PINANGUNAHAN ni Mayor John Rey Tiangco ang pagpapasinaya sa dalawang bagong renovate na health centers sa Navotas City, ang Phase 2 Area 1 Health Center sa Brgy. NBBS Dagat-dagatan at Tanza Health Center and Lying-in Clinic. Ani alkalde, ang pagkakaroon ng maayos na health center ay isa sa mga daan para patuloy na itaas pa ang antas ng kalusugan ng mga mamamayan. Hinikayat din niya ang mga Navoteño na pangalagaan ang kanilang kalusugan sa pamamagitan ng pagbuo ng magandang habits tulad ng pagkain ng healthy food at pag-eehersisyo.
( Richard Mesa)
- March 4, 2026
Ang Diyaryong Pinagkakatiwalaan
Archive for January 12th, 2026
2 bagong renovate na health centers, pinasinayaan sa Navotas
7 katao, timbog sa sugal, droga sa Valenzuela
SHOOT sa selda ang pitong kalalakihan kabilang ang tatlong drug suspects matapos mahuli sa aktong naglalaro ng illegal na sugal sa magkahiwalay na lugar sa Valenzuela City.
Sa kanyang ulat kay Northern Police District (NPD) District Director P/BGen. Christopher Dela Cruz, sinabi ni Valenzuela police chief P/Col. Joseph Talento na alas-12:45 ng tangahali nang maaktuhan ng mga tauhan ng Police Sub-Station 2 ang dalawang lalaki na nagka-cara y cruz sa isang bakantang lote sa Rosario St., Brgy. Gen T De Leon.
Hindi na nakapalag ang dalawa nang arestuhin ng mga pulis at nasamsam sa kanila ang bet money, pangara at isang plastic sachet ng hinihinalang shabu na nakuha kay alyas “Willy”, 32, ng Brgy. Parada.
Nauna rito, timbog naman sa mga tauhan ng Ugong Police Sub-Station 8 ang tatlong kelot makaraang mahuli sa aktong naglalaro ng sugal na cara y cruz din sa tabi ng creek sa Sapa St., Brgy. Bagbaguin bandang alas-10:40 ng gabi.
Nakumpiska sa kanila ang bet money at pangara habang ang isang plastic sachet na nagalaman ng hinihinalang shabu ay nakuha kay alyas “”Jerome”, 32, ng Brgy. Mapulang Lupa.
Alas-4:15 naman ng hapon nang maaresto ng mga tauhan ng Dalandanan Police Sub-Station 6 ang dalawang lalaki habang nagka-cara y cruz sa GML Village, Brgy. Lingunan. Nakuha sa kanila ang bet monet at pangara habang ang isang plastic sachet ng umano’y shabu ay nasamsam kay alyas “John”. (Richard Mesa)
Lalaki na wanted sa carnapping sa Caloocan, inaresto sa loob ng Manila City Jail
SA loob na ng Manila City Jail nakorner ng tumutugis na pulisya ang isang lalaki na wanted sa kaso ng carnaping sa Caloocan City, matapos itong makulong sa hindi nabanggit na kaso.
Batay sa ulat, nakatanggap ng impormasyon ang mga tauhan ni Northern Police District (NPD) District Director P/BGen. Christopher Dela Cruz na nakakulong sa BJMP-NCR sa Manila City Jail ang 41-anyos na akusado sa hindi nabanggit na kaso.
Kaagad nakipag-ugnayan ang mga tauhan ng NPD District Investigation and Detective Management Division (DIDMD) sa BJMP-NCR Manila City Jail, sa Old Bilibid Compound, Sta. Cruz, Manila, bago isinilbi sa akusado ang warrant of arrest.
Ang arrest warrant ay inisyu ng Caloocan City Regional Trial Court (RTC) Branch 124, noong November 11, 2025 para sa paglabag sa Section 3 ng Republic Act 10883 (Anti-Carnapping Act of 2016) na may inirekomendang piyansa na P300,000.
Pinuri naman ni BGEN Dela Cruz ang matibay na dedikasyon ng arresting team na nagpapalakas aniya ng tiwala ng publiko at hinimok niya ang mga ng NPD na panatilihin ang antas ng pagganap at patuloy na maglingkod sa komunidad nang may kahusayan. (Richard Mesa)
Matapos ang sunog sa QC: PBBM, nangako ng bagong SFHS classrooms sa susunod na school year
TINIYAK ni Pangulong Ferdinand Marcos Jr. sa mga estudyante at guro ng San Francisco High School (SFHS) sa Quezon City, na tinupok ng apoy noong June 2025, na itatayo ang mga bagong silid-aralan bago ang pagbubukas ng School Year (SY) 2026-2027 sa Hunyo.
Sa halip na inisyal na mangako ng 12 silid-aralan, sinabi ni Pangulong Marcos na tinatrabaho na ng Department of Public Works and Highways (DPWH) na makumpleto ang 36 na silid-aralan.
“We have asked SM [Supermalls] to also build 24 classrooms, so this is the construction for the new classroom that will be done by public works for the DepEd [Department of Education],” ayon kay Pangulong Marcos sa isang brief statement kasunod ng ag-inspeksyo sa eskuwelahan.
“Its schedule will be completed by the beginning of next school year. It can be used in June,” aniya pa rin.
Maliban sa pagbisita, pinangasiwaan ng Pangulo ang rehistrasyon ng mga estudyante, mga magulang at guro sa Philippine Health Insurance Corporation’s Yaman ng Kalusugan Program, na nag-alok ng libreng medical consultation, laboratory tests, cancer screening, at medisina sa mga benepisaryo nito.
Naganap ang sunog noong Hunyo 15 bandang 10:45 ng umaga at tuluyang nasunog ang Dao Building, isang Imelda-type structure na itinayo noong 1985.
Sampung silid-aralan ang naapektuhan. Tinatayang ₱3 milyon ang halaga ng pinsala na nakaapekto sa humigit- kumulang 720 estudyante ng junior high school.
Kabilang sa mga nasira ay mga armchair, mesa ng guro, bentilador, ilaw, computer set ng Panitikan Club, at halos 150 bundle ng mga learning material. ( Daris Jose)
Fitness check hiling ng ilang miyembro ng National Unity Party (NUP) sa House Ethics Committee
HINILING ng ilang miyembro ng
National Unity Party (NUP) sa
House Ethics Committee na magpatupad ng fitness check bago makabalik si Cavite 4th District Congressman Francisco “Kiko” Barzaga sa kanyang tungkulin matapos masuspinde.
Sa inihaing Manifestation and Motion sa House Committee on Ethics and Privileges, hiniling ng NUP sa komite na i- require ang comprehensive fitness determination kay Barzaga bago ito payagang makabalik sa tungkulin nito.
Binanggit nito ang patuloy na paglalabas ng ‘inflammatory and disorderly content’ sa kabila ng disciplinary sanctions na ipinataw ng Kamara kay Barzaga.
Matatandaan na inaprubahan ng Kamara noong Disyembre 1, 2025 ang Committee Report No. 28, na nagpapataw ng 60 araw na suspensiyon ng walang sahod at allowance dahil sa paglabag sa House Code of Conduct at Republic Act No. 6713.
Binanggit sa Manifestation and Motion ang mga posts laban sa yumaong Congressman Romeo “Romy” Acop, statements sa tributes dito at mga inflammatory political na komentaryo.
Sa mosyon, hiniling ng NUP ang comprehensive fitness determination bago pabalikin si Barzaga upang mabatid kung ‘physically, mentally, emotionally, and behaviorally prepared’ ito para ipatupad ang kanyang tungkulin sa Kamara.
(Vina de Guzman)
Large scale tobacco smuggling, pinabubusisi
PINAIIMBESTIGAHAN ni Marikina City Rep. Miro Quimbo, Chairperson ng House Committee on Ways and Means ang tumataas na insidente ng large-scale tobacco smuggling.
Sa House Resolution 636, pinasisilip nito sa kaukulang komite ang naturang smuggling at impact nito sa public health at government revenues.
Tinukoy nito ang pagkakakumpiska ng 32 trak nitong Enero 1 na naglalaman umano ng smuggled cigarettes na nagkakahalaga ng tinatayang ₱2.6 billion. Naharang ito sa operasyon ng Philippine National Police sa Batangas at Malabon.
Sinabi ni Quimbo na ang naganap na pagkakakumpiska ay nagpapakita na nananatiling seryoso ang organisadong cigarette smuggling na nangangailangan ng agarang aksyon.
Dahil dito, tinatayang nasa P875.16 million na buwis ang nawala sa pamahalaan.
Noong 2023, iniulat ng Bureau of Internal Revenue (BIR) na nalugi ang gobyerno ng tinatayang ₱25.5 bilyong excise tax dahil sa smuggling.
Iginiit ng mambabatas na pinahihina ng large-scale tobacco smuggling ang public health policy at tax enforcement sa pamamagitan ng artipisyal na pananatili sa presyo ng sigarilyo sa mababang halaga.
“Kung hindi napipigilan ang malakihang smuggling, bumabagsak ang presyo ng sigarilyo. And the stark price gap between legal and smuggled cigarettes waters down the effect of sin taxes and other health reforms we have so far achieved. At sa patuloy na smuggling ng sigarilyo, mas nagiging accessible ang bisyo sa kabataan at mahihirap nating kababayan. Patuloy din nawawalan ng pondo ang gobyerno para sa mga health programs, lalo ng Philhealth.,” ani Quimbo.
Pinarerebyu din ng resolution ang kasalukuyang enforcement systems, koordinasyon ng mga ahensiya at multang ipinapataw sa smuggling.
Umaasa si Quimbo na makakatulong ang imbestigasyon ang umanoy butas sa regulasyon at masiguro na maparusahan ang mga smugglers.
“While our law enforcement agencies have been vigilant on this case, the magnitude of the issue demonstrates the need for systemic reforms. Smugglers must be prevented from profiting at the expense of public health and taxpayers,” pahayag nito.
(Vina de Guzman)
MINISTERIAL NA PAGPAPATUPAD SA NA APRUBAHANG RETIREMENT, PROMOTIONS, AT AWARDS, HINIHINTAY NG DATING PNP OFFICIAL
KASALUKUYANG naghihintay ang isang mataas na opisyal ng Philippine National Police (PNP) ng pagkumpleto ng mga purong ministerial na aksyon sa Department of the Interior and Local Government (DILG), kasunod ng pinal at naaprubahang retirement, special promotions, mga parangal, at kaugnay na claims.
Batay sa mga opisyal na rekord, ang Decision at Order na may petsang Disyembre 9, 2022, na inilabas sa panahon ng panunungkulan ni dating DILG Secretary Benjamin “Benhur” Abalos Jr., na nag-aapruba sa kaso ni Police Director General Roger Castañeda Dy Jr., ay matagal nang final at executory.
Saklaw ng nasabing Decision, Order, at Directives ang pag-update ng service records, pagpapatibay ng mga naunang naaprubahang special promotions at Medals of Valor, at ang pagproseso ng mga kaukulang benepisyo at retirement entitlements.
Ayon sa mga rekord, ang lahat ng substantive na isyu at merito ng kaso ay ganap nang nalutas, at ang mga kinakailangang endorsements at supporting documents ay nakumpleto, napatunayan, at nasuri sa pamamagitan ng iba’t ibang mekanismo ng oversight at review.
Ang mga dokumentong ito ay opisyal na naisumite, nairehistro, at naitala (officially received and logged) sa mga tanggapan at ahensiyang may kinalaman sa pagproseso at implementasyon ng nasabing desisyon.
Bukod dito, ang mga kinakailangang sinumpaang salaysay (affidavits)—kabilang ang mga affidavits ng mga pangunahing saksi at ang sariling affidavit ng opisyal—ay naisumite na rin alinsunod sa mga itinakdang procedural at documentary requirements ng mga kinauukulang tanggapan.
Ang nananatiling hindi pa nailalabas ay ang mga purong ministerial na aksyon sa antas ng DILG, partikular ang paglalabas ng Certified True Copy (CTC), adoption o implementing directives, at opisyal na transmittal na kinakailangan para sa ganap na pagpapatupad ng desisyon ng mga implementing agencies.
Ipinapakita rin ng mga rekord na wala nang anumang legal, administratibo, audit-related, integrity-related, o human-rights-related na balakid sa implementasyon ng naaprubahang desisyon.
Ayon sa mga dokumentong nasa rekord, malinis ang pangalan ng naturang opisyal at wala itong anumang nakabinbing kaso o usapin, kaya’t inaasahan na ang natitirang ministerial na hakbang ay maipatutupad na sa lalong madaling panahon.
(PAUL JOHN REYES)
Mga deboto binalaan sa ‘stampede’ sa Traslacion
PINAALALAHANAN ng Department of Health (DOH) ang mga deboto hinggil sa panganib ng posibleng pagkakaroon ng stampede, sa panahon ng pagdaraos ng Traslacion 2026 o ang tradisyunal na prusisyon para sa imahe ng Itim na Poong Nazareno.
Sinabi ng DOH na mataas ang panganib ng pagkakaroon ng stampede sa mga masisikip at matataong lugar.
Ayon sa DOH, kabilang sa mga senyales ng stampede ay malakas na tulakan, hirap na iangat ang mga paa, sabay-sabay na galaw ng mga tao at hirap sa paghinga.
Anang ahensiya, kapag napansin na ang ilan sa mga naturang palatandaan, ay kaagad nang lumayo sa lugar at kung maaari ay magtungo sa mas maluwag na espasyo.
Sakali naman anilang hindi makakalayo, dapat na manatiling nakatayo lamang at nakaangat ang mga braso.
Sakaling nahulog naman o mabuwal, dapat na protektahan ang ulo at dibdib.
Mas makabubuti rin umano kung sumabay sa galaw ng mga tao at kung kakayanin ay unti-unting lumipat sa mas maluwag na lugar.
“Kapag dadalo sa Traslacion, alamin ang senyales ng stampede at ano ang dapat gawin kung sakaling nangyari ito para ligtas ang paggunita at pamamanata,” anang DOH.
Ang Traslacion 2026 ay idinaos Enero 9, at dinaluhan ng milyun-milyong deboto ng Itim na Poong Nazareno.