INIHAIN ng Makabayan bloc sa kamara ang panukalang anti-political dysnasty bill na naglalayong mapigilan o maipagbawal ang pagtakbo o maka-upo sa kapamilya ng halal na opisyal sa posisyon maging ito ay sa national o lokal ng magkasunod.

Nakasaad sa House Bill 209 na iihain nina Act Teachers Party List Rep. Antoio Tinio at Kabataan Party List Rep. Renee Co na ang political dysnasty ay isang “family or clan that cocentrates, consolidates or perpetuates their politicak power by holding public offcie simultaneously o successively.”

Layon nitong ipagbawal ang sinumang kaanak o kapamilya na humawak o kumandidatio sa isang elective national o local na tangapan ng magkasunod o simultaneously hanggang sa ika-apat na ‘degree consanguinity or affinity, whether legitimate or illegitimate, full or half blood.’

Nangangahulugan na walang sinuman na nasa loob ng civil degree of relationship sa incumbent relected official ang agad na makakaupo o makakatakbo sa posisyon na papalitan o iiwan ng kapamilya nito.

Kapag naging ganap na batas, maipapatupad ito sa susunod na mga eleksyon.

(Vina de Guzman)

KAISA si re-elected Leyte Representative Ferdinand Martin Romualdez sa panawagan ni Presidente Bongbong Marcos na mas malawak na crop insurance coverage, na nagsaad na iisa ang kanilang layunin, ang protektahan ang magsasakang pinoy at masiguro ang food security ng bansa.

“We are one with the President in putting farmers front and center in our development agenda. His call to expand crop insurance is not just timely—it is necessary. It’s about giving our farmers peace of mind when they plant, and hope when disaster strikes,” ani Romualdez.

Bilang suporta, inihain nito ang House Bill No. 14, na naglalayong mapalakas ang mapalawig ang serbisyo ng Philippine Crop Insurance Corporation (PCIC) at mabuksan ang pinto sa mas malaking partisipasyon ng private sector sa agricultural insurance.

“This bill is my personal commitment to every farmer who risks everything each planting season. With better insurance, we’re not just protecting crops—we’re protecting lives, dreams, and the future of our food supply,” anang mambabatas.

Sa ilalim ng HB 14, kasama na awtor sina Tingog Party-list Reps. Jude Acidre at Andrew Julian Romualdez, ang PCIC coverage ay palalawigin pa sa bigas at mais kung saan isasama ang high-value commodities, livestock, aquaculture, farm machinery at maging ang post-harvest infrastructure. (Vina de Guzman)

NAGPAHAYAG ng buong suporta si Re-elected Tingog Party-list Rep. Jude Acidre sa panukalang nuksan sa publiko ang bicameral conference committee deliberations sa national budget.

Kaisa ang mambabatas kay Leyte Rep. Ferdinand Martin Romualdez sa pagsuporta sa pagbubukas ng traditional na closed-door bicam sa publiko.

“Nauna na pong nagpahayag ng suporta si Speaker Martin Romualdez tungkol po sa kanyang suporta sa open bicam, and I think it resonates well with many of the members of Congress. Kaya po ako, buo ang suporta natin sa panawagang maging transparent, accountable, at bukas ang proseso ng bicameral conference committee sa kadahilanang ito ay pamamaraan para mas maintindihan ng ating mga kababayan ang kabuuan ng proseso ng pagpapanday ng mga batas at polisiya natin,” dagdag nito.

Una nang inihayag ni Romualdez ang pagsuporta nito sa mas bukas at transparent na bicameral conference process para sa national budget, na nagsabing nararapat na batid ng publiko kung saan inilalaan ang kanilang pera.

(Vina de Guzman)

NAKATAKDANG imbestigahan ng House of Representatives ang umano’y iregularidad ng Prime Water.

Ito’y matapos inihain ngayon araw ni Zambales Rep. Jay Khonghun ang House Resolution 22 na humihimok na imbestigahan ng Kamara ang mga reklamo kaugnay sa mga iregularidad sa Joint Venture Agreements (JVAs) na pinasok ng mga local water districts at PrimeWater Infrastructure Corporation.

Ayon kay Khonghun na ang tubig ay buhay at hindi lamang negosyo, kaya marapat lang na maisulong ang mas maigting na regulasyon sa mga pinapasok na joint venture ng mga local water districts para maprotektahan ang publiko mula sa hindi maayos na serbisyo.

Nilinaw naman ni Khonghun na ang pag-imbestiga sa Prime Water ay walang halong politika dahil ito ay local issue na matagal na rin naman idinadaing ng kanilang mga kababayan.

Umaasa ang mga mambabatas na sa gagawing investigation in aid of legislation ay matukoy kung ano ang nangyari kung bakit hindi nasunod ng Prime ang parte nila sa kasunduan na makapagbigay ng maayos na serbisyo ng tubig at ano ang mga batas na maaaring ipasa o amyendahan upang hindi na maulit ang ganitong sitwasyon.

Wala rin silang nakikitang problema kahit pa mayroon nang isinagawang imbestigasyon ng Local Water Utilities Administration o LWUA at kasalukuyan nang pinag-aaralan ng Office of the President. ( Vina de Guzman)

TULUYAN nang binitawan ni Pangulong Ferdinand Marcos Jr. si Presidential Communications Office Senior Undersecretary Analisa “Ana” Puod.

Kinumpirma ni Presidential Communications Office Undersecretary at Palace Press Officer Claire Castro sa press briefing sa Malakanyang na tinanggap na ni Pangulong Marcos ang pagbibitiw ni Puod sa puwesto.

Sa ulat, sa nasabing resignation letter, binanggit ni Puod na ang dahilan ng kanyang pagbibitiw ay ang “untenable condition” sa ilalim ng kasalukuyang pamunuan ng PCO.

Bagama’t hindi na idinetalye ang mga isyung kanyang tinutukoy, nagpahayag pa rin siya ng pasasalamat kay Pangulong Ferdinand Marcos Jr. para sa tiwala at oportunidad na makapagsilbi sa ilalim ng kanyang administrasyon.

“In the short period that I have been with PCO I have gained much appreciation with your sincere and kind leadership, anchored on your genuine vision for better, greater Filipino nation,” ani Puod sa kanyang liham.

Bago maupong senior undersecretary, nagsilbi si Puod bilang general manager ng government television station na PTV. ( Daris Jose)

TUMAAS ang inflation rate ng Pilipinas nito lamang Hunyo, dahilan para malagot ang four-month down streak.

Ang itinuturong dahilan, ang mas mabilis na utility costs sa nasabing panahon, ayon sa Philippine Statistics Authority (PSA).

Iniulat ni National Statistician at PSA chief Claire Dennis Mapa na ang inflation print nitong nakaraang Hunyo—na sumusukat sa rate ng paglago sa consumer goods at services costs— bahagyang umakyat sa 1.4% mula 1.3% noong buwan ng Mayo.

Sinasabing ‘consistent’ ito sa naging pagtataya ng Bangko Sentral ng Pilipinas (BSP) na ang inflation rate noong nakaraang buwan ay papalo sa 1.1% hanggang 1.9% range.

“June’s inflation rate brought the year-to-date rate to 1.8%, still below the government’s comfortable inflation rate ceiling of 2% to 4% for 2025,” ayon sa ulat.

“Ang pangunahing dahilan ng mas mataas na antas ng inflation nitong Hunyo 2025 kaysa noong Mayo 2025 ay ang mas mabilis na pagtaas ng presyo ng Housing, Water, Electricity, Gas and Other Fuels sa antas na 3.2%. Ito ay may 63.3% share sa pagtaas ng pangkalahatang,” ayon naman kay Mapa. ( Daris Jose)