MULAT na at handa nang lumaban para sa West Philippine Sea ang mga kabataan matapos mapanood  ang  dokumentaryong “Food Delivery: Fresh From The West Philippine Sea.

Ayon kay Chairman Emeritus Dr. Jose Antonio Goitia, ito ang ipinakita at reaksiyon ng mga manonood sa loob ng screening hall matapos maramdaman ang bigat ng bawat eksena, mula sa panggigipit sa karapatan hanggang sa hirap na dinaranas ng mga mangingisdang Pilipino  at matapos ang palabas lahat sila ay nanindigan  na hindi na sila papayag na aagawan sila ng dayuhan sa kanilang teritoryo.

Dagdag pa ni Goitia na pinagmalaki niya ang  kanilang pagbabago. “Kita mo sa mga mata nila,” aniya. “Hindi lang sila galit, handa na sila. Ayaw na nilang manatiling tahimik. Alam nila na ang laban na ito ay hindi lang tungkol sa teritoryo, kundi tungkol sa katarungan.”

Mula sa galit, sumibol ang paninindigan. Marami ang tumindig at nagsalita, ipinahayag ang kanilang tungkulin na kumilos, magpahayag ng katotohanan, at lumaban sa kasinungalingan. Wika ng isang lider-estudyante: “Hindi puwedeng umasa lang tayo sa iba para lumaban. Laban din natin ito.”

Para kay Goitia, ito ay isang makasaysayang sandali ng pagkamulat. “Nasasaksihan natin ang pag-usbong ng bagong kabanata,” wika niya.

“Wala na ang sinasabing apatiya o kawalang interes ng mga kabataan. Ang nakikita natin ngayon ay isang henerasyong hindi na natatakot magsalita, hindi na nagpapaloko, at handang ipagtanggol ang dangal ng bayan.”

Sa huli, ang dokumentaryo ay naging higit pa sa isang pelikula. Isa itong salamin na nagpakita ng tunay na kalagayan: ang pagdurusa ng ating mga mangingisda, ang paulit-ulit na paglabag sa ating soberanya, at ang mga kasinungalingang nagpapalabo sa katotohanan. Ngunit higit pa roon, naging hudyat ito ng nagniningas na apoy na muling nagpaalab sa puso ng kabataan. Sa kanilang mga mata, nakita ang bagong apoy ng pagkamulat na may pag-asa, isang panibagong layunin, at matinding pagkagutom  para sa tunay na katarungan at hustisya.

Naisakatuparan ang block screening ng dokumentaryo sa tulong ng malawak na suporta mula sa mga makabayang organisasyon at lider tulad ni Chairman Herbert Martinez ng Blessed Movement, gayundin ng iba pang co-sponsor na nagkakaisa para sa adhikain.

Nag-iwan ni Chairman Goitia ang kanyang mga salita bilang paalala at isang matinding  hamon:

“Hindi lang ito tungkol sa dagat. Ito ay tungkol sa ating pagkatao bilang Pilipino. At ngayong gising na ang kabataan, nananawagan ako sa bawat Pilipino na bumangon kasama nila. Gawin nating inspirasyon ang kanilang tapang upang kumilos tayo, magsalita, at ipaglaban ang nararapat na atin. Ang laban para sa West Philippine Sea ay hindi bukas magsisimula. Pananagutan natin ito ngayon. At habang dinadala ng kabataan ang apoy na ito sa kanilang mga puso, kailanman ay hindi ako mawawalan ng pag-asa na mananaig ang dangal ng ating bayan.” (Gene Adsuara)

NASAKOTE na ng Pasay City Police Station ang isa sa dalawang suspek sa panloloob at panghahalay sa mga masahista ng massage parlor o spa sa Pasay Cito noong Biyernes.

Dahil sa utos ni Pasay City Mayor Imelda Calixto-Rubiano na intensibong manhunt operation sa mga suspek, natunton ng Pasay Police ang pinagtaguan ng suspek na si alyas “Jared” sa Legazpi City, Albay.

Iniharap ni Pasay City Police Chief P/COL. Joselito de Sesto ang suspek kay Mayor Emi sa press briefing, kahapon Sept 1 alas-4:00 ng hapon, pagkatapos ng isasagawang medical at booking process. ( Boy Morales Sr.)

Kabilang dito ang Tacurong City sa Sultan Kudarat kung saan idineklara ang special non-working day sa September 18, sa pagdiriwang ng 25th Cityhood anniversary nito at Talakudong Festival 2025 sa ilalim ng Proclamation 1003.

Ang Munisipalidaad ng Naval sa Biliran ay magkakaroon din special non-working day sa September 26, ipagdiriwang nito ang 165th Charter Day o Pueblo Day, sa ilalim ng Proclamation 1004.

Gayundin, ang Masbate City ay magkakaroon ng special non-working day sa September 30, sa pagdiriwang ng 25th Cityhood anniversary nito sa ilalim ng Proclamation 1005.

(Daris Jose)

ISASALANG sa strict screening ang mga miyembro ng independent commission na nakatakdang likhain para imbestigahan ang flood control projects upang masiguro na walang kinikilingan at may kredibilidad.

“This independent commission will be under the executive. They will investigate all documents and complaints and recommend cases to the proper agencies. If government officials are involved, the cases will definitely go to the Ombudsman,” ayon kay Presidential Communications Office Undersecretary at Palace Press Officer Claire Castro sa press briefing sa Malakanyang.

“Ang mga miyembro po dapat nito ay talagang independent at hindi pamumulitika ang gagawin,’ ang dagdag na pahayag ni Castro.

Nauna rito, kinumpirma ni Pangulong Ferdinand R. Marcos Jr. na isang executive order (EO) ang isinasapinal para magtatag ng body, kanyang inilarawan bilang “investigative arm” ng gobyerno na haharap sa korapsyon Department of Public Works and Highways (DPWH).

“They will investigate it. And they will make recommendations as to what—how to proceed, whether kasuhan itong mga ito or i-Ombudsman o dalhin sa DOJ,” ang sinabi ni Pangulong Marcos.

Ani Pangulong Marcos, hindi pa naisasapinal ang komposisyon ng body ngunit malamang ay kabilang dito ang forensic investigators, ang mga piskal, abogado, at retired justice upang matiyak ang integridad at kakayahan na rebyuhin ang mga kontrata at reklamo.

Ang paglikha ng komisyon ay matapos magbitiw sa puwesto si Public Works Secretary Manuel Bonoan, na bumaba sa puwesto sa ilalim ng ‘principle of command responsibility’ kasunod ng iregularidad sa multibillion-peso flood control projects. ( Daris Jose)

PINANGHAWAKAN ni Pangulong Ferdinand Marcos Jr. ang sinabi ni

dating Public Works and Highways secretary Manny Bonoan na inaako nito ang buong responsibilidad sa kontrobersiyal na maanomalyang flood control projects kaya’t agad niyang tinanggap ang pagbibitiw nito sa puwesto.

“I think it was Secretary Bonoan who said that basically he took responsibility, all of these things happened, all of these problems, under his watch so under the principle of command responsibility that he should leave his post,” ang sinabi ni Pangulong Marcos.

Nauna rito, sa resignation letter ni Bonoan, nagpahayag ng suporta si Bonoan sa panawagan ng Pangulo para sa accountability, transparency, at reporma sa loob ng DPWH.

Ang pagbibitiw sa puwesto ni Bonoan ay isinagawa sa gitna ng imbestigasyon sa mga anomalya sa flood control projects sa bansa. ( Daris Jose)

INIHAYAG ni Bicol Saro Party List Rep. Terry Ridon, Co-Chair ng House Infrastructure Committee

na imbitado pa rin si dating Public Works and Highways (DPWH) Secretary Manuel Bonoan sa pagdinig ng the InfraComm.

Ayon sa mambabatas, itutuloy pa rin ng komite ang sinimulan nitong inisyal na pagdinig ngayong Martes, kung saan patutuunan ng pansin ang ginawang site inspections ng pangulo sa ghost at substandard projects sa Bulacan, at undercapitalized firms na nakakuha ng bilyong pisong halaga ng in flood control contracts.

Magpapadala rin aniya ang komite ng imbitasyon sa bagong talagang DPWH Secretary Vince Dizon.

” We thank Secretary Bonoan for his service and wish him well in his future endeavors,” pahayag ni Ridon.

(Vina de Guzman)

NAGPAHAYAG ng buong suporta si Speaker Ferdinand Martin Romualdez sa partnership ng Department of Education (DepEd) sa Security Bank Foundation Inc. (SBFI) at Security Bank Corporation (SBC) sa pagabay sa mga principals ng public schools upang mapabuti ang kalidad ng edukasyon sa bansa.

Ayon sa Leyte solon, importante na mabigyan ng dagdag kaalaman ang mga Filipino public school principals sa advanced leadership and management skills, na maipapasa naman nila sa mga guro at sa mga estudyante.

“Napakahalaga ng ganitong pagtutulungan ng pamahalaan at pribadong sektor upang baguhin at paunlarin ang ating edukasyon. Kapag pinalakas natin ang kakayahan ng ating mga punong-guro, mas mapapalakas din natin ang kinabukasan ng ating mga kabataan,” anang mambabatas.

Pinapurihan nito si Education Secretary Sonny Angara sa kanyang pamumuno sa ilalim ng direktiba ni Pangulong Marcos para sa advancement ng quality education sa pamamagitan ng Public-Private Partnership programs.

Noong nakalipas na linggo, lumagda ang DepEd sa isang memorandum of agreement sa SBFI at SBC para palawigin ang principal mentoring program sa ilalim ng Mentoring Future Leaders for Nation-Building Program. Sakop ng MOA ang suporta sa school infrastructure projects sa buong bansa.

Ngayon taon, 29 school principals mua sa iba’t ibang bahagi ng bansa ang kasama sa mentoring program, na tatakbo ng tatlong taon.

Ang Security Bank ay nag-invest ng P1.9 billion sa education sector, kabilang na ang P237 million noong 2024.

Sa flagship na “Build a School, Build a Nation Program,” nakapagpatayo ng 845 classrooms sa 145 schools sa 86 siyudad at municipalities simula 2011, nakapagpagawa ng 449 classrooms, nakapagtrained ng mahigit 36,000 teachers, at nakapag-mentor ng mhigit 170 school principals sa buong bansa.

(Vina de Guzman)

OPISYAL nang nanumpa sa harap ni Pangulong Ferdinand Marcos Jr., si dating Transportation Secretary Vince Dizon para sa kanyang bagong tungkulin bilang Kalihim ng Department of Public Works and Highways (DPWH).

Pinalitan ni Dizon si dating Sec. Manuel M. Bonoan, epektibo, Lunes, Setyembre 1, 2025.

Nauna rito, inatasan ni Pangulong Marcos si Dizon na magsagawa ng ganap na pagbabagong bihis ng departamento at tiyakin na ang pondo ng publiko ay gagamitin lamang para sa imprastraktura na tunay na magpoprotekta at mapakikinabangan ng mamamayang Filipino.

Upang igarantiya ang patuloy na service delivery sa Department of Transportation (DOTr), itinalaga ng Pangulo si Atty. Giovanni Z. Lopez bilang Acting Secretary.

Si Atty. Lopez ay nanumpa bilang Undersecretary for Administration, Finance, and Procurement noong February 2025. Nagsilbi siya bilang Chief of Staff sa Office of the Secretary mula 2020 hanggang 2022 at humawak ng senior positions na nangasiwa sa napakahalagang ‘railway, aviation, at maritime infrastructure projects.’

Bilang Acting Secretary, titiyakin ni Atty. Lopez na magpapatuloy at mapagtagumpayan ang mga sinimulan ng liderato ni Secretary Dizon partikular na ang pagsusulong sa transport modernization at suportahan ang inisyatiba na prayoridad ang ‘commuter safety, efficiency, at seamless project delivery.’

Upang mas palakasin ang pananagutan, itinatag ng Pangulo ang Independent Commission para imbestigahan ang Flood Control Anomalies. Ang body ay magsasagawa ng komprehensibong pagrerebisa ng proyekto, kilalanin ang mga iregularidad, at magrekomenda ng mga hakbang sa pananagutan upang tiyakin ang public trust sa infrastructure spending.

Ang mga desisyon na ito ay sumasalamin sa matatag na pagpapasya ng administrasyon na linisin ang korapsyon, palakasin ang institusyon at maghatid ng tapat at epektibong public service sa ilalim ng Bagong Pilipinas. ( Daris Jose)