2026 January 24 Archive - People's Balita

Archive for January 24th, 2026

ISKO NAGHATID NG P175M SUBDIDIYA SA PLM

Posted on: January 24th, 2026 by @peoplesbalita No Comments

PERSONAL na naghatid si Manila City Mayor Francisco “Isko” Moreno Domagoso sa Pamantasan ng Lungsod ng Maynila (PLM) nitong Biyernes, Enero 23, ng ₱117.5 milyon na subsidiya bilang bahagi ng agarang hakbang ng lungsod upang patatagin ang pananalapi ng unibersidad at maiwasan ang pagkaantala ng mga operasyon nito.

Saklaw ng inilabas na pondo ang dalawang dating hindi nabayarang subsidy period na nagmula pa sa nakaraang administrasyon.

Gayunman, ayon sa tala ng City Finance office, nananatili pa ring hindi nababayaran ang kabuuang ₱223.75 milyon na subsidiya ng PLM mula sa mga naunang panahon.

Sa kanyang talumpati, tiniyak ni Domagoso sa mga opisyal ng PLM na ibabalik at lalo pang palalakasin ng pamahalaang lungsod ang taunang subsidiya ng unibersidad matapos ang ilang taong pagbawas sa pondo.

“Bago ako naging Mayor, nasa ₱250 milyon ang annual subsidy ng PLM. Sa unang termino ko, itinaas natin ito sa ₱360 milyon,” ani Domagoso.

“Ang ginawa naman nila, binaba nila ng ₱210 milyon, hindi pa binigay. Ngayon, muli nating itataas ang subsidy ng PLM,” dagdag pa niya.

Ayon sa alkalde, prayoridad ng pamahalaang lungsod ang pagbabayad sa mga naiwang obligasyon habang isinasagawa ang mga hakbang upang maibalik ang regular at sapat na pondo para sa pamantasanna nakararanas ng kakapusan sa pananalapi dahil sa naantalang at kulang na subsidiya.

Inatasan na rin ang City Finance team na pag-aralan ang mga pangmatagalang solusyon upang higit pang mapalakas ang kalagayang pinansyal ng PLM, na posibleng humantong sa karagdagang pagtaas ng subsidiya sa sandaling maging normal ang daloy ng mga bayad. (Gene Adsuara)
ISKO NAGHATID NG P175M SUBDIDIYA SA PLM

Saklaw ng inilabas na pondo ang dalawang dating hindi nabayarang subsidy period na nagmula pa sa nakaraang administrasyon.

Gayunman, ayon sa tala ng City Finance office, nananatili pa ring hindi nababayaran ang kabuuang ₱223.75 milyon na subsidiya ng PLM mula sa mga naunang panahon.

“Bago ako naging Mayor, nasa ₱250 milyon ang annual subsidy ng PLM. Sa unang termino ko, itinaas natin ito sa ₱360 milyon,” ani Domagoso.

“Ang ginawa naman nila, binaba nila ng ₱210 milyon, hindi pa binigay. Ngayon, muli nating itataas ang subsidy ng PLM,” dagdag pa niya.

Pinag-iisipan nila na parang ‘The First Wives Club’… SNOOKY, ipinagdarasal na lang na matuloy ang reunion movie kasama sina DINA at MARICEL

Posted on: January 24th, 2026 by @peoplesbalita No Comments

Pinag-iisipan nila na parang ‘The First Wives Club’…
SNOOKY, ipinagdarasal na lang na matuloy ang reunion movie kasama sina DINA at MARICEL

TINANONG namin si Snooky Serna kung wala bang balak na gumawa ng isang reunion movie silang mga original ‘Underage’ girls na kinabibilangan ni Snooky, Dina Bonnevie at Maricel Soriano?Tumabo sa takilya ang lahat ng mga pelikulang pinagsamahan nilang tatlo na nagsimula sa ‘Underage: noong 1980 mula sa Regal Films.
“Iyan ang gustung-gusto naming tatlo for the longest time.
“Kahit sa vlog namin gusto namin na, prayerfully sana if our schedules will permit kasi ang busy niyan yung dalawang ate ko, ano.”
Hindi na maalala ni Snooky kung ano ang huling pinagsamahan nilang tatlo na pelikula.
“Sana nga, if ever, sana may makaisip nun, na kaming tatlo. Kung may audience pa rin, kung may mag-e-enjoy pa ring panoorin kaming tatlo together I will be really more than willing to do it again.”
May naiisip na nga si Snooky na proyekto para sa kanilang tatlo.
“Actually pinag-iisipan naming tatlo yung parang ‘The First Wives Club.’
“Sabi namin si Dina si Goldie Hawn, si Diane Keaton ako, si Bette Midler si Marya.”
Ipinalabas ang naturang hit movie noong 1996.
Kinumusta naman namin ang relasyon ni Snooky kay Ramon Villarama na dating Vice-governor ng Bulacan.
“We’re still BFFs, oo naman. I mean we’re still together. More than anything naman he’s my bestfriend.
“So ano na kami, thankfully ten years na kami.”
Kasal na ba sila?
“No, not yet.”
Pareho silang puwedeng ikasal.
“Puwede naman kaya lang we’re, we’re… we don’t want to jump di ba na, sabihin nating, ‘Okay sige ten years’. But then…
“And we don’t want to be a bad influence naman siyempre maganda pa rin talaga ang may blessing.
“Kaya lang hindi rin naman maganda pa rin yung you get married just for the sake of getting married.”
Sampung taon naman na ang relasyon nila, banggit namin kay Snooky.
“Sabagay ten years na nga, but it’s working this way naman.
“We’re friends more than anything else.”
Napapanood si Snooky sa ‘House of Lies’ ng GMA.
Nasa serye rin sina Kris Bernal, Beauty Gonzalez, Mike Tan, Martin del Rosario, Snooky Serna, Jackie Lou Blanco, Lito Pimentel, at Kokoy de Santos, sa direksiyon ni Jerry Lopez Sineneng.

(ROMMEL L. GONZALES)

2 tulak, laglag sa Caloocan drug bust

Posted on: January 24th, 2026 by @peoplesbalita No Comments

TIMBOG ang dalawang drug suspects kabilang ang isang ginang nang kumagat sa ikinasang buy bust operation ng pulisya sa Caloocan City.

Kinilala ni Caloocan Police Chief P/Col. Joey Goforth ang mga suspek na sina alyas “Cha”, 41, at alyas “Jing” 52, kapwa ng Pepino Alley, Brgy.,133, Bagong Barrio.

Ayon kay Col. Goforth, ikinasa ng mga operatiba ng Station Drug Enforcement Unit (SDEU) sa pangunguna ni P/Lt. Restie Mables ang buy bust operation laban sa mga suspek sa koordinasyon sa PDEA matapos magpositibo ang natanggap nilang impormasyon hinggil sa umano’y illegal drug activities ng mga ito.

Hindi na nakapalag ang mga suspek nang dambahin ng mga operatiba ng SDEU makaraang bintahan ng shabu ang isang pulis na nagpanggap na buyer dakong alas-3:22 ng madaling araw sa Pepino Alley, Brgy 133.

Nakumpiska sa mga suspek ang humigi’t kumulang 11.29 grams ng hinihinalang shabu na nagkakahalaga ng P76,772 at buy bust money.

Kasalukuyang nakapiit ang mga suspek sa Custodial Facility Unit ng Caloocan CPS at kapwa mahaharap sa kasong paglabag sa R.A 9165 o ang Comprehensive Dangerous Drug Act of 2002.

Binati naman ni Northern Police District (NPD) District Director P/BGen. Christopher Dela Cruz ang Caloocan City Police Station sa kanilang pagsisikap para maaresto ang mga indibidwal na sangkot sa pagpapakalat ng iligal na droga. (Richard Mesa)

₱186-M HALAGA NG MGA TANIM NA MARIJUANA, WINASAK SA LOOB NG 6-NA-ARAW NA SUNUD-SUNOD NA OPERASYON NG PDEA

Posted on: January 24th, 2026 by @peoplesbalita No Comments

TINATAYANG aabot sa ₱186,438,800.00 na halaga ng ganap na lumaking mga tanim na marijuana, mga punla, at mga namumungang tuktok ng marijuana ang winasak ng Philippine Drug Enforcement Agency – Regional Office I (PDEA RO I) sa pamamagitan ng Regional Special Enforcement Team (RSET), katuwang ang PDEA La Union Provincial Office (LUPO), PDEA Pangasinan Provincial Office (PANGPO), PDEA Ilocos Sur Provincial Office (ISPO), PDEA Ilocos Norte Provincial Office (INPO), Police Regional Office I – Regional Mobile Force Battalion (PRO I-RMFB), Ilocos Sur Police Provincial Office – Provincial Drug Enforcement Unit (ISPPO-PDEU), ISPPO–Provincial Investigation and Detection Management Unit (ISPPO-PIDMU), ISPPO 1st at 2nd Provincial Mobile Force Company (ISPPO 1st/2nd PMFC), PNP Drug Enforcement Group (PDEG), at Sugpon Police Station.

Isinagawa ang matagumpay na anim na araw na sunud-sunod na operasyon sa eradikasyon ng marijuana mula Enero 16 hanggang 21, 2026, na nagresulta sa pagbuwag ng maraming plantasyon ng marijuana na matatagpuan sa mga pinagtatalunang hangganan ng Ilocos Sur at Benguet, partikular sa mga liblib at bulubunduking lugar ng Barangay Licungan, Sugpon, Ilocos Sur at Barangay Tacadang, Kibungan, Benguet, kabilang ang Mount Boa at Mount Leteban.

Ayon kay PDEA RO I Regional Director Atty. Benjamin G. Gaspi, sa loob ng anim na araw na operasyon, sistematikong natunton, binunot, at winasak ng mga pinagsamang puwersa ang mga taniman ng marihuana na sumasaklaw sa kabuuang lawak na 106,500 metro kuwadrado sa 144 na plantasyon na na-neutralisa sa serye ng mga operasyon.

Dagdag pa ni RD Gaspi, kabuuang 628,295 piraso ng ganap na lumaking mga tanim na marijuana na nagkakahalaga ng ₱125,647,000.00, 211,795 piraso ng mga punla ng marihuana na may halagang ₱44,471,800.00, at 135 kilo ng namumungang tuktok ng marijuana na tinatayang ₱16,320,000.00 ang binunot at winasak sa naturang operasyon.

Binigyang-diin ng PDEA RO I na ang tuluy-tuloy na mga operasyon sa eradikasyon ay bahagi ng pinaigting na kampanya ng pamahalaan upang pigilan ang pagtatanim at paglaganap ng ilegal na droga mula sa pinagmulan nito, lalo na sa mga geographically isolated at boundary areas na sinasamantala ng mga sindikato ng droga. (PAUL JOHN REYES)

DPWH: EDSA rehab, 31% nang tapos

Posted on: January 24th, 2026 by @peoplesbalita No Comments

INIULAT ng Department of Public Works and Highways (DPWH) na mahigit 31% na ang natatapos nila sa nagpapatuloy na rehabilitasyon ng Epifanio delos Santos Avenue (EDSA).

Ayon sa DPWH, ito ay bilang tugon sa direktiba ni Pangulong Ferdinand Marcos Jr. na mas madaliin ang pagkukumpuni ng naturang pangunahing lansangan upang madaanan na agad ng mga motorista sa lalong madaling panahon.
Anang ahensiya, sa ngayon ay nagpapatuloy ang asphalt overlay sa bahagi ng Northbound, mula Roxas Boulevard hanggang sa Taft Avenue, Tramo hanggang Magallanes, at Magallanes hanggang Taft Avenue.
Sa bahagi naman anila ng southbound, magsisimula ito sa Taft Ave. hanggang Roxas Boulevard na magpapatuloy hanggang sa mga susunod na linggo.
Samantala, magsasagawa rin naman ang DPWH ng concrete reblocking sa bahagi ng P. Celle U-turn, lane 4.
Inaabisuhan naman ng DPWH ang mga motorista na pansamantalang gumamit ng alternatibong ruta habang isinasagawa ang rehabilitasyon.

Get fully immersed with the unique Screenlife style of “Mercy,” a futuristic action thriller starring Chris Pratt and Rebecca Ferguson

Posted on: January 24th, 2026 by @peoplesbalita No Comments

THE intensity is cranked up to the max as director Timur Bekmambetov’s signature Screenlife style evolves in his dystopian action thriller Mercy. Known for his work in Unfriended and Searching, his fusion of traditional cinematography and onscreen filming pulls the audience into the story.

Bekmambetov’s goal has always been to let moviegoers have the most immersive experience possible. “The Screenlife genre requires believable performances and very grounded storytelling,” says Bekmambetov. “When I began Mercy, I thought, ‘In real life I live in two realities at once — the physical world, and a world of windows, buttons, clicks, messages. I work, I fight with people, forgive people, all not in the physical world. So why are we not telling stories about that?’”

Watch the trailer: https://youtu.be/TSCQGx4IF5w

In Mercy detective Chris Raven (Chris Pratt) is on trial for the murder of his wife. Face-to-face with A.I. Judge Maddox (Rebecca Ferguson), a technology he once championed, he has ninety minutes to prove his innocence before he gets punished with the death penalty.

To have his vision fully realized, Bekmambetov worked with visual design firm Experimental / Design. The company is known for their work on Steven Spielberg’s Minority Report as well as working for clients such as Nike and New York’s Museum of Modern Art. “Experimental / Design is a world-building studio, and world-building is a really holistic process,” says the company’s Lead Designer Jen Stein. “We take a deep dive into all aspects of a narrative world — in this case, the world of Mercy is a dystopian-ish Los Angeles set in 2029. We started to look at what the impacts of quantum computing might be on AI’s development.”

Producer Robert Amidon is in awe with the direction that Mercy has taken, and the state-of-the-art process in which the film was made. ““This was quite an experimental movie to be making at this scale, using these emerging filmmaking technologies in ways I don’t think anyone’s tried before,” says Amidon.

With all the bells and whistles of modern filmmaking and the added flair of science fiction, Mercy actually keeps the film’s feet firmly on the ground with Screenlife. “The Screenlife storytelling style is very personal —like you’re actually seeing through the eyes of a character,” says Stein. “It feels like an extension of our everyday life now with computer screens and phones. Yet Timur’s vision was grounded in reality.”

Actor Kali Reis, who plays Det. Chris Raven’s work partner Det. Jacqueline Diallo, shares how the filmmaking process worked in her favor when shooting her scenes. “I love Timur’s vision,” says Reis. “And even with all the multiple screens and the incredible fast pace of the film, audiences can identify with the characters. In the same way, while making the movie, we were all so immersed not just in our characters, but also in the filmmaking process around us.”

Time is running out as Mercy is coming to Philippine theaters on January 28, 2026, including IMAX. Mercy is distributed in the Philippines by Columbia Pictures, local office of Sony Pictures Releasing International. Connect with the hashtag #MercyMovie @columbiapicph

(ROHN ROMULO)

Ads January 24, 2026

Posted on: January 24th, 2026 by Francis Paolo Torres No Comments