ISINIWALAT ni Pangulong Ferdinand R. Marcos Jr. ang kanyang plano na magtatag ng permanenteng ‘soil laboratory’ sa bawat rehiyon bilang bahagi ng pagsisikap ng pamahalaan na itaas ang ‘productivity at paghusayin ang ani ng agrikultura.’

Sa pagsasalita sa isinagawang dayalogo sa 50th Gawad Saka Awardees sa Science City of Muñoz sa Nueva Ecija, binigyang diin ni Pangulong Marcos ang kahalagahan na maunawaan ang kondisyon ng lupa para gabayan ang interbensyon ng gobyerno at suporta sa sakahan.

“Para naman pagandahin pa ang inyong produksyon, nagdala kami dito… ‘yung labing-anim na mobile soil laboratory. Bawat region, magbibigay tayo. Magtatagal sa isang lugar tapos iikot para mapag-aralan kung ano ang pangangailangan,” ang sinabi ni Pangulong Marcos.

Aniya pa, ang mga mobile laboratories ay first phase lamang ng pinalawak na plano para permanenteng malagyan ng mga kailangang gamit ang mga rehiyon lalo na ang soil analysis facilities.

“Pero pagkatapos nitong mobile laboratory, maggagawa tayo ng permanent.Gusto naming maglagay ng permanent soil laboratorysa bawat region. Kaya ito, Phase 1 pa lang ito, ika nga,” aniya pa rin.

Nagpahayag naman ng kanyang pasasalamat si Pangulong Marcos at paghanga sa mga Gawad Saka awardees, inilarawan ang kanilang trabaho bilang mahalaga sa national development at food security.

“Maraming salamat sa inyong sakripisyo,” ayon sa Pangulo.

Samantala, may kabuuang 43 indibidwal at institusyon mula sa iba’t ibang panig ng bansa ang kinilala ngayong taon sa ilalim ng Gawad Saka program, ang Department of Agriculture ang nakatanggap ng pinakamataas na pagkilala para sa ‘excellence at innovation’ sa sektor ng pagsasaka at pangingisda. (Daris Jose)

PINALITAN na ng Metropolitan Manila Development Authority (MMDA) ng mga sensor-based na traffic light ang mga countdown timer.

Ayon sa MMDA , ang 96 countdown timers sa signalized intersections ay sensor-based traffic lights, na pagbabatayan ng mga motorista kung kailan tatawid.

Sinabi ng MMDA na ang inisyatiba ay bahagi ng kanilang adaptive signaling system na unang ipinatupad noong 2012.

Ang sensor-based traffic lights umano ay nag-a-adjust depende sa dami ng mga sasakyan sa kalsada, lalo na sa gabi.

“Mini-measure niya, lalung-lalo na sa gabi, ‘yung volume ng traffic. For example, Lane A, wala nang dumadaan. Kahit na naka-program siya initially na 1 minute, ika-cut short ngayon to 30 seconds at ililipat niya doon sa mas maraming beses dahil mas may volume,” ani MMDA Chairman Don Artes.

“I think yung warning na 5 blinks, tapos 3 seconds na yellow and then red is sufficient enough para makapag-adjust yung ating mga kababayan at malaman nila kung dapat na ba silang mag-slow down, ‘di ba? Para hindi sila mag-beat ng red light,” aniya pa. (Daris Jose)

SINABI ni Spokesman Atty. Antonio Audie Bucoy na kung sakaling i-dismissed ang impeachment ng walang paglilitis malamang aniya na magpasaklolo ang prosecution sa Korte Suprema. Para sa prosecution, mahalaga na umusad ang paglilitis sa Bise Presidente gayundin para maipaliwanag din nito ang mga alegasyon laban sa kanya. Aniya , pagsasayang lang umano ng panahon kung kukuwestyunin pa ng prosecution panel ang discretion ng mga Senator Judge sa impeachment case kung nagkaroon ba ng pang-aabuso sa kapangyarihan. (BOY MORALES SR.)

UMABOT sa 272 trainees ang nakatanggap ng kanilang certificates matapos makakumpleto ang various tech-voc courses na alok ng Navotas Vocational Training and Assessment (NAVOTAAS) Institute.

Kabilang sa mga nagtapos ang 47 completed Bread and Pastry Production NC II; 20, Food and Beverage Services NC II; 24, Automotive Servicing NC I; 22, Shielded Metal Arc Welding (SMAW) NC II, 20, Housekeeping NC II; at 43, Barista NC II.

Ang Language at culture classes ay nagkaroon din ng mataas na partisipasyon, kung saan 33 ang nagtapos ng Japanese at 63 nakatapos ng Korean.

Binigyang-diin ni Congressman Toby Tiangco ang epekto ng edukasyon at skills training sa pagpapasigla ng pamilyang Navoteños.

“Education and skills are the foundation of development—not just for individuals, but for the entire city,” ani kongresista.

“Through scholarship and training programs, we open doors for more Navoteños to build better lives and contribute to the continued growth of our city,” dagdag niya.

Samantala, binigyang-diin din ni Mayor John Rey Tiangco ang pinagsamang diskarte ng lungsod sa kabuhayan at mga serbisyo ng Navotas City Hanapbuhay Center at Public Employment Service Office (PESO).

Aniya, ang mga tanggapang ito ay nag-aalok ng capital assistance, business support, at job placement services para sa mga nagtapos at naghahangad na mga negosyante.

“Even now, we are planning new courses to meet the evolving demands of industries,” pahayag ni Mayor Tiangco.

“Our goal is for every Navoteño family to have at least one member employed or running a business,” aniya. (Richard Mesa)

INTERESADO si Justice Secretary Jesus Crispin Remulla para posisyon sa Ombudsman.

Kasabay ng kanyang kumpirmasyon, sinabi ng Kalihim na magsusumite pa lamang siya ng aplikasyon sa darating o bago ang araw ng Biyernes  sa  Judicial Bar and Council (JBC).

“I think that I have a lot to offer there,” anang Justice Secretary.

Sa kabila ito ng reklamong kinakaharap sa Ombudsman na inihain ni Senator Imee Marcos kamakailan laban sa kanya at ilan pang matataas na opisyal.

Binigyang-diin ng kalihim na may kakayahang ang JBC na ma-evaluate ito ng maayos.

“Okay lang iyon, the JBC can always evaluate on it properly,” ani SOJ .

Dahil rito, kanyang inihayag ang kanyang mariing paniniwala na walang ‘conflict’ sa kanyang pagsusumite ng aplikasyon sa JBS para sa posisyon sa Ombudsman.

Sinabi rin ni Remulla na ipinaalam na niya kay Pangulong Ferdinand Marcos Jr. ang tungkol sa kanyang aplikasyon. “I told mutual contacts that I was very interested.” (Gene Adsuara)