MALINIS na enerhiya at matatag na industriya para sa proteksyon ng kapaligiran at pagbibigay trabaho sa lahat.

Ito ang pangunahing layon ni Solid North Party-list Rep. Ching Bernos sa isinusulong nitong pagbuo ng Green Industrial Zone Program upang mapanatili ang paglago lalo na sa mga lugar sa bansa na hindi pa gaanong maunlad.

Sa pamamagitan ng House Bill No. 3112 o Green Industrial Zone (GIZ) Program bill, umaasa si Bernos na maisusulong ang daan tungo sa pag-unlad kasabay nang pagbibigay proteksyon sa kapaligiran.

“The GIZ program provides us with a framework that promotes regionally balanced industrialization consistent with global goals for decarbonization, ecological preservation, and green job creation,” ani Bernos.

Ayon sa mambabatas, hindi tulad ng traditional industrial zones na nagiging sanhi ng polusyon, extractive business models, at marginalization ng host communities, pagsasamahin ng GIZs ang clean technologies, circular economy practices, renewable energy use, at local labor empowerment.

Sa ilalim ng panukala, ang GIZs ay maglalaan ng strategic locations sa bansa lalo na sa mga underdeveloped regions para sa potensiyal na paggamit ng renewable energy at green entrepreneurship.

Maaari aniyang ilagay ito sa rehiyon ng Northern Luzo, kabilang ang Ilocos Region, Cagayan Valley, Cordillera Administrative Region, at katabing probinsiya kung saan ang local industries tulad ng bamboo processing, agro-industrial manufacturing, eco-textiles, solar assembly, at sustainable packaging ay maglalaan ng mataas na potensiyal para sa pag-unlad.

Ayon pa sa mambabatas, “gusto natin na mapalago pa lalo ang mga umuusbong na industriyang ito hindi lang sa Northern Luzon, kundi pati na rin sa ibang rehiyon.”

(Vina de Guzman)

PINASALAMATAN ni 1Tahanan Party-list Rep. Nathaniel Oducado si dating Speaker Martin Romualdez for sa kanyang naging dedikadong serbisyo at malakas na liderato sa Kamara.

Pinapurihan din ng mambabatas ang naging accomplishments ng Leyte solon, kung saan naging malaki ang naging impact ang kanyang guidance sa kongreso at sa buhay ng mga Pinoy.

“The greatest act of leadership is letting go with grace and honor. From his words, I sincerely thank former Speaker Romualdez for steering the House during challenging times and for championing measures that uplift our people,” ani Oducado.

Kasabay nito, nagpahayag naman ito ng kumpiyansa sa bagong lider ng kamara na si Speaker Faustino “Bojie” Dy III, na kilala sa pagiging mapagkumbaba.

“I believe Speaker Dy will continue to strengthen the House of Representatives and ensure that the interests of Filipinos are always prioritized. His leadership will give our people renewed hope for a better life,” pahayag pa ni Oducado. (Vina de Guzman)

TINIYAK ni Pangulong Ferdinand R. Marcos Jr. sa mga pamilyang naapektuhan ng sunog sa Happyland, Barangay 105, Tondo, Manila, ang patuloy na suporta ng gobyerno hanggang bumalik sa normal ang buhay ng mga ito.

Binisita kasi ng Pangulo ang mga naapektuhan ng sunog upang pangasiwaan ang distribusyon ng tulong mula sa Department of Social Welfare and Development (DSWD) sa dalawang temporary shelters sa Tondo.

“Kahit na ganito ang nangyari, asahan po ninyo ang gobyerno ninyo ay nandito, binabantayan kayo, inaalalayan kayo, at titiyakin namin na maaalagaan namin kayo sa lahat ng inyong pangangailangan,” ang mensahe ng Pangulo sa mga bakwit sa Gen. Vicente Lim Elementary School.

“Kaunting tiyaga lang po, gagawin po namin ang lahat para makabalik na kayo sa normal na ninyong buhay,” dagdag na wika nito.

Sinabi ng Pangulo na nang malaman niya ang tungkol sa napakalaking apoy noong nakaraang Sabado ay agad niyang ipinag-utos kay DSWD Secretary Rex Gatchalian na agad na magbigay ng relief goods at cash assistance sa mga apektadong pamilya.

Aniya pa, ang medical team kinabibilangan ng mga doktor at nars ay ide-deploy upang mapigilan ang outbreak ng mga sakit sa mga bakwit dahil sa overcrowding.

Sa oras na payagan na ng mga awtoridad ang mga bakwit na bumalik sa kani-kanilang mga bahay, sinabi ng Pangulo na magi-isip siya ng ibang opsyon para tumulong sa rehabilitasyon at konstruksyon ng mga tirahan ng mga residente.

“Pagka puwede na kayong bumalik sa inyong mga tahanan ay ang gagawin po natin ay titingnan po natin kung papaano makatulong ‘yung pamahalaan para sa pagpatayo ulit ng bahay o pag rehabilitasyon ng bahay,” ang sinabi pa rin ng Pangulo.

Bago pa makausap ang mga fire survivors sa Gen. Vicente Lim Elementary School, naka-usap ng Pangulo ang mga bakwit sa Antonio Villegas Vocational High School, matatagpuan din sa Tondo.

Ang iba pang pamilya na apektado ng sunog ay pansamantalang nanunuluyan sa covered court sa Barangay 105.

Samantala, namahagi ang DSWD ng ilang tulong sa mga bakwit, kabilang na ang 2,235 family food packs, 2,235 hygiene kits, at 2,235 sleeping kits. Idagdag pa rito, naghanda rin ang DSWD ng 2,000 hot meals gamit ang mobile kitchen nito.

Nagbigay din ang departamento ng cash assistance sa pamamagitan ng emergency cash transfer (ECT) program nito, ang bawat benepisaryo ay makatatanggap ng P15,109 na gagamiting budget nito sa loob ng 29 araw.

Sa ulat, sumiklab ang sunog sa residential area sa Barangay 105, Happyland, Tondo, Maynila nitong Sabado ng gabi.  (Daris Jose)

MULING kinuwestiyon ni Vice President Sara Duterte ang sinseridad ng administrasyong Marcos sa pag-iimbestiga sa flood control mess, habang sina Leyte Rep. Martin Romualdez at Ako Bicol party-list Rep. Zaldy Co diumano’y nananatiling hindi naparurusahan matapos maugnay sa kontrobersiya.

Sa isang panayam kay VP Sara sa Tacurong City, Sultan Kudarat, araw ng Huwebes, sinabi nito na ang di umano’y flood control probe at kamakailan lamang na pagbabago sa liderato sa Mababang Kapulungan ng Kongreso ay paghahanda para sa 2028 presidential elections.

“Isa sa mga examples na masabi ko sa inyo na wala talaga silang sinseridad sa imbestigasyon sa flood control kasi tinuro na, pinangalanan na, hindi lang ako ang nagsabi, Zaldy Co at Martin Romualdez. Si Zaldy Co, hinayaan nilang umalis ng bansa. Si Martin Romualdez, hinayaan nilang mag-resign. Nag-resign naman na, so tapos na ang usapan,” ayon kay VP Sara.

“Ang Office of the President, involved sila sa kidnapping ni dating Pangulong Rodrigo Duterte. Bakit ngayon, nawala si Zaldy Co at maalis si Martin Romualdez, hindi man lang nila magawa na kidnapin si Zaldy Co doon sa Amerika at ibalik dito sa atin sa Pilipinas? At hindi man lang nila magawa na ikulong si Martin Romualdez diyan sa detention unit ng House of Representatives?” aniya pa rin.

Matatandaang, una nang binanggit ng mag-asawang kontratista na si Curlee at Sarah Discaya ang mga mambabatas at Department of Public Works and Highways officials na humihingi ng komisyon sa government project na kanilang nakukuha, madalas na nababanggit ang pangalan ni Romualdez at Co kaugnay sa komisyon mula sa flood control projects.

Nilinaw naman ni Curlee, na wala siyang direktang transaksyon kina Romualdez at Co.

Si Co, dating chairperson ng House committee on appropriations, ay kasalukuyang naka-medical leave sa Estados Unidos habang si Romualdez ay nagbitiw naman bilang House Speaker at pinalitan ni Isabela 6th District Rep. Faustino “Bojie” Dy III.

Sinabi ni VP Sara na tila walang pakialam ang gobyerno sa pagkakadawit ng dalawang miyembro ng Kongreso sa usapin dahil walang aksyon na ginawa laban sa mga ito.

“Wala. Dahil wala silang sinseridad, pinapakita lang nila sa mga tao na kunwari meron silang ginagawa. Pero ang totoo niyan, naghahanda lang sila para sa hatian ng 2026 budget at para sa kung anong gagawin nila sa 2028,” ang sinabi ni VP Sara.

Samantala, tiniyak naman ni Pangulong Ferdinand Marcos Jr. sa publiko na hindi makaliligtas ang kanyang mga kaalyado na sina Romualdez at Co, sa imbestigasyon ng Independent Commission for Infrastructure sa maanomalya at ghost flood control projects.

Kapwa naman itinanggi nina Romualdez at Co ang akusasyon laban sa kanila. ( Daris Jose)

PARA sa Malakanyang, ‘tatak kriminal’ ang suhestiyon ni Vice-President Sara Duterte na ipakidnap si Zaldy Co na kasalukuyang nasa Estados Unidos dahil naka-medical leave at ibalik sa Pilipinas para maharap nito ang akusasyon laban sa kanya.

Si Co, dating chairperson ng House committee on appropriations, ay isa sa mga mambabatas na ikinanta ng mag-asawang kontratista na si Curlee at Sarah Discaya na humihingi ng komisyon sa government project na kanilang nakukuha. Madalas na nababanggit ang Co kaugnay sa komisyon mula sa flood control projects.

Sinabi ni Presidential Communications Office Undersecretary at Palace Press Officer Claire Castro sa isang text message na isang maling advice mula sa isang Bise-Presidente ang naging pahayag nito

“Ipakidnap si Zaldy Co”… tatak kriminal yan… mali ang ganyang advice mula sa isang Bise Presidente,” ayon kay Castro.

Nauna rito, muling kinuwestiyon ni VP Sara ang sinseridad ng administrasyong Marcos sa pag-iimbestiga sa flood control mess, habang sina Leyte Rep. Martin Romualdez at Ako Bicol party-list Rep. Zaldy Co diumano’y nananatiling hindi naparurusahan matapos maugnay sa kontrobersiya.

“Isa sa mga examples na masabi ko sa inyo na wala talaga silang sinseridad sa imbestigasyon sa flood control kasi tinuro na, pinangalanan na, hindi lang ako ang nagsabi, Zaldy Co at Martin Romualdez. Si Zaldy Co, hinayaan nilang umalis ng bansa. Si Martin Romualdez, hinayaan nilang mag-resign. Nag-resign naman na, so tapos na ang usapan,” ayon kay VP Sara.

“Ang Office of the President, involved sila sa kidnapping ni dating Pangulong Rodrigo Duterte. Bakit ngayon, nawala si Zaldy Co at maalis si Martin Romualdez, hindi man lang nila magawa na kidnapin si Zaldy Co doon sa Amerika at ibalik dito sa atin sa Pilipinas? At hindi man lang nila magawa na ikulong si Martin Romualdez diyan sa detention unit ng House of Representatives?” aniya pa rin.

Sinabi ni VP Sara na tila walang pakialam ang gobyerno sa pagkakadawit ng dalawang miyembro ng Kongreso sa usapin dahil walang aksyon na ginawa laban sa mga ito.

“Wala. Dahil wala silang sinseridad, pinapakita lang nila sa mga tao na kunwari meron silang ginagawa. Pero ang totoo niyan, naghahanda lang sila para sa hatian ng 2026 budget at para sa kung anong gagawin nila sa 2028,” ang sinabi ni VP Sara.

Samantala, tiniyak naman ni Pangulong Ferdinand Marcos Jr. sa publiko na hindi makaliligtas ang kanyang mga kaalyado na sina Romualdez at Co, sa imbestigasyon ng Independent Commission for Infrastructure sa maanomalya at ghost flood control projects.

Kapwa naman itinanggi nina Romualdez at Co ang akusasyon laban sa kanila. ( Daris Jose)

HIMAS-REHAS ang isang civil engineer na wanted sa kaso ng statutory rape at acts of lasciviousness matapos madakip ng pulisya sa manhunt operation sa Valenzuela City.

Kinilala ni Valenzuela Police Acting Chief P/Col. Joseph Talento ang naarestong akusado na si alyas “Mark”, 38, civil engineer, ng Brgy. Mapulang Lupa.

Napag-alaman ng mga operatiba ng Warrant and Subpoena Section (WSS) na nakatala ang akusado bilang No. 4 sa Ten Top Most Wanted Person sa Valenzuela CPS.

Nang makatanggap sila ng impormasyon hinggil sa kinaroroonan ng akusado, agad ikinasa ang mga operatiba ng WSS ang manhunt operation hanggang sa makorner si alyas Mark dakong alas-5:00 sa Purok 4, Brgy., Mapulang Lupa.

Binitbit ng mga tauhan ni Col. Talento ang akusado sa bisa ng warrant of arrest na inisyu ng Regional Trial Court (RTC), Branch 270, Valenzuela City, noong July 28, 2022, para sa kasong Statutory Rape at Acts of Lasciviousness in relation to R.A. 7610 (2 counts) na walang inirekonedang piyansa.

Pansamantalang nakapiit ang akusado sa custodial facility unit ng Valenzuela City Police Station habang hinihinatay ang utos ng korte para sa paglilipat sa kanya sa City Jail. (Richard Mesa)