PAGKATAPOS ma-defend ni Sparkle teen star Sofia Pablo at ng kanyang group mates ang kanilang thesis noong nakaraang buwan, binalita nito na officially ay ga-graduate na siya sa senior high school sa UST Angelicum College.

Pinost last June 2 ng 19-year old Kapuso Next Gen Leading Lady via Instagram ang kanyang kasiyahan na tapos na siya sa senior high school at bilang bonus sa kanyang sipag at tiyaga, tatanggap siya ng award.

“Officially done with SHS. I couldn’t hold back the tears when we received a letter from the principal that I’ll be graduating with honor: Blessed Jordan of Saxony General Excellence Award for Academic Year 2024–2025

“balancing life as an actress and a student was never easy — but every sleepless night, every exam, quiz, and presentation in between work, and every sacrifice along the way… was so worth it

“we made it, self,” caption ni Sofia.

Kahit nga naging busy si Sofia sa taping ng kanyang pinagbibidahan na GMA Afternoon Prime teleserye na ‘Prinsesa Ng City Jail’, hindi ito nagpabaya sa kanyang pag-aaral. Minsan daw ay dinadala niya sa taping set ang kanyang assignments at kapag break time ay pinagsasabay niya ang pag-aaral sa pag-memorize ng script.

Last May 2, na-defend ng maayos ni Sofia at ng kanyang group mates ang kanilang thesis titled “Consumer Behavior Towards Online Shopping Fraudulent Incidents in Quezon City” na requirement para sa kanilang Accountancy, Business and Management (ABM) Strand.

Noong February naman ay nag-pictorial na ang teen actress para sa kanyang graduation photo.

***

SINABI ni Barbie Forteza na iba ang ipapakita niyang character sa Beauty Empire  as Noreen Alfonso, ang rags-to-riches CEO na maghihiganti sa mga gumawa sa kanya ng mali.

Ayon kay Barbie, makaka-relate pa rin ang mga manonood ng Beauty Empire kahit na executives ang ginagampanan nilang karakter.

“Ang istorya namin ay punong-puno ng puso at pagmamahal sa pamilya. With beauty and fashion at its core, we will tackle murder mystery, love for family, revenge.”

Si Kyline Alcantara naman ay humuhugot sa personal niyang mga karanasan bilang si Shari De Jesus na isa ring CEO ng sarili niyang skincare and beauty brand.

“I approached it with a combination of my personal life and the character’s experiences. ‘Yung heartbreak, ‘yung mga experience ko sa buhay, makakadagdag din naman sa pag-atake sa isang karakter.”

Mentor ni Shari si Velma Imperial, ang orihinal na girl boss ng Philippine beauty industry sa Beauty Empire, na gagampanan naman ni Ruffa Gutierrez.

Bilang dating beauty queen, aminado si Ruffa na naka-relate siya sa karakter niya.

“Because Velma is, you know she’s a very ambitious and powerful woman, and yet, behind that, she’s very soft. Nagmahal, nagkaroon siya ng heartbreak, and I think, me as Ruffa, marami na rin akong heartbreak na pinagdaanan sa buhay ko.”

Si Sam Concepcion naman ang gaganap na Migoy, ang pulis na kababata ni Noreen.

Ayon kay Sam, marami siyang na-experience na firsts sa Beauty Empire: “It’s been a really great experience being here, working with the team, working with such generous and talented actors.”

Kasama rin sa Beauty Empire sina Gloria Diaz, Choi Bo-min, Chai Fonacier, at Sid Lucero.

***

WALANG choice ang Broadway diva na si Patti Lupone kundi mag-apologize dahil sa ginawa niyang pambu-bully at racial micro-aggression sa kapwa niya Broadway Divas na sina Audra McDonald at Kecia Lewis.

Dahil sa  “salty, uncensored opinions” ni Lupone, higit na 500 Broadway professionals ang nag-petition na huwag imbitahan si Lupone ng Tony Awards dahil sa kanyang “degrading and misogynistic” comments on Audra ang Kecia.

Agad nag-post ng kanyang apologetic statement on IG ang 76-year old diva.

“For as long as I have worked in the theatre, I have spoken my mind and never apologized. That is changing today. I am deeply sorry for the words I used during The New Yorker interview, particularly about Kecia Lewis, which were demeaning and disrespectful.

“I regret my flippant and emotional responses during this interview, which were inappropriate, and I am devastated that my behavior has offended others and has run counter to what we hold dear in this community. I hope to have the chance to speak to Audra and Kecia personally to offer my sincere apologies. I made a mistake, I take full responsibility for it, and I am committed to making this right. Our entire theatre community deserves better.”

Sumikat si Lupone dahil sa pagganap niya as Evita Peron sa Broadway musical na Evita in 1980. Tatlong beses siyang nanalo ng Tony Award for Evita, Gypsy (2008) and Company (2022).

(RUEL J. MENDOZA)

Matapos na manalo sa 38th Star Awards for TV ng Best Lifestyle and Travel Show na mula sa Philippine Movie Press Club (PMPC), ang “I Heart PH” ay nasa sunod-sunod na panalo nito na nakakuha ng suporta ng Hong Kong Tourism Board (HKTB) bilang bagong partner nito sa pagdadala ng mga pinakabagong trend sa fashion, beauty, lifestyle, food, at travel, na lahat ay may kakaibang pananaw sa Filipino.

Pormal nang sinalubong ng host ng “I Heart PH” na si Valerie Tan ang HKTB sa media launch na ginanap sa Novotel Manila Araneta City, kahapon, June 4.

“The Hong Kong Tourism Board greatly values its partnership with I Heart PH,” say ni HKTB Regional Director Liew Chian Jia.

 “This collaboration presents a unique opportunity to highlight Hong Kong’s rich culinary, cultural, and entertainment offerings to Filipino audiences. Notably, I Heart PH is the first television program in the Philippines to offer a glimpse of Hong Kong Disneyland’s 20th Anniversary celebrations – The Most Magical Party of All.”

Ang multi-awarded events at TV host ay nagsabi sa media tungkol sa kanyang mga pakikipagsapalaran sa Hong Kong.

Naranasan niyang umakyat sa tore na may taas na 14 metro gaya ng ginamit sa taunang Bun Scrambling Competition sa Cheung Chau Island.  Ang nasabing kompetisyon ay taunang ginaganap tuwing buwan ng Mayo sa panahon ng Cheung Chau Bun Festival.

Nagtatampok ang festival ng tradisyonal na Piu Sik parade, kung saan ang mga bata na nakasuot ng costume – kadalasan bilang mga diyos, sikat na Chinese legend, o celebrity – ay dinadala sa paligid ng isla habang nakatayo sa mga steel frame at ang sikat na bun scrambling competition, kung saan umakyat ang mga kalahok sa matataas na bun-covered structures para mangolekta ng “Ping An” (peace) buns.

Natikman pa niya ang mga eksklusibong pagkaing inihain sa orihinal na Tim Ho Wan tulad ngciconic na baked barbecue pork buns, pati na rin ang Roselle-infused crispy red rice rolls at nakakapreskong almond milk tea, na parehong available lang sa Hong Kong.

Ang kanyang pakikipagsapalaran sa pagluluto ay hindi tumigil doon.  Ginalugad din niya ang buhay na buhay na Temple Street Night Market, kung saan nagpakasawa siya sa mga paboritong street treat ng gaya ng buttery egg tarts na fresh from the oven at malutong na Hong Kong-style waffles, isang nostalgic na paborito ng mga lokal.

Bukod pa rito, nilalayon ng HKTB na makahikayat ng mas maraming bisita, partikular na ang mga Pilipino, upang tuklasin ang magkakaibang timpla ng kalikasan, kultura, at lasa ng Hong Kong na ginagawa itong destinasyon.

Sa unang bahagi ng taong ito, ipinagmamalaki ring nakamit ang isang makasaysayang milestone na lumampas sa mga naunang tala na may 1.2 milyong Pinoy na dumating noong 2024.

Samantala, ipinagmamalaki ni Valerie ang pangako na i-promote ang mga nakaka-inspire na kwento at aspirational feature, na nagpapakita ng mga tourist spot dito at sa ibang bansa.

Ngayon sa ika-10 season ng I HEART PH ay naghahanda ng isang serye ng mga kaganapan upang ipagdiwang ang patuloy na tagumpay nito sa “I RUN PH” Fun Run bilang isang kick-off event.  Ang fun run ay magaganap sa UP Diliman sa Hulyo 13, 2025.

Produced ito ng TV8 Media Productions, ang I HEART PH ay mapapanood tuwing Linggo, 10:30 AM sa GTV simula ngayong June 8.