2025 September 10 Archive - People's Balita

Archive for September 10th, 2025

NATIONWIDE ANTI-DRUG OPERATIONS NG PDEA, NAKAKUMPISKA NG ₱1.16-B NA HALAGA NG ILLEGAL NA DROGA

Posted on: September 10th, 2025 by @peoplesbalita No Comments

NAGSAGAWA ng nationwide sweep ng anti-illegal drugs operations ang Philippine Drug Enforcement Agency (PDEA) mula Agosto 29, 2025 hanggang Setyembre 5, 2025, na nagresulta sa pagkakakumpiska ng ₱1.16-B halaga ng iligal na droga.

Ang PDEA, katuwang ang iba pang law enforcement agencies, ay nagsagawa ng kabuuang 48 buy-busts, marijuana eradications operations, interdictions, warrants of arrest at raids na humantong sa pagkakaaresto sa 101 drug personalities na binubuo ng 36 na tulak, 24 na bisita sa drug den, pitong empleyado ng drug den, 11 drug den owners/maintainers, at 11 drug den owners/maintainers, at 12 drug owners.

Ang kabuuang tinantyang market value ng mga iligal na droga na nasamsam noong linggo ay umabot sa ₱1.16 bilyon. At ito ang buod ng mga seizure ng droga:

a. 169,557.58 gramo ng methamphetamine hydrochloride, o shabu;

b. 10,250 piraso ng halaman ng marijuana;

c. 272.63 gramo ng marijuana fruiting tops; at

d. 1,000 piraso ng mga punla ng marijuana.

Kabilang sa mga kapansin-pansing nagawa ay ang pagkakakumpiska ng 86.7 kilo ng shabu na nagkakahalaga ng ₱589.98 milyon sa isang interdiction operation sa Barangay Rio Hondo, Zamboanga City noong Agosto 31, 2025; ang pagkakasamsam ng 70 kilo ng shabu na nagkakahalaga ng ₱476 milyon sa interdiction operation sa loob ng bodega ng isang service courier company sa Vitas, Tondo noong Setyembre 2, 2025; at ang pagkakasamsam ng halos 11 kilo ng shabu na nagkakahalaga ng ₱74.8 milyon kasunod ng isa pang interdiction operation sa Clark Freeport Zone, Mabalacat, Pampanga noong Agosto 30, 2025.

Pinuri ni PDEA Director General Undersecretary Isagani R. Nerez ang patuloy na pagsunod ng mga Regional Offices ng Ahensya sa mga layunin ng pagpapatakbo ng sustained at intensified counter-drug operations sa buong kapuluan ayon sa utos ni Presidente Ferdinand R. Marcos Jr. (PAUL JOHN REYES)

Tiangco, nagpasalamat sa pagbisita ng Japanese Parliamentary Group

Posted on: September 10th, 2025 by @peoplesbalita No Comments

NAGPASALAMAT si Mayor John Rey Tiangco sa pagbisita sa Navotas City ng Japanese Parliamentary Group for JICA sa pangunguna ni Ms. Yuko Obuchi, mga kinatawan mula sa Embassy of Japan in the Philippines at Japan International Cooperation Agency. Bukod sa pagbisita sa mga programa ng A Child’s Trust Is Ours to Nurture o ACTION, nag-ikot din sila upang makita ang ilang mga proyektong kasalukuyang isinasagawa sa lungsod.

(Richard Mesa)

Pekeng Pinoy walang puwang sa Pilipinas-BI

Posted on: September 10th, 2025 by @peoplesbalita No Comments

MULING nagpaalala si Bureau of Immigration (BI Commissioner Joel Anthony Viado na walang puwang ang pekeng Pinoy sa Pilipinaskasunod ng pagkakaaresto ng tatlong Chinese national na illegal na naninirahan sa bansa.

Naaresto sa isang commercial building sa Bangony, Davao City sina Xu Yonglian, 38; Lin Jinxing, 42; at Cai Xiji, 44 na ilegal na nagtatrabaho sa bansa.

Ang operasyon ay isinagawa ng pinagsamang puwersa ng BI intelligence division sa Mindanao at BI regional intelligence operating unit 11, na ma koordinasyon sa Philippine Army, Air Force of the Philippines, Philippine National Police (PNP) Sta. Ana Police Station, PNP Davao City Police Office, at puwersa ng intelligence.

Si Xu ay nagpapakilalang Filipino at gumagamit din ng Pinoy na apeyido sa kanyang negosyo habang si Lin ay nagtatrabaho bagama’t tourist visa lang ang kanyang hawak habang si Cail ay may working visa sa isang kumpanya subalit nagtatrabaho ito sa Davao na isang paglabag sa Phillippine law.

“One of them was using a Filipino name in business dealings, misrepresenting himself as a Filipino,”ayon kay Viado. “We will not allow illegal aliens to use the said scheme to remain in the country,” dagdag pa nito.

Samantala, kinumpirma rin ni Viado ang deportation case ng Chinese national na si Chen Zhong Zhen na pinirmahan ni Presiding Judge Esperanza M. Cortes ng Regional Trial Court Branch 221 ng Taguig City na nagsasaad sa nasabing kautusan na pinapayagan ang petition for habeas corpus at kautusan ng kanyang paglaya mula sa kustodiya ng BI, dahil sa kakulangan ng jurisdication.

“We respect the decision of the court, but we maintain that there is strong evidence against Chen, supported by BI biometric records,” said Viado. “Fingerprints to not lie,” pahayag ni Viado. (Gene Adsuara)

2 DRUG PUSHER NATIMBOG NG PDEA SA LOOB NG FAST-FOOD CHAIN, ₱680K HALAGA NG SHABU NAKUMPISKA

Posted on: September 10th, 2025 by @peoplesbalita No Comments

NAARESTO ng mga ahente ng Philippine Drug Enforcement Agency (PDEA) Bulacan Provincial Office ang 2 tulak ng droga sa isang buy-bust operation na isinagawa sa loob ng isang sikat na fast-food chain sa Barangay 72, Caloocan City, Setyembre 6, 2025. Nagresulta ang operasyon sa pagkakasamsam ng tinatayang ₱680,000.00 halaga ng shabu.

Kinilala ng PDEA Bulacan Provincial Office ang mga naarestong suspek bilang alyas “Alex,” 34 taong gulang; at alyas “Den-Den,” 34 taong gulang.

Nakarekober ang mga operating team ng dalawang (2) heat-sealed plastic sachets na naglalaman ng tinatayang 100 gramo na nagkakahalaga ng ₱680,000.00, at ang marked money na ginamit ng undercover na ahente ng PDEA.

Ang mga nakumpiskang iligal na droga ay sasailalim sa forensic examination sa PDEA RO3 laboratory habang ang mga nahuling suspek ay pansamantalang ikukulong sa jail facility ng ahensya sa Lungsod ng San Fernando, Pampanga.

Lumahok din sa operasyon ang PDEA National Capital Region-Northern District Office at PNP Drug Enforcement Group.

Inihahanda na ang mga kaso para sa isang non-bailable offense sa ilalim ng seksyon 5 (pagbebenta ng mapanganib na droga) na may kaugnayan sa seksyon 26B (sabwatan upang magbenta) ng Republic Act 9165 para isampa sa korte. Ang seksyon 5 ay may parusang habambuhay na pagkabilanggo at multa na mula ₱500,000 hanggang ₱10-M. (PAUL JOHN REYES)

PBBM, ihahayag ang komposisyon, kapangyarihan ng independent commission sa susunod na 48 oras

Posted on: September 10th, 2025 by @peoplesbalita No Comments

SINABI ni Pangulong Ferdinand Marcos Jr. na ihahayag niya ang kapangyarihan at komposisyon ng independent commission, na titingin sa maanomalyang flood control projects, sa susunod na 48 oras.

Sinabi ito ng Pangulo sa press conference kasama ang Philippine media delegation sa Cambodia.

”Tomorrow or the day after, within the next 48 hours, I will already announce the powers that we are granting to the independent commission and the members of the independent commission,” aniya pa rin.

Sinabi pa ng Pangulo na mayroong suhestiyon na ang body ay mabigyan ng contempt powers maliban sa subpoena powers.

Ang Pangulo, nasa Cambodia para sa state visit, nauna nang sinabi na ang executive order (EO) ay ipalalabas, na lilikha ng isang independent commission na magi-imbestiga sa substandard, o dili kaya’y ghost flood control projects.

Tinuran pa niya na ang independent body ay ganap na hiwalay mula sa gobyerno, at binubuo ng mga abogado o mahistrado, imbestigador at isang forensic accountant na makakatrabaho ang lahat ng ahensiya ng gobyerno kasama ang National Bureau of Investigation (NBI) para sa aspeto ng imbestigasyon , at Commission on Audit (COA) para sa impormasyon.

Ang body ay mayroon ding recommendatory role, at inaasahan na magsusumite ng findings nito sa Department of Justice (DOJ) o sa Office of the Ombudsman para sa tamang paghahain ng kaso, ayon sa Pangulo.

( Daris Jose)

Ikinanta sina Sen. Jinggoy Estrada at Sen. Joel Villanueva… ‘May dawit pong mga senador sa kickback’ – Hernandez

Posted on: September 10th, 2025 by @peoplesbalita No Comments

LALO pang naging masalimuot ang imbestigasyon sa umano’y flood control kickback scheme ng Department of Public Works and Highways (DPWH).

Ayon kay dating DPWH Engineer Brice Hernandez, may mga senador din umanong sangkot sa anomalya, at dito nga ay pinangalanan niya sina Senator Jinggoy Estrada at Senator Joel Villanueva.

Ang pahayag ni Hernandez ay kabaliktaran sa naging testimonya ni Curlee Discaya sa Senate Blue Ribbon Committee kahapon, Setyembre 8, 2025.

Nang tanungin kasi ni Senador Jinggoy Estrada kung may senador bang sangkot sa mga transaksyon, tahasang sagot ni Discaya: “Wala po”.

Matapos ang sagot ni Discaya, nagbiro si Committee Chairman Sen. Rodante Marcoleta kay Estrada ng, “Safe ka na,” na tila ikinainis ng senador.

Hiniling ni Estrada na alisin sa opisyal na record ang naturang biro bilang paggalang sa pormality ng pagdinig.

Dahil sa magkasalungat na pahayag nina Hernandez at Discaya, nananawagan ang ilang mambabatas ng mas malawak na imbestigasyon upang matukoy kung may mga opisyal sa Senado na sangkot sa umano’y korapsyon sa DPWH.

Samantala, sasampahan ng kaso ni Senador Jinggoy Estrada si dating Bulacan 1st District Assistant Engineer Brice Hernandez matapos ikaladkad ang senador sa pagdinig ng Kamara ukol sa umano’y korapsyon sa flood control projects.

Sa pulong-balitaan, sinabi ni Estrada na kukunsulta siya sa kanyang mga abogado para sa kasong isasampa laban kay Hernandez.

Isiniwalat kasi ni Hernandez na nagbaba ang senador ng P355 milyon ngayong 2025 sa ilang proyekto sa lalawigan ng Bulacan, bagay na itinanggi ni Estrada.

Giit ni Estrada, posibleng ginagantihan siya ni Hernandez matapos niya itong patawan ng contempt sa pagdinig ng Senate Blue Ribbon Committee.

Nilinaw ng senador na ang milyun-milyong pisong ibinibintang sa kanya ay nakapaloob lahat sa General Appropriations Act.

Posible rin aniya na kinuha lamang ni Hernandez ang kanyang mga paratang mula sa naging biro kahapon ni Senador Rodante Marcoleta na “safe ka na” matapos sabihin ni Curlee Discaya na walang senador na sangkot sa maanomalyang flood control projects.

Samantala, nagsalita na rin si Senador Joel Villanueva matapos din siyang idawit ni Hernandez sa pagdinig ng Kamara na sangkot ito sa umano’y korapsyon sa flood control projects.

Giit ni Villanueva, hindi siya natatakot sa ganitong uri ng demolition job at handa raw siya na madungisan, mainsulto o batikusin kung ito aniya ang magliligtas sa taumbayan sa paulit-ulit na pagbaha sa bansa.

Dagdag niya, paulit-ulit na niyang binabanggit mula pa noong 2023 na palpak ang flood control program ng pamahalaan at mismong Pangulo rin ang nagsabi nito makalipas ang dalawang taon.

Gayunpamanm sinabi ng senador na hindi siya natatakot maimbestigahan sapagkat wala raw siyang tinatago.

Aniya, ang kanyang tungkulin ay manatiling tapat sa paglilingkod, lalo na sa mga Bulakenyong taon-taong dumaranas ng pagbaha.

Una nang pinatawan ng contempt si Hernandez sa pagdinig ng Blue Ribbon Committee matapos magsinungaling sa kanyang pagsusugal sa Casino.

Inakusahan si Hernandez na gumamit ng pekeng pagkakakilanlan upang makapasok sa mga casino.

Samantala, kinumpirma ni Senate President Tito Sotto na ililipat sa PNP Custodial Center si Hernandez para sa kanyang kaligtasan.

Ito aniya ang kanilang napagkasunduan ni House Speaker Martin Romualdez. (Daris Jose)

Na di umano’y humihirit ng ‘kickbacks’ mula sa flood control projects… Malakanyang, hinikayat ang mga Discaya na patunayan, maglabas ng pruweba sa ginawang ‘namedropping’ sa mga mambabatas at opisyal ng gobyerno

Posted on: September 10th, 2025 by @peoplesbalita No Comments

HINIKAYAT ng Malakanyang ang kontrobersiyal na mag-asawang kontratista na sina Pacifico “Curlee” at Cezarah Rowena “Sarah” Discaya na patunayan at pagtibayin ang kanilang ginawang pasabog na nag-uugnay sa mga mambabatas at mga opisyal ng gobyerno sa maanomalyang flood control projects.

Sinabi ni Presidential Communications Office Undersecretary at Palace Press Officer Claire Castro na suportado ni Pangulong Ferdinand Marcos Jr., ang ‘full investigation’ subalit hindi ang walang basehang akusasyon.

“Ang gusto naman talaga ng Pangulo ay malawakang imbestigasyon at malaman natin ang katotohanan. Ang ayaw lang naman ng Pangulo ay kung magna-namedrop nang walang ebidensya,” ayon kay Castro sa press briefing sa Cambodia, kung saan ang Pangulo ay nasa kanyang three-day state visit.

Binigyang diin ni Castro na kung mapatutunayan ng mga ‘credible witnesses’ ang di umano’y pakaka-ugnay ng ilang mambabatas at lokal na opisyal sa mga maanomalyang proyekto, tatanggapin ng Pangulo ang ebidensiya para sa posibleng pagsama sa kaso na isasampa.

Aniya pa, bukas ang Malakanyang na bigyan ng proteksyon ang

Discaya couple, na nauna nang ipinahihiwatig na maging state witnesses.

“Kailangan naman po talagang mabigyan [ng protection] ang mga witnesses na talagang may kinalaman sa mga facts and data about this; kailangan po talaga ng proteksyon at hindi naman po ‘yan ipagkakait ng pamahalaan,” aniya pa rin.

Sa kabilang dako, nagbabala naman si Castro laban sa ‘selective revelations,’ naunang tinukoy ni Sarah Discaya na ang kanilang flood control contracts ay nagsimula noong in 2016.

“Pero sana nga po, ang gusto nating madinig sa lahat ay ‘yung kabuuang kwento. Baka kasi nagiging selective lang sila,” ani Castro.

Samantala, ikinanta naman ng mga Discayas, iniugnay sa ilang blacklisted contractors, na nagkaroon sila ng ‘dealings’ sa mga influential politicians at government officials sa Senate inquiry ukol sa flood control project anomalies.

Sa katunayan, pinangalanan ng mga ito ang mga mambabatas at opisya na di umano’y humihingi ng “kickbacks.” ( Daris Jose)

Ads September 10, 2025

Posted on: September 10th, 2025 by Francis Paolo Torres No Comments

10 – page 4-merged

Alex Eala, umangat sa World No. 61 ng WTA matapos ang magwagi sa Guadalajara 125 Open

Posted on: September 10th, 2025 by @peoplesbalita No Comments

UMAKYAT si Alex Eala sa ika-61 puwesto sa pinakabagong WTA rankings matapos ang kanyang makasaysayang panalo sa Guadalajara 125 Open sa Mexico, kung saan siya ang naging kauna-unahang Pilipina na nagwagi ng WTA singles title.

Dahil sa nasabing tagumpay, tumaas ng 14 na ranggo si Eala mula sa dating ika-75.

Tinalo niya si Panna Udvardy ng Hungary sa final, 1-6, 7-5, 6-3, sa isang come-from-behind win na nagpamalas ng kanyang tibay at puso.

Ang 20-anyos na tennis star ay dating umabot sa career-high ranking na World No. 56, at kasalukuyang ikatlong seed sa darating na Sao Paulo Open, isang WTA 250 tournament sa Brazil ngayong linggo.

Bago nito, nakuha rin ni Eala ang kanyang unang panalo sa Grand Slam main draw sa US Open, bago na-eliminate sa second round.

Flood control projects, magpapatuloy pero walang bagong budget para sa 2026- PBBM

Posted on: September 10th, 2025 by @peoplesbalita No Comments

SINABI ni Pangulong Ferdinand R. Marcos Jr. na walang bitbit ang 2026 national budget na mga bagong alokasyon para sa flood control projects.

Sinabi ng Pangulo sa kanyang pinakabagong podcast episode na umere, araw ng Lunes na nananatiling hindi pa nagagastos ang P350 billion na pondo mula 2025.

Ani Pangulong Marcos, nakatakdang muling ipadala ng Department of Budget and Management at Department of Public Works and Highways (DPWH) sa Kongreso ang revised budget proposal para sa 2026.

“Number one, we already are seeing na lahat ng flood control project na dapat ilalagay sa 2026 na budget, hindi na siguro kailangan. So, there will be no budget for 2026 for flood control. Dahil mayroon naman P350 billion for 2025 na hindi pa nauubos talaga,” ang sinabi ni Pangulong Marcos.

Tiniyak naman ng Pangulo na magpapatuloy ang Flood control projects subalit ‘with stricter scrutiny.’

“Ibig sabihin, titiyakin na ngayon natin na ang paggastos tama, ang pag-implement tama, maayos ang design,” anito.

Idinagdag pa ng Chief Executive na kailangan na ayusin muna ng mga kontratista ang kanilang depektibong proyekto, “at their cost” bago pa ikonsidera aniya ng gobyerno ang pakikipag-ugnayan.

Samantala, binasura naman ng Pangulo ang panawagan ng mga mambabatas na “return to sender” ang panukalang 2026 National Expenditure Program, sabay sabing tanging ang DPWH budget lamang ang babaguhin. ( Daris Jose)