2025 July Archive - People's Balita

Archive for July, 2025

Unilab at Mercury Drug, nagdiriwang sa ika-80 taon: GARY at BINI, tampok sa star-studded concert na ‘Alagang Suki Fest 2025’

Posted on: July 11th, 2025 by @peoplesbalita No Comments

NGAYONG 2025, ipinagdiriwang ang isang espesyal na okasyon dalawa sa pinakamarkado at pinagkakatiwalaang healthcare brands sa Pilipinas, ang Unilab at Mercury Drug, ay magdiriwang ng kanilang ika-80 anibersaryo!

Para ipagdiwang ang walong dekada ng tunay na “alaga,” magkakaroon sila ng engrandeng thank-you party para sa mga Pinoy ng iba’t ibang henerasyon: ang Alagang Suki Fest 2025, isang one-night-only concert na magaganap sa July 31, 2025, 5PM, sa Smart Araneta Coliseum.

Level-up na selebrasyon ng musika, komunidad, at pag-aalaga, ang Alagang Suki Fest 2025 ay magdadala ng star-studded na lineup ng mga performers. Kasama rito ang sikat na alternative rock band na Mayonnaise, mga patok sa Gen Z na sina Maki at Darren Espanto, ang P-Pop powerhouse at tinaguriang “Nation’s Girl Group,” BINI, at ang walang kupas na OPM icon na si Gary Valenciano.

Naikuwento ni Ms. Claire D. Papa (Asst. Vice President, Corp. Branding and Social Media Partnerships) na super happy sila sa BINI dahil effective silang endorsers ng iba’t-iba produkto tulad ng Enervon Z+.

Matagal na “suki” man o baguhan, ang concert na ito ay iyong pagkakataong makikanta, sumayaw, at magpasalamat kasama ang Unilab at Mercury Drug na tumulong at nag-alaga sa mga Pilipino sa loob ng 80 taon.

Ang milestone event na ito ay isang pagdiriwang ng katatagan ng Pinoy sa buhay at negosyo, kalusugan, komunidad at bayanihan. Nang magsimula ang taon, sinimulan ng Unilab ang kanilang 80th anniversary celebration sa PhilSports Arena kasama ang mahigit 4,000 empleyado at mga partners.

Doon, ipinahayag ng Unilab ang kanilang layunin ang magpatuloy na maging isang healthcare leader na handa sa pagbabago at modernisasyon. Ngayon, nagsanib-puwersa ang Unilab sa Mercury Drug upang magbigay ng saya at pasasalamat sa kanilang loyal customers sa pinakamaalaga at masayang paraan.

Ang mga miyembro ng Alagang Unilab Rewards at nagmamay-ari ng Mercury Drug Suki Card ay maaaring makakuha ng libreng tickets para sa Alagang Suki Fest 2025.

Narito ang mga hakbang para makuha ang tickets:

1. Bumili lamang ng mga kasaling Unilab OTC products gaya ng (Immunpro, Enervon, Ceelin, Biogesic, Alaxan at iba pa) sa kahit saang Mercury Drug branch nationwide. Mag-ipon ng minimum na 100 points mula sa pagbili.

2. Gamitin ang inyong Mercury Drug Suki Card.

3. I-upload ang resibo gamit ang Alagang Unilab Rewards Facebook Messenger; hanggang tatlong resibo lamang ang maaaring i-upload kada araw.

4. Matapos i-upload ang resibo, makakakuha ka ng unique offer code na gagamitin para sa pag-claim ng iyong e-ticket sa TicketNet online.

Maaaring makakuha ng hanggang tatlong (3) tickets bawat myembro ng Alagang Unilab Rewards- oo, puwedeng isama ang barkada!

Ang promo ay magaganap mula May 23 hanggang July 20, 2025, o hanggang mayroon pang ticket.

Mula sa simpleng medicine cabinet hanggang sa bonggang entablado, ang Unilab at Mercury Drug ay palagiang nagbubuhos ng pagmamahal. Saksi ang 80 taon sa kanilang pag-aalagang tunay at nagtatagal.

Para sa buong detalye ng promo at listahan ng mga participating Unilab OTC products, bisitahin rewards/alagang-suki-fest ang https://www.unilab.com.ph/alagang-unilab-

(ROHN ROMULO)

‘Superman’ leads MTRCB’s family-friendly film lineup this week

Posted on: July 11th, 2025 by @peoplesbalita No Comments

THE Movie and Television Review and Classification Board (MTRCB) has approved three films for public exhibition this week, all receiving a PG (Parental Guidance) rating.

PG rating ensures the material is appropriate for viewers under the 13 accompanied by a parent or supervising adult.

Leading the lineup is the latest installment in the iconic superhero franchise, “Superman,” which brings the beloved Man of Steel back to the big screen.

Reviewed by MTRCB Board Members Eloisa Matias, Racquel Maria Cruz and Juan Revilla, the film explores the reconciliation of Superman (David Corenswet) with his alien Kryptonian heritage and adoptive human family.

Inspired by true stories, the locally produced romantic drama “I Remember You,” starring Filipino actors JC Santos and Valeen Montenegro, is set in the scenic island of Boracay where Gani (Santos), and Debby (Montenegro), both ex lovers, cross paths again.

For K-pop fans, “HYBE Cine Fest,” offers a celebration of Korean music and culture, brought to the big screen by entertainment powerhouse HYBE.

The film features exclusive performances from some of today’s biggest K-pop groups, including BTS, SEVENTEEN, TOMORROW X TOGETHER, ENHYPEN, LE SSERAFIM, &TEAM, BOYNEXTDOOR, TWS, ILLIT and KATSEYE.

MTRCB Chairperson and CEO Lala Sotto-Antonio reminds the public of the importance of responsible viewing, especially for young audiences.

“Our age-appropriate classifications help parents and supervising adults make informed choices while enjoying quality content together as a family,” said Sotto-Antonio.

The Board remains committed to promoting responsible viewing and content creation while supporting the diversity of global and local films in Philippine cinemas.

(ROHN ROMULO)

‘Di pinalampas ang mamasyal sa magagandang tourist spots: JULIE ANN at RAYVER, parang turistang nagha-honeymoon sa UK

Posted on: July 11th, 2025 by @peoplesbalita No Comments

PARA lang daw mga turistang nagha-honeymoon sa United Kingdom ang Kapuso couple na sina Julie Anne San Jose at Rayver Cruz.

Nasa UK ang dalawa para mag-perform sa Barrio Fiesta 2025 kasama ang mga Global Pinoys. After ng show, in full tourist mode at hindi pinalampas ng JulieVer loveteam na mamasyal sa ilang magagandang tourist spots.

Ang latest na pinuntahan nila ay ang iconic megalithic structure na Stonehenge sa Witshire, England.

“Loved and found,” caption nila sa kani-kanilang Instagram post.

Binisita rin ng The Clash hosts ang Windsor Castle, Notting Hill, Abbey Road, Buckingham Palace and the Big Ben. May kuha sila sa iconic red telephone box in London.

***

MARAMI ang nag-comment sa pinost na video ni Gladys Reyes sa Facebook na meron itong inaaway na babae na ang pangalan ay Felma.

Sey niya sa nag-viral na video: “Paawa ka, pa-victim. Hindi mo naman sinasabi ‘yung totoong kuwento.”

Pero para pala ito sa publicity ng bagong aabangan na GMA Afternoon Prime teleserye na Cruz Vs. Cruz kunsaan bida sina Gladys at Vina Morales.

Ayon sa official Facebook pages ng GMA Network at GMA Drama: “Legal na misis ng OFW na nag-viral kamakailan, SUMAGOT SA MGA PARATANG! Sa video na kanyang pinost sa social media na sagot sa video ng orihinal na misis ng kanyang asawa, matapang niyang pinagdiinan na siya ang pinakasalan kaya hindi siya ang mang-aagaw!”

Dahil sa makatotohang ngit-ngit ni Gladys sa video, may mahigit one million views na ito sa Facebook page ng GMA Network at mahigit 100,000 views sa GMA Drama Facebook page.

***

SINILANG na ni Miss Universe 2017 Demi-Leigh Tebow ang baby girl nila Tim Tebow last July 6.

Proud na pinost ng South African beauty queen ang baby girl nilang si Daphne Reign Tebow on IG.

“Our daughter is here! We couldn’t be more grateful for the blessing and gift of this new little life. We’ve been so excited to share this with you… Meet our daughter, Daphne Reign Tebow,” caption pa niya.

The couple first announced they were expecting back in January, with Demi-Leigh telling People magazine, “We are just so excited and so over the moon to be having a baby together.”

Sey naman ng former NFL athlete na si Tim: “Honored for the privilege of getting the responsibility and the joy of being mom and dad.”

Nagkakilala sina Demi-Leigh at Tim in 2018 at kinasal sila in 2020.

(RUEL J. MENDOZA)

Matapos iurong nila ni Sen. Kiko ang kaso kay Cristy: SHARON, mas masaya ang puso at may katahimikan

Posted on: July 11th, 2025 by @peoplesbalita No Comments

ANG ganda ng latest Facebook post ni Megastar Sharon Cuneta tungkol sa pag-urong nila ni Sen. Kiko Pangilinan sa cyber libel case laban kay Cristy Fermin.

“Di basta naitatapon at nalilimot ang pagkakaibigan. Napakadaling ipagpatuloy ang pagmamahalan!

“My heart is so happy and at peace,” caption ni Mega, kasama ang articles mula sa ABS-CBN at GMA.

Ipinost nga ni Ogie Diaz sa kanyang Facebook account ang pagkikita nina Sharon, Sen. Kiko at Nay Cristy.

Nag-public apology si Cristy sa kanyang YouTube channel para sa mag-asawa at sabi nga ni Nay Cristy, “Kung nakakapanakit tayo ng damdamin, marunong din tayo dapat humingi ng tawad.”

“Hindi naman sa korte lang lagi ang lugar para ipaglaban ang karapatan at katotohanan. Pwede namang mag-usap nang puso-sa-puso.”

“Hanggang sa pairalin ang pagpapatawad. Lalo na kung meron namang nabuong relationship noong araw pa.”

Post pa ni Ogie, “Thank you, Sen. Kiko Pangilinan and Mareng Mega,”

Matatandaang na nagsampa ng cyber libel case laban kay Cristy ang mag-asawa.

Isa kami sa natuwa sa pangyayari ito na kung saan labis na hinangaan ng netizens si Mega at kanyang asawa.

***

8th EDDYS ng SPEEd, magbibigay ng tulong sa Little Ark Foundation

MAS magiging makabuluhan ang pagtatanghal ng ika-8 edisyon ng The EDDYS (The Entertainment Editors’ Choice Awards) sa darating na July 20, 2025.

Inanunsiyo ng Society of Philippine Entertainment Editors (SPEEd) na magiging beneficiary ng 8th EDDYS ang Little Ark Foundation.

Ngayong taon, ibabahagi ng SPEEd ang pagtulong at pagsuporta sa mga batang patuloy na nakikipaglaban sa iba’t ibang medical condition.

Ang Little Ark Foundation ay isang non-governmental organization na nagbibigay ng komprehensibong suporta sa mga batang may cancer, thalassemia at iba pang malubhang sakit.

Bukod dito, nag-aalok din sila ng iba pang tulong tulad ng pansamantalang pabahay, transportasyon, pang-araw-araw na pagkain at emosyonal at logistic na suporta para sa mga pamilya.

Ang misyon nito ay bigyan ang mga bata hindi lamang ng pangangalaga na kailangan nila, kundi pati na rin ng isang ligtas na lugar upang gumaling at mangarap.

“This year, The EDDYS goes beyond recognizing cinematic excellence by standing with children who are bravely fighting for their lives,” pahayag ni Salve Asis, pangulo ng SPEEd.

“Through our support of the Little Ark Foundation, we hope to help ease their journey and bring attention to the crucial work being done for these young patients and their families,” dagdag ni Asis.

Para sa karagdagang impormasyon tungkol sa kung paano suportahan ang Little Ark Foundation, bisitahin ang kanilang official website, littlearkfoundation.org.

Ang 8th EDDYS ay magaganap sa July 20 sa Ceremonial Hall ng Marriott Ballroom sa Newport World Resorts sa Pasay City.

Magkakaroon ito ng delayed telecast sa Kapamilya Channel, Jeepney TV at may worldwide streaming sa iWantTFC sa July 27, Linggo.

Co-presenter ng 8th EDDYS ang Newport World Resorts at ABS-CBN sa ilalim ng production ng Brightlight Entertainment na pinangungunahan ni Pat-P Daza at ididirek muli ni Eric Quizon.

Major presenter ang Playtime PH sa pakikipagtulungan Globe at Unilab.

Ang SPEED ay pinamumunuan ng kasalukuyang presidente ng grupo na si Salve Asis ng Pilipino Star NGAYON at Pang Masa.

Para sa karagdagang detalye, maaaring i-follow ang official Facebook page ng The EDDYS (The Entertainment Editors’ Choice).

Itinatag noong 2015, ang SPEEd ay binubuo ng mga entertainment editor mula sa mga nangungunang pahayagan, tabloid at online site sa Pilipinas.

(ROHN ROMULO)

Biyaheng Australia raw ang dalawa: KATHRYN, sinasabing nakunan ng video kasama si Mayor MARK

Posted on: July 11th, 2025 by @peoplesbalita No Comments

AYAN na! Naglipana na ang video nina Kathryn Bernardo at Mayor Mark Alcala na kuha raw sa airport.

Biyaheng Australia raw ang dalawa. So it’s confirmed na nagkakamabutihan nga ang dalawa at hindi siya loveless!

Ayon pa sa tsika, goodbye Daniel Padilla na raw talaga si Kath at paalam Kathryn naman si Daniel!

Well, ganoon talaga ang life. Sana makakita na rin si Daniel ng babaeng para sa kanya.

***

NAGMUKHANG pakialamera naman si Pokwang sa mata ng fans ni Fyang Smith.

Bakit daw kasi pinuna ni Pokwang ang sinabi ni Fyang sa isang event. Pinangaralan pa nga raw nito si Fyang sa isang post nito.

Sa totoo lang, tama naman ang sinabi ni Pokwang ha! Huwag nagsasalita ng ganoon dahil baguhan palang siya sa industriya.

Dapat low profile lang siya at huwag ere kaagad dahil wala pa siyang napapatunayan noh!

***

IPINAGMAMALAKI raw ng isang sikat na male celeb ang kanyang ginawang proyekto kung saan siya ang producer at direktor.

Ayon pa sa mga nakapanood na sa kanyang pelikula, ang pangit ng istorya at ang pangit pa raw ng pagkaka-direk nito.

Hindi raw kapuri-puri ang naturang pelikula na obra ng sikat na male celebrity. Naku!

Mukhang ang dami niya kasing bitbit na isyu this year sa kanyang buhay at halatang may pinagdadaanan din siya! Kawawa naman si sikat n male celeb.

(DOMINIC REA)

Usec. Castro, walang update sa pag-upo ni Dave Gomez bilang bagong PCO Secretary; Jay Ruiz, nananatling PCO acting Sec.

Posted on: July 10th, 2025 by @peoplesbalita No Comments

NANANATILING acting Secretary ng Presidential Communications Office (PCO) si Jay Ruiz.

Ito ang naging pahayag ni Palace Press Officer at Presidential Communications Undersecretary Claire Castro sa press briefing sa Malakanyang nang muling uriratin ukol sa napipintong pag-upo ng dating journalist at isang corporate communications executive na si Dave Gomez bilang kapalit ni Ruiz.

“Sa aking pagkakaalam, wala pa po. Nananatili pong acting secretary si Jay Ruiz. At kapag mayroon namang bago, kung mayroon man po ha kasi iyan po yata’y lumalabas sa mga bali-balita, wala pa po akong makukumpirma kasi wala pa po ring dumarating sa akin kung anuman po iyong update,” ang sinabi ni Castro.

Binigyang diin naman ni Castro na hindi niya itinatanggi na si Gomez na ang bagong kalihim ng PCO.

“Hindi ko po madi-deny, hindi ko rin po masasabing oo o hindi dahil wala po sa akin pang naibibigay na anuman pong update,” ang pahayag ni Castro.

Kamakailan lamang ay nagpalabas ang Malakanyang ng “reappointment” para kay Ruiz bunsod ng kabiguang masungkit ang kumpirmasyon ng Commission on Appointments (CA).

Ayon sa isang opisyal sa Malakanyang, tinanggap na umano ni Gomez ang alok na pamunuan ang PCO.

Sa kabilang dako, higit na kilala si Gomez bilang reporter ng Philippine Star sa loob ng 11 taon. Mula sa pagiging diyarista, pinasok din ni Gomez ang advertising. Kalaunan, itinalagang director general ng Philippine Information Agency (PIA).

Samantala, kapag di umano’y pormal nang naupo bilang Kalihim ng PCO, apat na Kalihim ng PCO na ang hinirang ng Pangulo — sina Atty. Trixie Cruz-Angeles, Atty. Cheloy Velicaria-Garafil, Cesar Chavez, at Jay Ruiz. ( Daris Jose)

Gobyerno, pinag-iisipang mabuti ang aksyon sa gulong kinasasangkutan ng PrimeWater

Posted on: July 10th, 2025 by @peoplesbalita No Comments

INAPRUBAHAN ni Pangulong Ferdinand R. Marcos Jr. ang rekomendasyon ng Local Water Utilities Administration (LWUA) bilang tugon sa tambak na reklamo laban sa water service interruptions na kinasasangkutan ng private water utility firm na PrimeWater Infrastructure Corporation.

“Ang Pangulo po ay inaaral na ang report mula sa LWUA, siya po mismo ang nag-aral dito. Ang rekomendasyon po sa kanya ay kanya namang inayunan,” ang sinabi ni Palace Press Officer at Presidential Communications Undersecretary Claire Castro sa press briefing sa Malakanyang.

Gayunman, hindi naman dinetalye ni Sastro ang nasabing rekumendasyon, Idagdag pa niya na kailangan munang kumilos ang gobyerno hinggil sa reklamo sa serbisyo ng PrimeWater.

“Ang rekomendasyon po ay saka na namin ibabahagi sa inyo, kailangan po muna nating umaksyon. Hindi pa po ito ang tamang panahon para i-reveal kung ano po ang dapat gawin ng pamahalaan para sa mga biktima ng kakulangan ng suplay ng tubig,” anito pa rin.

Sa ulat, may ilang lokal na pamahalaan at consumers ang nagpalutang sa isyu ng nakadidismayang serbisyo ng PrimeWater sa mga nakalipas na buwan, dahilan para pumasok na ang national government sa usaping ito.

Ang PrimeWater, nago-operate sa ilalim ng joint venture agreements (JVAs) kasama an ilang local water districts, ay bahagi ng business group ng pamilya Villar.

Ayon sa LWUA, kinokonsidera ng gobyerno ang terminasyon ng PrimeWater ng JVA at local water districts sa buong bansa.

Sinasabi pa na tumaas ang PrimeWater’s deals sa bong 2019 nang si Senator Mark Villar ang pinuno ng Department of Public Works and Highways (DPWH), dating supervising agency ng LWUA, sa panahon ng nakalipas na administrasyon. ( Daris Jose)

Malakanyang, hangad ang malawak at malalim na imbestigasyon ukol sa kaso ng nawawalang mga sabungero

Posted on: July 10th, 2025 by @peoplesbalita No Comments

HANGAD ng Malakanyang ang malawak at malalim na imbestigasyon sa kaso ng missing sabungero matapos banggitin ni Justice Secretary Jesus Crispin Remulla na ang mga sangkot sa kaso ng missing sabungero ay kaparehong tao na sangkot sa drug war.

Sinabi ni Palace Press Officer at Presidential Communications Undersecretary Claire Castro sa press briefing sa Malakanyang na nais ni Pangulong Marcos na bigyan ng hustisya ang mga biktima.

”Kung ganyan po ang nakikita sa mga imbestigasyon, mas lalo pa po dapat palawigin ‘yung pag-iimbestiga dito dahil mukhang kone-konektado ang mga nagawang krimen kung ito man po ay mapapatunayan,” ang sinabi ni Castro.

”Di po natin sinasabi na sila ay guilty pero mas gusto po ng Pangulo, iuutos po talaga niya na dapat mabigyan ng hustisya ang mga nabiktima,” dagdag na pahayag nito.

Sa ulat, sinabi ni Remulla na mayroong ”intersection” sa pagitan ng drug war at e-sabong dahil ang mga iniugnay sa drug war ay di umano’y sangkot sa pagpapatahimik sa mga sangkot sa sabong.

Nauna rito, sinabi ni Remulla na ang kasong murder, kidnapping, at maging ang paglabag sa international humanitarian law cases ay maaaring ihain sa kaso ng mga sabungero na nawala mula 2021 hanggang 2022.

Inilarawan ng Kalihim ang pagpaslang sa missing sabungero bilang isang as a “corporate killing”, isiniwalat nito na may mga grupo sa loob ng industriya ang nasa kategorya depende sa kita na kanilang natatanggap.

Maliban sa Alpha Group, sinabi pa rin ni Remulla na mayroong Bravo Group, Charlie Group, at Delta Group. ( Daris Jose)

Malakanyang, sinakyan ang patutsada ni VP Sara kay PBBM na “tumingin sa salamin, at itigil na ang pamumulitika”

Posted on: July 10th, 2025 by @peoplesbalita No Comments

SINAKYAN ng Malakanyang ang naging pasaring kamakailan ni Vice-President Sara Duterte kay Pangulong Ferdinand Marcos Jr. at sa naging panawagan ng huli sa mga opisyal ng gobyerno na itigil na ang pamumulitika at magsimula nang magserbisyo sa publiko.

Nagbitiw kasi ng mga salita si VP Sara na “Siguro tumingin siya sa salamin, ‘pag sinasabi niya ‘yung i-stop na ang pamumulitika. Kasi sila ‘yung namumulitika.”

Para kay Palace Press Officer at Presidential Communications Undersecretary Claire Castro, tama naman na ang ang bawat tao lalong-lalo na pang public servant ay dapat na nananalamin at ina-assess niya iyong sarili niya kung siya ba’y nagtatrabaho, namumulitika o nagbabakasyon lang.

“Ang Pangulong Marcos Jr., alam po niya ang direksiyon niya, alam po niya ang dapat na gawing trabaho at iyan po ang pinag-uutos sa lahat ng public servants lalong-lalo na po sa ilalim ng Executive Department. Ang utos sa amin ay magtrabaho, iwasan ang pamumulitika,” ayon kay Castro.

Binigyang halimbawa ni Castro ang nangyaring event na distribusyon ng PHILIPPINE CHARITY SWEEPSTAKES OFFICE (PCSO) PATIENT TRANSPORT VEHICLES (PTVS) sa piling LOCAL GOVERNMENT UNITS (LGUS) sa LUZON sa Quirino Grandstand, sa Lungsod ng Maynila kung saan pinangunahan ni Pangulong Marcos ang pagpapasinaya sa pagbibigay ng 387 na ambulances para sa mga LGUs sa bansa.

” Nakita ninyo na rin po kung papaano siya tumulong na mapaunlad pa ang sektor ng agrikultura, pati na po ang mga mangingisda ay nakikinabang sa binibigay po na tulong at ayuda ng pamahalaan ni Pangulong Marcos Jr. Hindi po nag-aaksaya ang panahon ang ating Pangulo para tumulong sa taumbayan. Trabaho lamang po talaga ang nasa isip ng ating Pangulo,” ani Castro.

“Sa ngayon po ba ay nasaan si VP Sara or si Bise Presidente noong iyan ay sinabi niya? Nasaan po ba siya ngayon? The Hague, okay, at ang ating pagkakaalam hanggang kailan po siya doon? Hanggang July 23. So, iyon lamang po. Tandaan po natin, ang Pangulo po aksiyon, aksiyon – hindi bakasyon,” ang pasaring ni Castro.

Sa ulat, pumalag si Vice President Sara Duterte sa panawagan ni Pangulong Ferdinand Marcos Jr. sa mga opisyal ng gobyerno na itigil na ang pamumulitika at magsimula nang magserbisyo sa publiko.

“Siguro tumingin siya sa salamin, ‘pag sinasabi niya ‘yung i-stop na ang pamumulitika. Kasi sila ‘yung namumulitika,” saad ni Duterte sa isang ambush interview sa The Hague, Netherlands.

Samantala, naniniwala naman si Catsro na magandang rebyuhin ni VP Sara ang mga sinabi bago pa nito ihayag na si mismong si Pangulong Marcos ang namumulitika kaya ang kampo niya ang dapat na tumigil, habang pagdepensa naman ang ginagawa nila.

“Ang ginagawa lang naming lahat ay sumasagot kami, ‘di ba? Ikaw (Harry Roque) biktima ka din dahil you are known to be an ally and a very close lawyer of President [Rodrigo] Duterte. So, wala naman kaming ginagawang atake.” ayon kay VP Sara.

“Sa aming lahat, ay pagsagot at depensa so sila ang tumigil. At silang nasa administration, sila ‘yung tumigil at sila ‘yung tumutok sa kung ano ‘yung dapat na ibigay para sa taumbayan,” aniya pa rin.

“Tandaan po natin, noong inilunsad po iyong bente pesos na bigas, iyon po ba ay pag-atake sa Bise Presidente? Pero inatake niya po ang proyektong ito ng Pangulo, na bente pesos na bigas at marami pa pong sinabi ang Bise Presidente na hindi naman po issue ng Pangulo at ng gobyerno,” ang tugon naman ni Castro.

Matatandaan na una nang nanawagan si Pangulong Marcos sa mga bagong opisyal na nanumpa sa kanilang tungkulin na ituring ang kanilang mandato na pakikipagtulungan sa Malakanyang sa pagtugon ng mga suliranin ng mga mamamayan.

“Tapos na po ang bahagi ng politika. Serbisyo publiko na ang haharapin niyo ngayon,” saad ni Pangulong Marcos.

(Daris Jose)

PBBM, pinangunahan ang turnover ng 387 medical vehicles sa Luzon LGUs

Posted on: July 10th, 2025 by @peoplesbalita No Comments

PINANGUNAHAN ni Pangulong Ferdinand R. Marcos Jr. ang ceremonial turnover ng 387 patient transport vehicles (PTVs) sa local government units (LGUs) sa buong Luzon.

Sa ngayon, ito ang itinuturing na ‘largest single-day distribution’ ng medical vehicles ng Philippine Charity Sweepstakes Office (PCSO).

Sa naging talumpati ni Pangulong Marcos, sa isinagawang distribusyon ng PHILIPPINE CHARITY SWEEPSTAKES OFFICE (PCSO) PATIENT TRANSPORT VEHICLES (PTVS) sa ilang LOCAL GOVERNMENT UNITS (LGUS) sa LUZON sa Quirino Grandstand, Lunsgod ng Maynila, araw ng Miyerkules, Hulyo 9, muling pinagtibay ng Pangulo ang commitment ng administrasyon sa universal healthcare access sa pamamagitan ng pagtiyak na ang bawat lungsod at munisipalidad sa bansa ay makatatanggap ng isang medical transport vehicle bago matapos ang taong 2025.

“Ang plano natin sa susunod dahil siyempre ‘yung ibang bayan mas malaki sa ibang bayan, ‘yung city mas malaki sa ibang city, titingnan ngayon natin kung ano ‘yung pangangailangan,” ang sinabi ni Pangulong Marcos.

“We have to base it already on the population ng bawat lugar,” aniya pa rin.

Sa kabilang dako, sa 387 PTV na ipinamahagi, ang mga rehiyon na napagkalooban ay ang:

–Ilocos Region: 30 units

–Cagayan Valley: 72 units

–Central Luzon: 99 units

–Calabarzon: 27 units

–Mimaropa: 60 units

–Bicol Region: 64 units

–Cordillera Administrative Region: 35 units

Sinasabing, ang bawat sasakyan ay mayroong ‘stretcher, oxygen tank, blood pressure monitor, at iba pang mahahalagang medical tools ‘ para suportahan ang ligtas at episyenteng ’emergency response’ at pagbyahe sa mga pasyente.

Winika pa ng Pangulo na mula June 2022 hanggang June 2025, may kabuuang 680 PTV ang naipamahagi sa buong bansa.

Sa katunayan, ang pinakabagong batch para sa Luzon ay bahagi ng pinalawak na rollout na kinabibilangan ng 123 PTV para sa Visayas at 105 naman para sa Mindanao.

Samantala, ang pag-turnover ay bahagi ng Medical Transport Vehicle Donation Program ng PCSO, naglalayon na palakasin ang health systems sa grassroots sa pamamagitan ng pagbibigay ng ‘mobility at logistical support’ sa LGUs, partikular na sa mga ‘remote at underserved communities.’

(Daris Jose)