2025 August 27 Archive - People's Balita

Archive for August 27th, 2025

MAYNILA, NAKAHANDA SA PAGSASARA NG NAVOTAS SANITARY LANDFILL

Posted on: August 27th, 2025 by @peoplesbalita No Comments

TINIYAK ni Manila Mayor Isko Moreno Domasoso na makahanda ang pamahalaang Lungsod ng Maynila sa paghahakot ng basura sa kabila ng permanenteng pagsasara ng Navotas Sanitary Landfill at ililipat ito sa San Mateo Sanitary Landffill sa Rizal.

Ito ay makaraang nakatanggap ng abiso mula kay Metro Manila Development Authority (MMDA) Chair Romando Artes na ang lahat ng basura ng lungsod ay ididiretso na sa New San Mateo Sanitary Landfill sa Rizal simula bukas, Agosto 27.

Sa kanyang Facebook live, sinabi ng alkalde na magkakaroon ngayon ng malaking hamon sa paghahakot ng basura sa Maynila dahil mas malayo ang San Mateo kumpara sa dating Navotas site.

"Hindi pa natin alam ang mangyayari kapag sabay-sabay bumiyahe ang mga truck sa Commonwealth. That's the first challenge. The second challenge, kapag nasa San Mateo na ang queing, sabay-sabay dumadating ang truck, it will take time, babagal ang balikan,"

Sabi ni Mayor Isko, asahan ang pagbagal o delay ng biyahe ng mga truck at dagdag na gastusin para sa lungsod.

"It will cost us money, sad to say, but let me handle that. Alam ko malaki problema natin sa pera. What is important now is :yung basura at yung kapakanan ng taumbayan,"sabi ng alkalde.

Gayunman, tiniyak niyang handa na ang contingency plan ng Department of Public Services (DPS) upang maiwasan ang krisis sa basura.

Umapela rin ang alkalde sa mga barangay at residente na huwag munang ilabas ang basura hangga't hindi dumarating ang garbage truck upang hindi maipon sa kalsada.(Gene Adsuara)

Kamara nangako ng transparent na imbestigasyon, walang masasakripisyo sa flood control controversy

Posted on: August 27th, 2025 by @peoplesbalita No Comments

MAGLULUNSAD ang Kamara ng isang full, transparent, at impartial investigation sa alegasyon ng korupsyon, pag-aksaya at substandard performance sa flood control program ng gobyerno.

Gayundin, walang opisyal at ahensiya ng gobyerno o contractor ang palulusutin sa isyu.

Ang tugon na ito ng Kamara ay bilang tugon sa direktiba ni Pangulong Marcos na walang pang-aabuso sa kapangyarihan at korupsyon ang palulusutin at palalagpasin.

"Kapag buhay ng tao ang nakataya, bawal ang palusot. Bawal ang palakasan. Every peso we lose to corruption is a life left at risk when floods hit. This investigation is not about politics—it's about justice," ani Deputy Speaker Paolo Ortega.

Sa pamamagitan ng House Resolution No. 145, tatlong komite ng Kamara, kabilang na ang Public Accounts, Public Works and Highways, at Good Government and Public Accountability, ang magiimbestiga sa Department of Public Works and Highways (DPWH) at contractors kaugnay sa bilyong halaga ng flood control projects, na ilan ay sinasabing non-existent, defective, o overpriced.

Base sa inisyal na ulat, mahigit sa ₱500 billion ang inilaan simula 2022, ngunit ilang lugar sa Metro Manila at ibang bahagi ng bansa ang nanatiling nakalubog sa baha. sa Malabon at Navotas, nananatiling hindi naipagawa hanggang ngayon ang nasirang floodgate mula 2024 sa kabila na nakalista na ito ng "completed."

"Pumapasok ang tubig sa bahay pero 'di makita ang proyektong pinondohan. Saan napunta ang pondo? We owe the public clear answers," pahayag ni Ortega.

Iginiit naman ni Deputy Speaker Jay Khonghun na walang magaganap na witch hunt o whitewash sa imbestigasyon.

"Hindi ito witch hunt. Pero hindi rin ito palabas. Those who were entrusted with the people's money—whether in government or the private sector—must explain. And if wrongdoing is proven, they must face consequences. Wag nating hayaang malunod sa baha ang tiwala ng taumbayan sa gobyerno. Kailangang may managot," pahayag nito. (Vina de Guzman)

Cong. Tiangco, hinamon si Rep. Co na isapubliko ang small committee amendments sa 2025 national budget

Posted on: August 27th, 2025 by @peoplesbalita No Comments

MULING hinamon ni Navotas Representative Toby Tiangco si Ako Bicol party-list Rep. Elizaldy “Zaldy” Co na ilabas at isapubliko ang amendments na ginawa ng small committee sa 2025 national budget.

“Walang napadalang report ang Committee Secretariat, kaya ibig sabihin, wala. Pero imposible naman na hindi alam ni Cong. Zaldy Co kung ano ang mga amendments dahil siya ang chair ng Committee on Appropriations noon,” ani Tiangco.

“Kaya muli nating hinahamon si Cong. Zaldy Co na ilabas at isapubliko ang mga amendments na ginawa ng small committee sa 2025 National Budget, para makita ng lahat kung saan nagbawas at saan nagdagdag ng pondo,” dagdag niya.

Sinabi ni Tiangco na ang House of Representatives ay dapat lumampas sa ceremonies at “walk the talk” pagdating sa transparency.

“The 2025 small committee report is a necessary starting point, and only Cong. Zaldy Co can explain this. The House leadership should compel him to do so. We cannot and should not move forward if we do not hold those responsible for the national budget accountable,” aniya.

Nagbabala pa siya na kung patuloy umanong pigilan ni Co ang pag-access sa small committee’s amendments, ang lahat ng pag-uusap tungkol sa transparency sa pampublikong paggasta ay mananatili umanong tokenistic.

“Gaya ng lagi kong sinasabi, kung seryoso talaga kayo and to show good faith, the first step to real transparency is showing the amendments made by the small committee to the 2025 budget. Kung ayaw nila ilabas ‘yan, lokohan lang ito,” sabi ni Tiangco.

“Pera ito ng taumbayan. Nararapat lang na makita ng lahat kung saan napupunta ang buwis na kanilang binabayaran,” dagdag pa niya. (Richard Mesa)

Navotas, inilunsad ang “Walang Plastikan 2025,”

Posted on: August 27th, 2025 by @peoplesbalita No Comments

INILUNSAD ng Pamahalaang Lungsod ng Navotas sa pangunguna ni Mayor John Rey Tiangco, kasama ang mga residente, youth groups, at environmental advocates ang “Walang Plastikan 2025,” na naglalayong bawasan ang paggamit ng single-use plastics na ginanap sa Navotas Convention Center, sa pakikipagtulungan sa EcoWaste Coalition and Smöl Productions. (Richard Mesa)

NATIONWIDE OPERATIONS NG PDEA AT IBA PANG ANTI-DRUG UNITS, ₱101.70M ILEGAL NA DROGA NASAMSAM AT 122 DRUG PERSONALITIES ARESTADO

Posted on: August 27th, 2025 by @peoplesbalita No Comments

INIHAYAG ng Philippine Drug Enforcement Agency (PDEA) ang resulta ng kanilang walang tigil na pagsisikap at pinaigting nitong kampanya laban sa ilegal na droga sa buong bansa na naganap mula Agosto 15 hanggang 22, 2025.

Sa loob lamang ng isang linggo, nagsagawa ang PDEA at Other Law Enforcement Agencies ng 68 anti-illegal drug operations na humantong sa pagkakaaresto ng 122 indibidwal at pagkakasamsam ng iligal na droga na nagkakahalaga ng mahigit ₱101.70 milyon. Ang mga bilang na ito ay batay sa pinakabagong Lingguhang Ulat sa Pagganap ng Anti-Illegal na Droga ng ahensya.

Binigyang-diin ni PDEA Director General Undersecretary Isagani R. Nerez ang matatag na desisyon ng ahensya: “PDEA will relentlessly crush illegal drug syndicates and will not rest until illegal drug networks are dismantled and our communities are safe. We are intensifying our anti-drug campaign with intelligence-driven, coordinated operations. Our operations will be sharper, smarter, and synchronized strengthened by inter-agency collaboration. We are fully committed to realizing President Ferdinand R. Marcos Jr.’s vision of a drug-free Bagong Pilipinas” dagdag pa ni DG Nerez.

Ang mga nasamsam na droga na may street value na ₱101 milyon ay kumakatawan sa isang malaking pagkagambala sa supply chain ng iligal na droga sa bansa. Ang pagpuksa sa libu-libong halaman ng marijuana at pagharang ng high-grade na shabu ay nagdulot ng matinding dagok sa organisadong operasyon ng sindikato ng droga, dagdag ni Nerez.

Nananawagan ang PDEA sa lahat ng Pilipino na manatiling mapagmatyag at iulat ang anumang kahina-hinalang aktibidad sa kanilang mga komunidad. Ang paglaban sa iligal na droga ay pinagsama-samang responsibilidad, maaari tayong bumuo ng isang mas ligtas, walang droga na Bagong Pilipinas. (PAUL JOHN REYES)

Tap, Scan, Gaan: Gagaan ang Commute Mo sa MRT-3 with GCash!

Posted on: August 27th, 2025 by @peoplesbalita No Comments

PAGDATING ng rush hour, kanya-kanyang hugot ng barya at hindi magkanda-ugaga sa pila ang mga Pinoy commuter. Ngayon, mas bibilis at gagaan na ang pang-araw-araw na biyahe: pwede nang gamitin ang GCash na pambayad sa MRT-3!

Natupad na sa Pilipinas ang inaasam ng marami pagdating sa biyahe: ang cashless commute na pwedeng idaan sa pag-tap o pag-scan. Sa pakikipagtulungan sa Department of Transportation, puwede nang umiwas sa mahabang pila sa pagbili ng ticket, pati na rin ang pagpasok sa mismong station, salamat sa MRT fast lane na para lamang sa cashless transactions.

Siguraduhin lamang na may P28 minimum balance sa GCash wallet (katumbas ng maximum fare para sa North Avenue-Taft na biyahe), at pwede nang gamitin ang GCash sa MRT-3! Ibabawas ang P28 sa wallet pagkapasok sa MRT, at ibabalik kung mayroon man ang sukli sa iyong GCash wallet kapag nakalabas na ng MRT station. Makikita ito sa Transaction History ng GCash app.

Ngayon, hindi na kailangang maghanap ng barya o saktong pambayad dahil makikita agad ang laman ng GCash balance, puwede mag top-up kahit kailan, at diretso na ang bayad mula sa iyong GCash wallet. Higit sa lahat, pwede ka rin pumili ng paraan ng paggamit ng GCash na pinakababagay sa iyo

Changed for good. Check out Cynthia Erivo and Ariana Grande’s new looks as Elphaba and Glinda in the new “Wicked: For Good” posters

Posted on: August 27th, 2025 by @peoplesbalita No Comments

THE witches of Oz are debuting a brand new look in Wicked: For Good, as the first chapter of their story changes the trajectory of their lives forever.

Cynthia Erivo and Ariana Grande return as Elphaba and Glinda in the emotional conclusion of their story, along with Jonathan Bailey, Ethan Slater, Marissa Bode, Michelle Yeoh, and Jeff Goldblum.

Watch the “First Look” featurette: https://youtu.be/mssbqu9FvF8

Don’t miss the end of a cinematic cultural sensation as Wicked: For Good arrives in Philippine theaters on November 19. Check out Universal Pictures PH (FB), UniversalPicturesPH (IG), and UniversalPicsPH (TikTok) for the latest news and updates.

About Wicked: For Good:

And now whatever way our stories end, I know you have rewritten mine by being my friend

Last year’s global cinematic cultural sensation, which became the most successful Broadway film adaptation of all time, now reaches its epic, electrifying, emotional conclusion in Wicked: For Good.

Directed once again by award-winning director Jon M. Chu and starring the spectacular returning cast, led by Academy Award® nominated superstars Cynthia Erivo and Ariana Grande, the final chapter of the untold story of the witches of Oz begins with Elphaba and Glinda estranged and living with the consequences of their choices.

The film is produced by returning Tony and Emmy winning powerhouse Marc Platt p.g.a. and by multiple Tony winner David Stone. The executive producers are Stephen Schwartz, David Nicksay, Jared LeBoff, Winnie Holzman and Dana Fox. The first film, Wicked, released in November 2024, earned 10 Academy Award® nominations, including Best Picture, and won the Oscars® for Costume Design and Production Design. To date, the film has grossed $750 million worldwide.

Wicked: For Good is based on the generation-defining musical stage play with music and lyrics by legendary Grammy and Oscar® winning composer and lyricist Stephen Schwartz and book by Winnie Holzman, from the bestselling novel by Gregory Maguire. The screenplay is by Winnie Holzman and Winnie Holzman & Dana Fox. The film score is by John Powell & Stephen Schwartz, with music and lyrics by Stephen Schwartz.

(ROHN ROMULO)

Alden at Rochelle, pinarangalan din sa 37th Star Awards for TV: JOSHUA at RHIAN, waging Best Drama Actor at Best Drama Actress

Posted on: August 27th, 2025 by @peoplesbalita No Comments

MATAGUMPAY na naidaos ang 37th Star Awards for TV na ginanap sa VS Hotel and Convention Center.

Produced ito ng PMPC Star Awards Inc. sa pakikipagtulungan ng Bingo Plus at ng VS Hotel.

Siyempre nagpasalamat kami sa lahat ng sponsors, guest, host sa pangunguna ng King of Talk Boy Abunda, Concert Queen Pops Fernandez, Best Male TV host Robi Domingo, Gela Atayde at Elijah Canlas.

Narito ang kumpletong listahan ng mga nanalo:

1. Best Children’s Show — TALENTS ACADEMY

2. Best Children’s Show Host — TALENTS ACADEMY HOSTS

3. Best Morning Show — UNANG HIRIT

4. Best Morning Show Host — UNANG HIRIT HOSTS

5. Best Documentary Program — THE ATOM ARAULLO SPECIALS

6. Best Documentary Program Host — I WITNESS HOSTS

7. Best Lifestyle/ Travel Show — PINAS SARAP

8. Best Lifestyle/ Travel Show Host — KARA DAVID (Pinas Sarap)

9. Best Magazine Show — KAPUSO MO, JESSICA SOHO

10. Best Magazine Show Host — KORINA SANCHEZ (Rated Korina)

11. Best Game Show — EMOJINATION

12. Best Game Show Host — DINGDONG DANTES (Family Feud)

13. Best New Male TV Personality — JOHN CLIFFORD (Pepito Manaloto)

14. Best New Female TV Personality — GELA ATAYDE (Senior High)

15. Best Daytime Drama Series — ABOT KAMAY ANG PANGARAP

16. Best Mini-Series — WALANG MATIGAS NA PULIS SA MATINIK NA MISIS

17. Best Drama Anthology — MAGPAKAILANMAN

18. Best Public Affairs Program — CAYETANO IN ACTION WITH BOY ABUNDA

19. Best Public Affairs Program Host — BOY ABUNDA, PIA CAYETANO, ALLAN PETER CAYETANO (Cayetano In Action)

20. Best Public Service Program — WISH KO LANG

21. Best Public Service Program Host — EDINEL CALVARIO (Healing Galing)

22. Best News Program — 24 ORAS

23. Best Male Newscaster — JOEE GUILAS (PTV News Tonight)

24. Best Female Newscaster — KAREN DAVILA (TV Patrol)

25. Best Celebrity Talk Show — FAST TALK WITH BOY ABUNDA

26. Best Celebrity Talk Show Host — BOY ABUNDA (Fast Talk With Boy Abunda)

27. Best Comedy Show — PEPITO MANALOTO

28. Best Comedy Actor — PAOLO CONTIS (Bubble Gang)

29. Best Comedy Actress — CHARIZ SOLOMON (Bubble Gang)

30. Best Drama Supporting Actor — ELIJAH CANLAS (Senior High)

31. Best Drama Supporting Actress — CHERRY PIE PICACHE (FPJ’s Batang Quiapo)

32. Best Single Performance by an Actor — ALDEN RICHARDS (Magpakailanman)

33. Best Single Performance by an Actress — ROCHELLE PANGILINAN (Magpakailanman)

34. Best Child Performer — EUWENN MIKAEL (The Write One)

35. Best Variety Show — IT’S SHOWTIME

36. Best Male TV Host — PAOLO BALLESTEROS (E.A.T) and ROBI DOMINGO (ASAP Natin ‘To) — tie

37. Best Female TV Host — KIM CHIU (Its Showtime)

38. Best Primetime TV Series — MARIA CLARA AT IBARRA

39. Best TV Station — GMA 7

40. Best Drama Actor — JOSHUA GARCIA (Unbreak My Heart)

41. Best Drama Actress — RHIAN RAMOS (Royal Blood)

(JIMI C. ESCALA)

Nakagawa sila ng record sa ‘Star Awards for TV’… GELA, wagi rin ng Best New TV Personality tulad nina ARJO at RIA

Posted on: August 27th, 2025 by @peoplesbalita No Comments

NAKAGAWA ng record ang magkakapatid na Arjo, Ria at Gela Atayde sa Star Awards for Television dahil lahat sila ay nagwagi ng Best New TV Personality.

Taong 2012 nang manalo si Cong. Arjo ng Best New Male TV Personality para sa ‘Bangka’ episode ng ‘Maalaala Mo Kaya’.

Pagkaraan ng apat na taon (2016), si Ria naman nakasungkit ng Best New Female TV Personality para sa ‘Puno ng Mangga’ episode ng ‘Maalaala Mo Kaya’.

At sa katatapos lang na 37th Star Awards for Television, si Gela naman ang nakakuha ng Best New Female TV Personality sa series na ‘Senior High’.

Kaya naman ganun na lang ang saya ng kanilang premyadong ina at aktres na si Sylvia Sanchez, na marami na ring napanalunan sa Star Awards for TV.

Hindi nga niya sukat akalain na mangyayari ang panibagong blessing para sa kanilang pamilya, na kung saan kakapanalo lang ni Arjo ng Best Actor sa FAMAS Awards para sa ‘Topakk’.

Samantala, nag-post si Gela sa kanyang Facebook account ng mahabang pasasalamat…

“Thank you, PMPC ❤︎ This was truly the last thing I expected. Acting has always been a passion I wanted to pursue since I was a kid. I remember watching Kuya @arjoatayde and Ate @ria bag this same award in 2012 and 2016. I was just a little girl dreaming I’d one day reach the heights they did. To be here now means the world,” say ni Gela.

Pagpapatuloy pa niya, “Thank you @dreamscapeph and @abscbn for believing in me since day 0. Tita @coryvidanesadc3, @direklauren, thank you for the love and faith always. Sir Deo, this one’s for you. Thank you for giving me my first chance. I hope you’re smiling up there. To Tita @monchnovales and Ate @sharleneopulencia, thank you for your care, guidance, and the tireless work you pour into everything.

“To my parents @sylviasanchez_a @xaviiart, thank you for trusting me to pursue this dream while finishing college. I know it wasn’t easy to let me enter showbiz when I did, but your unconditional support means everything. To my siblings Kuya @arjoatayde, Ate @ria, and @xavi_atayde, thank you for inspiring me and never doubting me. Your work has always been the catalyst for my drive.”

Hindi rin niya nakalimutang pasalamatan ang mga nakasama sa kanyang kauna-unahang serye, “To my Senior High family, thank you to the cast for being such generous actors. Plus the whole production, thank you for being my first home in this passion. You guided me every step of the way with your generosity, patience, and encouragement. I wouldn’t be here without you. To Sanya, my first role, thank you for holding my hand through this journey. This one is for you. You’ll forever be in my heart.”

Panghuli sa kanyang FB post, “And to my supporters, thank you for believing in a “nepo baby” who wasn’t sure if she could do it. Kinaya naman, at kakayanin pa. This is just the beginning. There’s still so much to learn, grow from, and improve on. I’m fueled to give even more. Maraming maraming salamat po.”

Congrats to our dearest Gela!

(ROHN ROMULO)

Nag-viral at may higit 4.6 million views na: Tiktok video ni RALPH na buhat si AZ, kinakiligan ng netizens

Posted on: August 27th, 2025 by @peoplesbalita No Comments

VIRAL sa TikTok ang latest video na in-upload ng ex-housemate ng Pinoy Big Brother Celebrity Collab Edition na si Ralph de Leon.

Mapapanood dito ang smooth na pagbuhat ni Ralph sa kanyang ka-love team sa PBB na si AZ Martinez.

Sulat ng Star Magic artist sa caption ng kanyang post, “Diretso sa pool @AZ Martinez.”Labis itong kinakiligan ng netizens, lalong-lalo na ang fans at shippers ng AZRalph.

Ang kanila namang ex-housemates na sina Esnyr at Will Ashley, tila nakainggitan pa ang ginawang pagkarga ni Ralph kay AZ.

Sa kasalukuyan, mayroon nang 4.6 million views ang TikTok video.

Sa mga nakaraang interview ni AZ, ibinahagi niyang ngayong nasa outside world na sila ay mas gusto pa niyang makilala si Ralph.

***

BAGO magsimula mag-taping ang magsyotang Elle Villanueva at Derrick Monasterio sa bagong pagbibidahan nilang teleserye na ‘Sister’s Game’, nag-quick vacation muna sila sa Vietnam.

Ang pinaka na-enjoy raw ng Kapuso couples sa Vietnam ay ang kanilang food trip, shopping, at siyempre, coffee.

“Super saya, hindi ko in-expect na mag-e-enjoy ako na gusto ko siyang balik-balikan every year. And the coffee na hinahanap-hanap namin hanggang ngayon,” sabi ni Elle.

Dagdag ni Derrick, “Tumakbo kami du’n tapos pumunta kami sa isang neighborhood na ang gaganda ng mga houses, ang gaganda ng mga roads.”

Makakasama nila sa thriller-dramq series ay sina Ashley Ortega, Thea Tolentino, at Pinky Amador.

“It’s a thriller show kasi makakakita kayo ng ibang Ashley dito, tapos makikita n’yo rin kung ano ‘yung mga pagbabago sa buhay namin. On cam, siyempre, iba na rin kami rito,” sey ni Derrick.

Huling napanood na magkasamq sina Elle at Derrick sa revenge drama na ‘Makiling’noong 2024. Pareho din silang nagkaroon ng guest roles sa ‘Encantadia Chronicles: Sang’gre’.

(RUEL J. MENDOZA)