NAGHAIN  ng cyberlibel complaint sa Manila Prosecutors Office si Philippine Coast Guard (PCG) spokesperson for West Philippine Sea (WPS) Commodore Jay Tarriela laban sa blogger  na si Sass Sasot.

Base sa reklamo, sinabi ni Tarriela na nag-post si Sasot ng umano’ y “scurrilous libels” tungkol sa kanya sa Facebook at X accounts nito na inaakusahan ang opisyal ng PCG na korupsyon at pangingikil at pandaraya.

Dagdag pa ni Tarriela na inakusahan siya ni Sasot na tumanggap ng

 $4 milyon na “talent fee” mula sa  United States at  bags ng pera mula kay House Speaker Martin Romualdez.

Idinagdag pa na tina-tag din siya ni Sasot bilang “Philippine Military Academy cheater.”

Sinabi ni Tarriela na lahat ng alegasyong ito ay pawang walang katotohanan at walang totoong basehan.

Humihingi si Tarriela nang mahigit P1 milyong danyos.  (Gene Adsuara)

SA kulungan ang bagsak ng 23-anyos na mangingisda nang tutukan ng baril at pagbantaang patayin ang negosyanteng ginang na naningil ng pautang sa kanya sa Navotas City.

Batay sa ulat, nagtungo ang 40-anyos na ginang sa bahay ni alyas “Rommel” sa Brgy. Tanza Dos dakong alas-6 ng umaga upang pakiusapan ang suspek na bayaran na ang kanyang pagkakautang.

Sa halip na magbayad, bumunot umano ng baril ang suspek sabay sinabihan ang biktima ng “Pu—ina mo, puro ka singil ng utang ah, gusto mo patayin na kita? Parang hindi ka babayaran”.

Dahil sa takot, nagtatakbo ang biktima hanggang makahingi ng tulong sa mga nagpapatrulyang tauhan ng Patrol Base 1 ng Navotas Police Station na nagresulta sa pagkakadakip sa suspek.

Ayon kay Navotas Police OIC chief P/Col. Renante Pinuela, nakuha sa suspek ang isang improvised firearm ‘pen-gun’ na kargado ng isang bala ng kalibre .38.

Pinuri naman ni Northern Police District (NPD) Acting Director P/BGen. Arnold Abad ang Navotas police sa kanilang mabilis na aksyon na nagresulta sa agarang pagkakaaresto sa suspek. (Richard Mesa)

NAGWAKAS na ang pagtatago ng 55-anyos na lalaki na wanted sa kasong pagpatay sa Valenzuela City matapos matunton ng pulisya sa kanyang pinagtataguang lugar sa Isabela.

Sa ulat, nakatanggap ng impormasyon ang mga tauhan ni Valenzuela police chief P/Col. Gerson Bisayas na nagtatago sa probinsya ng Isabela ang akusado na si alyas “Federico”, na nakatala bilang No. 2 Most Wanted Person sa Northern Police District at No. 1 MWP naman sa Valenzuela CPS.

Kaagad nakipag-ugnayan ang mga operatiba ng Valenzuela Police Warrant and Subpoena Section (WSS) sa San Mateo Municipal Police Station bago ikinasa ang joint manhunt operation na nagresulta sa pagkakaaresto kay ‘Federico’, dakong alas-7:30 ng gabi sa Brgy. Lanna, Tumauini, Isabela.

Si ‘Federico’ ay binitbit ng mga tauhan ni Col. Bisayas sa bisa ng warrant of arrest na inilabas ng Valenzuela City Regional Trial Court Branch 282, noong December 20, 2024 para sa kasong Murder na walang inirekomendang piyansa para sa kanyang pansamantalang paglaya.

Pinuri naman ni P/BGen. Arnold Abad, Acting District Director ng Northern Police District ang Valenzuela police sa kanilang mabilis at coordinated na pagsisikap.  “This arrest reflects our unwavering commitment to uphold the rule of law and ensure the safety and security of our communities.” pahayag niya. (Richard Mesa)

NANINIWALA si Bicol Saro Party List Rep. Terry Ridon na dapat ipagbawal sa mga e-wallet platforms tulad ng GCash at Maya, at iba pang online applications ng banking institutions ang mga online gambling transactions.

Ayon sa mambabatas, ang pagpapatupad ng online gambling regulation ay makakatulong para maiwasan ang mga ‘unchecked and convenient access’ ng mga ordinaryong Pilipino, lalo na ang kabataan, sa mga online gambling platforms.

Tungkulin aniya ng gobyerno na gawing mas mahirap para sa mga indibidwal na gastusin o gamitin ang pinaghirapang sahod o suweldo sa mga aktibidad na kadalasang nagreresulta sa financial distress at family disintegration.

Sinabi pa nito na dapat i-require ang mga online gambling operators na magbuo ng sarili nilang independent payment systems na may mas mahigpit na know-your-customer (KYC) protocols at mas mataas na minimum cash-in thresholds, alinsunod na rin sa panukala ni Senator Sherwin Gatchalian na ₱10,000 initial deposit requirement.

Ang kita ng isang pamilya ay dapat bantayan upang mailaan lamang ito sa pangunahing pangangailangan tulad ng pagkain, tirahan, edukasyon, kalusugan at iba pang pang-araw araw na pangangailangan at hindi masayang lamang sa pagsusugal tulad ng online gambling platforms na wala namang produktibong balik.

“Gambling regulation must begin with access restriction,” pahayag ni Ridon.

(Vina de Guzman)

A NEW chapter begins!

Today marks a meaningful milestone as the 10th Council of the City of Parañaque holds its first inaugural session at the Legislative Building of the Paranaque City Hall, led with dignity and vision by Hon. Vice Mayor Florencio C. Bernabe III, Majority Floor Leader Hon. J Enrico Golez, Minority Floor Leader Hon. Binky Favis.

With renewed commitment to public service, unity, and transparent governance, this Council stands ready to serve the people of Parañaque with integrity and purpose.

A Thanksgiving mass was held together with The Sangguniang Panglungsod ng Paranaque. Mass Presider is Rev. Fr. Kevin Crisostomo.

Together, let us build a stronger, more progressive, and inclusive city.

(BOY MORALES SR.)

KUKUNSULTAHIN muna ng Department of Transportation (DOTr) ang economic team ng pamahalaan dahil sa kahilingan ng sektor ng transportasyon tungkol sa hinihingi nila na magkaroon ng P1 provisional fare hike.

Ayon sa sektor, dahil sumipa ng mataas ang presyo  ng krudo at  produktong

petrolyo kung kaya’t kailangan magkaroon din ng pagtaas ng pamasahe,

“We are weighing the concerns of public utility drivers and operators while also

protecting the riding public from additional burden. We have to discuss that, because we need to balance the impact of any fare hike on our commuters and fellow citizens,” wika ni

DOTr Secretary Vince Dizon.

Ang mga grupo ng transportasyon na humihingi ng taasan ang pamasahe ay ang Pasang Masda, Alliance of Transport Operators and Drivers Association (Altodap), at Alliance of Concerned Transport Organizations.

Tumaas ang presyo ng mga produktong petrolyo dahil sa kaguluhan sa pagitan ng Israel at Iran na nagsimula kamakailan lamang, ito ay ayon na rin sa Department of Energy (DOE).

Upang   mabawasan   ang   epekto   ng   tumataas   na   produktong   petrolyo,   ang pamahalaan ay may planong magkaroon ng P2.5 bilyon na programa sa fuel subsidy para sa mga jeepneys, buses, taxis, at ride-hailing services kasama ang mga delivery vehicles.

Sinabi ni Dizon na may kabuohang 1,132,407 na mga drivers ang inaasahang mabibigyan ng nasabing plano mula sa nasabing programa sa subsidy na may 258,712

na public utility vehicles, 723, 695 na tricycle drivers, at may 150,000 na delivery drivers.

Sa ahensya naman ng Land Transportation Office (LTO), sinuspende ang lisensya ng isang driver ng motor-hailing taxi dahil sa kasong overcharging kung saan ang isang

pasahero ay sumakay mula sa Ninoy Aquino International Airport (NAIA) papuntang Cainta, Rizal at sinisingil ng P2,000.

Dahil na rin sa utos ni President Ferdinand Marcos, Jr. na bigyan ng proteksyon ang publiko mula sa mga mapagsamantalang mga drivers kung kaya’t sinuspende ng LTO ang lisensya ng nasabing driver.

“Our President is leading the charge against these abusive PUV drivers since that viral incident at the NAIA. He already learned about this another case and he wants to impose the sanctions on this rider,” wika ni Dizon.

Ang nasabing insidente sa overcharging ay nag viral at nabigyan ng atensyon ni

Dizon at ng LTO social media monitoring team kung saan binigyan agad ng aksyon ang nasabing insidente mula sa pamunuan ng DOTr at LTO.

Sa isang Show Cause Order na nilagdaan ni Intelligence and Investigation Division

chief Renante Melitante hiningi sa may-ari ng motor-hailing taxi ang kanyang paliwanag kung bakit hindi siya magiging liable sa nasabing overcharging na insidente.

Iniimbestigahan din upang malaman kung ang registered na may-ari ay siyang

driver ng nasabing motorcycle taxi ng nangyari ang insidente.

Kung magkanoon, ang driver ay haharap sa isang kaso ng “Improper Person to

Operate a Motor Vehicle” (Sec. 27 of RA   No.   4136)   na   may   maximum penalty na revocation ng kanyang lisensya.  LASACMAR

NAHAHARAP sa panibagong problema ang pamahalaang Lungsod ng Mayila nang makatangggap ng notice of disconnection mula sa mga service provider makaraang abisuhan na puputulin ang pangunahing serbisyo sa mga hospital , eskuwelahan at opisina na pinatatakbo ng Manila LGU.

Ayon kay  Manila Mayor Isko Moreno Domagoso, nakatanggap ang Manila LGU ng disconnection notices sa mga hindi nabayaraang bill na nagkakahalaga ng P113,596,710.54, na sumasaklaw sa kuryente, tubig at Internet service sa mga eskuwelahan, ospital at iba pang pasilidad ng pamahalaan sa siyudad

Gayunpaman, pinakiusapan ng Alkalde  ang Meralco, Maynilad, Manila Water, PLDT, Globe Telecom, Smart Communications, Converge ICT at  Cignal TV, at  sinabing walang kapera-pera ngayon ang pamahalaang lungsod.

Paglilinaw naman ng alkalde na bahagi ng reality check na nagkaroon ng malalang financial mismanagement ang gobyerno ng Maynila at wala siyang sinisisi.

Natuklasan din ng alkalde na may P300-milyon na bayarin sa buwis sa Bureau of Internal Revenue, na kanyang dinatnan.

Ito ay bukod pa sa P113,596,710.54 na hindi nabayarang bills.

Humingi ng dalawang buwang palugit si Mayor Isko sa mga service provider upang makapag-adjust hanggang sa malutas ang krisis pinansiyal ng lungsod at mabayaran ang nakapalaking pagkakautang.

“Lahat ng naikubling singilin, itinago o ipinagkaila, ngayon bumubulagta sa amin,” saad ng alkalde.

Umapela si Domagoso para sa pang-unawa mula sa mga service provider, na humihiling ng dalawang buwang pagpapaliban upang bigyang-daan ang lungsod na lutasin ang mga isyu nito sa pananalapi at abutin ang mga hindi nababayarang bayarin.

Pwede ba makisuyo, huwag n’yo muna kami putulan ng kuryente, tubig, internet? Pagbalik ninyo sa mga boss n’yo, sabihin ninyo, bigyan niyo kami ng breathing room,” pakiusap ni Domagoso.

Idinagdag niya na ang anumang magagamit na savings ng lungsod – kabilang ang mga pondo na nakuhang muli mula sa 5,930  job order workers – ay gagamitin upang bayaran ang mga kagyat na obligasyon. (Gene Adsuara)