HANGAD ng Pilipinas na mapalawak ang agricultural trade sa Egypt, alinsunod sa direktiba ni Pangulong Ferdinand R. Marcos Jr.

‘They already granted us access for durian. We are hopeful they will do the same for our mangoes and bananas,” ayon kay Department of Agriculture (DA) Secretary Francisco Tiu Laurel Jr. sa isang kalatas.

Bilang kapalit, inilatag ng DA ang plano nito na payagan ang pagpasok ng ubas at patatas, maging ang bawang at onion-sourcing mula Egypt, kasama ang ‘information sharing at technical assistance.’

“The pest risk assessment (PRA) for both Egyptian grapes and ware potatoes, however, is still being finalized,” ang sinabi pa rin ng DA.

Ang nasabing plano ay nabuo matapos na makapulong ni Tiu Laurel si Egyptian Ambassador Nader Nabil Zaki noong nakaraang Hunyo 5.

Buwan ng Mayo, nakakuha ang ‘fresh durian’ ng Pilipinas ng official clearance para sa pag-export sa Egypt matapos ang mahigit sa dalawang taon ng technical review at bilateral efforts kasama ang DA-Bureau of Plant Industry (BPI) simula noong 2023.

Sa ngayon, ang agri trade ng bansa kasama ang Egypt ay nananatiling “modest,” nagkakahalaga ng USD7.5 million kada taon, year, kung saan ang ‘desiccated coconut at carrageenan’ ang pangunahing exports sa Egypt; habang umaangkat ng ‘broths, soups, at dried kidney beans.’

Maliban sa agricultural trade expansion na target sa Egypt, tinatrabaho na ng Pilipinas na paghusayin ang ugnayan sa kalakalan sa ibang bansa.

Kabilang sa pagsisikap na ito ang kahalintulad na pakikipag-usap sa New Zealand para sa durian export, at maging ang ‘first commercial shipment’ ng ‘fresh mangoes’ sa Italy. (Daris Jose)

MALAWAK at malalim ang naipong karanasan ni Congressman Brian Yamsuan sa serbisyo publiko — mula sa paglilingkod sa Malacañang bilang Assistant Secretary ng Department of Interior and Local Government (DILG), sa House of Representatives bilang Deputy Secretary General sa ilalim ng Speakership ni Sen. Kuya Alan Peter Cayetano, hanggang sa paggawa ng mga batas sa Kongreso bilang Representative ng Bicol-Saro Party-list. Ngayon, nanunumpa siya bilang bagong Representante ng 2nd District ng Parañaque City, bitbit ang kanyang husay at malasakit sa mga kapwa Parañaqueño.

Makabuluhan ang naging talumpati ni Sen. Kuya Alan matapos pangasiwaan ang oath-taking ng kanyang butihing kaibigan at kasangga sa pagseserbisyo ngayong Biyernes, June 6. Kasama ni Cong.  Brian sa kanyang oath-taking sina Bea Yamsuan, Cathy Yamsuan at Dylan Yamsuan. (Text & Photos by Boy Morales Sr.)

GUGULONG ang ulo ng mga Department Heads at Bureau Chiefs na umabuso sa tungkulin.

Habang ang mga naglilingkod ng tama at maayos sa Manila City Hall na mga kasalukuyang pinuno ng mga kagawaran at kawanihan ay mananatili sa kanilang tungkulin.

Ito ang babala ni incoming Mayor Isko Moreno Domagoso na may kalalagyan ang mga namumuno sa mga tanggapan na garapal ang gawain at hindi maayos ang pamamalakad bukod pa sa nagpapahirap sa mga mamamayang Manileno.

Nilinaw din ng incoming mayor na hindi mawawalan ng trabaho ang mga career service official na nakapasa sa panuntunan.

Ayon kay Domagoso, maaaring malipat lamang sa ibang tanggapan kung saan angkop ang kanilang kaalaman dahil mayroon silang security of tenure sa ilalim ng Civil Service Law.

Ang babala ni Domagoso ay sa harap ng mga natuklasang sikreto, ilang linggo bago pa man opisyal na maupo sa puwesto bilang bagong alkalde ng Maynila.

Sa sandaling maupo na sa Manila City Hall si Domagoso, tiyak na may makikita nang malaking pagbabago sa kanyang panunungkulan sa loob ng 100 araw. (Gene Adsuara)