• April 7, 2026

  • Ang Diyaryong Pinagkakatiwalaan

 

Archive for July 18th, 2025

Nilinaw na walang permiso para manghingi ng donasyon: IAN, nagbabala sa mga grupong gumagamit sa pangalan ni NORA

Posted on: July 18th, 2025 by @peoplesbalita No Comments
SA kanyang Facebook account, naglabas ng official statement si Ian de Leon, anak ng National Artist at Superstar na si Nora Aunor tungkol sa na-discover nila na may mga grupong nananamantala para makahingi ng pera o donasyon gamit ang pangalan ng pumanaw na ina.
Panimula ni Ian, “Ako po ay lubos na nagpapasalamat sa suporta ng aking pamilya, mga kaibigan, mga tagahanga  at publiko.
“Taos-puso kong pinahahalagahan ang patuloy ninyong pagmamahal at paggunita sa aking ina, ang yumaong Ms. Nora Aunor.”
Paglilinaw pa niya, “Gayunpaman, nais ko pong magbigay ng isang mahalagang paglilinaw tungkol sa mga lumalabas sa social media na  may kaugnayan sa aming ina.
“Para po sa  kaalaman ng lahat wala po akong anumang kaugnayan o pakikilahok sa anumang pundasyon, organisasyon, o grupo na nagsasabing sila ay kumakatawan sa kanyang pangalan, imahe, o pamana.
“Dahil dito, hindi ko kinikilala, sinusuportahan, o pinahihintulutan ang anumang uri ng pangangalap o pagtanggap ng donasyon—salapi man o anumang bagay—mula sa alinmang grupo na may kaugnayan sa kanyang pangalan.”
Dagdag pa niya, “Ang pahayag na ito ay inilalabas para sa kapakanan ng malinaw na impormasyon at upang mapangalagaan ang dignidad at pamana ng aming ina.
“Maraming salamat po sa inyong pag-unawa.“
***
SA Linggo, July 20 na ang inaabangang awards ceremony ng 8th EDDYS ng Society of Philippine Entertainment Editors (SPEEd) na gaganapin sa Ceremonial Hall ng Marriott Grand Ballroom sa Newport World Resorts, Pasay City.
Inaasahan na magiging matindi ang labanan para sa Best Picture na kung saan nominado ang “Green Bones”, “Hello, Love, Again”, “Isang Himala”, “Love Child”, “Outside” at “Under a Piaya Moon”.
Sa Best Actress, kaabang-abang kung sino ang magwawagi kina Jane Oineza (“Love Child”), Judy Ann Santos (“Espantaho”), Marian Rivera (“Balota”), Mylene Dizon (“The Hearing”),  Shamaine Centenera-Buencamino (“Pushcart Tales”) at Sue Prado (“Your Mother’s Son”).
Ang tindi rin ng tunggalian nina Alden Richards (“Hello, Love, Again”), Arjo Atayde (“Topakk”), Dennis Trillo (“Green Bones”), Joel Torre (“Lolo and the Kid”), Kokoy de Santos (“Your Mother’s Son”), Sid Lucero (“Outside”) at Vice Ganda (“And the Breadwinner Is…”) para Best Actor.
Hindi rin pahuhuli ang mga nominadong Best Supporting Actress na sina Chanda Romero, (“Espantaho”), Cristine Reyes (“The Kingdom”), Elora Españo (“Your Mother’s Son”), Kakki Teodoro (“Isang Himala”), Lorna Tolentino (“Espantaho”), at Nadine Lustre (“Uninvited”).
Para sa Best Supporting Actor, tiyak na aabangan din kung sino ang mag-uuwi ng tropeo kina Aga Muhlach (“Uninvited”), Joross Gamboa (“Hello, Love, Again”), Miggy Jimenez (“Your Mother’s Son”), Patrick Garcia (“A Journey”), Ronnie Lazaro (“The Gospel of the Beast”) at Ruru Madrid (“Green Bones”).
Bakbakan din ang Best Director na sina Carlo Ledesma (“Outside”), Cathy Garcia Sampana (“Hello, Love, Again”), Jonathan Jurilla (“Love Child”), Kurt Soberano (“Under a Piaya Moon”), Pepe Diokno (“Isang Himala”), Zig Dulay (“Green Bones”).
Samantala, magkakaroon ng delayed telecast ang 8th EDDYS sa Kapamilya Channel, Jeepney TV at may worldwide streaming sa iWant sa July 27, Linggo.
Co-presenter ng 8th EDDYS ang Newport World Resorts at ABS-CBN sa ilalim ng production ng Brightlight Entertainment na pinangu­ngunahan ni Pat-P Daza at ididirek muli ni Eric Quizon.
Major presenter ang Playtime PH sa pakikipagtulungan  Globe at Unilab.
(ROHN ROMULO)

Slashers are so back, 90s nostalgia meets modern horror in “I Know What You Did Last Summer”

Posted on: July 18th, 2025 by @peoplesbalita No Comments
THE original I Know What You Did Last Summer is one of the most iconic slasher films in cinema, and for producer Neal H. Moritz, it was time to bring the horror to a new generation of fans. “Horror fans have always had a soft spot for this franchise, and we felt there was still something here – a great central idea that could resonate with a new generation.
We came at the new film with passion for the material, a willingness to evolve the story, and a real respect for the fans who still talk about the original,” Moritz, who also produced the original 1997 film, says.
Watch the trailer: https://youtu.be/O83Q0ewud-k
In I Know What You Did Last Summer, five friends get into a car accident, and rather than face the consequences of their actions, swore to keep the incident a secret. Their past comes back to haunt them a year later as a stalker pursues them. Someone knows what they did last summer, and they discover that the nightmare has happened before. Desperate for answers, they turn to the two survivors of the 1997 Southport Massacre for help.
Director and writer Jennifer Kaytin Robinson shares how formative the 1997 I Know What You Did Last summer as a filmmaker.  “The original was the first R-rated movie I ever snuck into,” she recalls. “My babysitter wanted to see it, and I ended up going with her. Afterwards, my mom got really angry, but I didn’t care because I was so mesmerized by it.”
Handling such a beloved franchise, Robinson feels like she wants to innovate upon what made I Know What You Did Last Summer so memorable.
“I wanted the film to be big, brash and scary, but also retain the crackly fun, clever, witty vibe of the first movie,” Robinson says. “We made certain that Kevin Williamson’s amazing tone was present, while making sure to offer a fresh take. I think the tone rides that perfect line between modern horror and throwback summer slasher.”
Robinson feels like what can get audiences hooked, no pun intended, to the film is how the premise of human error is universally relatable. “This movie is about people making a mistake, then making the wrong choice, and the consequences that follow. It’s a deeply human story. Anyone could mess up like our characters do. That’s what sucks you into the story, because you’re thinking, what would I do in this situation? For me, horror is most interesting when it’s grounded in very real stakes,” she says.
The nightmare begins as I Know What You Did Last Summer is arriving in Philippine cinemas on July 30. Connect with the hashtag #IKnowWhatYouDidLastSummer @columbiapicph
Photo & Video Credit: “Columbia Pictures”
(ROHN ROMULO)

Balik-audition para sa ‘America’s Got Talent Season 20’… Fil-Am singer na si JESSICA SANCHEZ, nabigyan ng Golden Buzzer  

Posted on: July 18th, 2025 by @peoplesbalita No Comments
MARAMI ang namangha sa pagsasalita ng Korean ng Kapuso Primetime Princess na si Barbie Forteza sa pinagbibidahan niyang serye na ‘Beauty Empire’, na mula sa GMA, Viu, at CreaZion Studios.
Sa eksena ni Barbie, na gumaganap bilang Noreen sa serye, bigla siyang nagbitiw ng mga linya sa wikang Koreano matapos siyang sitahin ni Alex, ginagampanan ng South Korean actor na si Choi Bo-min, habang nasa bar kung saan kinompronta niya si Shari, ginagampanan ni Kyline Alcantara, dahil sa pagnanakaw ng serum formula.
Pasado kay Bo-min ang pagko-Koreano ni Barbie.
“Sobrang na-appreciate ko no’n si Choi Bo-min kasi kino-correct n’ya naman ako kung mali ako pero ‘yung umere, na very good n’ya ko no’n.”
Pag-amin pa ng Kapuso star, 15 minuto lamang ang ibinigay sa kanya para makabisado ang kanyang linya at ma-practice ang kanyang diction sa dayuhang lenggwahe.
“I just had to learn it 15 minutes before take. Yung mga Korean lines ko, laging surprise e.”
***
NABIGYAN ng Golden Buzzer ang Filipino-American singer na si Jessica Sanchez sa pagbalik nito to audition for ‘America’s Got Talent Season 20’.
Noong una siyang mag-audition sa AGT in 2005 sa edad na 10, na-eliminate siya at nasaktan daw siya noon.
“I did get eliminated, it was devastating. But it really did help me realize, like I wanna sing. ‘AGT’ was the beginning of that fire sparked inside of me. I was really young and I was so swayed by what everybody wanted me to be, who they wanted me to be.
“Maybe it took me 20 years but I know exactly who I am, I know exactly what I want. I’m excited to be back,” sey ni Jessica na sabay reveal na pregnant siya with her first child.
Nabigyan siya ng standing ovation sa rendition niya ng Benson Boone’s “Beautiful Things” with a live band.
Sey ng AGT judge na si Sofia Vergara: “Something very special happened on the stage with you. This was a special moment and I think that you deserve this,” sabay pindot ng ‘Modern Family’ star sa Golden Buzzer.
Mula naman may Judge Simon Cowell: “You’re an absolute star!”
At 16, sumali sa ‘American Idol Season 11’ si Jessica at naging first runner-up siya. Lumabas din siya sa series na ‘Glee’ in 2013.
(RUEL J. MENDOZA)

First episode ng ‘House of D’, naka-1.2M views agad: DINA, inamin na dream ng yumaong asawa na magbalik-talk show

Posted on: July 18th, 2025 by @peoplesbalita No Comments
FOR the first time, nagbigay na rin ng pahayag si Dina Bonnevie tungkol sa kanyang saloobin, makalipas ang anim na buwan mula nang pumanaw ang mister niyang si Deogracias Victor “DV” Davellano.
Lahad ni Dina na may bagong talk show sa Youtube, ang ‘House of D’, “When my husband was alive, si DV, ang dream niya na magkaroon kami ng talk show, na magbalik-talk show host ako.
“Kasi hindi niya masyadong gusto yung nagpupuyat ako sa taping, nasa bahay na siya tapos wala pa ako.
“So sabi niya, ‘Sana nga matuloy na magka-talk show kayo.'”
Nabanggit ni Dina na ang paghu-host niya ngayon ay paraan rin, ayon nga sa kanya, “to pick up the pieces and to start all over again” mula sa pagkawala ng kanyang mister.
Kaya kinumusta na rin naman siya ngayon…
“Ahhh well I can say na more or less medyo… siguro na-exhale ko na lahat ng grief ko, parang for a time I was really, iyak ako ng iyak.
“As in I kept asking God, parang, ‘Bakit?’
“Marami pa naman sanang magagawa yung asawa ko. Because I never considered him as a politician, he was a public servant! And a good public servant at that.
“So parang for a while nagtampo ako kay God na, ‘Bakit Mo siya kinuha andami niya pang magagawa? Bakit siya? ‘Marami namang walang silbi sana iyon ang kinuha Mo. Bakit itong asawa ko?'”
Naglingkod si DV bilang Agriculture Undersecretary for Livestock at sumakabilang buhay noong January 7, 2025.
Pagpapatuloy ni Dina…
“But well, you can never question naman God’s wisdom. “God’s wisdom is supreme and above all. Di ba sabi nga natin God can see our lives from beginning to end, it’s like a parade.
“Di ba? He sees the beginning of the parade, the middle of the parade and the end of the parade.
“So only He knows what his plans are for you, so wala tinanggap ko nag-grieve ako, I gave myself time to grieve and then I said it’s about time I pick up the pieces and do something.
“And iyon na nga yung sinabi ni Shyr, ‘Why don’t you do something that you like?’
“So nandun kami andun si Atty., ‘Why not’, ganyan ganyan, ‘Do a talk show’, ganyan-ganyan.”
Matalik na kaibigan ni Dina ang character actress na si Shyr Valdez at iisa naman ang abogado nila, si Atty. Mark Julius Estur.
“Sabi ko iyon ang dream ko, makabalik sa pagto-talk show kasi that’s close to my heart. Why? Doing a talk show is close to my heart because when I was doing a talk show I would answer all the questions of the viewers myself!
“I would answer their emails myself, I would read yung mga poems na pinapadala nila, yung mga suggestions nila.”
Ang show na tinutukoy ni Dina ay ang Ms. D! na umere sa GMA mula November 1996-February 1999.
Anyway, nagsimula nang umere ang Episode 1 noong July 11 na meron na ngayong 1.2 million views. Napapanood ito tuwing Biyernes, alas singko ng hapon, sa ‘House of D’ official YouTube channel.
Co-host at co-producer ni Dina sa talk-show ang mga anak niyang sina Oyo at Danica Sotto at mga in-laws niyang sina Kristine Hermosa , misis ni Oyo, at Marc Pingris, mister ni Danica.
 
 
(ROMMEL L. GONZALES)

Pacquiao hindi ininda ang init ng panahon sa Las Vegas para mag-ensayo

Posted on: July 18th, 2025 by @peoplesbalita No Comments

HINDI inalintana ni Filipino boxing icon Manny Pacquiao ang init na panahon para makapag-ensayo sa Las Vegas.

Nagsagawa ito ng shadow boxing at ab workout sa Raiders training facility sa Las Vegas.

Sa labas naman ng gym ay bahagyang nag-jogging ito ilang mga outdoor exercise.

IIan lamang ito sa huling workout na isasagawa ni Pacquiao ilang araw bago ang laban kay Mario Barrios na gaganapin sa araw ng Sabado.

Pinangunahan ng beteranong boxing coach Freddie Roach ang nagsasanay kay Pacquiao.

Pinagbigyan naman ng Pinoy boxing icon ang ilang mga fans niya na nag-abang sa labas ng gym para makapagpapicture.

Samantala,  nasa Las Vegas Nevada na ang pamilya Paquiao, ilang araw bago ang nakatakdang laban ng nag-iisang 8-Division world champion sa Hulyo-20.

Kasama ni Manny ang kanyang maybahay na si Jinkee at ang kanilang limang anak. Sa isang post sa kanyang social media account, tinukoy ng Filipino boxing legend ang pamilya bilang pinakamahalaga sa lahat, bagay na kaniya umanong ikinagagalak na makumpleto silang lahat sa Vegas.

Gilas Women nalusutan ang Lebanon 73-70 sa 2025 FIBA Women’s Asia Cup

Posted on: July 18th, 2025 by @peoplesbalita No Comments

PASOK na sa pre-qualifying tournament ng FIBA Basketball Women’s World Cup 2026 ang Gilas Pilipinas Women.

Ito ay matapos na malusutan nila ang Lebanon 73-70 sa kanilang paghaharap sa 2025 FIBA Women’s Asia Cup na ginanap sa China.

Nanguna sa panalo ng koponan si Naomi Panganiban na nagtala ng 15 points, apat na rebounds at tatlong assists habang mayroong 14 points ang naitala ni Jack Animan.

Nag-ambag naman ng 14 points si Sumayah Sugapong, 13 points kay Vanessa de Jesus at 10 points para kay Kacey Dela Rosa.

Mayroong isang puntos na lamang ang Gilas 71-70 sa natitirang 8.3 segundo ng maipasok ni Panganiban ang dalawang free-throws sa foul line at mapalawig ang kalamangan 73-70.

Ito ang unang panalo ng Gilas Women dahil natalo sila sa kamay ng Australia at Japan.

Abanse na ang playoffs ang at makakaharap ang number 2 ranked team sa Group A.

Financial compensation sa mga batang biktima ng bayolenteng krimen, suportado ni Leyte Rep. Romualdez  

Posted on: July 18th, 2025 by @peoplesbalita No Comments

NAGPAHAYAG ng suporta si reelected Leyte Rep. Ferdinand Martin Romualdez sa inisyatibo ng gobyerno na maglaan ng financial compensation sa mga batang biktima ng bayolenteng krimen upang makatulong na manumbalik at maitayo ang kanilang buhay.

Una ng inihayag ng Department of Social Welfare and Development (DSWD) at Department of Justice (DOJ) ang isang kasunduan para sa pagkakaroon ng referral system na tutulong sa mga batang biktima ng krimen na magkaroon ng access sa monetary remuneration para sa kanilang pangunahing pangangailangan at iba pang recovery-related expenses.

“Our young ones deserve to be cared for, nurtured, and protected. When they become victims of cruel, violent crimes, it becomes the government’s duty to ensure that they are properly supported on the way to healing and recovery,” ani Romualdez.

Sa pamamagitan aniya na gawing madali para agad ma-ang access financial compensation na makakatulong sa gastusin para sa treatment, therapy, legal support, at edukayon ay mabibigyan ang mga ito ng tiyansa para sa panibagong pamumuhay.

“Ang mga batang biktima ng mga marahas na krimen ay aming kinakatawan sa Kongreso. Nararapat lamang na mabigyan sila ng sapat na suporta para sa kanilang pagbangon at paghilom,” giit nito.

Sa ilalim ng memorandum of agreement na ilagdaan nitong Martes, magagawa ng DSWD na makatulong at mag-refer child-victims sa residential care facilities (RCFs) nito sa DOJ’s Victim Compensation Program (VCP).

Layon ng VCP na makapaglaan ng monetary compensation sa biktima ng violent crimes.

Sakop ng kasunduan ang mga batang biktima ng rape, torture, enforced and involuntary disappearance, trafficking in persons at online sexual abuse and exploitation, at iba pa.

“By helping them jumpstart their recovery and reintegration into society, we are not only fulfilling our duty as public servants — we are also giving these children the chance to dream again and reach for a better future,” pagtatapos ni Romualdez.  (Vina de Guzman)

 

Barangay Tanod Empowerment and Protection Act of 2025, inihain sa kongreso ni Cong. Erice

Posted on: July 18th, 2025 by @peoplesbalita No Comments

BILANG kaagapay ng Pambansang Kapulisan ng bansa sa pagpapanatili  ng kapayapaan at kaayusan ng kani-kanilang nasasakupan, inihain ni Caloocan City 2nd District Representative  Edgar “Egay” Erice ang House Bill No. 1676 na kilala rin bilang “Barangay Tanod Empowerment and Protection Act  of 2025”.

Nitong Hulyo 9, 2025, nang ihain ni Cong. Erice ang naturang panukalang batas na naglalayong gawing normal na auxiliary police personnel ang mga barangay tanod nang sa gayon ay maitaas ang kanilang katayuan at pahusayin ang kanilang gampanin sa peace and order situation sa kanilang lugar.

“Ang mga barangay tanod ang mga frontliner ng kapayapaan at kaayusan sa ating mga komunidad. Panahon na upang bigyan natin sila ng mga kagamitan, pagsasanay, at suporta na kailangan nila upang maisagawa ang kanilang mga tungkulin nang epektibo at may dignidad,” pahayag ni Rep. Erice.

Bukod sa kikilalaning Auxiliary Police Personnel ang mga Brgy tanod, tampok din sa inihaing batas na ito na magiging kwalipikado ang mga may edad na mula 21 hanggang 60 taong gulang, malusog, isasailalim sa pagsasanay upang mapahusay ang kasanayan at kahandaan.

Makatatanggap din sila ng buwanang pinansyal na suporta na halagang P2,000.00 na subsidiya bukod pa sa anumang kasalukuyang honoraria o lokal na insentibo, tiyak na seguridad o proteksyon sa pagtupad ng tungkulin iskolarship para sa hanggang dalawang anak ng bawat tanod, uniform at kumpleto at tamang  kagamitan para sa ligtas sa pagganap ng tungkulin.

Pagtitibayin ng panukalang batas na ito na itaas sa lipunan ang katayuan at kapakanan ng mga Barangay Tanod sa buong bansa.

Kikilalanin din sila  hindi bilang mga boluntaryo, kundi bilang mahalaga at may kapangyarihan lingkod ng bayan. (Richard Mesa)

Shooting site binatikos dahil sa iniwang basura

Posted on: July 18th, 2025 by @peoplesbalita No Comments

BINATIKOS mula sa mga opisyal, residente at netizens ang production team ng pelikulang Salvage Land na dinirek ni Lino Cayetano matapos mag-iwan ng basura sa kanilang shooting site sa Zambales.

Nag-ugat ito dahil sa larawang kumalat sa social media noong June 21, 2025, kung saan makikita ang tambak na mga karton, plastic at papel na ginamit sa production ang iniwang nakakalat sa tabing ilog sa Sto. Tomas River na sakop ng Barangay Rabanes, San Marcelino Zambales.

Ayon sa mga residente, hindi ito ang inaasahang magiging asal mula sa isang professional film crew na nag-taping sa kanilang bayan.

Inatasan naman ni Mayor Elmer Soria ang Municipal Environment and Natural Resources Office (MENRO) na imbestigahan ang insidente.

Iginiit ng LGU na ito ay paglabag sa Republic Act 9003 o Ecological Solid Waste Management Act at sa mga umiiral na ordinansa ng bayan tungkol sa solid waste management.

Agad namang pinuntahan ni Vice Mayor Rogadio Gongora at nakumpirma ang nasabing reklamo sa social media at agad na ipinaabot sa production team anh panawagan para linisinbang lugar at magsumite ng paliwanag.

Pagkatapos, makikita sa kanyang official na Facebook page ang mga larawan ng crew na nagsagawa ng paglilinis sa lugar.

Bagama’t may naipakitang permit ang production team ng Rein Entertainment mula sa LGU, iginiit ng mga residente at lokal na opisyal na hindi ito lisensya upang balewalain ang mga patakarang pangkalikasan.

Ayon pa sa mga komentaryo online, kulang umano sa konsiderasyon ang production team pagdating sa epekto ng kanilang aktibidad sa komunidad at kalikasan.

Binigyang-diin ng lokal na pamahalaan na bagama’t bukas ang San Marcelino sa mga proyekto sa larangan ng sining at pelikula, hindi dapat isinasantabi ang responsibilidad sa kapaligiran.

Tiniyak ng LGU na magpapatupad ito ng mas mahigpit na alituntunin sa mga susunod na proyekto upang masigurong hindi na mauulit ang ganitong insidente. (Gene Adsuara)

Para iwas baha sa Maynila: Floodgate binuksan, trash trap inilagay ng MMDA

Posted on: July 18th, 2025 by @peoplesbalita No Comments

UPANG maiwasan ang mga pagbaha sa Kalakhang Maynila, binuksan na ng Metropolitan Manila Deve­lopment Authority (MMDA) ang floodgate kasabay ng paglalagay ng mga trash traps sa bahagi ng Yacht Club sa Maynila.

Pinangunahan nina MMDA Chairman Don Artes at Manila Mayor Francisco “Isko Moreno” Domagoso ang pagbubukas ng floodgate na inaasahang ­makakabawas ng pagbaha sa ilang lugar sa Maynila.

“Trash traps serve as barriers to prevent the flow of garbage thrown in waterways and stop it from reaching the pumping stations and eventually into the Manila Bay,” ani Artes.

Binigyan diin naman ni Domagoso na ang paglalagay ng trash trap sa Manila Yatch Club sa Roxas Blvd ay upang makontrol ang mga basurang papunta sa mga sewerage. Nanggagaling ang mga basura sa Dolomite beach.

Ani Domagoso, kailangang handa ang Maynila sa posibleng pagbaha na dulot ng mga pag-ulan at bagyo.

Umapela ito sa publiko na magtulungan at maging disiplina sa pagtatapon ng basura. (Gene Adsuara)

People's Balita.
All rights reserved. © Copyright 2026.