IPINATAWAG ng Department of Foreign Affairs (DFA) si Chinese Ambassador Huang Xilian hinggil sa pagpapataw ng Tsina kay dating senador Francis Tolentino na bawal tumuntong at pumasok ng Tsina.

Matatandaang, pinagbawalan ng Tsina si dating Senator Tolentino na makapasok sa kanilang mga teritoryo gaya ng mainland China, Hongkong, at Macau dahil sa umano’y inasal nito kaugnay sa mga isyung may kinalaman sa China.

Sa press briefing sa Malakanyang, binasa ni Palace Press Officer at Presidential Communications Undersecretary Claire Castro Castro ang kalatas ni Foreign Affairs Secretary Ma. Theresa Lazaro, na nagsasaad na ”punitive” measure of China was inconsistent with the norms of mutual respect and dialogue ”that underpin relations between two equal sovereign states.”

”The Department reminded the Ambassador that as a democracy, the Philippines values freedom of expression. In the Philippines’ adherence to the constitutional separation of powers among the three branches of government, it is the mandate of senators and other elected officials to inquire on the matter of national and public interests,” ang sinabi ni Castro.

Sa ulat, ipinatawag ang envoy noong Hulyo 4, araw ng Biyernes.

Sa kabilang dako, sinabi ng DFA na nananatiling committed ang departamento na tugunan ang hindi pagkakaunawaan sa pamamagitan ng diplomasiya at dayalogo.

Looking forward naman ito na magpapatuloy ang ‘constructive engagement’ sa Tsina para i-promote ang mutual understanding.

Samantala, hindi na maaaring makapasok sa mainland China maging sa Hong Kong at Macao si dating senator Francis Tolentino bilang parusa sa kanyang pagbanat sa nasabing bansa dahil sa isyu ng West Philippine Sea.

Ginawa ng tagapagsalita ng Chinese foreign ministry ang anunsyo isang araw matapos ang termino ni Tolentino.

Tinawag na “egregious conduct” ang ginawa ni Tolentino na nagtaguyod sa Senado ng Philippine Maritime Zones Act.

Binigyang-diin ng tagapagsalita na ipagtatanggol ng gobyerno ng China ang pambansang soberanya, seguridad, at interes sa pag-unlad sa kabila ng mga pahayag ng mga tinaguriang anti-China politician mula sa Pilipinas.

“For quite some time, driven by selfish interests, a handful of anti-China politicians in the Philippines have made malicious remarks and moves on issues related to China that are detrimental to China’s interests and China-Philippines relations,” naka-post sa website ng Chinese Ministry of Foreign Affairs.

(Daris Jose)

Bukod dito, nahukay din ang isang Japanese grenade sa ground floor ng  Salcedo Hall ng nasabing unibersidad, ayon sa post ng official publication ng Unibersidad— The Manila Collegian.

Ayon sa mga awtoridad, ang nasabing bomba ay maaaring ginamit noong World War II .

Nasa pag-iingat na ng Manila Police District – District Explosive and Canine Unit ang nadiskubreng pampasabog ng mga kontraktor na gumagawa ng gusali sa unibersidad. (Gene Adsuara)

MALUBHANG nasugatan ang isa sa dalawang kelot na tumangay sa motorsiklo ng isang babae matapos umanong makipagbarilan sa humahabol na mga pulis sa Caloocan City, kamakalawa ng gabi.

          Sa kanyang ulat kay Northern Police District (NPD) Acting Director P/BGen. Arnold Abad, sinabi ni Caloocan Police OIC chief P/Col. Joey Goforth na tinangay umano ng dalawang lalaki ang Yamaha NMAX motorcycle ng 34-anyos na bebot na residente ng Malabon City habang nakaparada sa A. Mabini St., Brgy. 13, Caloocan City.

          Humingi ng tulong ang biktima sa mga tauhan ng Caloocan Police Sub-Station 3 na agad namang nagsagawa ng follow-up operation hanggang maispatan nila ang mga suspek sa kahabaan ng Baltazar St., Brgy. 69, dakong alas-10:35 ng gabi sakay ng tinangay na motorsiklo.

          Nang tangkain nilang harangin, naglabas umano ng baril ang backrider na si alyas “Amir”, 28, at pinaputukan ang mga pulis subalit, hindi ito tumama na dahilan upang mapilitang gumanti ng putok ang mga parak.

Sapul sa tiyan at kanang binti si alyas Amir na nagresulta sa pagkakaaresto sa kanya at nakumpiska sa suspek ang isang kalibre .38 revolver na kargado ng apat na bala at isang spent cartridge.

          Matapos nito, isinugod si alyas Amir sa Tondo General Hoslpital kung saan ginamot ang tinamo niyang tama ng bala habang naaresto naman sa patuloy na follow-up operation ng pulisya ang kanyang kasabwat na si alyas “Brazil”, 27, at nabawi rin ang tinangay na motorsiklo ng biktima.

          Mahaharap ang mga suspek sa mga kasong paglabag sa RA 10591 (Comprehensive Firearms and Ammunition Regulation Act), RA 10883 (New Anti-Carnapping Act of 2016), at Direct Assault. (Richard Mesa)

NAGHAHANDA na si Pangulong Ferdinand Marcos Jr. para sa kanyang pang-apat na State of the Nation Address (SONA) sa Hulyo 28.

Sinabi ni Palace Press Officer at Presidential Communications Undersecretary Claire Castro sa press briefing sa Malakanyang na naghahanda na si Pangulong Marcos para makapagbigay ng mas maayos na pag-uulat ukol sa kanyang mga proyekto at accomplishments.

Samantala, nagsimula na rin ang Philippine National Police (PNP) sa paghahanda para sa seguridad ng ika-apat na State of the Nation Address (SONA) ni Pangulong Marcos na gaganapin sa Batasang Pambansa, Quezon City sa July 28.

Ayon kay PNP Chief PGen. Nicolas Torre III, nakikipag-ugnayan na ang PNP sa mga kinauukulang ahensyan ng pamahalaan, pati na rin sa Sergeant-at-Arms ng Kongreso. Hindi naman idinetalye ni Torre ang eksaktong bilang ng mga pulis na ide-deploy, tiniyak niyang may umiiral na security template at handa silang tiyaking magiging mapayapa ang okasyon.

Dagdag pa ni Torre, maaaring may mga pagbabago sa security plan batay sa mga makakalap na impormasyon sa intelligence monitoring, ngunit taon-taon naman aniya ay may sinusunod na security template para rito.

Aniya, karaniwan namang may mga isyung kinahaharap ang bawat administrasyon tuwing SONA kaya’t lagi silang naghahanda para sa anumang sitwasyon.

Ang SONA ay ginagawa kada taon tuwing huling Lunes ng Hulyo, para iulat ng Pangulo ang kalagayan ng bansa at ihayag ang agenda ng administrasyon.

(Daris Jose)

ISINUSULONG ng isang mambabatas ang pagkakaroon ng public offices  sa local government level na makikipag-partner sa private sector para tulungan ang mga persons with disabilities (PWDs) at senior citizens sa paghahanap ng trabaho.

Ang panukala ay ginawa ni Parañaque Representative Brian Raymund Yamsuan upang matulungan ang mga employable PWDs at senior citizens na nahihirapang maghanap ng trabaho dahil sa diskriminasyon, kakulangan ng training at impormasyon sa mga job opportunities na available sa kanila.

“Disabled persons and seniors who are fit to work can become productive members of our economy  if given the chance. However, many PWDs and  elderly citizens remain poor because they find it difficult to get hired for jobs that suit them,” ani Yamsuan.

Sinabi pa nito na sayang ang kanilang  galing, dedikasyon at sipag na madadala sa kanilang trabaho kung  sila ay mananatiling jobless.

Sa halip aniya na kaawaan o hindi bigyang pansin, dapat ay kinikilala ang kanilang mga kakayahang makapag-ambag sa paglago ng ating ekonomiya.

Idinagdag nito na muli niyang ihahain ang panukala na magmamandato sa Department of Labor and Employment (DOLE)  na mag set up, mag-operate at magmentena ng facilitation offices para sa PWDs at seniors, na tatawaging Local Centers for Inclusive Employment (LCIEs).

Ang LCIEs ay itatayo sa kahilingan ng LGUs sa capital towns, key cities at iba pang strategic areas.

Batay sa datos mula sa Philippine Statistics Authority (PSA) na tanging 353,000 PWDs  ang nakakuha ng trabaho sa 1.9 million na kaya pang magtrabaho noong 2022.

Habang nasa 38.2% o 965,200  ng 2.54 million qualified senior citizens ang may trabaho. (Vina de Guzman)