NAGWAKAS na ang mahigit 20-taon pagtatago ng isang lalaki na wanted sa kaso ng frustrated homicide at homicide matapos maaresto ng pulisya sa ikinasang manhunt operation sa Valenzuela City.

Ayon kay Valenzuela Police Chief P/Col. Joseph Talento, ang 58-anyos na akusado na residente ng Brgy., Palasan ay kabilang sa talaan ng mga Most Wanted Person sa Valenzuela City Police.

Nang makatanggap ng impormasyon ang mga operatiba ng Warrant and Subpoena Section ng Valenzuela Police na naispatan ang presensya ng akusado sa Brgy., Malinta ay kaagad silang nagsasagawa ng operation.

Alas-11:20 ng hapon nang tuluyang makorner ng mga tauhan ni Col. Talento ang akusado sa kahabaan ng Dulong Tangke Street, Barangay Malinta.

Ang akusado ay dinakip ng pulisya sa bisa ng warrant of arrest para sa Frustrated Homicide at Homicide na inisyu ng Regional Trial Court, Branch 171, Valenzuela City, noong August 24, 2005, at may inirekomendang piyansa na P64,000.00.

Matapos nito, isinailalim sa medical examination ang akusado bago tinurned sa Custodial Facility Unit ng Valenzuela Police kung saan siya pansamantalang nakakulong habang hinihintay ang pagpapalabas ng commitment order mula sa korte. (Richard Mesa)

NAGPAABOT ng kanyang pakikiramay sa Pangulong Ferdinand Marcos Jr., sa pamilya ng anim na nasawing bayani sa bumagsak na Philippine Air Force (PAF) chopper sa Agusan del Sur.

Sinabi ni Presidential Communications Office Undersecretary at Palace Press Officer Claire Castro sa press briefing sa Malakanyang na hindi lingid sa kaaalam ng Pangulo ang pangyayaring ito.

“Pinapaabot [ng Presidente] ang pakikiramay [niya] sa pamilya ng mga nasawing bayani ng ating bansa, at ang lahat ng tulong na nararapat ay dapat na iparating sa naapektuhan na pamilya,” ayon kay Castro.

Nakipagtulungan na aniya ang Malakanyang sa Department of National Defense (DND).

Samantala, narekober na ng search and rescue team ang mga labi ng anim na katao na sakay ng bumagsak na Super Huey helicopter ng Philippine Air Force (PAF) sa bayan ng Loreto, Agusan del Sur kahapon, bandang alas-10:55 ng umaga.

Ayon kay Col. Christina Basco, tagapagsalita ng PAF, sa panayam ng Bombo Radyo, kabilang sa mga nasawi ang dalawang piloto at apat na crew member na pawang miyembro ng kanilang search and rescue group. Kasama nila sa operasyon ang tatlong iba pang helicopter units.

Ang naturang chopper ay galing sa Davao City at patungo sana sa Butuan City upang mag-preposition at maghatid ng ayuda para sa mga biktima ng Bagyong Tino, nang mawalan ito ng komunikasyon sa iba pang helicopter na kasabay sa misyon.

Patuloy pa rin ang isinasagawang imbestigasyon upang matukoy ang sanhi ng pagbagsak ng naturang helicopter. (Daris Jose)

TINIYAK ng Department of Foreign Affairs (DFA) sa grupo ng mga Filipino seafarers na dineport mula Estados Unidos na mabibigyan sila ng tulong at ang kanilang mga alalahanin ay tatalakayin kasama ang mga awtoridad ng Estados Unidos.

Ang grupo na kumakatawan sa International Seafarers Action Center ay nakipagpulong kay DFA Assistant Secretary Ezzedin Tago ng Office of Migration Affairs matapos na ang mahigit sa 100 Filipino seafarers ay napaulat na idineport mula sa Estados Unidos.

Dahil dito, hinikayat ng mga deported seafarer ang DFA na maghain ng diplomatic protest laban sa Estados Unidos para sa di umano’y diskriminasyon at pagtatatuwa sa kanilang karapatan sa ‘due process.’

Bilang tugon, siniguro naman ni Tago sa mga ito na ang DFA ay makikipagtuungan sa Department of Migrant Workers at Philippine Embassy sa Washington, D.C. para iberipika ang mga report at siguraduhin na maipapaabot ang tamang tulong sa mga ito.

Nito lamang nakaraang linggo, humingi ng paliwanag ang Philippine Embassy sa Washington sa US Department of State at Department of Homeland Security sa napaulat na ‘denial of entry’ na naharap ng mga ito nito lamang mga nakalipas na buwan.

Gayunman,ipinaalam naman ng dalawang ahensiya sa mga ito na ang kanilang aksyon laban sa tiyak na Filipino sailors ay ginawa “in accordance with existing US laws, regulations and policies.”

Samantala, ang Pilipinas ay isa sa pinakamalaking provider ng shipping manpower sa buong mundo.

Ang bulto o malaking bilang ng mga Filipino seamen o mahigit sa 20% ng 1.2 million sailors sa buong mundo ay nagsisilbing taga-bantay ng oil tankers, cargo ships, luxury liners, at passenger vessels sa buong mundo. (Daris Jose)

HINIKAYAT ni Pangulong Ferdinand R. Marcos Jr. ang lahat ng ahensiya ng gobyermo na panatilihing ‘modest at meaningful’ ang Pasko at ang year-end celebrations bilang pakikiisa sa mga Filipino na hanggang ngayon ay nananatiling pilit na bumabangon mula sa kamakailan lamang na kalamidad.

Sinabi ni Presidential Communications Office Undersecretary at Palace Press Officer Claire Castro na ang ‘reminder’ o paalala ay ipinalabas kapwa ng Malakanyang at Department of Budget and Management (DBM), naglalayong i- promote ang pagmamalasakit at pigilan ang bansa habang papasok sa holiday season.

“Kasunod ng mga sakuna sa bansa —paalala ni Pangulong Ferdinand R. Marcos Jr. at ng DBM sa ahensya ng pamahalaan— gawing simple ang pagdiriwang ng holiday season,” ayon kay Castro.

Aniya ang patnubay ay sumasalamin sa alalahanin ng administrasyon sa mga komunidad na tinamaan ng kuwerdas ng kalamidad kabilang na ang kamakailan lamang na paglindol sa Visayas at Mindanao at mga bagyo na bumugbog sa ilang lalawigan.

“Mahalaga ang pagdiriwang ng Pasko na may pag-aalala sa kapwa nating patuloy na nagsisimulang muli dulot ng maraming kalamidad na tumama sa bansa,” ayon kay Castro.

Samantala, ang paalala ay matapos na tumama ang Bagyong Tino (international name Kalmaegi), ang pang-20 tropical cyclone na tumama sa Pilipinas ngayong taon, hinagupit ang ilang bahagi ng Visayas at Mindanao, nagpakawala ng baha, landslides, at nag-displaced sa libo-libong pamilya. (Daris Jose)

NAMAHAGI ang Pamahalaang Lungsod ng Navotas ng livelihood assistance para sa 20 mga biktima ng sunog sa Brgy. Navotas West, San Roque, Tanza 1, NBBS Dagat-dagatan, at Tangos South. Ayon kay Mayor John Rey Tiangco, kabilang sa mga kabuhayan package na ipinamahagi ang bigasan, sari-sari store, at para sa tindahan ng silog meals, street foods, frozen products, at burger and fries. (Richard Mesa)

NAGWAKAS na ang mahigit 20-taon pagtatago ng isang lalaki na wanted sa kaso ng frustrated homicide at homicide matapos maaresto ng pulisya sa ikinasang manhunt operation sa Valenzuela City.

Ayon kay Valenzuela Police Chief P/Col. Joseph Talento, ang 58-anyos na akusado na residente ng Brgy., Palasan ay kabilang sa talaan ng mga Most Wanted Person sa Valenzuela City Police.

Nang makatanggap ng impormasyon ang mga operatiba ng Warrant and Subpoena Section ng Valenzuela Police na naispatan ang presensya ng akusado sa Brgy., Malinta ay kaagad silang nagsasagawa ng operation.

Alas-11:20 ng hapon nang tuluyang makorner ng mga tauhan ni Col. Talento ang akusado sa kahabaan ng Dulong Tangke Street, Barangay Malinta.

Ang akusado ay dinakip ng pulisya sa bisa ng warrant of arrest para sa Frustrated Homicide at Homicide na inisyu ng Regional Trial Court, Branch 171, Valenzuela City, noong August 24, 2005, at may inirekomendang piyansa na P64,000.00.

Matapos nito, isinailalim sa medical examination ang akusado bago tinurned sa Custodial Facility Unit ng Valenzuela Police kung saan siya pansamantalang nakakulong habang hinihintay ang pagpapalabas ng commitment order mula sa korte. (Richard Mesa)

ARESTADO ng mga operatiba ng Bureau of Immigration (BI) ang isang Chinese national na natuklasang nagpapatakbo ng crypto currency investment scam sa loob ng isang condominium .

Ang mga ahente ng BI Fugitive Search Unit (FSU), sa pakikipag-ugnayan sa Criminal Investigation and Detection Group (CIDG) Regional Field Unit – National Capital Region at sa Department of Justice – Office of Cybercrime, ay kinilala ang naaresto na si Liu Feng, 41, sa loob ng isang condominium unit sa Diosdado Macapagal Blvd., Brgy. Tambo, Parañaque City.

Naaresto si Liu sa aktwal na nagpapatakbo ng isang workstation na pinaghihinalaang ginagamit sa isang cryptocurrency scam.

Bukod sa pagtatrabaho nang walang kaukulang permit, natuklasang overstaying si Liu matapos mabigong mag-apply para sa extension ng kanyang visa simula pa noong Oktubre 2024.

Kasalukuyan nasa kustodiya na ng CIDG ang naaresto para sa imbestigasyon kaugnay ng mga pinaghihinalaang gamit sa droga na narekober sa kanyang workstation. (Gene Adsuara)