimpalad na lumubog dakong ala-1:50 ng madaling araw.Kaagad namang nagsagawa ang mga awtoridad ng search and rescue operation upang sagipin ang mga biktima.Ayon sa PCG, hindi overloaded ang lumubog na barko nang umalis ito mula sa Port of Zamboanga City, dakong 9:20 ng gabi nitong Linggo may 2.75 nautical miles (5 kilometro) sa northeast ng Baluk-Baluk Island sa Basilan.May lulan lamang anila itong 332 pasahero at 27 crew members, na pasok sa authorized maximum capacity.Lumitaw naman umano sa salaysay ng ilang survivors na hindi maalon at kalmado ang dagat nang maganap ang trahedya.Kaugnay nito, binuksan na rin ng Coast Guard Station Western Sulu ang isang information desk upang tumulong sa mga pamilya ng mga biktima, gayundin sa mga concerned parties hinggil sa mga pasahero ng barko.“The help desk serves as a centralized point for verified updates, coordination, and inquiries related to the incident,” anang PCG.(Gene Adsuara)
- March 2, 2026
Ang Diyaryong Pinagkakatiwalaan
Archive for January 28th, 2026
Naunahan pa siyang makarating sa ibang bansa…. Nanakaw na cellphone ni LANCE, nakarating na sa China
NAKAAALIW ang kuwento ng young actor at Viva Artists Agency (VAA) talent na si
Lance Carr na nakarating na raw sa China ang ninakaw na cellphone.
Na-trace daw nila ang nanakaw na cellphone gamit ang Find my Phone app at sa
huling pagtse-check ay nakarating na ito sa Shenzhen, Guangdong, China.
Kaya pagbibiro nga ni Lance, buti pa raw ang CP niya ay nasa China na
samantalang siya ay hindi pa nakakarating sa naturang bansa.
“Ang update sa cellphone ko, nasa Shenzhen, Guangdong, China na po siya ngayon.
Nag-mall stop muna siya sa Greenhills bago pumunta ng China.
“Noong unang-una po talaga, nasa Greenhills siya.
“Pero I mean, sino ba naman ang aamin kung iisa-isahin ko ‘yung mga cellphone store
roon. So binalewala ko na lang. I buy a new one.
“Noong nakita ko na bagong location niya, nasa China na siya,” pahayag pa niya.
No worries naman si Lance na baka may sensitive videos sa cellphone niya na biglang
kumalat, dahil sigurado raw siya na walang naka-save doon na ikagugulat ng lahat.
Samantala, mapapanood na si Lance kasama ang ka-loveteam niyang si Aubrey
Caraan, sa bagong Viva One series na “Hell University” simula sa February 6.
***
PlayTime Entertainment, mas Lumalaki pa sa pag-launch ng PT Sports
INANUNSYO ng PlayTime Entertainment ang pag-launch ng PT Sports, ang pinakabagong business vertical ng kumpanya, matapos ang matagumpay na debut ng PT IDOL.
Sa pagpasok ng PT Sports, tuloy-tuloy ang evolution ng PlayTime bilang isang fully integrated entertainment platform—kung saan pinagsasama-sama ang talent development, sports, at performance-driven content sa ilalim ng isang brand.
Ang PT Sports ay binuo para i-manage ang mga atleta, mag-produce ng premium sports content, at bumuo ng strategic partnerships sa iba’t ibang platforms.
Dito, ang sport ay tinuturing na entertainment kung saan nagtatagpo ang performance, storytelling, at spectacle—na swak sa vision ng PlayTime Entertainment na i-celebrate ang galing ng mga Pinoy sa lahat ng larangan.
“After the launch of PT IDOL, expanding into sports was a natural progression for us,” ayon kay Krizia Cortez, Director of Public Relations at PlayTime Entertainment. “Entertainment today goes beyond traditional categories. Whether on stage, on screen, or in competition, performance is at the heart of what audiences connect with. PT Sports allows us to build that connection through sport.”
Bilang panimula, ipinakilala ng PT Sports ang kanilang all-Filipino professional esports team na lalaban sa highest regional level sa Southeast Asia. Ang team na ito ay isa sa mga top competitive organizations sa rehiyon at sasabak na sa international stage bitbit ang banner ng PT Sports.
Plano rin ng division na ito na unt-unting pumasok sa traditional sports at iba pang emerging competitive formats habang lumalaki ang kanilang platform.
Ang pag-launch ng PT Sports ay isa na namang milestone sa transformation ng PlayTime bilang isang ganap na entertainment company. Kasunod ng PT IDOL, pormal na ngayong ginagawang scalability verticals ang matagal nang suporta ng kumpanya sa entertainment—mula sports at live events hanggang sa mga cultural at national platforms.
“Naniniwala kami na ang PlayTime ay tungkol sa entertainment sa lahat ng anyo nito,” dagdag ni Cortez.
“Sa nakalipas na mga taon, sinuportahan namin ang mga Pinoy films, concerts, pageants, at championship sports. Ang PT IDOL at PT Sports ay hindi lang basta pivots—sila ang katuparan ng aming long-term vision. Binuo muna namin ang relationships at infrastructure, at ngayon ay ready na kaming mag-scale nang may focus at championship standards”.
After ng pasabog na kinidnap daw ng P.A…. Mga anak ni CLAUDINE, nakauwi ng maayos mula sa isang birthday party
MERON din namang naniniwala, pero majority ng netizens ay hindi talaga kumbinsido sa pasabog ni Claudine Barretto.
Na kinidnap daw ng kanyang P.A. at handler na si Marisol Acop ang tatlong anak na sina Sabina, Quia, at Noah.
Kasi kung totoo raw na may kidnapping dapat ay ini-report agad ito ni Claudine sa pulis. Saka bakit grabe raw kung magbigay ng ultimatum ang actress kay Marisol.
Kapag hindi naibalik ang kanyang mga anak with in 15 minutes ay ipadadampot na niya ang P.A. sa NBI.
Ang nakapagtataka pa, bakit kailangang i-broadcast pa ni Claudine sa kanyang live sa Facebook ang utang raw sa kaniya na 5 milyong piso ni Marisol.
Saka paano nagkautang at bakit niya pinayagang umutang ito sa kanya ng ganito kalaking halaga? Si Marisol nga ba talaga ang may utang o baka guarantor lamang ito?
Ang isa pang kapansin-pansin ay parating nakikitang kasama ni Marisol sa kanyang reels ang boss na si Claudine. Recently lang ay may upload pa ito na nasa supermarket sila.
Sabi pa ng kampo ni Marisol, alam daw ni Claudine na pupunta sina Sabina, Quia at Noah sa birthday party ng kaklase ng anak at kasama nga si Marisol. At hayun nakauwi naman ng maayos ang tatlong anak sa kanilang bahay.
So, nasaan ang kidnapping dito na tulad ng pinalalabas niya.
Sana magkaayos si Claudine at Marisol lalo’t dekada na itong nagsisilbi sa aktres.
***
SUPER blessed ang 2025, sa isa Top Vloggers ng bansa na si Alex Gonzaga.
Yes, ilang produkto ang mga inendorso ni Alex kasama rito ang Chef Ayb’s Paragis na hindi lang sila endorsers ng husband si Lipa Vice Mayor Mikee Morada, at parents na sina Mommy Pinty at Daddy Bonoy Gonzaga kundi co-owner na rin ito.
Inilusad rin si Alex at sister na si Toni Gonzaga bilang celebrity endorsers ng AURUM ng Hikari Skin Essentials.
At ngayong Feb. 3 ay contract signing naman ni Alex para sa bago nitong endorsement, na hindi pa pwedeng i-divulge, kung anong product ito?
Tumanggap pala ng bagong parangal si Alex mula sa 8th Gawad Lasallianeta Award, kung saan itinanghal siyang “Most Outstanding Comedianne.”
Ginanap ito last Jan. 26 sa Activity Center ng De La Salle Araneta University. At hindi man nakarating si Alex ay pumunta naman si VM Mikee para tumanggap ng kanyang award.
Agad na humingi ng paumanhin sa kanyang social media account si Alex sa hindi niya pagdalo sa awarding ceremony.
“I really asked my husband to personally recieve this award on my behalf because I truly appreciate all the students who voted for me.
“Sorry I coudn’t be there, but maraming-maraming salamat sa inyong lahat. Love you all, De La Salle Araneta University! Ang tatalino talaga ng mga Lasallians d’yan! Hehehe.”
(PETER S. LEDESMA)
Nagbabalik ang tambalan nila ni Anne… JERICHO, mas nagbibigay ng pagmamahal kumpara sa natatanggap
NAGBABALIK ang tambalan nina Jericho Rosales at Anne Curtis sa pelikulang ‘The Loved One.’
Kuwento ito nina Eric at Ellie, isang minamahal at isang nagmamahal.
Lahad ni Jericho, “Yung character ko kasi siya yung nag-re-represent na tradisyunal na Pilipinong lalake. Na ito yun, dapat ganito. Dapat ganyan tayo sa isang relationship.
“Kailangan ganito ang gawin natin. Ito yung tama, ganyan. Minsan kasi kailangan natin maintindihan na hindi sa lahat ng panahon, kailangan makahon ang kababaihan sa kultura at tradisyon.
“Tungkol kasi siya sa pag-grow, parang ganun.”
At dahil tungkol sa minamahal (loved one) at nagmamahal (lover) natanong si Echo, siya ba ay ang lover o siya ang loved one?
“Lover,” mabilis na sagot ni Echo.
“But on certain days also the loved one. Pero recently tinuturuan ko yung sarili ko to receive love.
“I’ve been so used to, you know, giving and giving and giving [love].
“Pero my difficulty minsan receiving, so time around I’m learning to be the loved one,” ang nakangiting sinabi pa ni Jericho.
Unang nagsama sa isang pelikula, ang ‘Baler’ sina Jericho at Anne noong 2008.
Mula sa Viva Films at Cornerstone Studios, nasa pelikula rin sina Catriona Gray sa una nitong pagsabak sa paggawa ng pelikula, at sina Luis Allandy, Ian Pangilinan at Max Eigemann, sa direksyon ni Irene Emma Villamor.
Mapapanood na sa mga sinehan ang ‘The Loved One’ simula February 11.
(ROMMEL L. GONZALES)
Yoshi’s here! Watch Mario and Luigi’s start a brand new adventure in the new “The Super Mario Galaxy Movie” trailer
THE Galaxy awaits. Yoshi joins the gang in The Super Mario Galaxy Movie, which follows the 2023 hit The Super Mario Bros Movie.
Chris Pratt and Charlie Day return as legendary brothers Mario and Luigi, along with Anya Taylor-Joy as Princess Peach, Jack Black as Bower, Keegan-Michael Key as Toad, and more.
Watch the Yoshi First Look trailer: https://youtu.be/bV-A2-iJc-Q
We’re off once more as The Super Mario Galaxy Movie arrives in Philippine cinemas on April 4.
About The Super Mario Galaxy Movie:
The Super Mario Galaxy Movie is an animated film based on the world of Super Mario Bros., and follows The Super Mario Bros. Movie, which was released in 2023 and earned more than $1.3 billion worldwide. Both the 2023 film and The Super Mario Galaxy Movie are produced by Chris Meledandri of Illumination and Shigeru Miyamoto of Nintendo.
The film will be co-financed by Universal Pictures and Nintendo and will be released worldwide by Universal Pictures.
The Super Mario Galaxy Movie is directed by returning filmmakers Aaron Horvath and Michael Jelenic, from a screenplay by returning screenwriter Matthew Fogel, with Brian Tyler returning to compose the score.
Cast: Chris Pratt, Anya Taylor-Joy, Charlie Day, Jack Black, Keegan-Michael Key, Benny Safdie, Kevin Michael Richardson and Brie Larson
Screenplay: Matthew Fogel
Directors: Aaron Horvath, Michael Jelenic
Producers: Chris Meledandri, Shigeru Miyamoto
What happened to Katie? Watch the teaser trailer for “LEE CRONIN’S THE MUMMY”
SOME things are meant to stay buried. “Lee Cronin’s The Mummy,” directed by Cronin (“Evil Dead Rise”) and produced by James Wan, Jason Blum and John Keville, stars Jack Reynor, Laia Costa, May Calamawy, Natalie Grace, with Veronica Falcón. It opens only in cinemas April 15, 2026.
Watch the teaser trailer: https://youtu.be/TWNbYBwN0_c?si=Z_amIKp6GEKRe8-4
Official synopsis:
Hot off the record-setting resurrection of “EVIL DEAD RISE,” writer/director Lee Cronin turns to one of the most iconic horror stories of all time with an audacious and twisted retelling: “LEE CRONIN’S THE MUMMY.
The young daughter of a journalist disappears into the desert without a trace – eight years later, the broken family is shocked when she is returned to them, as what should be a joyful reunion turns into a living nightmare.
More about “Lee Cronin’s The Mummy”
The film stars Jack Reynor, Laia Costa, May Calamawy, Natalie Grace, with Veronica Falcón. The film is written and directed by Cronin, and produced by James Wan, Jason Blum and John Keville. The executive producers are Michael Clear, Judson Scott, Macdara Kelleher and Lee Cronin.
Cronin is supported behind the camera by a team of sterling film artisans, including director of photography Dave Garbett, production designer Nick Bassett, editor Bryan Shaw, costume designer Joanna Eatwell, music by Stephen McKeon and casting by Terri Taylor and Sarah Domeier Lindo.
New Line Cinema, Atomic Monster and Blumhouse Present, A Wicked/Good Production, A Lee Cronin Film: LEE CRONIN’S THE MUMMY. The film will be distributed worldwide by Warner Bros. Pictures, only in theaters and IMAX® in North America on April 17, 2026, and internationally beginning 15 April 2026. #LeeCroninsTheMummy
Photo credit: Warner Bros. Pictures
(ROHN ROMULO)
Pilipinas humakot ng medalya sa ASEAN Para Games
NAITALA ng Pilipinas ang pinakamaraming medalya na nahakot sa katatapos na 13 th ASEAN Para Games.
Mayroong kabuuang 45 golds, 37 silvers at 52 bronze medals ang kanilang nakamit sa torneo na ginanap sa Nakhon Ratchasima, Thailand.
Nahigitan nila ang nakamit ng bansa noong 2023 sa Cambodia na mayroong 34 golds, 33 silvers at 50 bronze medals.
Itinuturing ni Chief of mission Goody Custodio na ang galing ng mga atletang lumahok kaya nakahakot ng ganoong karamai ang bansa.
Sa nasabing torneo ay nagkampeon ang Thailand matapos ang 11 taon kung saan mayroong 135 golds, 144 silvers at 114 bronze medals ang kanilang nakamit.
Alex Eala tinalo ang Russian tennis player sa simula ng Philippine Women’s Open
NADOMINA ni Pinay tennis star Alex Eala ang pagsisimula ng pagsabak niya sa WTA 125 Philippine Women’s Open.
Hindi niya kasi niya pinaporma si Alina Charaeva ng Russia sa score na 6-1, 6-2 sa laro na ginanap sa Rizal Memorial Tennis Center.
Labis ang kasiyahan at pinasalamatan ni Eala ang mga fans na nanood sa laban nila ng World number 142.
Hindi rin aniya maipaliwanag ng 20-anyos na si Eala ang kasiyahan dahil sa matagal niyang pinangarap na makapaglaro sa harap ng mga Pinoy fans.
Susunod na makakaharap niya ang sinumang manalo sa pagitan nina Hibino Nao at Sakatsume Himeno.
Malakanyang, pinuri ang paninindigan ni Cong. Sandro sa impeachment complaint laban sa kanyang ama na si PBBM
PINURI ng Malakanyang ang naging pasya ni House Majority Leader Sandro Marcos na huwag nang lumahok sa mga deliberasyon at proceedings ng Kamara na may kaugnayan sa inihaing impeachment case laban sa kanyang ama na si Pangulong Ferdinand Marcos Jr.
Sinabi ni Presidential Communications Office (PCO) Undersecretary at Palace Press Officer Claire Castro sa press briefing sa Malakanyang na ang desisyon ng mambabatas na umurong mula sa deliberasyon kaugnay sa impeachment complaint laban mismo sa kanyang ama ay sumasalamin sa integridad at paggalang para sa democratic institutions.
“The act of Congressman Sandro Marcos inhibiting himself voluntarily from this issue, especially regarding the impeachment complaint filed against his own father – it is a hallmark of a statesman,” ang sinabi ni Castro.
“It shows his character; it shows his decency. And we believe that it is the right thing to do,” aniya pa rin
At nang tanungin kung pinayuhan ba ng Pangulo ang kanyang anak na mag-inhibit, sinabi ni Castro na hindi pinakikialaman ni Pangulong Marcos ang anumang aksyon ng kanyang anak.
“Hindi po nakikialam ang Pangulo sa mga anumang aksiyon na gagawin ng kaniyang anak dahil ang alam po niya kailangan lamang pong tumupad ang kaniyang anak sa mandato,” ang winika ni Castro.
Aniya pa, bilalang halal na opisyal, naiintindihan ni Cong. Marcos ang kanyang responsibilidad sa ilalim ng batas.
“Bilang public servant alam po ni Congressman Marcos kung ano po ang sinasabi ng batas at ano po ang dapat niyang gawin,” ani Castro.
Sa ulat, sinabi ni Congressman Marcos, na hindi na siya lumahok sa mga deliberasyon at proceedings ng Kamara upang panatilihin ang integridad ng Kongreso at protektahan ang kredibilidad ng mga proseso at para maitaguyod ang tiwala ng publiko sa constitutional system.
Bagama’t batid umano niya na hindi naman inoobliga ang kanyang pag-inhibit sa ilalim ng House Rules at tiwala siya sa independence at propesyonalismo ng mga kasamahan, kinikilala nito na may mga pagkakataong ang liderato ay kailangang magpigil sa halip na lumahok.
Dapat aniyang hayaan ang Kamara na gampanan ang constitutional duties nang walang personal na interes kaya ang kanyang pag-inhibit ay titiyak na walang magdududa sa pagiging patas ng proseso.
Sa kabila nito, mananatili umano ang commitment ni Cong. Marcos sa pagganap sa tungkulin bilang Majority Leader ng Kamara sa ibang mga bagay. (Daris Jose)
Gobyerno, tinamaan ang 2025 job targets; PBBM, nais ang mas malalim na budget reforms – Malakanyang
NALAMPASAN ng gobyerno ang ’employment at poverty-reduction targets’ nito para sa taong 2025.
Ito’y matapos na ipag-utos ni Pangulong Ferdinand R. Marcos Jr. ang karagdagang reporma sa paggamit ng public funds, partikulat na para sa flood control at climate resilience projects.
Sinabi ni Presidential Communications Office (PCO) Undersecretary at Palace Press Officer Claire Castro sa press briefing sa Malakanyang na pinangunahan ni Pangulong Marcos ang 7th Economic and Development Council (EDC) meeting sa Malakanyang, araw ng Lunes, kung saan iniulat ng economic team ang mas malakas na labor market outcomes at napanatiling poverty reduction.
Ayon sa economic team, bumaba ang unemployment rate mula 0.3% noong 2020 ay naging 4.7% noong 2025, nagpapahiwatig ng matatag na pagtaas sa bilang ng mga Pinoy na may ‘stable employment.’
“Ibig sabihin nito ay dumarami na ang mga kababayan nating may disenteng trabaho,” ang sinabi ni Castro.
Bumaba rin ang underemployment, mula 16.2% noong 2020 ay naging 13.6% noong 2025, sumasalamin sa napahusay na kalidad ng trabaho at mas maganda at tugmang kasanayan sa mga oportunidad sa trabaho.
Muli namang inulit ng economic team ang commitment ng administrasyon na makalikha ng de-kalidad na hanapbuhay at bitbitin ang poverty incidence pababa sa single-digit levels sa 2028.
“Data presented during the meeting showed that 2.4 million fewer Filipinos lived in poverty from 2021 to 2023, with the number of poor declining to 17.5 million in 2023, down from 19.9 million in 2021.
This trend aligns with the latest surveys indicating a sustained reduction in poverty incidence,” ayon kay Castro.
Tinuran pa ni Castro na ang inflation ay nananatiling manageable, nakapagbigay ng mas ‘stable environment’ para sa paglago at ‘household spending.’
“Ipinag-utos ng Pangulo na bigyang-tugon ang flood control issue, epekto ng climate change at ilang external forces na sumusubok sa ekonomiya ng bansa,” ani Castro.
Binigyang diin din aniya ni Pangulong Marcos ang pangangailangan para sa reporma sa paggamit ng public funds upang maiwasan na maulit ang maanomalyang flood control projects.
“Naniniwala ang Pangulo na kailangang magkaroon ng reporma sa paggamit ng pondo ng bayan upang hindi na maulit ang nangyari noong mga nakaraang mga maanomalyang flood control projects,” ang pahayag ni Castro.
Samantala, sa usapin naman ng climate action, binigyang diin ni Pangulong Marcos ang kahalagahan ng pinahusay na forecasting, pagtugon, at adaptation sa pamamagitan ng moderno at akmang teknolohiya.
Nanawagan din ang Pangulo para sa mas malakas na kooperasyon kasama ang ibang bansa partikular na ang nasa loob ng Association of Southeast Asian Nations (ASEAN), para palakasin ang ‘economic stability at regional resilience.’
Navotas Rep. Tobias “Toby” Tiangco, pinasaringan ni Abante
‘GUSTO mo bang ikaw na ang susunod na meow-meow?’
Ito ang pagtatanong ni House Committee on Human Rights Chairman Bienvenido Abante kay Navotas Rep. Tobias “Toby” Tiangco.
Ang reaksyon ng mambabatas ay bunsod na rin sa patuloy na pahayag ni Tiangco na mga walang basehang intriga laban kina Pangulong Marcos at dating Speaker Ferdinand Martin Romualdez kaugnay sa budget.
Sinabi ni Abante na ang pauli-ulit na patutsada ni Tiangco ay nagiging dahilan para magkaroon ng dibisyon ay pagkalito sa kabila ng kawalan ng ebidensiya at formal complaints.
“Gusto mo bang ikaw na ang susunod na meow-meow?” Kung may ebidensiya, ilabas. Kung wala, tigilan na ang paninira at ang paghahasik ng pagkakawatak-watak. Paulit-ulit siya, parang sirang plaka,” ani Abante.
Itinanggi ni Palace Press Officer Claire Castro ang umano’y private conversation na tinutuligsa ni Presidente Marcos si dating Speaker Romualdez. Sinabi pa ni Castro na walang binanggit na nagkaroon ng ganitong pag-uusap.
Nagbabala si Tiangco na hihiwalay ito sa pulitika kay Presidentr Marcos kapag may naramdaman na pagtatangka ng Chief Executive na protektahan si Romualdez mula sa flood control controversy.
Binanggit ni Abante ang sentimyento ni Deputy Minority Leader Antonio Tinio ng ACT Teachers na binatikos ang pahayag ni Tiangco na tumanging lagdaan ang bagong impeachment complaint laban kay Vice President Sara Duterte hanggang hindi nahuhuli ang “big fish.”
“There are serious and still unanswered alleged issues of corruption involving the Vice President. These are entirely separate from the flood control controversy, which must be approached strictly on the basis of evidence. It is unfortunate that this discussion is being muddied by tactics reminiscent of galawang DDS,” ani Abante.
Una nang inihayag ni Tiangco na ang pananagutan ay dapat ipataw sa lahat ng nasa gobyerno kahit na ang isyu ay kaugnay kina President Marcos o Vice President Sara Duterte.
Iginiit ni Abante na walang nakitang findings ang Independent Commission on Infrastructure (ICI), laban kay dating Speaker sa ginawa nitong rebyu sa flood-control projects.
Maging si Senate Blue Ribbon Committee chair at Senate President Pro Tempore Panfilo “Ping” Lacson aniya, ay inihayag sa publiko na walang ebidensiya na nagsasangkot kay Romualdez sa anumang iregularidad sa usapin.
“Malinaw ang sinabi ni Senator Lacson: walang ebidensiya. Kapag ang mismong Senate Blue Ribbon na ang nagsabi niyan, ano pa ang hinahabol?” pahayag ni Abante.
Kinuwestiyon ni Abante ang motibo ni Tiangco sa patuloy nitong pagsusulong ng isyu sa kabila ng paulit-ulit na klaripikasyon mula sa mga institutions na naatasang mag-imbestiga.
“Kung paulit-ulit na sinasabi ng mga institusyon na walang basehan, bakit pilit pa ring binubuhay ang isyu? Ano ba talaga ang motibo—paghahanap ng katotohanan o pulitikang paninira?” pagtatanong nito.
(Vina de Guzman)