NANGAKO si Speaker Ferdinand Martin Romualdez na pagaganahin ang buong legislative power ng Kamara para gawing permanente at magtuluy-tuloy ang ₱20 per kilo rice program ni Pangulong Bongbong Marcos upang maging mas abot kaya ito sa consumers at mabigyan ng mas mahabang suporta ang mga magsasaka.

Sa isinagawang meeting kina Agriculture Secretary Francisco “Kiko” Tiu Laurel Jr. at Undersecretary at Chief of Staff Alvin John Balagbag, sinabi ni Speaker Romualdez na personal niyang ii-sponsor at isusulong ang mga priority reform bills ng Department of Agriculture (DA) sa 20th Congress’ legislative agenda.

“These are not just bills — they are blueprints for lasting change. I will personally sponsor these measures to institutionalize President Marcos’ vision of affordable rice for all and stronger support for our farmers,” deklara ni Romualdez.

Kabilang sa mga dumalo sa pagdinig ay sina House Committee on Agriculture Chairman Mark Enverga (Quezon), House Majority Leader Mannix Dalipe, Deputy Speaker David Suarez (Quezon), Camiguin Rep. Jurdin Jesus Romualdo, Surigao del Sur Rep. Johnny Pimentel, Deputy Speaker Antonio Albano (Isabela), House Secretary General Reginald Velasco at Isabela Gov. Rodito Albano III.

Sa mga priority measures na iprinisinta ng DA at inadopt ni Speaker ay kinabibilangan ng Amendments to the Rice Tariffication Law (RTL) — restoring key regulatory powers to the National Food Authority (NFA) to stabilize prices and protect local production; Livestock Development and Competitiveness Act; Philippine Corn Industry Development Act; Onion Research Center Act; Amendments to RA No. 7308 o Seed Industry Development Act of 1992; at Amendments to the Local Government Code to strengthen agricultural extension services at the LGU level.

“Sisiguruhin natin na may ₱20 per kilo na bigas sa merkado para sa mga nangangailangan — hindi lang ngayon, kundi sa mga susunod pang taon. We will build a system where affordable rice is not a seasonal miracle, but a daily reality,” anang Speaker.

(Vina de Guzman)

UMAPELA si National Unity Party (NUP) president LRay Villafuerte sa senado na agad ipasa ang panukalang gawing legal ang paggamit sa marijuana bilang gamot sa cancer at iba pang sakit sa natitirang ilang araw ng sesyon ng Kongreso.

“This is an eleventh hour appeal to the Senate under Senate President Chiz (Francis Escudero) to pass the proposed law already approved by the House of Representatives  that seeks to legalize the use of medical cannabis as an alternative, relatively more affordable pain reliever for Filipinos hurting from debilitating medical conditions,”  ani Villafuerte, outgoing congressman at governor-elect ng CamSur.

 Kabilang sa mga medical conditions ay cancer, multiple sclerosis, damage to the nervous system, glaucoma, positive status for human immunodeficiency virus (HIV), acquired immunodeficiency syndrome (AIDS), post-traumatic stress disorder (PTSD),  rheumatoid arthritis at iba pang sakit na tinukoy ng Department of Health (DOH).

“I am keeping my hopes up that with the commitment of SP Chiz on the eve of the reopening of the Congress for the Senate to give top priority to pending urgent bills in our final legislative session weeks, this outgoing Legislature can cap its record feats in its third and final session by writing this  long-proposed law legalizing the use of CBD or cannabidiol (cannabis oil) only for medical or therapeutic purposes,” anang mambabatas.

 Bago magsimula ang pagbabalik ng 19th Congress, sinabi ni Escudero na ini-urong ng senado ang pagsisimula sa impeachment trial ni Vice President Sara Duterte-Carpio mula June 3 sa June 11, upang matalakay ng mga senador ang mga priority legislative measures bago ang die adjournment.(Vina de Guzman)

NANINDIGAN ang Commission on Elections (Comelec) na hindi palawigin ang June 11 deadline para sa paghahain ng Statements of Contributions and Expenditures (SOCEs) ng mga kandidato sa May 12 midterm elections.

Giit ni Comelec Chairman George Garcia na ang deadline ng paghahain ng SOCE ay matagal nang inanunsyo .

Babala ni Garcia, kailangan harapin ang mga kahihinatnan ng hindi pag-file ng SOCE.

Ang pagsusumite ng SOCE ay tinatanggap sa mga karaniwang araw at Sabado, kasama ang mga pista opisyal, mula 8 ng umaga  hanggang 5 ng hapon sa Comelec — Political Finance and Affairs Department sa Intramuros, Manila.

Ang lahat ng SOCE ay dapat ihain  sa itinakdang bilang ng mga hard copy na may kasamang soft/electronic copy (PDF at Excel format).

Hindi pinapayagan at tumatanggap ang paghahain ng SOCE sa pamamagitan ng registered mail, electronic mail, courier, o messenger services .

Nagbabala ang Comelec sa sinumang kandidato na bigong magsumite ng SOCE na hindi papayagan maupo sa pwesto at maaari ring maharap sa kasong administratibo.

Sa kabilang banda, ang mga kandidatong nakasunod ay bibigyan ng Certificate of Formal Compliance, na dapat nilang isumite sa pag-upo sa pwesto.(Gene Adsuara)

NILINAW ng Department of Justice (DOJ) na walang pagkasunud-sunod sa mga indibidwal na haharap sa deportasyon kasunod ng pagkakaresto at pagdeport kay dating Congressman Arnolfo Teves Jr. nitong nakaraang linggo.

Ginawa ang paglilinaw ni Justice Assistant Secretary Mico Clavano, kasabay ng mga agam-agam na susunod na ipapa-deport si dating presidential spokesperson Atty. Harry Roque.

Binigyang-diin ni Clavano na lahat naman ng may mga kinakaharap na kaso na nasa ibang bansa ay kanilang hinahabol ng sabay-sabay nang walang inuuna sa mga puganteng ipinahahanap ng mga korte sa PIlipinas.

Nilinaw din ni Clavano na hindi paisa-isa ang kanilang paghuli sa mga pugante lalo pa’t nataon na naipabalik na sa bansa si Teves.

Si Roque ay kasalukuyan pa ring nasa bansang The Hague Netherlands para sa kanyang aplikasyon ng asylum dahil sa umanoy political persecution na nararanasan umano nito sa Pilipinas.(Gene Adsuara)

HIMAS-REHAS ang 23-anyos na wanted sa paulit-ulit na pagmamalupit sa menor-de-edad na biktima makaraang matunton ng pulisya sa pinagtagugang lugar sa Valenzuela City, kamakalawa ng gabi.

Hindi na nakapalag si alyas “Roger” nang masukol ng mga tauhan ni Valenzuela Acting Police Chief P/Col. Relly Arnedo sa kanyang pinagtaguang lugar sa Brgy. Marulas, dakong alas-6:15 ng gabi.

Maayos na naisilbi ng kapulisan ang warrant of arrest na inilabas ng Valenzuela Regional Trial Court (RTC) Branch 270 kay alyas Roger para sa mga kasong tatlong bilang na pagmamalupit sa batang biktima sa ilalim ng R.A. 7610 o ang Special Protection of Children Against Abuse, Exploitation and Discrimination Act at isang bilang na paglabag sa R.A, 9262 o ang Anti Violence Against Woman and Their Children Act.

Sa ulat ni Northern Police District Public Information Office (NPD-PIO) Head P/Lt, Marcelina Pino, umaabot sa kabuuang halagang P243,000.00 ang inilaang piyansa ng hukuman para sa pansamantalang paglaya ng akusado.

Nagpaabot naman ng pagbati si P/BGen. Josefino Ligan, ang Director ng NPD sa Valenzuela Police sa kanilang mabilis na aksiyon na nagresulta sa pagkakadakip sa akusado na nakapiit ngayon sa Custodial Facility Unit ng Valenzuela Police Station habang hinihintay ang utos ng korte para sa paglilipat sa kanya sa Valenzuela City Jail. (Richard Mesa)

SHOOT sa selda ang 51-anyos na mister na wanted sa kasong rape matapos makorner ng pulisya sa ikinasang manhunt operation sa Malabon City, kamakalawa ng hapon.

          Sa kanyang ulat kay Northern Police District (NPD) District Director P/BGen. Josefino Ligan, sinabi ni Malabon police chief P/Col. Jay Baybayan na ikinasa nila ang pinaigting na pagtugis sa akusado na residente ng Brgy. Bayan-Bayanan.

Ayon kay Col. Baybayan, ang akuado ay nakatala bilang Top 6 Most Wanted Person sa NPD at nasa talaan naman ng Malabon CPS bilang Top 7 MWP.

           Dakong alas-4:30 ng hapon nang tuluyang matiklo ng mga tauhan n Malabon Police Sub-Station 7, at Warrant and Subpoena Section ang akusado sa Don Basilio Bautista Boulevard, Barangay Hulong Duhat.

          Maayos namang naisilbi sa akusado ang arrest warrant na inilabas ng Malabon City Familt Court Branch 4, noong May 19, 2025 para sa kasong Rape in relation to Section 5 (b) ng R.A 7610 na walang inirekomendang piyansa.

          Pansamantalang nakapiit ang akusado sa custodiaql facility unit ng Malabon CPS habang hinihintay ang pagpapalabas ng commitment order mula sa hukuman.

          Pinapurihan naman ni Gen. Gapas ang Malabon City Police Station para sa kanilang mabilis at maayos na pagpapatupad ng utos ng hukuman. (Richard Mesa)

TIMBOG ang 67-anyos na lolo na wanted sa kasong incestuous rape sa Lungsod ng Valenzuela nang matunton ng pulisya sa kanyang pinagtataguan sa lalawigan ng Batangas.

Batay sa report, nakatanggap ang mga tauhan ni Valenzuela Police OIC chief P/Col. Relly Arnedo ng impormasyon hinggil sa pinagtataguan ng akusadong si “Lolo Popoy”, sa Batangas.

Ayon kay Col. Arnedo, ang akusado kapwa nakatala bilang No. 5 Top Most Wanted Person sa Northern Police District (NPD) at Valenzuela City Police Station.

Dakong alas-3:10 ng hapon nang makorner ng pinagsamang mga operatiba ng Warrant and Subpoena Section at Station Intelligence Section ng Valenzuela CPS ang akusado sa kanyang tinutuluyang bahay sa Ayala Street, San Pascual, Batangas.

Hindi naman umano pumalag ang akusado nang bitbitin siya ng mga tauhan ni Col. Arnedo sa bisa ng warrant of arrest para sa kasong Incestuous Rape in relation to R.A. 7610 na inisyu ng Valenzuela City Family Court Branch 16, noong March 14, 2025 na walang inirekomendang piyansa.

Pinuri ni P/BGen. Josefino Ligan, District Director ng Northern Police District, ang Valenzuela CPS sa kanilang matagumpay na operasyon.

“The Northern Police District remains committed to pursuing fugitives and bringing justice to victims through relentless and coordinated law enforcement operations,” aniya. (Richard Mesa)