ITINUTURING ni Pangulong Ferdinand Marcos Jr., na isang “thankless job” ang pagiging isang politiko. Subalit, masasabi na sulit naman ang makatulong sa isang tao na mabago ang kanyang buhay.Ito ang mensahe ng Pangulo para sa mga naghahangad na pasukin ang politika sa Part 1 ng BBM Podcast Episode 6 na ibinahagi sa mga mamamahayag, araw ng Lunes.Tinanong ang Pangulo kung ano ang maibibigay nitong payo sa mga nagnanais na maging politiko, ang tugon ng Pangulo ay sana ay nalaman na muna nya bago siya pumasok sa politika.“So long as you enter politics for the right reason, and there’s only one reason: to serve. There is no other correct reason. It’s a thankless job, that’s for sure but it’s worth it; it’s worth it,” aniya pa rin.“There’s nothing better, there’s nothing better than to help somebody outside of yourself, outside yourself, outside your family, your community, your country. May nagawa, nagbago ‘yung buhay ng tao, can you imagine binago mo ‘yung buhay ng tao? What a privilege to be able to do that,” ang winika ng Pangulo.Taong 1980, tumakbo ang 23-taong-gulang na itong si Marcos Jr. bilang kandidato sa pagka-Bise Gobernador ng Ilocos Norte nang walang kalaban at nanalo, sa ilalim ng partidong Kilusang Bagong Lipunan ng kanyang amang namumuno sa buong Pilipinas sa ilalim ng batas militar noong panahong iyon. Kinalaunan, naging Gobernador siya ng Ilocos Norte noong 1983 at nanatili sa opisina hanggang mapatalsik ng Himagsikan ng Lakas ng Bayan ang kanilang pamilya mula sa kapangyarihan at lumipad papuntang Hawaii sa pagkakapatapon noong Pebrero 1986.Pagkamatay ng kaniyang ama noong 1989, hinayaan ni Pangulong Corazon Aquino na umuwi ng Pilipinas ang nalalabi sa pamilya Marcos upang humarap sa ilang demanda.Pagsapit ng taong 1992, nahalal at naupo siya bilang Kinatawan ng Ikalawang Distrito ng Ilocos Norte hanggang 1995, at muling siyang nahalal noong 2007 hanggang 2010. Sa pagitan ng pagtatapos ng kaniyang termino noong 1995 at pagsisimula ng isa pang termino noong 2007, nanungkulan siyang muli bilang Gobernador ng Ilocos Norte na kaniyang tinakbuhan at napaghahalan. Taong 2010 rin siya nahalal bilang Senador ng Pilipinas sa ilalim ng Partidong Nacionalista at naupo hanggang 2016.Noong 2015, tumakbo si Marcos para sa pagka-Pangalawang Pangulo ng Pilipinas noong Halalan 2016. Sa pagkakaibang 263473 boto, 0.67 bahagdan, natalo si Marcos Jr. ng kinatawan ng Camarines Sur na si Leni Robredo. Bilang tugon, nagsampa si Marcos ng protestang elektoral sa Presidential Electoral Tribunal na naglalaman ng mga akusasyon ng mga pandaraya. Taong 2021, napagsang-ayunang ibara ang petisyon ni Marcos matapos ang isinagawang pilotong muling pagbibilang sa mga piling lalawigan ng Negros Oriental, Iloilo, at Camarines Sur na nagresulta pa ng pagdagdag pa nga ng 15093 boto sa lamang ni Robredo. Kinalaunan nang taong iyon, isinapubliko ni Marcos ang kandidatura niya para sa pagka-Pangulo ng Pilipinas sa Halalan 2022.Kasalakuyang naninilbihan si Marcos bílang ika-17 na Pangulo ng Pilipinas.(Daris Jose)
- April 4, 2026
Ang Diyaryong Pinagkakatiwalaan
Archive for December 10th, 2025
Men’s football team ng bansa pasok na sa semis ng SEA Games
NAGTALA sa kasaysayan ang Philippine Men’s National Football Team sa SEA Games mataposa talunin ang Indonesia 1-0.
Ang nasabing panalo ay siyang nagdala sa Pilipinas para makapasok sa semifinals.
Ito kasi ang unang pagkakataon sa loob ng 34 taon na makapasok ang men’s football team sa semifinals sa laro na ginanap sa Chiang Mai, Thailand.
Ang natatanging goal ay naitala ni Otu Banatao sa 45+1 bago ang halftime.
Pagpasok ng second half ay naging matindi ang depensa ng Pilipinas at hindi na pinayagang makapagtala pa ng goal ang defending champion.
Mayroon ng dalawang panalo at wala pang talo ang men’s football team para sa group stage.
Noong 1991 kasi na SEA Games na ginanap sa bansa ay nabigo ang Pilipinas sa Singapore 2-0 para sa bronze medal match.
Unang tinalo ng Pilipinas ang Myanmar 2-0 kung saan hinihintay na lamang Pilipinas ang top team sa Group A o B para sa semifinals matchup na gaganapin sa Disyembre 15.
Yahoo Mail: Search, Organize, Conquer
Filipino community sa Thailand, maghahatid ng ‘home-warm atmosphere’ sa Pinoy athletes – PSC
UMAASA ang Philippine Sports Commission (PSC) na maghahatid ng mainit na suporta ang Filipino community sa Thailand para sa mga atletang Pinoy na sasabak sa 2025 Southeast Asian Games.
Ayon kay PSC Chairman Pató Gregorio, ang presensiya ng libo-libong Pilipino sa host country ay inaasahang magdudulot ng “homecourt energy” sa mga manlalarong Pinoy, katulad ng sigla nila kapag naglalaro sa Pilipinas.
Pangungunahan nina Chairman Gregorio, Deputy CDM Jop Malonzo, at Philippine Ambassador to the Kingdom of Thailand H.E. Millicent Cruz-Paredes ang Philippine contingent sa pagbubukas ng regional meet ngayong araw, Disyembre 9.
Nauna nang bumiyahe sa Thailand ang ilang atleta ng bansa, habang ngayong araw ay tumulak na rin ang Philippine Athletics Team patungo sa host country.
Sa kasalukuyan, tinatayang umaabot sa 40,000 ang bilang ng mga Pilipinong naninirahan sa Thailand.
Target ng PSC hindi lamang ang pag-angat sa medal ranking kundi pati ang pagpapalakas ng partnership ng Pilipinas sa iba pang miyembro ng SEA. Ito ay kasabay ng pagtutulak ng bansa sa mas malago pang sports tourism habang naghahanda para sa 2026 ASEAN Summit Chairmanship.
2nd Bacolod Flood Mitigation Summit, inorganisa ni Rep. Benitez
MAGSASAGAWA ng ikalawang parte ng inisyatibo para sa paglulunsad ng komprehensibong tugon kaugnay sa pagbaha ngayong Miyerkules.
Ayon kay Bacolod lone district Rep. Albee Benitez, importante ang gagawing hakbang “to arrive at real, workable, and future-ready solutions suitable for a thriving and rapidly developing city.”
Ang 2nd Bacolod Flood Mitigation Summit, na inorganisa ni Benitez, ay inaasahang pagkakaisahin ang natalakay ng mahigit isang buwan mula sa isinagawang summit para sa pagbuo ng flood mitigation masterplan.
Ang unang flood mitigation summit ay ginanap noong October 20.
“The masterplan will be the whole city’s blueprint in solving our long fight with flooding. We are proud to note that as we gear toward this, we have involved as many stakeholders as possible—from national government agencies to civil society organizations, and even Bacolodnons themselves,” anang mambabatas.
Sinabi pa ni Benitez na sa gaganaping isang araw na event, patuloy na tatalakayin ang mga binuong matrix na nabuo sa unangbsummit.
Kabilang na dito ang pagtukoy sa problema at panukalang short-, medium-, at long-term intervention.
Inaasahang isusumite ng Bacolod Anti-Baha Alliance, isang citizen-led group, kabilang na ang representante mula sa national government agencies at local officials, ng position papers. DepDev Negros Island Region at iba pang civil society organizations na inaasahang magsusumite ng kanilang synthesis sa natukoy na problema, panukalang solutions, at discussions.
Isang technical working group ang bubuuin para pag isahin ang natalakay sa isang draft ng Flood Mitigation Masterplan.
“Flooding is a problem that faces many of our kababayan, and we hope this summit can offer a blueprint for the rest of the country. We want to show that when a city’s people work together for a common purpose, we can rise above any challenge. Flooding may be a tragic reality of our history and our present—but we should refuse to make it an accepted reality in our future.” pagtatapos ni Benitez.
(Vina de Guzman)
Science-based hazard mitigation measures vs. disasters
IMPORTANTE na magpatupad ang gobyerno ng science-based strategies upang tugunan ang impact ng natural disasters at mabigyan ang mga bulnerableng komunidad ng “more than a fighting chance” upang mabawasan ang epekto mula sa sakuna.
Ayon kay Parañaque 2nd District Rep. Brian Raymund Yamsuan, kabilang sa
science-based measures, ang produksyon at regular update ng hazard maps gamit ang pinakabagong teknolohiya at infrastructure at nature-based solutions para sa disaster risk reduction.
“The recent destruction wrought by typhoons Uwan and Tino and the strong earthquakes that shook the Visayas and Mindanao, have overwhelmed frontline responders and strained government resources. These disasters that were once rare but now appear to be coming one after another highlight the need for better planning and preparedness,” ani Yamsuan.
Sa inihain nitong House Bill 4305 o panukalang Multi-Hazard Mapping Act, layon nitong magkaroon ng regular updating ng hazard maps sa bawat siyudad at munisipalidad.
“The growing intensity and frequency of the calamities we are experiencing compel us to invest in a unified, comprehensive, science-based disaster risk reduction strategy. We should provide our countrymen with more than a fighting chance in minimizing their risks from typhoons, earthquakes and other disasters,” pahayag ni Yamsuan.
“Usually ang preparations natin kapag may padating na disaster are evacuation and pre-positioning of relief supplies para mabilis na maihatid sa mga nasalanta. Pero kulang pa rin. Lalo na ngayon na ‘yung mga komunidad na dati naman ay hindi nakakaranas ng bagyo at yung mga lugar na dati namang hindi binabaha, kasama na ang mga evacuation centers, ang siya nang hinahagupit ng mga kalamidad na dinadanas natin,” dagdag nito.
(Vina de Guzman)
Pagpatay sa 18-anyos na ama na pinalo ng baseball bat sa ulo sa Malabon, kinondena ni Mayor Sandoval
KINONDENA ni Malabon City Mayor Jeannie Sandoval ang nangyaring pagpatay sa 18-anyos na ama matapos pagtulungan at dalawang beses paluin ng baseball bat sa ulo ng isang grupo ng kalalakihan sa lungsod.
“Bilang inyong City Mayor, mahigpit kong kinokondena ang lahat ng uri ng karahasan. Hindi kailanman katanggap-tanggap ang anumang gawain na kumikitil ng buhay at sumisira sa kapayapaan ng ating komunidad,” ani Mayor Jeannie.
“Lubos kong ikinalulungkot ang pagkamatay ni Guy Aldrin Gonzales, at nakikiramay ako sa kanyang pamilya sa matinding dalamhati na kanilang pinagdaraanan. Ang kanyang ina, na isa ring kawani ng City Hall, ay bahagi ng ating lingkod-bayan, at kasama rin natin siyang naghahangad ng katarungan,” dagdag niya.
Tiniyak din niya sa lahat ng Malabueño na hindi natin papayagang manatiling malaya ang sinumang responsable sa krimeng ito at makakaasa aniya na buong pwersa ng batas ang pakikilusin upang matiyak na mananagot ang mga salarin.
Nangako rin ang alkalde na patuloy niyang bibigyan ng suporta ang pamilya Gonzales at sisiguraduhin na ang ganitong uri ng karahasan ay hindi maghahari sa lungsod.
Nangyari ang insidente noong Lunes, December 1, alas-2 ng madaling araw sa Kagitingan St. Brgy. Muzon nang banggain ng motosiklo sa likod ang biktima bago dalawang beses na pinalo ng baseball bat sa ulo makaraang sitahin nito ang nakakasilaw na ilaw ng motorsiklo.
Nadala pa ang biktima sa pagamutan kung saan ilang araw itong na-comatose bago tuluyang binawian ng buhay habang naaresto naman ng mga tauhan ni Malabon police chief Col. Allan Umipig ang umano’y humataw sa kanyang ulo na si alyas “John”, 24, subalit nakalaya umano makaraang magpiyansa sa kasong frustrated homicide.
Ayon kay Col. Umipig, patuloy ang isinawaga nilang malawakang operation laban kay alyas John at sa iba pang mga suspek kabilang ang nagmamaneho ng motosiklo na sumagasa sa biktima. (Richard Mesa)
PBBM, nangakong pabibilisin ang pagpapasa ng Anti-Dynasty, People’s Commission laws
INATASAN ni Pangulong Ferdinand Marcos Jr. ang Kongreso na iprayoridad ang pagpapasa ng Anti-Dynasty Bill at panukalang Independent People’s Commission (IPC) Act.
Ito ang inihayag ni Palace Press Officer Undersecretary Claire Castro.
May ilang batas naman ang inihain sa Mababang Kapulungan ng Kongreso at Senado na naglalayong bigyang-bisa ang probisyon ng 1987 Constitution na nananawagan para sa pagbabawal ng political dynasties.
Ang dalawang Senate bills sa paglikha ng IPC, ay naghahangad na makapagtatatag ng permanente,, independent, non-partisan commission na may atas na iimbestigahan ang di umano’y anomalya at korapsyon sa lahat ng government infrastructure projects na may iba’t ibang levels, mula national, local government unit (LGU), at government-owned/controlled corporation (GOCC).
( Daris Jose)
DBM, magpapalabas ng guidelines para sa mas mataas na MUP base pay, subsistence allowance
NAKATAKDANG magpalabas ang Department of Budget and Management (DBM) ng guidelines para sa agarang implementasyon ng adjustments sa sahod at subsistence allowance ng lahat ng military and uniformed personnel (MUP).
“We commend President Bongbong Marcos for approving the increase in salary and subsistence allowance for our military and uniformed personnel, who dedicate their lives to safeguarding the nation,” ayon kay DBM Acting Secretary Rolando Toledo sa isang kalatas.
“Rest assured that the DBM shall exert all efforts to support the EO’s immediate implementation which is set to take effect beginning January 1, 2026,” aniya pa rin.
Sa ilalim ng Executive Order (EO) 107, tinintahan ni Pangulong Marcos noong Dec. 3, ang updated base pay schedule ng lahat ng MUP ay ipatutupad sa tatlong tranches, simula Jan. 1, 2026.
Ang second tranche ay magiging epektibo sa Jan. 1, 2027 habang ang third tranche naman ay sa Jan. 1, 2028.
Saklaw naman ng EO 107 ang lahat ng empleyado sa ilalim ng Department of National Defense, Department of the Interior and Local Government, Philippine Coast Guard, Bureau of Corrections at National Mapping and Resource Information Authority.
Samantala, itataas din ang daily subsistence allowance ng lahat ng uniformed personnel sa P350 mula sa kasalukuyang P150, epektibo Jan. 1, 2026.
Ang subsistence allowance ng lahat ng military personnel ay itinaas na sa P350 ngayong taon, kasunod ng pagpapalabas ng EO 84 noong March 14.
Ang pondong kakailanganjn para sa implementasyon ng pagtaas sa base pay at subsistence allowance ay huhugutin mula sa available appropriations sa ilalim ng 2026 General Appropriations Act at iba pang available appropriations, “subject to budgeting, accounting, and auditing rules.”
Lumikha naman ang EO 107 ng Isang Inter-Agency Technical Working Group (IATWG) na magsasagawa ng Isang komprehensibong pagrerebisa ng MUP Pension System.
Samantala, ang lATWG ay binubuo ng mga kinatawan mula sa DBM, Department of Finance, Bureau of the Treasury at Government Service Insurance System.
(Daris Jose)
NAVOTAS EDUCATION SUMMIT “Mangarap nang buong tapang, kumilos nang responsable, at iangat ang kanilang komunidad” – Navotas City Mayor John Rey Tiangco
ITO ang panawagan ni Navotas City Mayor John Rey Tiangco sa bagong henerasyon ng mga mag-aaral sa kanyang pagdalo sa 2025 Navotas Education Summit, na binibigyang-diin na ang tunay na tagumpay ay hindi lamang nakasalalay sa kahusayan sa akademiko kundi pati na rin sa pag-aalaga ng mga produktibo at mahabagin na mamamayan.
“Hindi lamang sila magiging mapagkumpitensya. Sila ay magiging mabubuti at produktibong mga tao. At iyon ang tunay na tagumpay,” sabi ni Tiangco sa mga tagapagturo, magulang, at mga pinuno ng komunidad sa Navotas Convention Center.
Binigyang-diin din ng alkalde ang responsibilidad ng mga pamilya, paaralan, gobyerno, at mga kasosyo sa pagpapabuti ng mga resulta ng edukasyon.
“Kapag ang pamilya, paaralan, gobyerno, at mga kasosyo ay nagkakaisa, walang batang Navoteño ang hindi makakaangat,” aniya.
Sinabi ni Tiangco na patuloy na binubuo ng lungsod ang balangkas nito para sa Accessible, Holistic and Inclusive Education (ACHIEVE), na siyang nagbigay sa Navotas ng Galing Pook Award noong 2018.
Binanggit din ng alkalde ang pinahusay na pagganap ng lungsod sa National Achievement Test (NAT 6), ang kampanya ng City Health Office para sa pagpaparehistro sa YAKAP upang makatanggap ang mga bata ng mga serbisyong pangkalusugan, at pagbabakuna laban sa human papillomavirus (HPV), mga immunization booster, mga dental check-up, at suplemento ng bitamina para sa mga estudyante.
Iniulat din ni Tiangco na mahigit 800 estudyante ang sakop ng NavotaAs Scholarship Program, na sumusuporta sa mga estudyante mula elementarya hanggang kolehiyo, pati na rin sa mga atleta, artista, anak ng mga mangingisda, at mga estudyanteng may mga espesyal na pangangailangan.
Sinabi rin ng alkalde na ang mga pamumuhunang ito ay naglalayong hindi lamang mapaunlad ang mga kasanayan kundi pati na rin malinang ang disiplina, katatagan, at pamumuno sa mga estudyante.
Idinetalye rin niya ang mga inisyatibo upang palakasin ang pag-aaral ng maagang pagkabata at kapakanan ng mga estudyante, kabilang ang programang Kindergarten on Wheels at 27 Early Childhood Care and Development center sa buong lungsod.
Hinimok din ni Tiangco ang mga stakeholder na tugunan ang mga natitirang pagkukulang at “magtulungan nang may katapatan at lakas ng loob” upang mapataas ang kalidad ng edukasyon sa lungsod.
“Dito sa Navotas, hindi lamang tayo nagpapalaki ng mga bata. Hinuhubog natin ang kinabukasan ng ating lungsod,” pagtatapos niya. (Richard Mesa)
Goitia: Pagtulak ni Pangulong Marcos sa matapang na reporma at panibagong pamumuno sa gobyerno
SA panahong muling sinusubok ang tiwala ng publiko sa pamahalaan, hiniling ni Pangulong Ferdinand Marcos Jr. sa Kongreso na unahin ang mga repormang matagal nang ipinaglalaban ng taumbayan kabilang ang anti dynasty bill, pagreporma sa party list system, paglikha ng Independent People’s Commission, at mas malinaw na akses ng publiko sa paggastos ng gobyerno.
Layon nitong ituwid ang mga kahinaang paulit-ulit na nakikita sa pamahalaan at maglatag ng panibagong gobyerno na mas bukas, mas tapat, at mas nakatuon sa mamamayan.
Para kay Chairman Emeritus Dr. Jose Antonio Goitia, ipinapakita ng mga hakbang na ito ang uri ng lideratong inuuna ang bayan bago ang pulitika.
“Ang pagpaprayoridad sa mga repormang ito ay paanyaya sa publiko na maniwala muli. Ipinapakita nitong handa ang Pangulo na ayusin ang matagal nang dapat ayusin,” aniya.
Matagal nang isyu ang political dynasty sa Pilipinas. Madalas itong pinag-uusapan ngunit bihira itong umusad. Sa paglalagay nito sa pangunahing agenda, malinaw ang pahayag ng Pangulo: panahon nang tugunan ang mismong ugat ng hindi pagkakapantay-pantay sa politika.
“Hindi nabubuo ang reporma kung walang tapang. Madaling umiwas, ngunit mas mahirap ang kumilos para sa bayan—at ito ang ginawa ng Pangulo.” ani Goitia.
Kasama rin sa direktiba ang pagreporma sa party list system. Sa paglipas ng panahon, lumayo ang sistema sa intensyon nitong tulungan ang mga nasa laylayan.
Kaya’t mariing binigyang diin ni Goitia ang dapat na layunin nito: “Ang party list ay para sa mga sektor na tunay na nangangailangan, hindi para sa sinumang nakalusot lang sa sistema.”
Ayon kay Goitia, ang pagkukumpuni sa sistemang ito ay mahalaga upang maibalik ang tiwala ng publiko at magkaroon ng mas patas na pulitika.
Binibigyang diin din ng Pangulo ang kahalagahan ng transparency, lalo na sa paggastos ng gobyerno. Hakbang ito tungo sa pamamahala na hindi lamang nakikita kundi nauunawaan ng publiko.
“Lumalaki ang tiwala kapag nakikita ng tao ang galaw ng pamahalaan. Hindi dapat misteryo ang serbisyong bayan.” diin ni Goitia.
Sa kabila ng ingay at intriga, nanatiling nakatuon ang Pangulo sa matatag na pagpapatupad ng reporma. Hindi siya nagpasilaw sa politika. Tinulak niya ang pagbabagong pangmatagalan.
“Hindi salita ang reporma. Ito ay direksyon at tapang. At iyon ang ipinakita ng Pangulo,” ani Goitia.
“Ang tunay na pamumuno ay hindi nasusukat sa kung gaano kadali ang sitwasyon. Nakikita ito sa tapang na harapin at ayusin ang mga problemang matagal nang pinabayaan. Sa pagtulak ng Pangulo sa mga repormang ito, malinaw ang kanyang malasakit sa bansa”, pagtatapos niya. (Richard Mesa)