Ayon sa datos ng LTO, mayroon ng 18, 578,612 na plaka ang nagawa mula ng

pabilisin nila ang produksyon nito sa loob ng nakaraang dalawang taon kung saan

naresolba ang problema ng backlog na nagkapatong-patong  simula ng taong 2014.

Kasama sa bilang ang may 11.8 milyon na plaka ng motorcycles at 6.7 milyon na

plaka para sa mga four-wheeled na sasakyan ang nagawa na.

“We are elated and excited to announce that your LTO was able to comply with the commitment of President Ferdinand Marcos, Jr. that there will be no backlog for both motorcycle and four-wheeled vehicles plates by June 2025,” wika ni LTO acting assistant secretary Greg Pua.

Sinabi ni Pua na nagawa nila ang nasabing hakbang dahil na rin sa dedikasyon, pagpupunyagi, at kooperasyon ng planta sa paggawa ng mga plaka sa LTO.

“And with this task finally completed, we assure our millions of clients that we will

also fast-track the process of delivery and will continue to find ways to do so,” saad ni Pua.

Noong nakaraang December 2024, ang Commission on Audit (COA) ay na audit ang “huge accumulated balance of 9,115,374 pieces of motorcycle plate backlogs for 2023 and prior years.”

Matapos na maupo si Department of Transportation (DOTr) Secretary Vince Dizon ay kanyang inutusan ang LTO na mag release ng mga bagong plaka sa loob lamang ng 72 hours.

Ito ay matapos makita ni Dizon ang mabagal na roll out ng mga plaka na naging isang hamon sa kanya upang gawan niya ng paraan upang maging mabilis ang paggawa at pag release ng mga plaka.

Dahil dito  hinamon   ni   Dizon ang  LTO   na  mag-move  forward   upang   hindi na mangyari ang ganitong problema sa produksyon ng plaka para sa mga motorcycles at four-wheeled na sasakyan. Kayat binigyan niya ng deadline ang LTO na magawa lahat ng

backlog. LASACMAR

ARESTADO ang apat na indibidwal sa San Ildefonso, Bulacan sa ikinasang operasyon ng pinagsanib na puwersa ng Land Transportation Office (LTO) at Philippine National Police–Criminal Investigation and Detection Group (PNP-CIDG) dahil sa umano’y paggawa at pagbebenta ng mga pekeng plaka.

Isinagawa ang operasyon noong Hulyo 12 ay alinsunod sa direktiba ni Pangulong Ferdinand “Bongbong” R. Marcos Jr. kay Department of Transportation (DOTr) Secretary Vince Dizon na tugisin ang mga manloloko at iba pang kriminal sa sektor ng transportasyon.

Ayon kay Acting Assistant Secretary at LTO Chief Atty. Greg G. Pua, nagsimula ang operasyon matapos makatanggap ng kumpirmadong impormasyon mula sa Investigation and Intelligence Division (IID) ng ahensya hinggil sa ilegal na gawain ng mga suspek.

“Agad kaming nakipag-ugnayan sa CIDG para ikasa ang operasyon laban sa mga ito, na nagresulta sa kanilang pagkakaaresto at pagkakakumpiska ng mga pekeng plaka,” ani Pua.

“Pinasasalamatan natin ang LTO-IID sa pangunguna ni Renante Melitante, gayundin ang ating mga katuwang sa CIDG, para sa matagumpay na operasyon na ito. Asahan ng publiko na patuloy ang laban ng LTO laban sa ganitong uri ng iligal na aktibidad,” dagdag pa niya.

Kabilang sa mga nakumpiska sa operasyon ang marked money, 51 pekeng plaka, mga makinang pang-imprenta, mga computer unit, isang machine press, apat na cutting machine, vinyl reflectorized film, isang hole machine, 14 tray ng acrylic letters, tatlong acrylic borders, at isang cold laminate machine.

Tinatayang aabot sa P400,000 ang kabuuang halaga ng mga nakumpiskang kagamitan.

Kasalukuyang nasa kustodiya na ng CIDG ang mga suspek at sasampahan ng kasong paglabag sa Presidential Decree 1730 at Artikulo 2, Seksyon 31 ng Republic Act 4136. (PAUL JOHN REYES)

PINANGUNAHAN ni Pangulong Ferdinand Marcos Jr. ang paglulunsad ng 50% discount sa pamasahe para sa senior citizens at persons with disability (PWDs) sa LRT-1, LRT-2 at MRT-3.

Ang paglulunsad ng Pangulo ay ginawa sa MRT-3 Santolan-Anna­polis southbound station kung saan sinalubong siya ni Transportation Secretary Vince Dizon at MRT-3 general Manager Michael Capati.

“Nandito po tayo ngayong umaga para i-highlight yung ­ating bagong gagawin na nagbibigay tayo ng diskwento. Noong nakaraan nakapagbigay tayo ng diskwento sa ating mga students basta’t magpakita ng student ID ay makakakuha sila ng 50% na discount,” ayon kay Marcos.

Nauna nang inilunsad ng Presidente noong Hunyo ang 50% discount sa mga estudyante na naglalayong mapagaan ang gastusin ng mga mananakay.

Sinabi pa ng Pangulo na makikinabang sa nasabing programa ang 13 milyon senior citizens at 7 milyon na PWDs.

Ang discount ay nadagdagan ng 30% mula sa 20% diskwento kung saan maaari nilang i-avail araw-araw.

Pinag-aaralan na rin aniya ng gobyerno kung maaari rin magbigay ng iba pang diskwento sa pamasahe sa iba pang pampublikong transportasyon.