2025 June 28 Archive - People's Balita

Archive for June 28th, 2025

Ads June 28, 2025

Posted on: June 28th, 2025 by @peoplesbalita No Comments

Napili naman ang GMA Pictures bilang ‘Producer of the Year’: Nathan Studios nina SYLVIA, gagawaran ng special award sa ‘8th EDDYS’

Posted on: June 28th, 2025 by @peoplesbalita No Comments

ESPESYAL na bahagi ng inaabangang 8th EDDYS ng Society of Philippine Entertainment Editors (SPEEd) ang pagkilala sa Producer of the Year at Rising Producer of the Year award.

Ito’y taun-taong iginagawad ng The EDDYS o Entertainment Editors’ Choice upang pahalagahan ang mga production company na hindi sumusuko at patuloy ang pagsugal sa industriya ng pelikulang Pilipino sa kabila ng kinakaharap na mga pagsubok.

Sa ika-8 edisyon ng The EDDYS, ia-award ang Producer of the Year sa GMA Pictures na siyang nasa likod ng mga blockbuster at premyadong pelikula na “Fireflies”, “Green Bones” at iba pang mga makabuluhang pelikula na tumatalakay sa totoong mga pangyayari sa ating bayan.

Co-producer din sila ng pelikulang “Hello, Love, Again.”

Ang Rising Producer of the Year award naman ay ipagkakaloob sa Nathan Studios Inc. (na pag-aari ng pamilya ni Sylvia Sanchez), ang nag-produce ng Metro Manila Film Festival 2024 entry na “Topakk” at ilang digital series, kabilang na ang “Cattleya Killer.”

Bukod dito, ilang special awards din ang ipagkakaloob sa 8th EDDYS. Ang showbiz columnist, TV-online host at content creator na si Ogie Diaz ang tatanggap ng Joe Quirino Award habang ang Manny Pichel Award ay igagawad sa dating entertainment editor na si Crispina Belen.

Maaalalang si Joe Quirino o JQ ay isang entertainment columnist na sumikat bilang host sa telebisyon noong 1970s at 1980s. Habang si Manny Pichel ay isang mahusay na entertainment broadsheet editor/writer.

Para naman sa Isah V. Red Award na ipinagkakaloob ng The EDDYS taun-taon sa mga personalidad na walang sawang tumutulong at nagbibigay inspirasyon sa mga kababayan nating nangangailangan, ipagkakaloob ito sa actor-entrepreneur-producer na si RS Francisco.

Kabilang din sa magiging highlight ng ika-8 edisyon ng The EDDYS ang pagkilala at pagbibigay-parangal sa anim na Movie Icons – sila ay ang mga respetadong veteran star na sina Laurice Guillen, Odette Khan, Perla Bautista, Pen Medina at mag-asawang Rosemarie Gil at Eddie Mesa.

Mamimigay rin ng 14 acting at technical awards ang SPEEd na pipiliin mula sa mga nominadong pelikula na ipinalabas sa mga sinehan at ilang digital platforms noong 2024.

Muli ring bibigyang-pugay ng samahan ng mga entertainment editors sa Pilipinas, na binubuo ng mga current at former entertainment editors ng mga leading broadsheet, top tabloid newspaper at online portals, ang mga tumaya para sa patuloy na pagbangon ng Philippine movie industry sa ikalawang taon ng The EDDYS Box Office Heroes.

Ang 8th EDDYS ay gaganapin sa July 20, 2025 sa Ceremonial Hall ng Marriott Grand Ballroom sa Newport World Resorts, Pasay City, at magkakaroon ng delayed telecast sa Kapamilya Channel, Jeepney TV at may worldwide streaming sa iWantTFC sa July 27, Linggo.

Co-presenter ng event ang Newport World Resorts at ABS-CBN sa ilalim ng production ng Brightlight Entertainment na pinangungunahan ni Pat-P Daza at ididirek muli ni Eric Quizon.

Ang SPEED ay pinamumunuan ng kasalukuyang presidente ng grupo na si Salve Asis ng Pilipino Star NGAYON (philstar/ngayon) at Pang Masa (philstar/pangmasa).

Para sa karagdagang detalye, maaaring i-follow ang official Facebook page ng The EDDYS (The Entertainment Editors’ Choice).

(ROHN ROMULO)

‘Di siya ganung ka-focus noong nag-uumpisa: LANI, sobrang na-impress sa mga baguhang singers

Posted on: June 28th, 2025 by @peoplesbalita No Comments

BAGO nakilalang Asia’s Nightingale ay dumaan din si Lani Misalucha sa pagiging baguhang singer.

Kaya naman ngayong siya ay judge na sa ‘The Clash 2025’ ng GMA, ano ang nararamdaman niya kapag nakikita niya ang mga baguhang mang-aawit na susubok ng kanilang kapalaran sa showbiz?

“Oh my gosh! Sabi ko dito sa mga bagong singers na ‘to, I’m so impressed with them, sa totoo lang.

“Because nung ako ay nag-uumpisa, hindi ako ganyan ka-focus, sa totoo lang.

“Probably because, nasabi ko na I wasn’t that focused compared to them because that time you know I was already a mother of two.

“You know parang I was trying to balance the singing side and of course being a homemaker, a mother, you know so hindi ako ganun ka… iyon na nga, ka-focused.

“But these kids you know I can really say that they wanted this, and I can see na talagang mahusay sila, you know?

“Talagang nagko-concentrate sila, alam nila yung ginagawa nila, and the way they sing parang matagal na silang kumakanta.

“So I’m really impressed and I’m grateful na somehow nakikita ko yung sarili ko sa kanila na itong mga ‘to they’re gonna make it and they’ll go places,” pagbabahagi pa ni Lani.

Judge si Lani sa ‘The Clash’ kasama sina Christian Bautista at Ai Ai delas Alas at hosts naman sina Julie Anne San Jose at Rayver Cruz.

Napapanood ito tuwing Linggo, 7:15 pm, sa GMA.

***

PABORITONG singer ni Patrick Marcelino ng grupong Innervoices si Gary Valenciano.

Hindi pa raw siya nagkakaroon ng pagkakataon na makadaupang-palad si Mr. Pure Energy.

“Hopefully one day po talaga ay ma-meet ko siya personally. I’m a big fan, number one po sa mga local artists dito sa Pilipinas.

“Siya po talaga yung number one favorite singer ko,” sinabi pa ng bagong bokalista ng grupo.

Eighteen years old si Patrick noong nagsimula siyang magbanda, pinagsabay niya ang pagkanta at pag-aaral sa kolehiyo.

Ang iba pang miyembro ng Innervoices ay ang leader at keyboardist ng grupo na si Atty. Rey at sina Joseph Cruz (keyboard), Joseph Esparrago (drum), Alvin Hebron (bass), Rene Tecson (lead guitar).

Si Angelo Miguel ang dating bokalista ng grupo.

Kuwento pa ni Patrick, “Pag hindi po talaga nakakasampa si Angelo sa mga gigs, ako po talaga yung tinatawagan ni Sir Rey. Kumbaga ako yung substitute singer lang ni Angelo that time.

“So dun po nag-start.

“Kaya ngayon po hindi po talaga ako nahihirapang makipagtrabaho sa kanila kasi pretty much of Angelo’s song naman nakakanta ko naman.”

At nagkakaisa ang maraming nakakapanood ng mga shows ng Innervoices na very good choice si Patrick na maging bokalista ng Innervoices at maging kapalit ni Angelo.

Ang mga bagong kanta ng Innervoices ay ang “Meant To Be” na nilikha ng leader ng grupo (at keyboardist) na si Atty. Rey Bergado, at ang “Idlip”, “Galaw”, “T. H. A. L. (Tubig, Hangin, Apoy, Lupa)”, “Saksi Ang Mga Tala”, “Handa Na Kitang Mahalin”, at ang “Sayaw Sa Ilalim Ng Buwan”.

Bukod sa regular nilang gig sa 19 East ay napapanood rin ang Innervoices sa Hard Rock Café sa Ayala sa Makati at sa Aromata sa Scout Lazcano sa Morato, Quezon City, at marami pang iba.

(ROMMEL L. GONZALES)

Nag-promise na magiging matatag, ‘I won’t fail you’… ICE, nagluluksa ngayon dahil sa pagpanaw ni Mommy CARING

Posted on: June 28th, 2025 by @peoplesbalita No Comments

NAGLULUKSA ngayon ang OPM icon na si Ice Seguerra dahil sa pagpanaw ng kanyang pinakamamahal na ina na si Caridad Seguerra.

Biyernes ng umaga, June 27 nang ibinahagi ng singer-songwriter ang malungkot na balita sa kanyang Facebook page, kalakip ang larawan nila ni Mommy Caring kasama ang asawang si Liza Diño-Seguerra, at kapatid na si Juan Carlos Miguel.

“This morning, at 7:54 AM, our family said goodbye to the most amazing woman I’ve ever known: my mom, Mommy Caring,” panimula ni Ice.

“Mama lived a full and beautiful life in her own quiet way, and always, always there. Mula bata pa ako hanggang ngayon, she never left my side.

“Every show, every gig, every milestone, she was there. She was always present. Papadalhan ako ng mga paborito kong pagkain, masahe kapag masakit ang ulo ko. She made sure she was there kahit may sarili na kaming mga buhay. Walang palya.”

Pagpapatuloy pa niya, “She supported me not just as an artist, but as her child. She was my fiercest protector. She accepted me and embraced me for who I am, especially who I am not.

“She was my first teacher, my constant cheerleader. My rock. Losing her this morning feels like losing a part of myself. Pero promise ko sa iyo diba, mama, brave ako.

“Ikaw ang nagturo sa akin kung paano maging matatag sa harap ng mga sakit na binabato ng buhay. I won’t fail you. Promise ko yun.

“She is survived by me and my brother, Juan Carlos Miguel.”

Sa bandang huli ng kanyang post, “We will be sharing details of her wake later today.

“Right now, I just want to ask for your prayers and your love for our family, and most of all, for my beloved mama. Salamat po sa lahat ng nakasama namin sa buhay niya.

“Salamat sa lahat ng nagmahal at tinuturing din siyang nanay. You all made her very happy.

“We’ll miss you forever, Mama. Pero magkasama na kayo ni Daddy. And that gives me comfort.

“Mahal na mahal kita, mama ko.”

Makikita naman sa Facebook page ni Ice, na bumuhos ang mga mensahe ng pakikiramay sa pamilya niya mula sa kanyang mga fans at mga kaibigan, lalo na ang mga taga-showbiz, na kung saan nag-post din sila ng mga larawan kasama si Mommy Caring.

Mula dito sa People’s Balita, ang aming taus-pusong pakikiramay.

***

Susan at Empoy, byaheng Hong Kong para sa I Juander anniversary special

KILALA ang Hong Kong na paboritong puntahan ng maraming Pinoy.

Pero bukod sa shopping at maningning na siyudad, ano nga ba ang umaakit sa ating mga kababayan pabalik sa makulay na lungsod na ito?

Para sa espesyal na anibersaryo nito ngayong Linggo (Hunyo 29), aalamin ng I Juander ang mga dahilan kung bakit binabalik-balikan ng mga Pilipino ang paboritong bakasyunan na ito.

Mula sa mga nakamamanghang natural wonders hanggang sa mga hindi malilimutang food trip at pagbabalik-tanaw sa nakaraan, samahan ang mga host ng I Juander na sina Susan Enriquez at Empoy Marquez sa kanilang adventure sa Hong Kong.

“Back Garden of Hong Kong” kung tawagin ang Sai Kung District dahil sa malaparaiso nitong mga isla at dalampasigan.

Pero ang isa raw talaga sa dinarayo dito, ang mga nakamamanghang rock formation sa mga isla. Kaya naman sina Susan at Empoy mismo ang dumayo para mag-island tour dito.

Pagkatapos bumaybay sa naggagandahang isla, ang next stop nila ay food trip!

Ano pa nga ba ang masarap kainin pagkatapos mag-island hopping kung hindi…seafood!

Sa Chuen Kee Seafood Restaurant, mala-dampa style raw ang atake kung saan puwedeng magpaluto ng iba’t ibang klase ng isda, clams, abalone, lobster, o kaya alupihang dagat!

Kainan na may kasamang sayawan — achieved iyan sa tinaguriang “wildest restaurant” sa Wan Chai, ang Tung Po Kitchen! Bukod kasi sa masasarap na Cantonese-style food na kanilang inihahain, sinasayawan din ng may-aring si Robby ang mga customer for more good vibes.

Sa bawat biyahe, bawal umuwi nang walang selfie! Kaya ang Tsinoy photographer at architect na si Ace, inililibot ang mga turista sa iba’t ibang IG-worthy spots para sa kanilang inaasam na turista pose.

Tila naka-time travel kapag sakay ng Aqua Luna na ang disenyo, hango sa tradisyunal na Chinese red sail junk boat na gamit sa pangingisda at pangangalakal noong unang panahon. Hindi rin magpapahuli sa throwback ang mahigit 100-year old na dimsum parlor na Lin Heung Lau Restaurant.

Mismong ang pambansang bayani na si Dr. Jose Rizal, namalagi rin ng isang taon sa Hong Kong. Kaya bilang pag-alala, taun-taong nag-aalay ng bulaklak sa Rednaxela Terrace ang mga Pinoy sa Hong Kong gaya ng photojournalist na si Enrique Rueda Sadiosa.

I Juander, bakit nga ba paboritong dayuhin ng mga Pinoy ang Hong Kong?

Samahan sina Susan at Empoy sa anniversary special na ito ng I Juander, ngayong Linggo, 8 PM sa GTV!

(ROHN ROMULO)

Ruiz, mananatili bilang PCO acting secretary

Posted on: June 28th, 2025 by @peoplesbalita No Comments

SINABI ng Malakanyang na mananatili sa kanyang posisyon bilang acting Secretary ng Presidential Communications Office (PCO) ang veteran journalist na si Jay Ruiz.

Ito ang tugon ni Palace Press Officer at Presidential Communications Undersecretary Claire Castro sa press briefing sa Malakanyang matapos na may kumalat sa social media na balitang mapapalitan sa kanyang puwesto si Ruiz.

”Wala pa pong nakakarating sa akin. Secretary Jay remains to be the acting secretary of PCO. So, kung may mga ugong-ugong, wala pong nakakarating sa amin,” ang sinabi ni Castro.

Matatandaang, kinumpirma ni Executive Secretary Lucas Bersamin na muling itinalaga ni Pangulong Marcos Jr si Jay Ruiz bilang acting Secretary ng Presidential Communications Office (PCO).

Ibinaba ng Pangulo ang reappointment paper ni Ruiz matapos syang mabypass ng Commission on Appointment, kasunod ng sine die adjournment.

Nauna nang sinabi ni Ruiz na inatasan sya ng Pangulo na ipagpatuloy lang ang kanyang trabaho sa PCO.

Si Jay Ruiz ang pang apat na PCO Chief sa ilalim ng Marcos administration. (Daris Jose)

Higit sa 200 mambabatas buo ang suporta kay Speaker Romualdez para sa patuloy na pamumuno sa papasok na ika-20 kongreso

Posted on: June 28th, 2025 by @peoplesbalita No Comments

INIHAYAG ni Manila Rep. Ernesto Dionisio Jr., na nasa 283 mambabatas ang nagpahayag ng kanilang suporta kay Speaker Ferdinand Martin Romualdez sa pagpapatuloy ng kanyang liderato.

Gayundin ang pahayag ni Lanao del Sur Rep. Zia Alonto Adiong na nagsabing “overwhelming” ang suporta kay speaker.

Habang mayorya ang napahayag ng kanilang suporta sa pagpapatuloy ni Speaker Romualdez sa papasok na bagong kongreso, continued leadership, inihayag ng mga ito ang kanilang pagboto sa thep speakership ay personal at voluntary decision.

Ang paglilinaw ng mga kongresista ay ginawa matapos makaharap si Speaker ng mga neophytes at nagbabalik na mambabatas sa isinagawang fellowship dinner.

Nilinaw naman ng mga ito na walang ginawang apela o panawagan si Speaker Romualdez sa kanila na humingi ng suporta sa ginanap na fellowship dinner.

“It was merely getting to know each other kumbaga. So welcoming the incoming members of the 20th Congress, as well as to inspire them. Hindi lang ‘yong mga miyembro na incoming, but also those who were present last night na reelected members ng House,” ani Adiong.

Nagbigay lamang si Romualdez ng guidance sa mga bagong miyembro kung papaano sila mas magiging epektibong lider sa kanilang distrito.

(Vina de Guzman)

6th Navoteño Photo Competition and Exhibition

Posted on: June 28th, 2025 by @peoplesbalita No Comments

PINANGUNAHAN ni Mayor John Rey Tiangco ang pagbibigay parangal sa mga kalahok na nagwagi sa 6th Navoteño Photo Competition and Exhibition kung saan tampok sa exhibit ang mga larawang nagpapakita ng realidad ng maagang pagbubuntis, bilang bahagi ng ika-18th Cityhood Anniversary ng Navotas.

First Place: “Trese” by Joseph Ancero, Second Place: “Isinampay ko Muna ang Pangarap” by Jerimie Manalastas, Third Place: “Maagang Pagharap sa Realidad” by Raymharc Samonte, Fourth Place: “Bitbit na Bukas” by Rey Michael Velasco at Fifth Place: “Dampi ng Pag-asa” by Rhyme Santos. (Richard Mesa)

PBBM, pinangunahan ang inagurasyon ng valor clinic sa Batangas

Posted on: June 28th, 2025 by @peoplesbalita No Comments

PINANGUNAHAN ni Pangulong Ferdinand ‘Marcos Jr. ang inagurasyon ng Valor Access to Lifetime Optimized Health Care Program (Valor) Clinic sa Lipa, Batangas.

Ang nasabing pasilidad ay matatagpuan sa Fernando Air Base.

Kasama ng Pangulo na bumisita sa naturang lugar si Defense Secretary Gilberto Teodoro Jr.

Ang Valor Clinic ay isang proyekto na pinasimulan ng Veterans Memorial Medical Center para palawigin ang serbisyo nito sa iba’t ibang lugar sa bansa kabilang na ang nasa labas ng National Capital Region (NCR).

Sa pamamagitan ng inisyatibang ito, mas maraming mga beterano at dependents ang magagawang makapag-avail ng medical services na ‘deserve’ ng mga ito.

Mapaluluwag din nito ang bilang ng mga pasyente na nakikta sa kanilang pangunahing ospital.

Sa kabilang dako, ang medical facility ay magbibigay ng out-patient based services na pangangasiwaan ng mga tauhan at staff ng VMMC.

Mag-aalok ito ng ‘basic consultation, diagnostic examinations, at maging pharmacy services.

Tampok naman sa pasilidad ang ‘patient waiting area, outpatient consultation rooms, pharmacy unit, blood extraction area, staff pantry at support area, at dedicated teleconsultation facility.’ (Daris Jose)

PBBM sa PAF: Protektahan ang territorial integrity ng Pinas, sovereign rights

Posted on: June 28th, 2025 by @peoplesbalita No Comments

NANAWAGAN si Pangulong Ferdinand R. Marcos Jr. sa Philippine Air Force (PAF) na patuloy na protektahan ang ‘territorial integrity at sovereign rights’ ng Pilipinas, bilang ang bansa ay nahaharap sa external threats.

Sa pagsasalita niya sa PAF Air Education and Training Command (AETC) sa Fernando Air Base sa Lipa City, Batangas, muling pinagtibay ng Pangulo ang patuloy na suporta ng kanyang administrasyon sa ‘modernization efforts’ nito para magbigay sa mga tropa ng ‘best equipment, training, at facilities.’

“Aniya, walang katumbas ang papel ng Philippine Air Force sa mga hamon ng seguridad na kinakaharap ng ating bansa,” ang sinabi ni Palace Press Officer at Presidential Communications Undersecretary Claire Castro sa press sa Malakanyang, tinukoy ang naging pahayag ni Pangulong Marcos sa naging pagbisita nito sa kampo.

“Binigyang-diin ng Pangulo ang kahalagahan ng suporta ng Puwersang Panghimpapawid sa buhay, lakas at pag-asa ng ating Philippine Navy at Philippine Army sa gitna ng laban,” dagdag na wika nito.

Binigyang diin ng Pangulo na sa tulong ng AETC, ang mga sundalo ay naging ‘very well trained at well equipped’ habang ganap na tinutupad ang kanilang mandato sa pagprotekta sa bansa.

Tinatayang may 15,000 estudyante ang sinasanay ng AETC mula 2019 hanggang 2025.

Sa kabilang dako, hinikayat naman ni Pangulong Marcos ang PAF personnel na maging “faithful in [their] service, love their homeland, serve the people, and cherish the trust and respect of the Filipino people.”

“Nagbitaw din ng mensahe at hamon ang Pangulo sa ating kasundaluhan. Binigyan ng direktiba ng Pangulo ang AETC na tiyakin ang pagtugon nito sa mga kursong kinakailangan ng ating Air Force na naaayon sa layunin ng AFP,” ayon kay Castro.

“Nais din ng Pangulo na panatilihing mataas ang kalidad ng programa at siguruhin na natatapos ng bawat estudyante ang kanilang pagsasanay. Ang Philippine Air Force naman, palawigin pa ang pakikipag-ugnayan sa AETC upang masiguro ang mga kagamitan at iba pang pangangailangan ay matugunan,” ang pahayag ni Castro.

Samantala, matapos maihayag ang kanyang talumpati, nakatanggap naman si Pangulong Marcos ng “balispada” (balisong na espada) bilang ‘token of appreciation’ mula sa mga tropa. (Daris Jose)

Ayon sa DBCC mas mataas ang budget ng 7.4% ngayong taon… 2026 national budget, itinakda sa P6.793 trillion

Posted on: June 28th, 2025 by @peoplesbalita No Comments

ITINAKDA ng Development Budget Coordination Committee (DBCC) ang panukalang 2026 national budget sa P6.793 trillion.

Ito’y sinasabing 22% ng gross domestic product ng Pilipinas at 7.4% mas mataas kaysa sa P6.326 trillion budget ngayong taon.

Sinabi ng Department of Budget and Management (DBM) na natanggap nito ang budget proposal ng ahensiya na umaabot sa P10.101 trillion, subalit kailangang suriing mabuti ang mga programa at proyekto dahil sa limitadong fiscal space.

Sinabi ni Budget Secretary Amenah Pangandaman na prayoridad ng panukalang 2026 national budget ang pamumuhunan sa de-kalidad na edukasyon, healthcare, at workforce upskilling.

Ipagpapatuloy din nito ang pamumuhunan sa Build Better More Infrastructure Program, at sa digital transformation.

Kabilang naman sa panukalang spending plan ay ang mahahalagang hakbang na magpapahusay sa ‘climate at disaster resilience, pagpapalakas sa social protection systems, at mas mag-mas magdevolve ng basic services sa local government units.

“By nurturing future-ready generations through coordinated policy implementation and strategic investments, the government is committed to reducing poverty to single-digit levels, creating quality jobs, safeguarding macroeconomic stability…even amidst global uncertainties,” ang sinabi ni Pangandaman. (Daris Jose)