2025 May 27 Archive - People's Balita

Archive for May 27th, 2025

Madaliin ang adopsyon ng SCS Code of Conduct para mapigilan ang maling kalkulasyon sa karagatan

Posted on: May 27th, 2025 by @peoplesbalita No Comments

BINIGYANG DIIN ni Pangulong Ferdinand Marcos Jr., araw ng Lunes ang pangangailangan na madaliin ang adopsyon ng Code of Conduct on the South China Sea para mapigilan maling kalkulasyon sa karagatan.

”We underscore the urgent need to accelerate the adoption of a legally binding Code of Conduct in the South China Sea,” ang sinabi ni Pangulong Marcos sa kanyang naging interbensyon sa ASEAN plenary.

Ito aniya ay upang pangalagaan ang maritime rights, i-promote ang katatagan at mapigilan ang maling kalkulasyon sa karagatan.

Sa naging talumpati ng Pangulo, sinabi nito ang pangangailangan na ipagpatuloy ang ‘engaging partners’ hindi lamang para palawigin ang networks, kundi para panindigan at i-project ang ASEAN values, gaya ng ‘kapayapaan, inclusivity, at shared progress.’

Winika pa ng Pangulo na ang estratehiya ng Pilipinas ay makatutulong upang ipaliwanag ang daan tungo sa mas malalim na katatagan at seguridad.

Ipagpapatuloy din ng bansa ang pagsisikap nito na tiyakin na ang regional bloc ay magiging ligtas, mapayapa, matatag at pinamamahalaan ng batas.

”Yet these objectives can only be realized by working together with our partners as we collectively navigate a constantly shifting global architecture. Sustainable growth requires that we invest in our people,” ang sinabi nito.

Kung matatandaan, sinang-ayunan ng member states ng regional bloc at Tsina na kompletuhin ang Code of Conduct on the South China Sea sa susunod na taon sa kabila ng mga pinagtatalunang isyu na nagsilbing hadlang para matuloy ang paglikha nito, ang naunang sinabi ng Department of Foreign Affairs (DFA) ng Pilipinas. ( Daris Jose)

PBBM, may napili ng susunod na PNP Chief- DILG

Posted on: May 27th, 2025 by @peoplesbalita No Comments

MAY napili na si Pangulong Ferdinand Marcos Jr. na bagong hepe ng Philippine National Police (PNP).

Gayunman, tumanggi naman si Department of the Interior and Local Government (DILG) Secretary Jonvic Remulla na pangalanan ang susunod na PNP chief. Si Pangulong Marcos aniya ang mag-aanunsyo nito.

“Meron na siyang napili. Excellent, very qualified, very dynamic, good track record,” ang sinabi ni Remulla.

Magiging bentahe ani Remulla kung ang susunod na PNP chief ay mayroong mas mahabang termino o panahon para ipatupad ang patuloy na pananaw para sa police organization.

“Ang nangyayari kasi sa atin, a tenure of a chief PNP will only last one year, a little more than one year. Kailangan natin merong continuing vision na may buy-in ng lahat ng PNP as the years go by,” ayon sa Kalihim.

“Ngayon kasi paiba-iba. Every year iba ang directive, vision, mission statement. My goal is that isa na lang. No matter who the Chief PNP is,” aniya pa rin.

Sa Hunyo 7 ay mapapaso na ang extended term ni PNP chief Police General Rommel Marbil.

Samantala, ilan sa mga pangalan na kasama sa pagpipilian ay sina Deputy Chief for Administration LtGen. Jose Melencio, si PNP Deputy Chief for Operations LtGen. Robert Rodriguez, PNP Durectorial Staff Chief LtGen. Edgard Alan Okubo, National Capital Region Police Office Chief PMGen. Anthony Aberin at si Criminal and Investigation and Detection Group (CIDG) Chief PMGen. Nicolas Torre III.

(Daris Jose)

Sa gitna ng krisis sa tulay: Dizon hangad ang madaliang pagsasa-ayos ng Samar port

Posted on: May 27th, 2025 by @peoplesbalita No Comments

HINILING ni Department of Transportation (DOTr) Secretary Vince Dizon sa mga opisyal ng Eastern Visayas na paganahin ang Amandayehan port sa Basey, Samar, sa loob ng dalawang linggo para tugunan ang mga hadlang sa logistic sa gitna ng San Juanico Bridge load limit.

Araw ng Linggo nang bisitahin ni Dizon ang Tacloban at Amandayehan ports, kung saan sinabi nito na ipinag-utos ni Pangulong Ferdinand Marcos Jr. na tiyakin ang ‘uninterrupted movement’ ng mga suplay sa pagitan ng Leyte at Samar provinces sa kabila ng limited access sa mahalagang tulay.

“This is a major emergency, especially with regards to the movement of goods, food, fuel, and construction materials. So we have to find a way to move goods from Samar to Leyte and Leyte to Samar,” ang sinabi ni Dizon matapos ang inter-agency meeting.

At upang masiguro na magpapatuloy ang pagsasaayos sa

Amandayehan Port matapos na pondohan ng DPWH ang inisyal na trabaho, hiniling ni Dizon sa provincial government at lokal na pamahalaan ng Basey, Samar, na i-turn over ang pamamahala ng daungan sa PPA upang sa gayon ay makapaglaan ng pondo para sa rehabilitasyon at pagsasaayos nito.

Kasama naman sa miting sa Tacloban Airport ang mga opisyal mula sa Philippine Ports Authority (PPA), Maritime Industry Authority, Philippine Coast Guard, Department of Public Works and Highways (DPWH), Land Transportation Franchising and Regulatory Board, Office of Civil Defense, Samar provincial government, local government units of Santa Rita in Samar and Tacloban City, Department of Economy, Planning, and Development, at Philippine Chamber of Commerce and Industry (PCCI), Tacloban – Leyte chapter.

Sinabi pa ni Dizon na ang nagpapatuloy na trabaho sa Amandayehan port ay kailangang madaliin upang mapigilan ang matinding pagkaantala sa paghahatid ng goods at magtatag ng alternatibo at mas maiksing ruta papuntang Tacloban mula Samar Island.

Isang kinatawan naman mula sa kontratistang Aqualine Construction ang nangakong tutupdin ang itinakdang deadline ni Dizon.

Sa kabilang dako, sa isinagawang berthing trial at test float sa Amadyehan Port ng RoRo vessel LCT Aldain Dowey, pag-aari ng Sta. Clara Shipping Corp. noong May 22, nakita ng mga awtoridad ang pangangailangan na pagtibayin ang rampa para mapadali at maging magaan ang ang loading at unloading ng wheeled vehicles lalo na sa panahon ng high tide.

Ang travel time sa pagitan ng Tacloban City at Amandayehan port ay wala pang 30 minuto.

Sa kabilang dako, winelcome naman ni Samar Governor Sharee Ann Tan ang naging kautusan mula kay Dizon sa mga kontratista dahil ang port ay ang pinakamahusay at pinakamaikling ruta mula Samar hanggang Leyte.

Sa kasalukuyan, ang mga truckers at cargo vehicles ay gumagamit ng Maguino-o at Calbayog ports sa pribadong daungan sa Ormoc City bilang alternatibong ruta.

Ang travel time sa pagitan ng dalawang daungan na gumagamit ng roll-on, roll-off vessel ay 13 oras na may rate na P15,000 sa higit sa P20,000 kada cargo truck.

“This has been affecting the economy, but we are hoping this will be temporary and this problem will immediately be resolved by the DPWH, PPA, and the DOTr,” ang sinabi ni Tan, idagdag pa nito na ang kakapusan ng fuel supply sa Samar ay nanaranasan na ngayon sa maraming lugar.

“The 10 days that were guaranteed by the secretary are good enough; at least we have a target rather than not knowing when it will start operating,” ang sinabi ni Tan.

Aniya pa, ang nagpapatuloy na pagkaantala sa paghahatid ng goods at produkto ay nagkakahalaga ng P2 billion sa economic loss per day, isinasaalang-alang na rito ang 1,400 trucks na tumatawid sa San Juanico Bridge araw-araw.

“This will cost inflation not only in Region 8 but also in the entire country,” ang dagdag na pahayag ni Tan. ( Daris Jose)

PBBM isusulong na bilisan ang negosasyon sa Code of Conduct sa West Philippine Sea… 46th ASEAN Summit pormal ng nagbukas

Posted on: May 27th, 2025 by @peoplesbalita No Comments

PORMAL ng nagbukas araw ng Lunes, May 26 ang 46th ASEAN Summit 2025 sa Kuala Lumpur, Malaysia.

Eksaktong alas-8:30 ng umaga kanina nang magsimulang magsidatingan ang mga leaders mula sa Southeast Asian Nations.

Isa-isa silang sinalubong ni Malaysian Prime Minister Anwar Ibrahim sa ginanap na welcome ceremony na sinundan ng pagsisimula ng Plenary session kung saan dito ilalatag ang mga agenda na kanilang tatalakayin.

Kabilang sa mga tatalakayin ng ASEAN leaders ang mga regional at global challenges, kabilang ang developments sa South China Sea, sitwasyon sa Myanmar, maritime security, climate change, pabago-bagong takbo ng ekonomiya at digital disruption.

Unang inihayag ni Pangulong Ferdinand Marcos Jr na kanyang isusulong na bilisan ang negosasyon sa Code of Conduct sa West Philippine Sea, South China Sea at ang ethical at responsible Artificial Intelligence (AI) regional framework. (Daris Jose)

Valenzuela Olympics 2025

Posted on: May 27th, 2025 by @peoplesbalita No Comments

OPISYAL na sinimulan ng Pamahalaang Lungsod ng Valenzuela sa pangunguna ni Mayor WES Gatchalian ang Valenzuela Olympics 2025 sa isang masiglang opening ceremony na ginanap sa WES Arena sa Brgy. Punturin.

Ang mga star ng NLEX Road Warriors na sina Asi Taulava, Jake Pascual, at Dave Marcelo ay nakiisa rin sa opening ceremony, na nagpasigla sa mga tao at nagpakita ng suporta para sa mga lokal na atleta.

Ang Valenzuela Olympics na unang inilunsad noong 2022, ay patuloy na itinatampok ang mga talento ng kabataan habang isinusulong ang sportsmanship, camaraderie, at pagkakaisa. (Richard Mesa)

Speaker Romualdez, nakiisa at sa buong bansa sa pagkakapanalo ni Tajarros ng unang gintong medalya sa 2025 Palarong Pambansa

Posted on: May 27th, 2025 by @peoplesbalita No Comments

NAKIISA si Speaker Ferdinand Martin Romualdez sa mga taga-Leyte at Eastern Visayas at sa buong bansa sa pagbati kay Chrisia Mae Tajarros sa pagkapanalo nito ng unang gintong medalya sa 2025 Palarong Pambansa na ginaganap sa Ilocos Norte.

“At just 13 years old, Chrisia Mae has shown the heart of a true champion. Her victory in the 3,000-meter run is a story of redemption, perseverance, and unshakable determination. Coming from last year’s second-place finish, she returned stronger – wiser, faster, and more focused,” anang lider ng Kamara.

Ayon sa Speaker, ang panalo ni Chrisia Mae, isang estudyante ng Tanauan National High School at trainee ng Leyte Sports Academy, ay isang testamento sa kakayanan na makamit ang panalo sa pamamagitan nang pag-invest sa kabataang atleta.

“Her triumph is not only measured by medals – it is marked by courage, discipline, and the power of never giving up. On behalf of the House of Representatives and the people of the First District of Leyte, I salute you, Chrisia Mae. May this be the first of many more victories in your journey. Mabuhay ka!” pagtatapos ni Speaker Romualdez. (Vina de Guzman)

Walang conflict sa pagsama ni De Lima sa House prosecution team sa impeachment trial ni VP Sara

Posted on: May 27th, 2025 by @peoplesbalita No Comments

DINIPENSAHAN ni House Assistant Majority Leader at Lanao del Sur Rep. Zia Alonto Adiong ang pagsama ni Congresswoman-elect Leila de Lima sa House prosecution panel para sa nalalapit na impeachment trial ni Vice President Sara Duterte, na nagsabing walang conflict at mapapalakas ng kanyang kadalubsahan sa extrajudicial killings (EJKs) ang kaso.

Sa isang radio interview sa dzBB, inilarawan ni Adiong ang pagkatalaga kay De Lima na lehitimo, strategic at fully in line sa rules ng House of Representatives, na tumataliwas sa kritisismo ng ilang sektor ukol sa political history ng kongresista kay dating Presidente Rodrigo Roa Duterte.

“Wala naman siyang conflict dahil ang sinasabi naman sa rules, sa aming rules, ay kailangan miyembro ng House of Representatives. Si Congresswoman Leila De Lima naman ay magiging member ng House of Representatives sa 20th Congress,” paliwanag ni Adiong.

Sinabi pa nito na pinapayagan naman ang Kamara na kumuha ng external legal experts para makatulong na mapalakas ang kaso, halimbawa na rito ang naganap na 2012 impeachment trial ni dating Chief Justice Renato Corona.

“Allowed naman din na kumuha ang House of Representatives ng mga private lawyers. Makikita natin dun during the time of Corona na merong nag-appear dyan as members of the prosecution na mga private practitioners na mga lawyers,” pahayag ni Adiong.

Idinagdag pa nito na ang track record at legal experience ni De Lima ay dahilan upang maging kuwalipikado ito na makatulong na ma-prosecute ang verified impeachment charges sa drug war ng dating administrasyon.

“We would not deny that. Isa sa mga Articles of Impeachment ay ‘yung EJK. And I guess the background of Congresswoman-elect De Lima, as far as the issue on EJK is concerned, expertise talaga niya ‘yan,” giit pa nito.

Malaki rin ang kaalaman ni De Lima sa kaso ng pagkawala at bilang ng EJK victims.

Nakapaloob sa Article 5 ng impeachment complaint laban kay Vice President Duterte ang kasong murder at conspiracy to commit murder.

(Vina de Guzman)

Mga opisyal ng Barangay, suspek, patay habang nasa flag raising ceremony

Posted on: May 27th, 2025 by @peoplesbalita No Comments

PATAY ang apat na katao, kabilang ang tatlong opisyal ng Barangay at suspek na dating isang barangay Tanod nang pagbabarilin ng huli sa gitna ng isinasagawang flag-raising ceremony sa Dasmarinas City, Cavite kahapon umaga.

Pawang isinugod sa magkakahiwalay na ospital ang biktimang si alyas Raul, Barangay Chairman ; alyas Marvin, 54, Barangay Kagawad; alyas Jose, 65, Barangay Kagawad, pawang sa Barangay Salitran 3, Dasmarinas City, Cavite, subalit pawang idineklarang patay dahil sa tama ng bala sa katawan.

Malubha namang nasugatan si alyas Christine, SK Secretary na kasalukuyang inoobserbahan pa sa ospital.

Kinilala naman ang suspek na si alyas Ariel, 50, ng Brgy Salitran 3, Dasmarinas City, Cavite, dating Barangay Tanod na nasawi matapos na nagbaril sa saril matapos ang insidente.

Sa ulat, bandang alas-8:00 kahapon ng umaga nang naganap ang insidente sa loob ng Barangay Hall ng Brgy Salitran 3, Dasmarinasa City, Cavite kung saan abala ang mga opisyal sa flag raising ceremony nang lumapit ang suspek at walang sabi-sabing namaril gamit ang di pa nabatid na kalibre ng baril.

Agad na isinugod sa ospital ang mga biktima kung saan dalawa sa kanila ang idineklarang dead on arrival habang namatay habang ginagamot ang isa pa.

Isinugod sin sa Paul Medical Center ang suspek subalit idineklara ding dead on arrival makaraang nagbail sa sarili.

Patuloy naman ang isinasagawang imbestigasyon sa kaso. (Gene Adsuara)

Higit P.3M droga, nasamsam sa HVI drug suspect sa Valenzuela

Posted on: May 27th, 2025 by @peoplesbalita No Comments

TIMBOG ang isang drug suspect na itinuturing bilang high-value individual (HVI) matapos makuhanan ng mahigit P.3 milyong halaga ng shabu sa ikinasang buy-bust operation ng pulisya sa Valenzuela City.

Sa kanyang ulat kay Northern Police District (NPD) District Director P/BGen. Josefino Ligan, kinilala ni P/Col. Relly Arnedo, OIC Chief ng Valenzuela police ang suspek na si alyas “Mac Mac”, 26, ng Brgy. Canumay West.

Ayon kay Col. Arnedo, ikinasa ng mga operatiba ng Station Drug Enforcement Unit (SDEU) sa pangunguna ni P/Capt. Joan Dorado ang buy bust operation, sa koordinasyon sa PDEA matapos magpositibo ang natanggap na impormasyon hinggil sa umano’y pagbebenta ng shabu ng suspek.

Dakong alas-4:30 ng madaling araw nang arestuhin ng mga operatiba ng SDEU ang suspek sa Plastic City Avenue, Brgy. Veinte Reales, matapos bintahan ng P8,500 halaga ng shabu ang isang pulis na nagpanggap na buyer.

Nakumpiska sa suspek ang nasa P50 grams ng hinihinalang shabu na nagkakahalaga ng P340,000, coin purse, P200 cash at buy bust money binubuo ng isang tunay na P500 bill at walong P1,000 boodle money.

Kasong paglabag sa Sections 5 at 11, under Article II ng RA 9165 o ang Comprehensive Dangerous Drugs Act of 2002 ang isasampa ng pulisya kontra sa suspek sa Valenzuela City Prosecutor’s Office.

Pinuri naman ni Gen. Ligan ang pangako at mabilis na pagtugon ng mga operatiba. “Our operatives’ swift action and thorough preparation played a key role in this success. This is proof that with unity and resolve, we can strike hard against illegal drugs,” saad niya. (Richard Mesa)

Kelot, timbog sa sugal at baril sa Valenzuela

Posted on: May 27th, 2025 by @peoplesbalita No Comments

KULUNGAN ang kinasadlakan ng dalawang kelot matapos mahuli sa aktong naglalaro ng iligal na sugal na cara y cruz at makuhanan pa ng baril ang isa sa kanila sa Valenzuela City.

Sa ulat ni Daladanan Police Sub-Station (SS6) Commander P/Capt. Doddie Aguirre kay Valenzuela police OIC chief P/Col. Relly Arnedo, nakatanggap sila ng impormasyon mula sa isang concerned citizen ang hinggil sa nagaganap umanong illegal gambling activity sa D. Santiago St., Brgy. Malanday.

Kagaad inatasan ni Capt. Aguirre ang kanyang mga tauhan na puntahan ang nasabing lugar na nagresulta sa pagkakaaresto kay alyas “Jordan”, 21, at alyas “Mark”, 23, matapos maaktuhang naglalaro ng cara y cruz dakong alas-3:10 ng madaling araw.

Nasamsam ng mga pulis sa luga ang tatlong one-peso cpins na gamit bilang ‘pangara’ at P250 bet money habang nang nakuha naman kay alyas Jordan ang walang lisensiya na isang kalibre .38 revolver na kargado ng tatlong bala.

Mahaharap ang mga suspek sa kasong paglabag sa PD 1602 habang karagdagan na kasong paglabag sa RA 10591 o ang Comprehensive Firearms and Ammunition Regulation Act in relation to Omnibus Election Code ang kakaharapin pa ni ‘Jordan’.

Pinuri naman ni Northern Police District (NPD) District Director P/BGen. Josefino Ligan ang Valenzuela police sa kanilang mabilis na pagresponde.

“This arrest highlights the vigilance and swift action of our personnel. Proactive measures like this are essential in preserving peace and order, especially during sensitive electoral periods,” ani Gen. Ligan. (Richard Mesa)