NAMAHAGI ang National Housing Authority (NHA) ng kabuuang ₱3.895 milyong halaga ng tulong pinansyal, bilang bahagi ng Emergency Housing Assistance Program (EHAP), para sa 2,315 pamilyang biktima ng iba’t ibang kalamidad sa rehiyon ng Davao at Lungsod ng Pasig.Sa direktiba ni General Manager Joeben A. Tai, pinangunahan nina NHA Region 11 Officer-in-Charge Engr. Shariffuddin I. Nami, Acting District 2 Manager Gerold P. Namoc, at CSSU Acting Head Helen R. Quiratman ang pamamahagi ng EHAP para sa 2,250 pamilya mula sa iba’t ibang munisipalidad sa Rehiyon na may kabuuang ₱2,055,000.Samantala, isa pang kaparehong aktibidad ang isinagawa sa Brgy. Manggahan, Lungsod ng Pasig noong Setyembre 25, 2025, kung saan ₱1,840,000 ang ipinamahagi bilang ayuda sa mga 65 benepisyaryo na nasira ang mga bahay dahil sa sunog.Ang mga benepisyaryo ng programa ay sumailalim sa serye ng beripikasyon sa pamamagitan ng datos na ibinigay ng partner LGU. Matapos maberipika, ang bawat pamilya ay makatatanggap ng may minimum na ₱5,000 hanggang ₱30,000, depende sa tindi ng pinsala ng kanilang kabahayan.“Sa ilalim po ng direktiba ng ating Pangulong Ferdinand ‘Bongbong’ Marcos Jr., kami po sa NHA ay palaging handa sa paghandog ng pinansyal na tulong para masuportahan kayong makabangon sa mabigat na pasanin dulot ng trahedya,” saad ni GM Tai sa kanyang mensahe.Ang EHAP ay isa sa mga programa ng NHA na nagbibigay ng cash at iba pang tulong na may kaugnayan sa pabahay sa mga pamilyang apektado ng iba’t ibang kalamidad, upang matiyak ang kanilang pagbangon at pagsisimulang-muli. (PAUL JOHN REYES)
- October 19, 2025 WordPress timezone: Asia/Manila
Current date: October 19, 2025
Current time: October 19, 2025 11:14 PM Ang Diyaryong Pinagkakatiwalaan
Archive for September 29th, 2025
English soccer player Billy Vigar pumanaw dahil sa brain injury , 21
PUMANAW na ang dating Arsenal soccer player na si Billy Vigar sa edad na 21.
Ayon sa nasabing koponan na nagtamo ng brain injury si Vigar sa isang laro na ginanap noong nakaraang linggo.
Nabangga niya umano ang pader sa kasagsagan ng laro ng Chichester City.
Dinala pa ito sa pagamutan at nanatili ng ilang araw subalit hindi na nakayanan pa niya ang tindi ng pinsalang natamo.
Bumuhos naman ang pakikiramay mula sa mga iba’t ibang manlalaro ng soccer matapos na lumabas ang nasabing balita.
Alex Eala laglag na sa Jingshan Tennis Open semis
BUMAGSAK sa semifinals ng Jingshan Tennis Open ang Pinay ternnis star na si Alex Eala matapos talunin ni Lulu Sun ng New Zealand sa score na 6-3, 4-6, 2-6.
Nakuha ni Eala ang unang set at nagkaroon pa ng 2-1 na kalamangan sa ikalawang set, ngunit sinundan ito ng apat na sunod-sunod na panalo ni Sun.
Nakabawi pa si Eala at nanalo ng dalawang magkasunod na laro upang makahabol, ngunit hindi na niya napigilan ang pag-angat ni Sun.
Sa pagsisimula ng third set, agad nang nanguna si Sun nang makuha ang unang apat na laro.
Sinubukan pa ring bumawi ni Eala, ngunit sinelyuhan ni Sun ang kanyang tagumpay sa huling bahagi ng set.
Ito ang pangalawang pagkatalo ni Eala kay Sun matapos ang kanilang pagkaharap sa Wimbledon qualifiers noong nakaraang taon.
Magtatapos ang torneo ng Jingshan nang walang Alex Eala na magpapatuloy sa final.
BHW Protection Act, inihain ni Cong. Erice
INIHAIN ni Caloocan City 2nd District Representative Edgar Erice ang isang panukalang batas na layong magpapalakas. magpo-protekta at magpapahalaga sa mga Barangay Health Workers (BHWs).
Ayon kay Cong. Erice, ang house Bill No. 4905 o “BHW Welfare, Protection and Deployment Standardization Act of 2025” ay layong tiyakin nito na may sapat na sahod, benepisyo, at proteksyon sa mga BHWs na unang sandigan ng bawat pamilyang Pilipino sa serbisyong pangkalusugan.
Hatid aniya ng panukalang ito ang DOH supervision na ililipat sa Department of Health ang pamamahala para siguradong patas at walang halong pulitika, salary Grade 6 (minimum pay) na may regular na suweldo at malinaw na landas para sa promosyon, at standardized benefits na may kasamang hazard pay, PhilHealth, SSS, Pag-IBIG, insurance, at service leave.
Kabilang din sa panukala ang sapat na bilang ng BHW sa bawat barangay upang matugunan ang pangangailangan ng komunidad, proteksyon laban sa political harassment na hindi basta matatanggal o mawawalan ng benepisyo dahil lamang sa pulitika at security of tenure na permanenteng posisyon matapos ang limang taon ng tuloy-tuloy na serbisyo.
Sinabi ni Cong. Erice na ang kasalukuyang kalagayan ng BHWs ay maliit lang ang allowance, walang sapat na benepisyo, madaling matanggal dahil lang sa pulitika at pagbabago ng pamunuan sa barangay o LGU, kulang sa suporta at malinaw na seguridad sa trabaho.
“Sa pagpapalakas ng ating mga BHWs, pinapalakas din natin ang pundasyon ng kalusugan sa bawat tahanan” ani mambabatas. (Richard Mesa)
Lolo, arestado sa droga sa Valenzuela
TIMBOG ang 59-anyos na lalaki nang maaktuhang nakikipagtransaksyon sa illegal na droga habang nakatakas naman ang katransaksyon nito sa Valenzuela City.
Batay sa report, nakatanggap ng impormasyon mula sa isang concerned citizen ang mga tauhan ng Valenzuela Police Acting P/Col. Joseph Talento na may nagaganap umanong bintahan ng illegal na droga sa N. Urrutia St., Brgy. Arkong Bato.
Kaagad namang rumesponde sa lugar ang mga tauhan ng Polo Police Sub Station 5 at naaktuhan ng mga ito ang dalawang lalaki na nag-aabutan umano ng illegal na droga dakong alas-8:30 ng gabi.
Gayunman, nang mapansin ng isa sa mga suspek ang presensya ng mga pulis ay agad itong kumaripas ng takbo para tumakas habang nagawa namang maaresto si alyas “Francis”, residente ng Brgy. Longso, Malabon City.
Nakumpiska sa kanya ang dalawang plastic sachets na naglalaman ng nasa 1.8 grams ng hinihinalang shabu na nagkakahalaga ng P12,240 at P200 cash.
Sinampahan na ng pulisya ang suspek ng kasong paglabag sa RA 9165 o ang Comprehensive Dangerous Drugs Act of 2002 sa Valenzuela City Prosecutor’s Office. (Richard Mesa)
BAGONG LIVELIHOOD AREA SA CALOOCAN CITY JAIL, BINUKSAN PARA SA PDLs
BINUKSAN ng Caloocan City Jail ang kanilang bagong Livelihood Area para sa benepisyo ng Persons Deprived of Liberty (PDLs) na magbibigay-daan sa kanila na magkaroon ng mas disente at komportableng espasyo para magsagawa ng kanilang mga aktibidad sa kabuhayan.
Ang nasabing proyekto ay naging posible sa pamamagitan ng pagsisikap ng Caloocan City Local Economic and Investment Promotion Office (LEIPO), Bureau of Jail Management and Penology (BJMP), at Bank of the Philippine Islands (BPI), na layong palakasin ang umiiral na rehabilitative ngunit income-generating na gawain na ginagawa ng mga PDL tulad ng paper crafting, hair styling, at paggawa ng basahan at katutubong bag.
Pinuri naman ni City Mayor Dale Gonzalo “Along” Malapitan ang pakikipagtulungan ng mga pampublikong ahensya at pribadong entity upang lumikha ng higit pang mga pagkakataon para sa mga mahihinang miyembro ng komunidad, at gayundin ay pinagtibay ang pangmatagalang pangako ng lungsod sa holistic at restorative justice.
“Nagpapasalamat po tayo dahil sa pagtutulungan ng mga ahensya ng pamahalaan at ng BPI na mas palakasin ang kakayahan ng mga PDL na matulungan ang kanilang mga pamilya sa kabila ng kanilang sitwasyon,” ani Mayor Along.
“Gaya po ng lagi kong sinasabi, hindi tayo magaatubili na ipatupad ang batas laban sa mga lumalabag dito, pero hindi rin natin nakalilimutan ang ating responsibidliad na pairalin ang due process at tamang hustisya para sa lahat, kabilang na ang mga PDL,” dagdag niya. (Richard Mesa)
P46 bilyong na nakuha sa maanomalyang mga flood control projects dapat mapunta sa programang Pantawid Pamilyang Pilipino Program (4Ps)
HINDI panandalian, kundi panghabambuhay na kabuhayan at kakayahan para maiangat ang kalidad ng pamumuhay ng mamamayan ang dapat na layunin.
Ayon kay House Deputy Minority Leader at Mamamayang Liberal (ML) Partylist Rep. Leila de Lima, mas magandang magamit ang P46 bilyong na nakuha mula sa maanomalyang mga flood control projects para sa mga programang tulad ng Pantawid Pamilyang Pilipino Program (4Ps) at iba pang mga sustainable livelihood programs ng DSWD.
Bilang pangunahing author at sponsor ng 4Ps Law, nakita niya aniya ang kongkretong tagumpay ng programa kung saan milyon-milyon na kababayan ang natulungan at siya na ngayong may kakayahang makatulong at makaambag sa lipunan.
Mayroon mang mga hinaharap na hamon ang programa, pero malinaw ang nakalatag ditong mga kondisyon bago ipagkaloob sa mga benepisyaryo ang suporta ng gobyerno, at ang pagkakaroon ng mekanismo ng monitoring para tugunan ang mga reklamo at pang-aabuso.
Sinabi nito na mas makakatulong din ang dagdag na pondo para sa Kapit-Bisig Laban sa Kahirapan – Comprehensive and Integrated Delivery of Social Services (KALAHI-CIDSS) at iba pang sustainable livelihood programs ng gobyerno, lalo na sa mga nasalanta ng kalamidad, kung saan kasama ang mga benepisyaryo sa tumutukoy ng nararapat na serbisyo at programang pangkabuhayan para sa kanilang komunidad.
Inihayag nito na hindi pera ng mga politiko ang pera ng gobyerno at hindi rin ito basura na ipapamudmod lang sa mga kurakot at kasabwat sa anomalya.
Ayon pa dito, hindi ito dapat gamitin para tumanaw ng utang na loob ang mga Pilipino, kundi para maibalik bilang makabuluhang serbisyo ang perang pinagpaguran at pagmamay-ari ng taumbayan.
LTO NAGSAGAWA NG PERFORMANCE EVALUATION, 68 ENFORCERS SINIBAK
SINIBAK ng Land Transportation Office (LTO), sa patnubay ni Acting Department of Transportation (DOTr) Secretary Giovanni Z. Lopez, ang 68 enforcer na nakatalaga sa Central Office ng ahensya sa Quezon City.
Ayon kay LTO Chief, Assistant Secretary Atty. Vigor D. Mendoza II, ang hakbang na ito ay bunga ng isinagawang performance evaluation matapos ang sunod-sunod na reklamo at ulat ng iregularidad mula sa mga motorista at netizens, alinsunod na rin sa direktiba ni Pangulong Ferdinand “Bongbong” R. Marcos Jr. na tiyakin ang pananagutan at integridad sa serbisyo publiko.
“Bahagi rin ito ng aming pagsisikap na alisin ang katiwalian at gawing propesyonal ang hanay ng mga enforcer ng LTO,” ani Asec Mendoza.
Kamakailan, iniutos ni Asec Mendoza ang pagsusuri ng lahat ng performance evaluation at reklamo na natanggap ng ahensya mula sa social media at iba pang platforms, kaugnay sa mga alegasyon ng katiwalian, partikular ang panunuhol at pangingikil.
Nagmula ang mga ulat mula sa mga netizens, motorista, at sa mga tinaguriang mystery agents na ipinadala mismo ni Asec Mendoza upang subukin ang integridad ng mga enforcer, katuwang ang mga stakeholder sa transport sector.
“Enough is enough. Hindi ko hahayaang masira ng katiwalian at maling gawain ang mga positibong tagumpay na bunga ng sipag at sakripisyo ng ating LTO family,” pagbibigay-diin ni Asec Mendoza.
Kabilang sa mga nasabing tagumpay ang tuluyang paglutas sa 11-taong backlog ng milyun-milyong plaka, paglulunsad ng mga online platform para sa renewal ng driver’s license dito at maging sa ibang bansa, at pagpapatupad ng online service para sa delivery ng mga plaka at lisensya.
Dagdag pa ni Asec Mendoza, siya mismo ang mangunguna sa proseso ng pagtanggap ng mga bagong tauhan sa LTO Law Enforcement Service upang matiyak na tanging mga karapat-dapat at may malasakit sa integridad at sipag ang mabibigyan ng pagkakataong makapaglingkod sa ahensya.
Bukod sa pagpapabuti ng serbisyo at paglutas sa halos imposibleng mga isyu ng ahensya, pursigido rin si Asec Mendoza sa pagbibigay ng seguridad sa trabaho sa LTO nitong nakaraang dalawang taon na sa ngayon ay nakikinabang na ang ilang mga job order employee. (PAUL JOHN REYES)
Dizon, pinagpapaliwanag ang Davao RD at Davao Occidental DE sa nakitang P96.5-M ‘ghost’ flood control project
NAGLABAS ng magkahiwalay na Show-Cause Order si Department of Public Works and Highways Secretary Vince Dizon upang pagpaliwanagin ang Regional Director ng DPWH Regional Office XI at ang District Engineer ng Davao Occidental District Engineering Office.
Kaugnay ito sa P96.5-milyong Culaman Bridge Flood Control Project sa Jose Abad Santos, Davao Occidental—proyektong nabayaran noong 2022 ngunit hanggang ngayon ay hindi pa rin tapos.
Inilabas ni Dizon ang mga show-cause order para kay DPWH-Davao Regional Director Juby Cordon at Davao Occidental District Engineer Rodrigo Larete matapos ang kamakailang inspeksyon sa flood control projects.
Sa kanilang inspeksyon noong Huwebes, natuklasan nina Dizon at dating Independent Commission for Infrastructure (ICI) special adviser Baguio City Mayor Benjamin Magalong na ang proyekto ay nagsimulang itayo lamang tatlong linggo na ang nakalipas, sa kabila ng pagkadeklara nitong tapos na at ganap nang nabayaran noong 2022.
Ang proyekto ay ipinagkaloob sa St. Timothy Construction Company, na pag-aari ng mag-asawang kontratista na sina Sarah at Curlee Discaya, na parehong kasalukuyang iniimbestigahan dahil sa pagkakasangkot sa umano’y korapsyon sa mga flood control projects.
Inutusan ni Dizon si Cordon na magsumite ng written explanation under oath sa loob ng limang araw kung bakit hindi siya dapat panagutin sa administratibong pananagutan dahil sa posibleng paglabag sa umiiral na mga batas, regulasyon, at kautusan.
Pinsala sa agri at infra dahil sa magkakasunod na bagyo, pumalo na sa P1.7-B – NDRRMC
PUMALO na sa P1.7 billion ang halaga ng pinsalang naitala sa sektor ng agrikultura at imprastruktura bunsod ng magkakasunod na bagyong tumama sa bansa ngayong Setyembre.
Base sa datos ng National Disaster Risk Reduction and Management Council (NDRRMC) ngayong araw ng Sabado, Setyembre 27, mahigit P914 million ang halaga na ng danyos sa agrikultura habang nasa mahigit P822 million naman sa imprastruktura dahil sa bagyong Opong, Nando at Marisol gayundin dahil sa epekto ng hanging habagat.
Pinakamatinding nagtamo ng pinsala sa agrikultura ang Cagayan Valley o Region 2 na nasa P807 million, sinundan ito ng Western Visayas na mayroong P43 million halaga ng pinsala, sa Cagayan Valley nasa P4.64 million at sa Mimaropa nasa kalahating milyon.
Isinailalim naman na ang buong probinsiya ng Cagayan sa state of calamity gayundin ang Pagudpud sa Ilocos Norte, Ibajay sa Aklan at Pagalungan sa Maguindanao del Sur.