NANAWAGAN si Bayan Muna Chairman Neri Colmenares sa publiko na mag-protesta sa ginawang pagbinbin ng impeachment complaint at iginiit sa senado na mag-convene sa June 21.

Ayon kay Colmenares, kahit naka-adjourned ang ang senado bilang legislative body ay maaarin itong mag-convene bilang Impeachment court dahil hindi naman legislative body ang korte.

 “Clearly, not only the Constitution but even their own rules differentiated the impeachment court from the legislative function of the Senate even suspending the Senate’s legislative business during impeachment trials.  Additionally, Rule 3 of the same Senate Rules commanded that “Upon presentation of the articles to the Senate, the Senate shall specify the date and time for the consideration of such articles. Unless the Senate provides otherwise, it shall continue in session from day to day xxx until final judgment shall be rendered, and so much longer as may, in its judgment, be necessary.” pahayag ni Colmenares na nagsilbing public prosecutor noong impeachment trial ni dating Chief Justice Renato Corona.

Dahil inatasan na rin ang OVP ng Impeachment Court nitong June 11, 2025 na magsumite ng sagot sa loob ng non-extendible period na 10 araw, ay dapat na mag-convene ang konrte sa June 21 upang tanggapin ito at simulan ang trial.

Hinikayat naman ni Colmenares ang kamara na agad sagutin ang kautusan ng impeachment court.

“The House should immediately reply to the order of the impeachment court asserting that the complaint did not violate the Constitution and that it is willing and ready to prosecute it and appear before the impeachment court on June 21,” payo ni Colmenares.

 Kung hindi aniya ito gagawin ng kamara ay baka sabihin ng ilang senador na ang malaking kapulungan ang siyang nagdiskaril sa impeachment sa pamamagitan ng hindi pagtugon at pagsunod sa kautusan.

“The House should throw the ball back to the Senate challenge the Senators to convene as an impeachment court on June 21”.,”pahayag nito.

Hinikayat pa ni Colmenares ang mamamayan, hindi lamang sa Metro-Manila kundi maging sa probinsiya sa buong bansa na magsagawa ng protest actions upang hikayatin ang senado na mag-convene sa June 21 upang magsimula na ang trial.

(Vina de Guzman)

MAHIGPIT na tinutulan ni human rights lawyer at counsel sa mga biktima na si Atty. Neri Colmenares ang aplikasyon para sa provisional release ni dating pangulong Rodrigo Duterte sa International Criminal Court (ICC).

Nirerepresenta ni Colmenares ang mga biktima ng “war on drugs,” ng dating administrasyon,

“There is still a procedure within the ICC that requires the prosecution to comment and the ICC Pre Trial Chamber (PTC) to decide on the application for provisional release. The victims and their legal representatives may still assert their right to submit their opposition to Duterte’s application,” ani Colmenares.

Kung ang claim aniya ng depensa na pumayag ang prosekusyon sa pagpapalaya sa dating pangulo sa kondisyon na susundin at tutuparin ni Duterte ang kanyang obligasyon sa ilalim ng “Annex A” ay totoo, may isyu a rin dito dahil kinontra ito ni Kaufman matapos magsumite ng ibang set of obligations na nasa ilalim ng “Annex B”.

Nangangahulugan aniya na magkakaroon ng debate sa pagitan ng prosecutor at defense kung anong set of obligations ang kanilang susundin bago magdesisyon ang Pre-Trial Chamber (PTC).

Sinabi pa ni Colmenares na ilalaban nila na lalabagin ng pagpapalaya kay Duterte ang Article 58 of the Rome Statute na nagre-require sa personalidad na palalayain ay kailangan munang dumalo sa trial at hindi niya hahadlangan o ilalagay sa alangan ang imbestigasyon o court proceedings.

Sumailalim aniya sa mga pag-atake ang mga biktima at abogado ng mga ito lalo na nang maaresto si Duterte.

‘We strongly urge the ICC not to grant Duterte’s petition. The threats experienced by victims and their lawyers will surely escalate if Duterte is released. The safety of those seeking justice must be prioritized over the convenience of the accused. Mariin naming tinututulan ang petisyon ni Duterte para sa pansamantalang paglaya. Malaki ang panganib na lalo pang tataas ang pananakot sa mga biktima at kanilang mga abogado kapag siya ay pinalaya. Dapat unahin ng ICC ang kaligtasan ng mga naghahanap ng hustisya,” pahayag nito.

Kinuwestiyon din ni Colmenares ang pangako ni Duterte na susundin nila ang kautusan ng korte at dadalo sa pagdinig.

“Pres. Duterte knows that if the charges are confirmed and trial takes place, he has no evidence to prove that he is innocent of the EJKs during his term.  He knows, he will surely get convicted once trial takes place.  So, escape is now an option and he has the resources and the network of support that can facilitate this.  Even Kaufman admitted this when he declared that “The risk of flight cannot be based on the hypothetical because a hypothetical possibility, by its very nature, can never be entirely ruled out”.

Hindi rin aniya totoo ang pahayag ni Duterte na nakasaad sa paragraph 32 ng kanyang aplikasyon na hindi siya kakatakas dahil “does not command the same influence or power.”

Nasa kapangyarihan pa rin aniya ang mga Duterte at nananatiling makapangyarihan na kaya umano nilang ipapatay ang impeachment complaint laban sa bise presidente.

Si dating pangulong Duterte ay nahalal na mayor ng Davao City, ang kanyang anak ang Vice Mayor, ang isa pang lalaking anak ay kongresista at isa pang anak na bise presidente at karamihan sa mga kaanak at supporters ay nasa public office.

“Pres. Duterte has a long history of reneging on his promises and commitments starting with his jet ski antics in the West Philippine Sea.  He has consistently attacked the Court and there is no evidence that Kaufman can submit to prove that he is now willing to follow the orders of the Court. He has the motive and the resources to escape and go to another country or even go back to the Philippines.  The Prosecution and the Court cannot trust Pres. Duterte.”  pahayag pa ni Colmenares.

Nanawagan naman ito sa ICC at international community na manatiling matatag sa pagsusulong ng hustisya,

dapat aniyang masiguro na magkakaroon ng hustisya at mabibigyang boeses at proteksyon ang mga biktima at kanilang pamilya. (Vina de Guzman)

DISMAYADO si Gabriela Women’s Partylist Rep. Arlene Brosas sa kabiguan ng 19th Congress na maipasa ang mga panukalang reporma at kontrobersiyal na paghawak ng senado sa impeachment case laban kay Vice President Sara Duterte.

Nag-adjourned sine die ang kongreso ng hindi naipasa ang dalawang panukalang batas, ang panukalang P200 daily minimum wage hike para sa private sector workers at Absolute Divorce Bill, kapwa ipinanukala ng mambabatas.

“Bilang miyembro ng bicameral panel, ipinaglaban namin sa Gabriela Women’s Party ang legislated wage increase na matagal nang hinihintay ng ating mga manggagawa. Ang kabiguang ipasa ito ay malinaw na kawalan ng malasakit sa mga minimum wage workers na patuloy na namumuhay sa kakarampot na sahod,” ani Brosas.

Isinusulong ng kamara ang panukalang P200 daily increase na doble sa panukalang P100 dagdag sahod ng senado, ngunit walang naganap na pinagka-isa o inamyendahang panukala na naisumite sana kay Pangulong Marcos para malagdaan.

Ikinalungkot din nito ang kawalang aksyon ng senado sa Absolute Divorce Bill, na nanatiling nakabinbin sa kabila ng malawakang suporta ng publiko at matagumpay na pagkakapasa sa Kamara.

“Ang pagtanggi ng Senado na ipasa ang Absolute Divorce Bill ay pag-abandona sa mga kababaihang biktima ng karahasan at mga pamilyang nangangailangan ng pangalawang pagkakataon sa buhay. Sa buong mundo, tayo na lang at ang Vatican ang walang divorce—isang malaking kahihiyan at inhustisya,” pahayag nito.

Dagdag pa ang pagkabinbin ng impeachment case laban kay Vice President Duterte na ibinalik sa kamara, isang aksyon na nakitan ng mga legal scholars na unconstitutional.

“Mahiya naman kayo. Hindi tungkulin ng Senado na ibalik ang mga artikulo ng impeachment. Maliwanag sa Konstitusyon na eksklusibong kapangyarihan ng House ang magpasimula ng impeachment, at ng Senado ang maglitis. Ang ginawa nila ay malinaw na paglabag sa proseso at sa Saligang Batas,” diin ni Brosas.

Halata aniyang minaniobra umano ng senado ang impeachment trial para hindi matuloy na isang paglabag sa due at panawagan ng publiko na accountability.

Nanawagan naman ang mambabatas sa papasok na ika-20th kongresso na iprayoridad at agad ipasa ang panukalang wage hike at divorce bill.

“Dapat kumilos ang parehong Kapulungan para hindi mauwi sa wala ang pinaghirapang ilaban ng taumbayan. Hindi puwedeng hayaan na manaig ang pulitikang makasarili sa halip na tunay na hustisya at kapakanan ng masa,” pagtatapos ni Brosas. (Vina de Guzman)

DINAKIP ng pulisya sa loob ng New Bilibid Prison (NBP) sa Muntinlupa City sa bisa ng warrant of arrest para sa kasong rape ang isang sentensiyadong preso, kamakalawa ng gabi.

Sa ulat, nakapiit sa maximum security compound ng NBP si alyas “Popoy”, 40, makaraang masentensiyahan sa kasong panghahalay sa menor-de-edad na batang babae nang matuklasan ng mga tauhan ni Northern Police District (NPD) Director P/BGen. Josefino Ligan na may nakabimbin pa siyang warrant of arrest dahil sa hiwalay na kaso rin panggagahasa.

Kaagad na nakipag-ugnayan si BGen. Ligan kay Bureau of Correction (BuCor) Director General Gregorio Pio Catapang Jr. upang maisilbi ang panibagong arrest warrant na inilabas noong Nobyembre 4, 2021 ng Caloocan City Family Court Branch 130 na kaagad tinugunan ni Catapang.

Dakong alas-6:00 ng gabi nang isilbi nina P/Col. Renante Pinuela, Force Commander ng District Mobile Force Battalion (DMFB) ng NPD ang warrant of arrest laban kay alyas Popoy, gamit ang alternative recording device (ARD) bilang hakbang upang matiyak na malinis ang proseso ng isinagawa ng mga pulis. (Richard Mesa)

TINULIGSA ng mga mambabatas ang kabiguan ng Senado na maipasa ang panukalang P200 dagdag sahod.

“This is a monumental betrayal of workers,” ayon kay Kamanggagawa Partylist Rep. Eli San Fernando.

Bukod sa Senado, binatikos din ng mambabatas ang Malacañang kasunod na rin sa kabiguan ng Bicameral Conference Committee na maisapinal at maipasa ang ₱200 legislated wage hike bago nagsara ang ika-19th Congress.

Ayon pa sa mambabatas, pinagkaitan ng Senado at Palasyo ang manggagawang Pinoy.

“The ₱200 wage hike could have brought immediate relief to millions of workers barely surviving on starvation wage Instead, what we got was delay, disregard, and excuses. Sa lahat ng drama at palabas ng mga nasa kapangyarihan, ang mga manggagawa na naman ang naiwan sa ere,” ani San Fernando.

Ang panukala ay inaprubahan sa ikatlo at huling pagbasa sa dalawang kapulungan ng Kongreso, sa Kamara nitong Hunyo habang ang Senado ay ipinasa noong Pebrero 2024 ang panukalang ₱100 wage increase.

Nabigo ang dalawang kapulungan na ma-reconcile ang kani-kanilang bersyon ng panukala bago magtapos ang 19th Congress.

Sinisi rin ni San Fernando si Senate President Francis “Chiz” Escudero, na inilihis umano ang responsibilidad sa pamamagitan ng pagkuwestiyon sa kabiguan naman ng Kamara na buksan ang isyu sa LEDAC.

“Senate President Escudero spent more time blaming the House than fighting for workers. He had the power to act swiftly and decisively. Instead, he chose to delay. Ang tanong: sino ba ang tunay niyang pinaglilingkuran? Mga manggagawa ba o mga negosyante at oligarko?” pagtatanong nito.

Inihayag naman ni House of Representative Spokesperson Atty. Princess Abante, na kinondena ng mga House bicameral conferees ang pagtanggi ng senado na mag-convene bilang bicameral conference committee para sa panukalang legislated wage hike.

“Let’s not sugarcoat it — the Senate killed the ₱200 wage hike bill. Last night was the final session of the 19th Congress. No bicam. No compromise. No wage hike. And the reason is simple: Ayaw ng Senado makipag-usap. Gusto nila, tanggapin na lang nang buo ang ₱100 nila. Bakit? Bakit binabarya ng Senado ang mga manggagawa?'” pahayag ni Abante.

Sinabi nito na pinaghandaan ng House bicameral conferees ang pagsasagawa ng bicam upang ma-reconcile ang magkaibang bersyon ng panukala ngunit hindi nagkaroon ng pagpupulong.

“Tumaas ang kilay ng bicam conferees namin nang tanungin kung ano ang nangyari. They were ready to sit down, defend the ₱200 proposal, and fight for labor — only to find out the Senate had no intention of meeting at all,” dagdag nito. (Vina de Guzman)