• October 22, 2025 WordPress timezone: Asia/Manila
    Current date: October 22, 2025
    Current time: October 22, 2025 8:48 PM

  • Ang Diyaryong Pinagkakatiwalaan

Archive for June, 2025

Wanted na magnanakaw sa Malabon, nalambat sa Navotas

Posted on: June 23rd, 2025 by @peoplesbalita No Comments

MAKALIPAS ang may sampung taon, nalambat ng pulisya sa Navotas City ang wanted na kawatan na apat na ulit gumawa ng pagnanakaw sa Malabon City.

Pasado alas-4 ng hapon nang madakip ng mga tauhan ni Navotas Acting Police Chief P/Col. Renante Pinuela si alyas “Totoy” sa Brgy. NBBS Kaunlaran makaraang inguso ng impormante ng Navotas Police Sub-Station-4 ang kanyang kinaroroonan.

Kasama ng mga pulis ng Sub-Station -4 ang operatiba ng Warrant and Subpoena Section (WSS) ng Navotas police nang isilbi sa akusado ang warrant of arrest na inilabas ng Malabon City Regional Trial Court (RTC) Branch 170 na may petsang Setyembre 22, 2015 para sa kasong apat na bilang na Robbery with Force and Intimidation.

Ayon kay Northern Police District -Public Information Office (NPD-PIO) head P/Maj. Marcelina Pino, aabot sa P400,000.00 ang kabuuang piyansang inilaan ng hukuman sa apat na bilang ng kasong pagnanakaw, gamit ang puwersa at pananakot, para sa pansamantalang paglaya.

Pinuri naman ni NPD Director P/BGen. Arnold Abad, ang Navotas police sa kanilang pagsisikap na tugisin ang mga taong wanted na pinaghahanap ng batas. (Richard Mesa)

Naglabas ng patalim, scavenger binoga ng kagawad sa Malabon

Posted on: June 23rd, 2025 by @peoplesbalita No Comments

ARESTADO ang isang barangay kagawad matapos barilin ang 39-anyos na scavenger na kanyang nakaalitan sa lansangan makaraang maglabas ito ng patalim sa Malabon City.

Kinilala ni Malabon police chief P/Col. Jay Baybayan ang naarestong suspek na si alyas “Justine”, 36, Kagawad ng Brgy. Ibaba at residente ng C. Arellano St. habang isinugod naman ang biktimang si alyas “Ferdie’, ng Consuelo St. Brgy. Acacia sa Tondo Medical Center para magamot ang  tinamong tama ng bala sa kaliwang hita.

Sa ulat ni Col. Baybayan kay P/BGen. Arnold Abad, bagong upong Director ng Northern Police District (NPD), nagpapatrulya si alyas Justine, dakong alas-2 ng madaling araw, sakay ng kanyang motorsiklo, sa Tiangco St.. Brgy., Ibaba nang maharangan siya ng biktima.

Bumaba ng motorsiklo ang kagawad at sinabihan ang biktima na huwag humarang sa daan subalit, sa halip na tumabi ay itinulak at sinigawan pa umano siya nito bago bumunot ng patalim.

Sinabi ni ‘Justine’ sa pulisya na dahil nakaramdam siya ng panganib sa kanyang buhay kaya binunot niya ang dalang baril at pinaputukan sa hita ang biktima.

Nakumpiska ng pulisya sa Kagawad ang isang kalibre .9mm CZ pistol na kargado ng tatlong bala sa magazine na napag-alamang lisensiyado sa pangalan ng suspek subalit, wala pa ang pino-prosesong permit to carry outside residence. (Richard Mesa)

50% discount sa train, welcome gift sa mga estudyante; Tiangco

Posted on: June 23rd, 2025 by @peoplesbalita No Comments

INIHAYAG ni Navotas City representative Toby Tiangco na ang 50% discount para sa mga estudyante sa lahat ng biyahe ng train ay isang welcome gift sa mga mag-aaral sa pagsisimula ng school year.

“Magandang pabaon po ito para sa ating mga mag-aaral ngayong pasukan. Isa din itong malinaw na mensahe mula kay President Bongbong Marcos na gagawin ng pamahalaan ang lahat ng hakbang para tulungan ang mga mag-aaral para maibsan ang kanilang mga pangangailangan,” saad ni Tiangco.

Aniya, malaking tulong din ito sa mga pamilya dahil mababawasan ang kanilang intindihin at mailalaan sa ibang bagay ang matitipid nila sa pamasahe.

“Your government is here and we are doing everything in our power to minimize the financial burden of Filipino students so they can put all their focus on studying,” sabi pa niya.

Samantala, pinaalalahanan din ng solon ang lahat ng public utility vehicle (PUV) operators at mga drivers, kabilang ang transport network vehicle service (TNVS) providers na mahigpit na igalang ang 20 percent student fare discount.

“The 20 percent student discount on public transportation is not optional and must be granted to all students. Karapatan po ‘yan na hindi dapat ipinagkakait sa ating mga mag-aaral,” ani mambabatas.

Hinimok din ni Tiangco ang mga estudyante na i-report ang mga lumabag sa LTFRB hotline o sa pamamagitan ng LTFRB Citizen’s Complaint Center.

“We call on our students and parents to report drivers who refuse to grant student discounts. Makipag-ugnayan lamang po tayo sa LTFRB at para mapanagot ang mga violators,” dagdag niya.

Ang mga lalabag sa R.A 11314 o ang Student Fare Discount Act ay maaaring pagmultahin ng hanggang P5,000 para sa unang paglabag at kapag maulit ay maaaring suspindehin o bawiin ang kanilang prangkisa o permit, depende sa dami ng paglabag. (Richard Mesa)

CHAIRMAN NG BOARD SPECIAL INQUIRY NG BI, TINANGGAL

Posted on: June 23rd, 2025 by @peoplesbalita No Comments

INALIS na sa pwesto si Atty. Gilbert Repizo, ang chairman ng Board Special Inquiry ng Bureau of Immigration (BI) dahil umano sa dami ng mga reklamo sa pamumuno nito.

Nauna nang nabanggit ang pangalan ni Repizo sa isyu ng umano’y pamimilit sa Bids and Awards Committee na aprubahan ang P3-bilyong e-gates project sa mga paliparan.

Sa kabila ng kautusan, sinabi ni Repizo sa kanyang social media post na magpapatuloy siya sa pagre-report sa BSI.

Sumulat din ito kay Justice Secretary Crispin Remulla kung saan ininvoke naman nito ang kaparehong civil service resolution na 1800692 o yung 2017 omnibus rules of appointment.

Sa liham ni Repizo kay Remulla sinabi nya na hindi niya pwedeng sundin ang kautusan dahil iaakyat nya ang usapin sa Civil Service Commission.

Binigyan din umano nya ng kopya ng nasabing liham si Viado.

Samantala, kinumpirma ni BI Spokesperson Dana Sandoval na natanggap na nila ang Department Order 435 mula DOJ at agad itong ipinatupad.

Nakasaad sa nasabing Department Order na papalitan ni Atty Ruben Casibang si Repizo bilang head ng BSI.

Nakasaad pa umano rito na ipinalilipat sa DOJ si Repizo. (Gene Adsuara)

First Family, hindi first time na sumakay ng MRT-3- PBBM

Posted on: June 23rd, 2025 by @peoplesbalita No Comments

SINABI ni Pangulong Ferdinand Marcos Jr. na madalas silang sama-samang pamilya na sumasakay ng MRT-3 at ang huli niyang pagsakay noong June 1 ay “not the first time.”

”First of all, hindi ‘to first time na sumakay ako ng MRT, madalas namin gamitin ‘yung MRT dahil sa traffic. Mas mabilis eh. Kami… pamilya ko, mga kaibigan ko. Hindi practical ma-traffic, magdadalawang oras ka hanggang Cubao,” ang sinabi ni Pangulong Marcos sa pinakabagong BBM Podcast.

Ibinahagi rin nito na madalas niyang nakakausap ang mga mananakay, kung saan sinasabi niya sa mga ito ukol sa karaniwang ‘crowded situation’ sa loob ng tren, idagdag pa rito na personal niyang naranasanan ang hamon ng pagko-commute gamit ang MRT-3.

”Naramdaman ko ‘yan, minsan sumakay kami ng MRT, talagang pag nakapasok ka na, basta’t ‘yung kamay mo nandito, hindi mo na magagalaw ‘yun. Nakadikit ka na dito. Kinakausap ko mga pasahero, ‘Sir, ganyan talaga ‘yan araw-araw,”’ dagdag na pahayag ng Pangulo.

Matatandaang, pinangunahan ni Pangulong Marcos at ng First Family, ang paglulunsad ng Pamilya Pass 1+3 Promo sa MRT-3, LRT-1, at LRT-2.

Sa ilalim ng programa, maaaring makasakay ang hanggang apat na magkakapamilyang pasahero gamit lamang ang isang bayad na tiket tuwing araw ng Linggo.

Layunin nitong mapagaan ang gastusin sa pampublikong transportasyon at hikayatin ang mga pamilyang Pilipino na magkasama tuwing araw ng pahinga.

Sa kabilang dako, inanunsyo ng Department of Transportation (DOTr) na simula ngayong araw, Hunyo 20, ay makikinabang na ang mga estudyante sa mas mataas na 50% na diskwento sa pasahe sa mga linya ng LRT-1, LRT-2, at MRT-3.

Ayon kay Transportation Secretary Vince Dizon, sapat nang magpakita ng valid school ID o proof of enrollment sa ticket booth upang makakuha ng diskwento.

Sakop ng benepisyo hindi lamang ang mga nasa basic education at college level kundi pati na rin ang mga kumukuha ng master’s degree at law school.

Sa kasalukuyan, ipinatutupad ang diskwento sa mga single-journey tickets, ngunit tiniyak ni Dizon na malaking ginhawa ito sa libu-libong estudyanteng araw-araw sumasakay sa tren.

“Malaking tulong ito sa mga estudyante at kanilang mga pamilya, lalo na sa gitna ng mataas na gastusin sa araw-araw,” dagdag pa ng kalihim. (Daris Jose)

EDSA rehab, hindi dapat umabot ng dalawang taon

Posted on: June 23rd, 2025 by @peoplesbalita No Comments

HINDI dapat umabot ng dalawang taon ang rehabilitasyon ng Epifanio de los Santos Avenue (EDSA), isa sa ‘busiest thoroughfares’ sa Metro Manila.

Ito’y matapos sabihin ni Pangulong Marcos na masaya siya sa naging desisyon na isuspinde ang planong ‘full rehabilitation’ ng EDSA para pagaanin ang sitwasyon ng publiko lalo na ng mga mananakay.

“Hindi ko matanggal-tanggal sa pag-iisip ko. ‘Yung nasa kotse ka, nasa EDSA, makikita mo alas 12 na ng gabi. Ang haba pa ng pila, nag-aantay ng bus. Tapos ‘yun, pag-uwi nun, gigising na alas 4 ‘yun. Mag-aantay na naman ng bus para makapasok na alas 7, alas 8,” ang sinabi ng Pangulo sa pinakabagong episode ng kanyang podcast na in-ere, araw ng Biyernes.

“Hindi puwedeng ganyan na napakahirap na, dadagdagan pa natin ng kahirapan. Siguro naman may bagong sistema diyan na hindi natin kailangang isara o kung gagawin ay hindi dalawang taon,” ang pahayag ng Chief Executive.

Winika pa ni Pagulong Marcos na ang bagong sistema ay dapat na ikonsidera para mapaikli ang timeline para sa pagkukumpuni ng EDSA.

Aniya, ang paghihirap ng mga motorista at mga mananakay ay hindi dapat patagalin.

“Hanap tayo ng bagong teknolohiya . There are new technologies,” ang sinabi ni Pangulong Marcos sabay sabing “Mukhang kakayanin ng hindi dalawang taon kasitwo yearsng pagdurusa. Hindi mo pwedeng gawin sa tao ‘yun.”

Nauna rito, ipinag-utos ni Pangulong Marcos ang pansamantalang pagpapaliban ng nakatakdang rehabilitasyon ng EDSA sa loob ng isang buwan, upang bigyang-daan ang mas epektibong paghahanda sa mga hakbang para maibsan ang inaasahang matinding trapiko.

Inanunsyo ito ng Pangulo sa gitna ng mga pangamba ng publiko sa posibleng dagdag na oras sa byahe bunsod ng dalawang taong rehabilitasyon na orihinal na nakatakdang simulan ngayong Hunyo.

Ang EDSA ay may habang 23.8 km at isa sa mga pangunahing kalsada sa Metro Manila, na dinaraanan ng daang libong motorista at pasahero araw-araw.

Bago pa man umpisahan ang proyekto, nakararanas na ng matinding trapiko ang lugar, lalo na sa rush hour.

Kasama sa mga isasaalang-alang ng pamahalaan sa loob ng isang buwang suspensyon ay ang pagsusuri sa cost-benefit ng proyekto, gayundin ang paggamit ng makabagong teknolohiya upang mapabilis ang rehabilitasyon kung ito man ay muling itutuloy.

Ayon pa sa Pangulo, pag-aaralan muna ng DOTr at ng DPWH ang mga alternatibong solusyon upang mabawasan ang abala sa mga commuter bago tuluyang simulan ang nasabing proyekto.

Layon ng hakbang na ito na tiyaking hindi malalagay sa alanganin ang araw-araw na byahe ng mga manggagawa, estudyante, at iba pang umaasa sa pampublikong transportasyon. (Daris Jose)

Pag bomba ng US sa nuclear sites ng Iran, matagumpay na naikasa – Trump  

Posted on: June 23rd, 2025 by @peoplesbalita No Comments

INANUNSYO ni United States President Donald Trump na matagumpay nilang naikasa ang kanilang pagatake sa mga nuclear sites sa Iran partikular na mismong malaking nuclear program ng naturang bansa sa Fordow.

Sa kaniyang naging social media post, kinumpirma ni Trump na maliban sa kanilang pagbomba sa mga nuclear sites sa Fordow, Netanz at Esfahan, ay pabalik na rin sa Estados Unidos ang kanilang mga sasakyang pamhimpapawid na ginamit sa pagbomba sa mga naturang sites.

Ayon sa mga ulat, anim na bunker buster bombs ang ginamit para mabomba ang Fordow habang 30 Tomahawk missiles naman ang ginamit sa dalawa pang mga nuclear sites na pinasabog ng US.

Matapos ang ikinasang operasyon, kinumpirma mismo ng White House na nagkaroon muna ng paguusap sa pagitan ni Trump at ni Israeli Prime Minister Benjamin Netanyahu para sa full coordination nito.

Samantala, sa bahagi pa ng pahayag ni Trump, hinihimok niya ang Iran na pumayag nang tapusin ang tumitinding sigalot sa pagitan ng kanilang bansa at maging ng Israel.

Inaasahan naman ngayon ng gobyerno ng US na titigil na ang tensyon sa pagitan ng dalawang mga bansa at magbibigay daan na ito sa kapayapaan.

(Daris Jose)

 

PBBM tiniyak patuloy na ipaglaban ang soberenya ng bansa sa West PH Sea  

Posted on: June 23rd, 2025 by @peoplesbalita No Comments

TINIYAK ni Pangulong Ferdinand Marcos Jr., na sa ilalim ng kaniyang administrasyon patuloy nitong ipaglaban ang soberenya ng bansa sa West Philippine Sea (WPS) na siyang naging polisiya.

Sa nalalabing tatlong taon ng Pangulo sa kaniyang pwesto nais niyang mag-iwan ng marka sa mga Pilipino na hindi nito pinabayaan na angkinin ng ibang bansa ang ating teritoryo.

Sinabi ng Punong Ehekutibo hindi tayo sumuko.

” We did not yield. We continue to protect the sovereignty of the Republic. We continue to defend the territory of the Republic. And we continue to protect and defend the people of the Republic,” pahayag ng Pangulo sa ikalawang podcast interview nito.

Binigyang-diin ng Pangulo na hindi naman aniya nakikipag- away ang Pilipinas sa isyu ng West Philippine Sea subalit kailangang ipaglaban ang karapatan nito sa gitna ng panghaharang at iba pang harassment na ginagawa ng China sa mga Pilipinong mangingisda.

Muli ring pinanindiganan ni Pangulong Marcos na ni isang pulgada ng katubigang pag- aari ng Pilipinas ay hindi nito isusuko.

” Hindi naman tayo nakikipag-away. Pero huwag niyong binabangga yung mga mangingisda, hindi ba? Huwag niyo kaming hinaharang doon sa teritoryo namin. Iyon ipaglalaban talaga namin yan. Because kung ibigay mo yan, bibigay ng – like they say: You give them an inch, they will take a mile. So you cannot allow it even the one inch,” pahayag ni Pangulong Ferdinand Marcos Jr.

Nais ng Pangulong Marcos na maalala ng mga Pilipino ang naging paninindigan ng kanyang Administrayon na ipinaglaban ang soberenya ng bansa lalo na ang isyu sa West Philippine Sea.  (Daris Jose)

Patuloy na tinututukan ang kaso ni Rita Daniela: Atty. MAGGIE, hangad na magkaayos ang GMA at mga JALOSJOS

Posted on: June 21st, 2025 by @peoplesbalita No Comments
MABABASA sa social media ang estafa case na isinampa ng GMA Network laban sa bigwigs at executives ng Tape Incorporated.
Nag-ugat ito sa diumanoy hindi pagre-remit ng mga Jalosjos sa kanilang commercial ads sa GMA sa noontime show produced na “Tahanang Pinakamasaya” na aabot daw sa P37,941,352.56.
Nagkaroon ng mediation last May 29 kung saan present ang lady lawyer ng GMA at ang celebrity lawyer na si Atty. Maggie Abraham-Garduque na matagal ng legal counsel ng mga Jalosjos brothers na sina Romeo Jalosjos Jr. at Seth Frederick “Bullet” Jalosjos.
Sabi ay hindi raw tinanggap ng GMA ang offer ng Tape Inc. at gusto nila ay bayaran sila agad.
Sa ngayon ay nira-raffle na ang kaso at kung sinong judge ang hahawak nito. Well, in my own opinion, sana ay tumingin naman ang pamunuan ng GMA sa ilang dekadang pinagsamahan nila ng mga Jalosjos partikular na si Mr. Romeo Jalosjos Sr na kilalang producer ng “Eat Bulaga” na mula 1995 hanggang 2023 ay nasa GMA 7 na.
Ayon naman kay Atty. Maggie ay positibo siya na sa huli ay magkakasundo rin ang client niya na Jalosjos at GMA. Saka nagbigay ng reaction ang abogada hinggil sa isinampang kaso ng GMA Network.
“TAPE is still believes that whatever amount is collectible from them by GMA is merely a civil liability, and not a criminal liability for estafa. Foremost, even assuming that the amounts were used by TAPE Inc. for it’s operation instead of remitting it to GMA, this is a mere violation of the assignment agreement being executed between TAPE Inc and GMA Inc.
“Therefore GMA can file a civil case for breach of contract. Secondly, thesw amounts are corporate liability of TAPE Inc and not of it’s individual stockholders. Under the law corporation has separate and distinct personality with it’s stockholders. Thus respondents members of BOD and officers of TAPE were surprised that a criminal case for estafa was filed againts them,” paglilinaw pa ni Atty. Maggie.
“At any rate, we follow the new procedure under the DOJ, circular that the matter will undergo mediation(na nangyari nga last May 29) to settle the differences of the parties. TAPE as a corp today submitted an offer to GMA Inc to be able to settle the amount stated in the complaint which are collectibles of GMA. “This offer will be submitted to GMA and if this is acceptable to GMA, a compromise agreement will be submitted by the parties on the next and last hearing.
If there is no compromise agreement submitted, the case will already be docketed for preliminary investigation.” Pagtatapos pa ni Atty. Maggie, na abala sa pagha-handle ng case ng mga celebrity including Rita Daniela na ongoing ang hearing ng Kapuso actress sa lascivious acts charge nito laban kay Archie Alemania.
Na sa kabila ng not guilty plea ni Archie sa kasong kinahaharap ay patuloy itong ipaglalaban ng actress sa court dahil totoo raw ang kanyang akusasyon.
Ilan pa sa mga artistang kliyente ni Atty. Maggie ay sina Alden Richards, Wendell Ramos, etc.
Also Jules Ledesma at controversial writers and director Jojo Nones and Richard “Dode” Cruz.
Hindi rin makalilimutan na siya ang nagtanggol noon kay Vhong Navarro vs Deniece Cornejo para makalaya ang komedyanteng host sa kulungan.
 Isa ring product endorser si Atty. Maggie at kabilang sa kanyang endorsements ay ang ISkin at Toledo Medical Derma.
(PETER S. LEDESMA)

Pacers, babalik agad sa mahigpit na training matapos ang impresibong

Posted on: June 21st, 2025 by @peoplesbalita No Comments

KASUNOD ng impresibong panalo ng Indiana Pacers laban sa Oklahoma City Thunder sa Game 6 ng 2025 NBA Finals, siniguro ni NBA star Tyrese Haliburton ang muling paghahanda ng koponan para sa Game 7, ang huling laban sa best-of-7 series.

Sa panayam kay Haliburton matapos ang laro, sinabi niyang mas mahigpit ang gagawing pag-eensayo para sa huling laban.

Gugugulin aniya ng koponan ang nalalabing dalawang araw para pagbutihin pa ang team performance mula sa opensa hanggang sa gagamiting depensa laban sa Thunder.

Aminado ang Olympic champion na mas magiging mahirap ang Game 7 dahil maliban sa ito ay isang winner-take-all game, gaganapin pa ito sa Oklahoma City kung saan inaasahang magiging aggresibo ang fans.

Nang matanong ang bagitong star kung ano ang magiging taktika sa susunod na laban, tinukoy nito ang magandang ball movement, akmang depensa, at maayos na rebounding.

Malaki aniya ang tiwala ng bawat isa sa kapwa player para gawin ang kani-kanilang papel sa huling laban, kayat malaking bagay na makapagpahinga muna ang mga ito at makagawa ng akmang practice bago ang nakatakdang laban sa Lunes, Hunyo-20.

Tinukoy naman ni Haliburton bilang isang team effort ang impresibong panalo sa Game 6.

Aniya, nagawa nilang protektahan ang kanilang homecourt lalo at ayaw din nilang magkampeon ang Thunder sa Indiana.

Tumugon lamang aniya ang Pacers sa naturang hamon, bagay na nagbunga ng impresibong panalo at tinambakan ang kalaban, 108-91.

Maalalang bago ang Game 6 ay kwestyunable ang status ni Haliburton dahil sa kaniyang minor injury sa kanang binti.

Gayunpaman, tuluyan din siyang binigyan ng clearance upang maglaro at kinalaunan ay gumawa ng impresibong 14 points at limang assists sa loob ng 23 mins na paglalaro sa hardcourt.