ARESTADO sa magkahiwalay na anti-gambling operation ng pulisya ang apat na kalalakihan matapos mahuli sa aktong naglalaro ng illegal na sugal at makuhanan pa ng droga ang dalawa sa kanila sa Valenzuela City.

          Sa kanyang report kay Valenzuela Police OIC chief P/Col. Gerson Bisayas, sinabi ni SDEU investigator P/MSgt. Carlito Nerit Jr na nakatanggap ng impormasyon mula sa concerned citizen ang mga tauhan ng Marulas Patrol Base (PB-3) hinggil sa umano’y nagaganap na aktibidad ng illegal gambling  sa F. Bautista St., Brgy. Marulas.

          Agad rumesponde ang mga tauhan ng PB-3 sa lugar kung saan naaktuhan nila ang dalawang lalaki na sina alyas “Angelo”, at alyas “John” na abala umano sa paglalaro ng cara y cruz dakong ala-1 ng hapon na dahilan ng kanilang pagkakaaresto.

          Nasamsam ng mga pulis ang tatlong peso coins na gamit bilang pangara at P400 bet money habang nakuha naman kay ‘Angelo’ ang isang plastic sachet na naglalaman ng hinihinalang pinatuyong dahon ng marijuana.

          Nauna rito, huli rin sa akto ng rumespondeng mga tauhan ng Gen T De Leon Patrol Base 2, sina alyas “Jef” at alyas “”Epra” na naglalaro din ng sugal na cara y cruz sa Rosario St., Brgy. Gen T De Leon bandang alas-11:30 ng umaga.

          Nakuha sa kanila ang tatlong peso coins pangara at P335 bet money habang nakumpiska naman kay ‘Jef’ ang isang plastic sachet na naglalaman ng hinihinalang shabu.

          Mahaharap ang mga suspek sa kasong paglabag sa P.D 1602 habang karagdagan na kasong paglabag sa R.A 9165 o ang Comprehensive Dangerous Drug Act of 2002 ang kakaharapin pa ng dalawa sa kanila. (Richard Mesa)

TINATAYANG halos P.7 milyong halaga ng shabu ang nasamsam sa isang tulak ng droga na itinuturing bilang High Value Individual (HVI) matapos malambat ng pulisya sa buy bust operation sa Navotas City, Sabado ng madaling araw.

          Kinilala ni Navotas Police OIC chief P/Col. Renante Pinuela ang naarestong suspek na si alyas “Clarence”, 22, residente ng Brgy. Tangos South.

          Sa kanyang report sa Northern Police District (NPD), sinabi ni Col. Pinuela, dakong alas-2:25 ng madaling araw nang maaresto ng mga operatiba ng Station Drug Enforcement Unit (SDEU) ang suspek sa C3 Road, Brgy., NBBS Proper.

          Nakumpiska sa suspek ang humigi’t kumulang 100.1 grams ng hinihinalang shabu na may standard drug price value na P680,680.00 at buy bust money na binubuo ng isang tunay na P500 bill at 27 pirasong P1,000 boodle money.

          Ani Col. Pinuela, unang nakatanggap ng impormasyon ang mga operatiba ng SDEU hinggil sa umano’y pagbebenta ng shabu ni alyas Clarence kaya ikinasa ng SDEU ang buy bust operation sa koordinasyon sa PDEA na dahilan ng kanyang pagkakaaresto.

         Kasong paglabag sa Sections 5 at 11, under Article II ng RA 9165 o ang Comprehensive Dangerous Drugs Act of 2002 ang isinampa ng pulisya sa suspek sa Navotas City Prosecutor’s Office. (Richard Mesa)

NAKALIGTAS mula sa posibleng pagkalunod ang isang binatilyong estudyante na tumalon sa Tullahan River, makaraang masagip siya ng dalawang rumespondeng pulis sa Valenzuela City.

Ayon kay Valenzuela Police OIC chief P/Col. Gerson Bisayas, noong July 11, 2025, habang nagpapatrolya sina PSSg Alvaro Vargas Jr, at Pat Crizald Kevin Flores, kapwa nakatalaga sa Patrol Base (PB)-2, Gen. T. De Leon nang makatanggap sila ng tawag mula sa Station Tactical Operation Center (STOC) ng Valenzuela VCPS hinggil sa pagtalon ng isang binatilyo sa Tullahan River sa Brgy. Gen T De Leon.

Kaagad namang rumesponde ang dalawang pulis at pagdating sa lugar, agad tumalon si PSSg Vargas at Pat Flores sa ilog nang makita nila ang binatilyo na lumalangoy palayo saka pinagtulungang iahon bago dinala sa police station sa 3S Center ng Gen T De Leon.

Kinilala ni P/Capt. Anthony Campado, hepe ng PB-2 ang binatilyo na si alyas “Migs”, 16, residente ng Tullahan Road, Sta. Quiteria, Caloocan City.

“Maayos naman po ang kalagayan niya kaya pinapaligo po namin siya, binigyan po namin ng damit at pinapakain din po namin pero ayaw po niya,”ani Capt. Campado.

Sinabi pa ni Capt. Campadop na tila may malaking problema ang bata kaya personal nilang pinuntahan ang ama ni ‘Migs’ sa kanilang tirahan at ipinaalam ang pangyayari.

Matapos nito, dinala ng pulisya sa Barangay Council for the Protection of Children (BCPC) ang binatilyo, kasama ang kanyang ama upang sumailalim sa counseling at iba pang pangangailangan ng bata.

Ayon Col. Bisayas, ang insidente ay itinawag sa 911 at base sa record ng STOC, iniradyo nila ang insidente nang 4:59 ng hapon, at nakarating sa lugar ang mobil ng pulisya nang 5:01 ng hapon.

“Bale ang sistema po kasi, kapag may mga ganoong emergency, tinitignan po namin ‘yung deployment plan, kaya kung sino po ‘yung nasa pinakamalapit na lugar, ‘yun po agad ang niraradyuhan namin,” paliwanag ng STOC. (Richard Mesa)

SUSUNOD ang Kamara sa direktiba ng Supreme Court (SC) na nag aatas dito na magsumite ng karagdagang sworn information kaugnay sa impeachment ni Vice President Sara Duterte.

Kinumpirma ni House spokesperson Atty. Princess Abante na natanggap ng Kamara ang kopya ng July 8 resolution na G.R. Nos. 278353 at 278359, na sumasakop sa petisyong inihain ni Duterte at kanyang abogado na si Atty. Israelito Torreon, na kumukuwestiyin sa constitutionality at proseso ng nagaganap na impeachment proceedings sa senado.

“The House of Representatives and Secretary-General Reginald S. Velasc

o, as respondents in the said petitions, have been required to submit the additional information enumerated in the resolution, and will comply accordingly,” ani Abante.

Idinagdag nito na naiparating na ang usapin sa Office of the Solicitor General (OSG), na siyang nagrerepresenta sa Kamara para sa kaso.

“We have already referred the resolution to the Office of the Solicitor General, as our counsel, and shall coordinate closely with the OSG to ensure the submission of the required information within the non-extendible period of 10 days provided by in the Supreme Court,” pahayag pa nito.

Sa resolution, inatasan ng SC ang  House of Representatives at Senate na magsumite, under oath na may kaakibat na dokumento, kung available, ng detailed information sa ginawang filing at processing ng impeachment complaints laban kay Duterte.

Binigyan diin ng mataas na hukuman na ang kanilang direktiba ay ipinalabas ng “without prejudice to the resolution of other issues” na nakasaad sa petitions.

Inimpeach ng Kamara si Vice President Duterte boing Pebrero, dahil sa ibat ibang citing grounds, kabilang na ang umanoy maling paggamit ng P125 milyong confidential funds na ginastos sa loob lamang ng 11 araw noong December 2022.

Pitong Articles of Impeachment, kabilang na ang kaso betrayal of public trust, culpable violation of the Constitution, grave abuse of discretion, obstruction of legislative oversight, at repeated misuse of public funds.

Inindorson ito ng 215 House members, lagpas sa one-third constitutional threshold.  (Vina de Guzman)

TINANGGAL ng   Land   Transportation   Office  (LTO)  ang   lisensya   ng   isang

jeepney driver na sangkot sa malubhang aksidente sa Commonwealth Avenue sa

Quezon City.

“Pursuant to the directive of President Ferdinand Marcos, Jr. to run after

erring motorists as part of road safety measures, the LTO, under the guidance of Department of Transportation (DOTr), revoked the driver’s license of the jeepney driver in fatal road crash along Commonwealth Avenue in Quezon City on April 13 this year,” wika ni DOTr Secretary Vince Dizon.

Ang nasabing malubhang aksidente  ay  nagresulta sa pagkamatay   ng

dalawang (2) college na estudyante habang may 16 na pasahero ang malubhang nasugatan.

Ayon kay assistant secretary Vigor Mendoza II, ang nasabing driver ng

pamapasaherong   jeepney   ay   napatunayan   na   guilty   of   reckless   driving sa ginawang imbestigasyon ng LTO. Siya ay pinatawan ng maximum na penalty na nagkakahalaga ng P2,000.

“I also approved the revocation of the driver’s license of the jeepney driver

for being an improper person to operate a motor vehicle,” saad ni Mendoza.

Sa ginawang imbestigasyon, ang nasabing aksidente ay nangyari dahil ang

passenger jeepney ay binangga ang isa pang sasakyan habang minamaneho ng

mabilis ang sasakyan sa Commonwealth Avenue.

Dahil sa sobrang mabilis, ang nasabing jeepney ay tumaob kung saan

nagresulta ng pagkamatay ng 2 estudyante na papunta sana sa kanilang ROTC.

Ang 2 estudyante ay tumilapon dahil sa lakas ng pagkabanga kung saan sila ay

binawian ng buhay.

Sa desisyon na nilagdaan ni Mendoza, nakalagay at nakasaad na ang

nasabing jeepney driver ay malinaw na lumabag sa batas ng reckless driving hindi lamang dahil sa mabilis na takbo kasama na rin ang pagmamaneho ng wala sa designated na lane para sa public utility vehicles sa kahabaan ng Commonwealth Avenue.

Kasama rin sa kanyang paglabag ay ang ang hindi pagbawas ng mabilis na

takbo  sa   bahaging   pababa   ng   Commonwealth   Avenue   na   nag   resulta   sa pagbangga ng jeepney driver at dahil dito ay napatunayan na siya ay isang driver na hindi dapat magmaneho ng isang sasakyan.

“Let this serve as a lesson about road safety and discipline. Thus, with this

kind of driving, he lost his source of livelihood,” dagdag ni Mendoza. LASACMAR

SA PANGUNGUNA ni Secretary Conrado M. Estrella III, mahigit 5,000 Agrarian Reform Beneficiaries (ARBs) mula sa Bohol at Cebu ang tumanggap ng mga titulo ng lupa, Certificates of Condonation with Release of Mortgage (COCROMs), at suporta mula sa DAR na ginanap sa Mandaue City, Hulyo 10, 2025.• 809 ARBs nakatanggap ng Certificates of Land Ownership Award at electronic titles para sa 840 ektarya ng lupa.• ₱334.96M na utang ng 5,285 ARB pinatawad dahil sa tinanggap nilang COCROM.• ₱1.8-M farm machineries and equipment (FMEs) para sa mas mataas na ani at mas maayos na kabuhayan.(BOY MORALES SR.)