NAGBABALA si Manila Mayor Isko Moreno -Domagoso sa mga  tauhan ng manila traffic and Parking Bureau (MTPB)  na magtino na at huwag puro panghuhuli ang ginagawa.

Binigyang babala ni Domagoso ang ilang MTPB na mahilig magtago saka susulpot at haharangan ang mga motorista na nakila nilang lumabag sa batas trapiko.

Ayon kay Mayor Isko, dapat ng baguhin ang istilo ng mga traffic enforcers na ito kung saan maiging tumulong sila sa mga nangangailangan motorista.

Giit ng alkalde, dapat tumulong sa publiko hindi ang paghuhuli lamang ang ginagawa na madalas puro reklamo pa ang natatanggap.

Maigi rin na aniya na umalalay sila sa daloy ng trapiko hindi lamang sa mga pangunahing kalsada kungdi sa iba pang lugar sa Maynila na nakakaranas ng pagsikip ng trapiko.

Sa usapin naman ng naantalang sweldo ng ilang mga tauham ng MTPB, sisikapin din ng Alkalde na  maibigay ito hanggang sa makumpleto lahat.

Samantala, ang oras ng trabaho sa pamahalaan ng Lungsod ng Maynila ay mula alas-7:00 ng umaga hanggang alas-4:00 ng hapon makaraang nagdesisyon ang mga empleyado  ng tanunging ni Mayor Isko sa ginanap na flag raising ceremony.

Ang pagnanais ng mga empleyado na maibalik sa maagang pasok at pag-uwi ay upang makaiwas na rin na makasabay sa matinding pagsisikip ng daloy ng trapiko o rush hour.

Ang mga J.O. (job order) employees na hindi na nagpapakita ay hinihimok din ng alkalde na bumalik, magreport at mag-trabaho ng nararapat upang hindi sila matatanggal sa serbisyo.

Nakikiusap naman si Mayor Isko sa lahat ng empleyado na tumulong at gawin ang nararapat na trabaho para makaahon ang lungsod ng Maynila sa pagkakabaon sa utang. (Gene Adsuara)

OPISYAL nang binuksan ang bagong Tanza Multi-purpose Building sa NavotaAs Homes II, Brgy. Tanza 2, kasunod ng pagbabasbas at pagpapasinaya nito sa pangunguna nina Mayor John Rey Tiangco at Cong. Toby Tiangco, bilang bahagi ng pagdriwang ng ika-18 anibersaryo ng pagiging lungsod ng Navotas. Ang bagong tatlong-palapag na pasilidad ay may office spaces para sa seminars at meetings sa ikalawang palapag, at court sa ikatlong palapag para sa sports at iba pang events. May sapat ding parking space sa unang palapag. (Richard Mesa)

INANUNSYO ng Department of Education (DepEd) na nakatakda nitong baguhin ang national curriculum para maisama ang pagsasanay hinggil sa paggamit ng artificial intelligence (AI).

“Soon, babaguhin na rin natin ‘yung ating curriculum para matutong gumamit ng A.I. ang mga bata at matutong gumamit ng A.I. ‘yung mga guro natin. ‘Yan ang pagbabagong ina-anticipate natin sa darating na mga taon,” ang sinabi ni Education Secretary Sonny Angara.

Ang hakbang na ito ay sa gitna ng lumalagong paggamit ng mga estudyante ng AI tools, ang ilan ay palihim at parehong mga tagapagturo.

Sa kabilang dako, sa report ni Vonne Aquino sa Unang Balita, isang college sophomore na nagngangalang “John” ang umamin na pakihim siyang gumagamit ng AI para kumpletuhin ang kanyang mga takdang -aralin.

“Nagse-search po ako ng topic tapos, doon po is kinukuha ko po ‘yung text,” ayon kay alyas John.

Para maiwasan na matuklasan, pinaghahalo niya ang AI-generated content at ng kanyang sariling ideya.

“Hinahaluan ko ng konting sariling opinion ko po,” aniya pa rin.

Samantala, naniniwala naman si Dr. Jhennie Villar, dean at program chairperson sa lokal na unibersidad, na binago ng AI ang Philippine education — ngunit may mga limitasyon.

“Karaniwan, ginagamit ito bilang gabay pero hindi bilang sagot sa kabuuan kasi kailangan pa rin natin ng critical thinking, kailangan pa rin natin na mag-aral…,” ang tinuran ni Villar.

Aniya, sa kanilang unibersidad, ang AI-generated content ay limitado sa 15% ng undergraduate theses at research papers. Ang Detection tools ay nasa ayos para mapigilan ang maling paggamit.

Sa ulat, habang nakasaad sa general rule na hindi pinapayagan ang paggamit ng cellphone sa oras ng klase, suportado naman ng DepEd ang paggamit ng electronic devices kapag isinama sa pag-aaral.

Sa reyalidad, ang digital gadgets ay naging essential classroom tools sa maraming public schools—lalo na kapag kulang sa physical textbooks, workbooks at reference materials.

Marami ring mag-aaral ang nagda-download ng learning modules, nagbabasa ng e-books, at sumasali sa class group chats kung saan ang assignments at reminders ay naka-post.

(Daris Jose)

SINABI ni Pangulong Ferdinand Marcos Jr. na ang pagkakaroon ng maaasahang internet access ay hindi na isang pribilehiyo kundi isang pangangailangan.

Inihayag ito ng Pangulo sa isinagawang grand launch ng National Fiber Backbone Phases 2 at 3 sa Leyte province.

”Dahil sa panahon ngayon, hindi na privilege ang pagkakaroon ng access sa mabilis na internet, ito ay pangangailangan na. Kailangan ito sa pag-aaral, sa trabaho, sa negosyo at para mapanatili ang koneksyon sa mga mahal sa buhay,” ang bahagi ng talumpati ni Pangulong Marcos.

Matatandaang, nangako si Pangulong Marcos na gagawin ng gobyerno ang lahat, upang magkakaroon ng internet connectivity ang lahat ng pampublikong paaralan sa buong bansa, bago matapos ang 2025.

Hangad naman ng National Fiber Backbone (NFB) project na lumikha ng malakas at ligtas na fiber optic network na saklaw ang buong bansa.

Nagsisilbi bilang ‘backbone’ o gulugod para paghusayin ang internet connectivity, puntirya nito ang mas mabilis, mas maaasahan at ‘fully digitalized services’ para sa lahat ng mga Pinoy.

Samantala, nakahanda naman ang Department of Information and Communications Technology (DICT) na palawigin ang naabot ng NFB mula Northern Luzon tungo sa ilang bahagi ng Visayas at Mindanao sa pamamagitan ng NFB Phases 2 at 3. (Daris Jose)

BAGO pa man ang pagubukas ng sesyon ng ika-20 Congress sa Hulyo 28, pinao-overhaul na ni reelected Leyte Rep. Ferdinand Martin Romualdez ang national budgeting system upang masiguro na ang public funds ay makakapagbigay ng konkretong resulta sa halip na maipit sa delays at inefficiency.

Sa inihain nitong House Bill (HB) No. 11, o Budget Modernization Act, isinisulong nito ang paglilipat sa cash-based budgeting system.

Layon ng panukala na mapabilis ang pagbibiay ng mga government services, matanggal ang nasasayang na paggastos at gawing mas madali ang pagmomoitor at assessment ng lahat ng government transactions.

“Bawat sentimo sa national budget ay pera ng taongbayan. Kailangan magamit ito nang mabilis, tapat at may malinaw na resulta para sa mga Pilipino, lalo na sa mga nangangailangan,” ani Romualdez.

Kabilang sa mga awtor ng panukala ay sina Tingog Party-list Reps. Andrew Julian Romualdez at Jude Acidre.

Ayon sa panukala, ang Cash Budgeting System ay tumutukoy sa “annual appropriations that limit incurring obligations and disbursing payments to goods delivered and services rendered, inspected and accepted within the current fiscal year.”

Target nito ang mga matagal ng problems sa public finance kung saan ang pondo ay ‘obligated’ ngunit hindi nagamit na nagresulta sa pagkaka-delay sa infrastructure, pagkabinbin ng mga programa at unutilized aid.

“Kapag may pondong inilaan para sa eskwelahan, dapat may maitayong silid-aralan. Kung may budget para sa kalsada, dapat may daang natatapos. Hindi puwedeng puro plano, walang resulta,” dagdag ni Romualdez.

Nililimitahan ng panukala ang paggamit ng lump-sum o special purpose funds ng walang malinaw na timelines.

“‘Pag malinaw ang sistema, madaling masilip ng taumbayan kung saan talaga napupunta ang pondo. Iyan ang tunay na malasakit,” dagdag nito.

(Vina de Guzman)

UPANG maprotektahan ang mga kabataan at pamilya mula sa online gambling, isinusulong ng Akbayan Partylist ang mahigipit na regulasyon sa mga online gambling platforms sa bansa.

“We cannot gamble away our youth’s future. Our children cannot become collateral in the jackpot dreams of gambling tycoons,” ani Akbayan Rep. Chel Diokno.

Kasama ni Diokno sina Akbayan Representatives Perci Cendaña, Dadah Ismula at Dinagat Islands Rep. Kaka Bag-ao sa paghahain ng House Bill No. 1351 or Kontra E-Sugal bill

Nakapaloob sa panukala na tanging mga indibidwal mula sa idad na 21 pataas ang pinapayagang makapagparehistro at makataya sa mga online gambling platforms.

Ang lahat ng licensed online gambling operators ay kailangang magpatupad ng age verification systems gamit ang government issued o kahalitulad na digital identification na nakasunod sa Know-Your-Customer (KYC) standards, paghingi ng national ID o government-issued identification para sa pagrerehistro.

Kasama sa iba pang probisyon ay: E-wallets and super apps will be banned from advertising and linking to online gambling; Online gambling ads will also be banned in public spaces; PAGCOR will set daily, weekly, and monthly betting and loss limits to promote responsible gambling practice; Players will be auto-suspended upon breaching PAGCOR-defined time or loss limits; A 10 percent tax on online gambling will fund addiction rehabilitation, education, enforcement, and research; A National Online Gambling Self-Exclusion Registry to be maintained and administered by PAGCOR will be established at It will also require the government to adopt a comprehensive, evidence-based, and multi-sectoral approach to prevent and mitigate gambling-related harms.”

“Hindi dapat ganito kadali para sa mga kababayan nating itaya at mawala ang lahat ng mayroon sila. Sa pamamagitan ng mga pagkilos na ito, magkakaroon ng malakas na proteksiyon ang ating mga kababayan sa panganib ng online gambling at maiiwasan ang pagkalugmok ng mga pamilya sa utang at pagkakawatak-watak,” ani Diokno.

(Vina de Guzman)

IPOPROKLAMA na bilang nanalong Kongresista sa ika-6 na Distrito si Benny Abante.

Ito’y makaraang ilalabas na ng Commission on Election (Comelec) ang certificate of finality at entry of judgement kasabay ng pagko-convene ng Comelec ang City Board of Canvassers ng Maynila para sa kanyang proklamasyon.

Ito ay matapos pagtibayin ang resolusyon na nagpapawalang bisa sa proklamasyon ni Joey Uy na nakakuha ng pinakamaraming boto noong May 12 elections.

Dahil sa isyu ng citizenship, binawi ang pagkapanalo ni Uy .

Ang nag-iisang kalaban ni Uy na si Abante na reelectionist ang naging duly qualified na kandidato at idineklarang panalo sa halalan noong 2025 midterm elections.  (Gene Adsuara)

BAGSAK sa kulungan ang dalawang drug suspects matapos makuhanan ng hindi linsensyadong baril at mahigit P.1 milyong halaga ng shabu nang maaresto ng pulisya sa buy bust operation sa Malabon City.

          Kinilala ni P/Capt. Regie Pobadora, OIC chief ng District Drug Enforcement Unit ng Northern Police District (DDEU-NPD) ang naarestong mga suspek na sina alyas “Francis”, 40, at alyas “RJ”.

          Sa ulat, ikinasa ng mga operatiba ng DDEU ang buy bust operation sa koordinasyon sa PDEA nang magawang makipagtransaksyon ng isa sa mga tauhan ni Capt. Pobadora sa mga suspek.

          Dakong alas-9:52 ng umaga nang makipagkita umano ang mga suspek at magsabwatan na bintahan ng shabu sa isa sa mga operatiba ng DDEU na nagpanggap na buyer sa Brgy. Tugatog na nagresulta sa pagkakaaresto sa kanila.

          Nakumpiska sa mga suspek ang humigi’t kumulang 15 grams ng hinihinalang shabu na nagkakahalaga ng P102,000, buy bust money, at isang hindi linsensyadong Star B. Echevarria caliber .380 pistol na kargado ng dalawang bala.

          Mahaharap ang mga suspek sa kasong paglabag sa Sections 5, 26, at 11 under Article II ng R.A 9165 (Comprehensive Dangerous Drugs Act of 2002) habang karagdagan na kasong paglabag sa R.A. 10591 (Comprehensive Law on Firearms and Ammunition) ang kakaharapin pa ng isa sa kanila.

Pinuri naman ni P/BGen. Arnold Abad, Acting District Director ng Northern Police District, ang mga operatiba sa kanilang mabilis at mapagpasyang aksyon na nag-aambag sa patuloy na kampanya laban sa ilegal na droga, loose firearms, at kriminalidad. (Richard Mesa)

BINUKSAN na sa publiko ng Pamahalaang Lungsod ng Navotas ang bagong Tanza Multi-purpose Building sa NavotaAs Homes II, Brgy. Tanza 2, 0bilang bahagi ng ika-18th cityhood anniversary celebration nito.

Pinangunahan nina Mayor John Rey Tiangco at Cong. Toby Tiangco ang pagbabasbas at pagpapasinaya sa tatlong-palapag na pasilidad ay may office spaces para sa seminars at meetings sa ikalawang palapag, at court sa ikatlong palapag para sa sports at iba pang events at may sapat ding parking space sa ground level.

“This building represents our dream to build not only houses but complete communities where quality of life is elevated,” pahayag ng alkalde.

“Every housing project should not only provide shelter but also serve as a home for dreams—dreams of progress, success, and a better future for one’s family,” dagdag niya.

Samantala, binigyaang-diin ni Cong. Tiangco ang kahalagahan ng pampublikong imprastraktura sa nagpapasiglang komunidad.

“Kapag may maayos kang pasilidad na tulad nito, mas naengganyo ang mga tao na makilahok sa mga programa ng pamahalaan. Ito ang gusto nating makita—aktibong komunidad na sama-samang umuunlad,” aniya

“Through multipurpose buildings like this, we provide space for various sectors to come together—the youth for sports and recreation, barangay leaders for meetings, and residents for training, livelihood workshops, and community events,” dagdag niya.

Hinikayat naman ni Mayor Tiangco ang mga residente na maging responsable sa paggamit ng pasilidad dahil ito ay pag-aari ng buong komunidad. (Richard Mesa)