2025 June Archive - People's Balita

Archive for June, 2025

Malakanyang sa posibleng pag-aresto kay Harry Roque: ‘Wait and see’

Posted on: June 24th, 2025 by @peoplesbalita No Comments

“WAIT and see.”

Ito ang naging tugon ni Palace Press Officer at Presidential Communications Undersecretary Claire Castro sa press briefing sa Malakanyang nang hingan ng komento sa naging hamon ni dating presidential spokesperson Harry Roque sa administrasyong Marcos na “come and get me.”

Sinabi ni Castro na hinihintay lamang Department of Justice (DOJ) ang formal notice sa asylum bid ni Roque.

“Ayon naman po sa DOJ ay naghihintay lamang po ng formal notice na patungkol po dito sa kaniyang asylum. Kung ang sinasabi po niya, ‘Come and get me,’ ayon naman po sa ating pamahalaan ‘Wait and see,'” ayon kay Castro.

Sinabi pa ni Castro kay Roque na hindi dapat nito minamaliit ang intelligence gathering at kakayahan ng intelligence officers ng bansa.

“Huwag niya pong ipagsawalang-bahala ang intelligence, ang assets po ng DOJ.At hindi naman po namin iti-telegraph ang mga punches ng gobyerno katulad ng kanyang ginagawa,” ang sinabi nito.

Nito lamang Huwebes, Hunyo 19 nang bitawan ni Roque ang katagang “come and get me” bilang tugon pa rin kay Castro na nakahanda raw ang gobyerno upang tuluyan siyang maaresto.

Matatandaang si Roque ay ikinokonsiderang nagtatago sa batas matapos maglabas ang Angeles City Regional Trial Court (RTC) Branch 118 laban kay Roque at Cassandra Ong dahil sa umano’y human trafficking kaugnay ng mga operasyon ng isang Philippine Offshore Gaming Operator (POGO) hub sa Pampanga. (Daris Jose)

PBBM, pinangunahan ang pag-inspeksyon sa Port of Marawi

Posted on: June 24th, 2025 by @peoplesbalita No Comments

BINISITA ni Pangulong Ferdinand R. Marcos Jr. para inspeksyunin ang Port of Marawi bilang bahagi ng kanyang site visits para tapusin ang ‘recovery and reconstruction projects’ sa Marawi City, Lanao del Sur, araw ng Lunes, Hunyo 23, 2025.

Ang Port of Marawi, may kabuuang halaga na P261.5 million, tampok ang “isang 8,000-square-meter backup area, isang single-storey passenger terminal building na may seating capacity na 132, isang one-storey fish port, berthing facilities para sa ‘fast craft’, at isang Roll-on/roll-off (RoRo) ramp.”

Bago pa ang development nito, ang tanging existing facility sa port o daungan ay ang causeway o daanan ng mga sasakyan na ginagamit ng lokal na mangingisda, ang port ay inaasahan na makapagpapahusay sa transportasyon at kalakalan sa rehiyon.

Ang protekto ay bahagi ng Marawi Recovery, Rehabilitation, and Peacebuilding Program (MRRP) na pinangunahan ng Office of the Presidential Adviser for Marawi Rehabilitation and Development (OPAMRD), dating kilala bilang Task Force Bangon Marawi.

Ito’y inisyatiba ng Office of the President (OP) para mapabilis ang ”recovery, reconstruction at rehabilitation’ ng Lungsod na sinalanta ng five (5)-month long siege dahilan para ma-displaced ang halos 400,000 residente noong May 23, 2017.

Samantala, dumating na ang Starlink unit na ibinigay ni Pangulong Marcos para sa mga mag-aaral at guro ng Temporary Learning Spaces sa Marawi City.

Magkakaloob din ang Pangulo ng tig-iisang Starlink sa Bangon Elementary School, Bacarat National High School, Angoyao National High School at Cabasaran Primary School para mas mapalapit ang internet sa mga liblib na paaralan. (Daris Jose)

Sa gitna ng labanan sa Gitnang Silangan: Alert level 3, itinaas ni PBBM sa Iran at Israel

Posted on: June 24th, 2025 by @peoplesbalita No Comments

ITINAAS ni Pangulong Ferdinand Marcos Jr. ang Alert Level 3 sa Iran at Israel.

Sa katunayan, inatasan ni Pangulong Marcos ang lahat ng mga kinauukulang ahensiya ng pamahalaan na gumawa ng kaukulang hakbang upang matiyak ang ligtas, napapanahon at maayos na pagbabaik sa bansa ng mga Filipinong manggagawa na nais na mag-avail ng voluntary repatriation program.

Sa kabilang dako, nakatakda namang tanggapin ni Secretary Hans Cacdac ng Migrant Workers (DMW), na kasalukuyang nasa Amman, Jordan, ang first batch ng 26 repatriates mula Israel at King Hussein Crossing.

“In Israel, we have already provided food packs and financial help to our kababayans. Many are staying in our migrant workers’ office hostel with more space ready should it be needed,” ayon sa Pangulo.

Kasalukuyan na aniyang pinproseso ang 200 requests o kahilingan para sa repatriation at mabilis na kumikilos para maiuwi na ng Pilipinas ang mga ito habang ang iba naman ay mas pinili na manatili sa kanilang trabaho.

“We continue to monitor our OFW caregiver who remains in hospital— stable but still on oxygen support and a ventilator. We are in touch with her family and are making sure she gets the care that she needs,” ang sinabi pa rin ng Pangulo.

Sa Iran naman aniya, naghahanda ang embahada para sa repatriation ng initial batch na walong Filipino sa mga darating na araw.

Sa pagdating sa Pilipinas, makatatanggap ang mga ito ng agarang suporta mula sa gobyerno kabilang na ang P150,000 na kagyat na tulong, ilang accommodation, transport at livelihood support’ na may training vouchers upang tulungan ang mga ito na makabangon at mkapagsimulang muli.

“And for those who choose to stay home for good, we will be there to help with skills training, job matching, startup capital, and support to begin a small business or find new opportunities,” ayon sa Pangulo.

Samantala, hinikayat naman ng Pangulo ang mga kapwa niya Filipino na makipag-ugnayan sa mga embahada sa Tel Aviv at sa Tehran.

Ang payo naman ng Pangulo ay “Please follow their guidance, inform them of your situation, and do not hesitate to ask for assistance.”

“Your government continues to act and is ready to serve to protect your safety and well-being,” ang tinuran ng Pangulo sabay sabing

“Nothing is more important than the safety of every Filipino.” (Daris Jose)

Bucks wing player Pat Connaughton, kinuha ang $9.4-M player option deal para sa 2025-26 Season

Posted on: June 23rd, 2025 by @peoplesbalita No Comments

Kinuha ni Pat Connaughton, wingman ng Milwaukee Bucks, ang kanyang player option para sa 2025-26 NBA season na nagkakahalaga ng $9.4 million, ayon sa mga ulat nitong Sabado (oras sa Amerika).

Ang 32-anyos na beteranong manlalaro ay may hanggang Martes para gamitin ang opsyon sa huling taon ng kanyang tatlong taong extension na nagkakahalaga ng $28.5 million, na nilagdaan nito noong 2022.

Noong nakaraang season, matatandaan na nagtala si Connaughton ng 5.3 points, 2.7 rebounds at 1.7 assists sa loob ng 41 laro, ngunit may mababang 14.7 minutes kada laro kung saan ang kanyang pinakamababa sa pitong taon niya sa Milwaukee.

Bumaba rin ang kanyang 3-point shooting sa 32.1%, ang pinakamababa mula noong rookie season niya noong 2015-16.

Una siyang pinili ng Brooklyn Nets sa second round ng 2015 NBA Draft, ngunit agad ipinadala sa Portland Trail Blazers, kung saan siya naglaro ng tatlong season.

Lumipat siya sa Bucks bilang free agent noong 2018 at naging bahagi ng koponang nagkampeon sa NBA noong 2020-21.

Sa kabuuan ng kanyang karera, si Connaughton ay may averages na 6.0 points, 3.4 rebounds, at 1.4 assists sa 595 laro, kabilang ang 72 bilang starter.

Filipinas inilabas na ang listahan na sasabak sa AFC Women’s Asian Cup

Posted on: June 23rd, 2025 by @peoplesbalita No Comments

Inilabas na ng Philippine Football Federation ang listahan ng Women’s National team na Filipinas na sasabak sa AFC Women’s Asian Cup Qualifiers na gaganapin mula Hunyo 23 hanggang Hulyo 5 sa Cambodia.

Kinabibilangan ito nina : Sara Eggesvik, Kaya Hawkinson, Charisa Lemoran, Isabella Pasion, Alexa Pino, Quinley Quezada, Jaclyn Sawicki, at Ava Villapando para sa midfielders.

Habang goalkeepers naman ay sina Gabrielle Baker, Olivia Mcdaniel, Nina Meollo, at Inna Palacios.

Sa defender naman ay kinabibilangan nina Angela Beard, Malea Cesar, Rhea Chan, Jessika Cowart, Janae Defazio, Hali Long, Katana Norman, at Sofia Wunsoh.

Ang mga forwards naman ay kinabibilangan nina Carleigh Frilles, Nina Mathelus, Chandler Mcdaniel, Meryll Serrano, Dionesa Tolentin, at Chayse Ying.

Nakahanay ang Filipinas sa Hong Kong, Saudi Arabia at Cambodia sa Group G.

AKAP program para sa below minimum wage earners – DSWD

Posted on: June 23rd, 2025 by @peoplesbalita No Comments

Nilinaw ng Department of Social Welfare and Development (DSWD) na target lamang ng Ayuda sa Kapos ang Kita Program (AKAP) ay ang mga indibidwal na ang kita ay mababa pa sa minimum wage na nasa krisis dulot ng epekto ng inflation.

Sinabi ni Director Edwin Morata ng Protective Services Bureau-Crisis Intervention Unit (PSB-CIU) ng DSWD na ang target lamang ng AKAP ay below minimum wage earners at iba ito sa Assistance to Individuals in Crisis Situation (AICS).

Aniya ang AICS ay bukas sa lahat ng mamamayan na mahirap o may kaya sa buhay na nakakaranas ng malubhang sitwasyon ng krisis anuman ang economic status nito.

Sa tala mula Enero hanggang Hunyo 19, 2025, ang DSWD ay nakatulong na sa 892,061 below minimum wage earners sa ilalim ng AKAP habang nasa 5,446,941 katao na dumadanas ng krisis ang nagbenepisyo sa AICS sa buong bansa.

“Ang tinatarget natin dito [AKAP] ay earning individuals na kumikita pero ang kita nila ay hindi sapat. So maaaring may source of income sila pero hindi pa rin nila kayang itaguyod o itawid ang pangangailangan nila. What makes it different from AICS, sa AICS hindi tinitignan ang economic status nila. Sitwasyon agad ang tinitignan namin. This time, naglagay lang ng determining indicator for AKAP na individual earning below minimum wage,” saad pa ni Morata.

Walang inihain na reklamo ang Kamara sa Ombudsman vs VP Duterte para sa kasong plunder, malversation

Posted on: June 23rd, 2025 by @peoplesbalita No Comments

BINIGYANG linaw ng Kamara na hindi ito naghain o nagpasimuno ng paghahain ng anumang uri ng pormal na reklamo sa Office of the Ombudsman laban kay Vice President Sara Duterte, sa kasong plunder, technical malversation at corruption.

“We have not received a copy of the said order to file a counter-affidavit. Ako, personally, I’ve learned about it through the reports, and I’ve seen it on social media,” pahayag ni House spokesperson Atty. Princess Abante.

Sinabi pa ito na sa kanyang pagkakaalam ay hindi maghahain ang Kamara o Committee on Good Government and Public Accountabilityng anumang complaint, ngunit lumalabas na inaksyunan ng Ombudsman ang rekomendasyon ng komite.

“The plenary adopted the report of the Committee on Good Government and Public Accountability on June 10. And the committee report was furnished to the Ombudsman… they received it on June 16.

So, it appears that the Ombudsman acted upon the recommendation of the committee,” pahayag pa ni Abante.

Paliwanag ni Abante na may kapangyarihan ang Ombudsman para umakto ng sarili.

“The action of the Ombudsman was upon the recommendation of a committee report from the House of Representatives. (The) Ombudsman can initiate investigations or their own. So, again it was an initiative of the Ombudsman acting upon the recommendation of the House committee,” ani Abante.

(Vina de Guzman)

Malimit na pagta-travel abroad ni VP Sara Duterte kinukuwestiyon ng mambabatas

Posted on: June 23rd, 2025 by @peoplesbalita No Comments

“Sara all.”

Ito ang reaksyon ni House Spokesperson Atty. Princess Abante nang tanungin ukol sa naging biyahe ni Vice President Sara Duterte sa Australia, kung saan napaulat na pagdalo nito sa “Free Duterte Now” rally bilang suporta sa kanyang amang si dating Presidente Rodrigo Roa Duterte.

Sinabi ni Abante na hindi niya makumpirma kung ang biyahe ng VP ay personal o official, ngunit iginiit nito na ang isang halal na opisyal ay dapat gamitin ang panahon at oras para sa pagbibigay serbisyo sa taumbayan at hindi lamang para sa personal agenda.

“Pero alam n’yo, hindi ko alam kung if that is an official travel or if it’s a personal travel. But lagi-lagi, bilang halal na opisyal ng bayan, ‘yung oras mo na ginugugol, oras mo sa loob at labas ng ating bansa, ito man ay pang-personal o official, dapat para sa taumbayan, hindi sa personal na interes,” giit nito.

Napaulat ang pagbiyahe ng VP sa Australia at pagdalo sa “Free Duterte Now” rally na nagbigay pag-alala sa ilang watchdog groups at political observers, partikular na ang isyu na lumilitaw na may pagka-partisan ito.

Ilang ulit nang nanawagan ng transparency at accountability ang Kamara sa government spending, lalo na sa mga nagdaang kontrobersiya na bumabalot sa paggamit ng VP sa confidential funds noong kanyang termino bilang education secretary. (Vina de Guzman)

Walang inihain na reklamo ang Kamara sa Ombudsman vs VP Duterte para sa kasong plunder, malversation

Posted on: June 23rd, 2025 by @peoplesbalita No Comments

BINIGYANG linaw ng Kamara na hindi ito naghain o nagpasimuno nang paghahain ng anumang uri ng pormal na reklamo sa Office of the Ombudsman laban kay Vice President Sara Duterte, sa kasong plunder, technical malversation at corruption.

Sinabi pa ito na sa kanyang pagkakaalam ay hindi maghain ang Kamara o Committee on Good Government and Public Accountability ng anumang complaint, ngunit lumalabas na inaksyunan ng Ombudsman ang rekomendasyon ng komite.

“The plenary adopted the report of the Committee on Good Government and Public Accountability on June 10. And the committee report was furnished to the Ombudsman… they received it on June 16.

So, it appears that the Ombudsman acted upon the recommendation of the committee,” pahayag pa ni Abante.

Paliwanag ni Abante na may kapangyarihan ang Ombudsman para umakto ng sarili.

Teenager, kulong sa baril sa Caloocan

Posted on: June 23rd, 2025 by @peoplesbalita No Comments

REHAS na bakal ang kinasadlakan ng 18-anyos na binata matapos damputin ng pulisya makaraang isumbong ni ‘Marites’ na may dalang baril sa Caloocan City.

Sa ulat, nagpapatrulya ang mga tauhan ni Caloocan Police Acting Chief P/Col. Joey Goforth, dakong alas-2:55 ng madaling araw sa Brgy. 132, Bagong Barrio nang isang concerned citizen ang lumapit at inireport ang hinggil sa isang lalaki na armado ng baril.

Nang puntahan ng mga tauhan ng Bagong Barrio Police Sub-Station 5 ang lugar, nakita nila ang lalaki na tinukoy ng concerned citizen na nakaupo sa isang motorsiklo at may hawak umanong baril.

Maingat nilang nilapitan ang binata saka sinunggaban ang hawak na isang kalibre .9mm Armscor pistol na kargado ng anim na bala sa magazine.

Nang walang naipakitang mga dokumento ang suspek na si alyas “Nono” hinggil sa legalidad ng naturang armas, binitbit siya ng pulisya para sampahan ng kasong paglabag sa R.A. 10591 (Comprehensive Firearms and Ammunition Regulation Act) sa Caloocan City Prosecutor’s Office.

Pinuri naman ni P/BGen. Arnold Abad, Acting District Director ng Northern Police District (NPD), ang mabilis na pagtugon ng Caloocan police sa pagtiyak ng kaligtasan ng komunidad. (Richard Mesa)