MARAMI ang nakaka-relate sa character ni Kylie Padilla sa ‘My Father’s Wife’ na si Gina na niloko ng kanyang best friend at nakiapid pa sa kanyang asawa.
Sa isang online chat with her fans, tinanong si Kylie ng: “Feel na feel namin sincere pain mo sa nga recent episodes especially sa confrontation scenes with Jak.
“Ini-imagine mo ba na si Jak is someone from your past who did you wrong? If you were in Gina’s shoes, bibigyan mo pa ba ng second chance ang mga mahihinang taong katulad ni Gerald?”
Sagot ni Kylie: “I definitely empathize sa nangyari kay Gina. I try to use that empathy to be able to deliver the most authentic performance.
“I never plan to use people in my scenes but sometimes my mind does project images in the moment and I use it if I can lalo na if I can deliver a better performance. Dahil sa mga pinagdaanan ko in my life medyo kuripot ako sa 2nd chances. So no.”
***
HINDI pa rin daw tapos magluksa ang aktor at Quezon City 5th district councilor, Alfred Vargas sa pagpanaw ng kanyang former manager na si Lolit Solis.
Pumanaw si Solis noong July 3, 2025 sa edad na 78 dahil sa heart attack. Kahit na tatlong buwan na ang nakaraan, iniinda pa rin ni Alfred ang pagkawala ng kanyang tinuturing na nanay-nanayan.
Sa Instagram post ng 45-year old actor-turned-politician, sinabi niyang na hindi lang daw siya nawalan manager kundi pati na isang nanay at kaibigan.
Inamin ni Alfred ang patuloy na pagluluksa niya noong maging guest siya sa Fast Talk with Boy Abunda noong nakaraang Sept. 17.
“I never stopped, lalo na kung nanay mo ‘yung nawala, whether your biological mom, whether your mom sa industriya, it’s the same, e. And mga nanay, sila ‘yung pinaka fierce, sila ‘ yung pinaka-dedicated na tagapagtanggol natin,” sey ni Alfred.
Hindi raw malilimutan ni Alfred ang mga parating bilin sa kanya ni Lolit.
“Sabi niya sa akin, ‘Basta lahat ng gagawin mo, just be sincere. Whether you’re in front of the camera, sincere ka sa character, sincere ka sa script, sincere ka sa role mo. Tapos when you’re off the camera, sincere ka rin.’” pag-alala pa niya.
Umabot nga raw ng 21 years ang pag-manage ni Lolit kay Alfred kahit wala silang kontrata.
***
KASALUKUYANG may health struggle ang supermodel na si Bella Hadid dahil sa Lyme disease.
Napagdaanan na ng kanilang inang si Yolanda Hadid ang naturang sakit ng dalawang beses, kaya nahihirapan daw siyang makita ang kanyang anak na nahihirapan.
“As you will understand watching my Bella struggle in silence, has cut the deepest core of hopelessness inside me. After many years I stopped sharing my personal story because I needed an energetic shift, time to focus on my healing rather than absorb other people’s opinions about my journey. Even so, I am the CEO of my health and after fifteen years of searching the globe, I am still determined to find a cure affordable for all.”
Panay ang dasal ni Yolanda na gumaling si Bella dahil alam niyang fighter ito.
“You are relentless and courageous. No child is supposed to suffer in their body with an incurable chronic disease. I admire your bravery and your willingness to keep fighting for health despite the failing protocols and countless setbacks you have faced. I am so proud of the fighter that you are. You are not alone, I promise to have your back every step of the way, no matter how long this takes. I love you so much my badass Warrior.”
Ayon sa Mayo Clinic: “Lyme disease is an illness caused by borrelia bacteria. Humans usually get Lyme disease from the bite of a tick carrying the bacteria.”

(RUEL J. MENDOZA)

MAY mga nais ipakulong si Carla Abellana.
“Pero more on… para safe po tayo, yung mga animal abusers,” bulalas ni Carla.
“Iyan po ang aking focus. Naku po! Araw-araw po iyan. “Naku, napakadami po! Nagkalat.
“Ah, of course, merong Animal Welfare Act. Alam po natin iyan, na may rights po ang animal.
“And hindi man po natin alam lahat, pero every day meron din pong injustice na nangyayari when it comes to animal welfare.”
Kaya wish na lang niya, “So sana, lahat po sila, makulong! Sana, lahat po sila, magbayad ng multa.
“Minsan, pangit man po sabihin or isipin na kung paano nila inabuso yung hayop, sana, ganoon din po ang mangyari sa kanila.
“Mga ganoon pong bagay. So, marami pong animal abusers.
“Sa politics, iba na lang po ang sasagot doon.”
Leading lady si Carla sa pelikulang’ Selda Tres’ kasama sina pati sina Cesar Montano at JM de Guzman sa direksyon ni GB Sampedro.
Isa ito sa limang full-length films na entry sa 7th Sinag Maynila filmfest na idaraos sa September 24-30, 2025. Ipalalabas ito sa Gateway, Robinsons Manila, Robinsons Antipolo, SM Mall of Asia, SM Fairview, Trinoma, at Market Market.
Nasa cast din ng ‘Selda Tres’ sina Arron Villaflor, Kier Legaspi, Victor Neri, Isay Alvarez, Perla Bautista, Jeffrey Tam, Tanjo Villoso, at Johnny Revilla.
Mula ito sa Five 2 Seven Entertainment Production, sa panulat ni Eric Ramos, with executive producers GB Sampedro at Alex Rodriguez.
Ang gala screening ng ‘Selda Tres’ ay gaganapin sa September 26, 7:00 PM sa Gateway Cineplex 18.
***
NAKABUBUHAY ng pag-asa sa magulong bansa ang bagong kanta ni Timmy Cruz na pinamagatang “Magbago”.
Maituturing ang awitin bilang panawagan para sa pagbabago na kailangang-kailangan natin ngayon sa gitna ng krisis at problema.
Ito ay awit tungkol sa bawat isa sa atin; na tayong lahat ay susi para sa pagbabago.
Kung sisimulan muna natin ang pagbabago sa sarili natin mismo, magiging ehemplo tayo para sa iba upang magbago na rin.
Ito mismo ang personal na karanasan ni Timmy. Nang nagpokus siya sa pagmamahal sa sarili at pagpapabago ng kanyang sarili para sa kanyang mas ikabubuti at ikauunlad, naging mas mabuting bersyon siya ng kanyang sarili.
“Checking and changing myself has become my beautiful way of life. As we check ourselves and change ourselves, others change and life gets better. I’m inviting you to check and change yourself so that together we can build a better Philippines, a better world with the help of Our Creator, Our Father,” pahayag ni Timmy.
Ang “Magbago” ay paanyaya para umpisahan natin ang pagbabago sa ating mga sarili. Tayong lahat ang susi ng pagbabago. Ito ang karanasan ni Timmy.
Nang nagbago siya, nagbago ang mga nakapaligid sa kanya. Nag-focus siya sa pag-aalaga sa kaniyang sarili mula sa panloob hanggang sa panlabas.
Ang “Magbago” ay sa musika at titik mismo ni Timmy at sa areglo ni Dominic Benedicto.
Available ito sa lahat ng music streaming platforms tulad ng Spotify, Apple Music, iTunes, Youtube Music, Amazon Music, Tidal at iba pa.

(ROMMEL L. GONZALES)

ISA nga ang Kapamilya actress na si Maris Racal sa nakiisa at sumuporta sa naganap na “Trillion Peso March” sa EDSA Shrine at People Power Monument last Sunday, September 21.
At kinabukasan, September 22 ay nag-celebrate naman siya ng kanyang 28th birthday.
Makikita sa kanyang Instagram post, ang photoshoot kasama kanyang kakaibang birthday wish na para sa mga Pilipino.
Sa caption, mababasa na, “It’s my birthday today. Ang wish ko lang ay DPWH.”
Kasunod nito ay ang ibang kahulugan ng DPWH na… “Di Pwedeng Walang Hustisya.”Kahit walang binanggit si Maris, pero sobrang obvious naman na ang korapsyon sa Department of Public Works and Highways (DPWH) ang tinutukoy dahil nga sa patuloy na pinag-uusapan na maanomalyang flood control projects.
Nitong nakaraang linggo, nag-wish din ang Kapuso broadcast journalist na si Kara David nang mag-celebrate ng kanyang 52nd birthday.
Matapos na kantahan ng “Happy Birthday” ng kanyang mga kaibigan at bago mag-blow ng candles, ay matapang na sinabi ni Kara ang kanyang wish, “sana mamatay lahat ng kurakot sa Pilipinas!”
Nag-viral ang naturang comment ni Kara at kinatuwaan ng netizens.
Marami nga ang nag-post sa kanilang social media accounts, cancel na lang daw muna ang mga wish nila, dahil mas priority ang naging wish ni Kara na sana raw ay matupad.

(ROHN ROMULO)