2025 April Archive - People's Balita

Archive for April, 2025

Tour of Luzon: ‘Great revival’ Stage 3 niratrat ni Cajucom

Posted on: April 29th, 2025 by @peoplesbalita No Comments

HINDI na itinuloy ni Ean Cajucom ng Victoria Sports Cycling Team ang kanyang pag-aaral upang maging full-time cyclist—at hindi niya ito pinagsisihan. Sa halip, nasungkit niya ang panalo sa 135-kilometer Stage 3 ng 2025 MPTC Tour of Luzon, mula Capitol Quezon Avenue sa Vigan, Ilocos Sur hanggang San Juan Municipal Hall. Niratrat ng 22-anyos na si Cajucom ang stage sa loob ng dalawang oras, 51 minuto at 42 segundo, at tinanghal na kampeon sa unang pagkakataon, na may premyong P10,000. Inungusan niya sina Ahmad Syazrin Awang Ilah ng Malaysia Pro Cycling Team at Poul Aquino ng Dreyna Orion Cement. Samantala, si Joo Dae Yeong ng Gapyeong Cycling Team ang kasalukuyang nangunguna sa individual classification na may oras na 7:04:27.

Hospital bills ni Superstar Nora Aunor, sinagot ni PBBM

Posted on: April 29th, 2025 by @peoplesbalita No Comments

KINUMPIRMA ng PCO na si Pangulong Ferdinand Marcos Jr. at Unang Ginang Liza Araneta-Marcos ang sumagot sa hospital bills at ibang utang ni National Artist Nora Aunor. Binayaran ito sa ilalim ng hospitalization benefits para sa national artists, at mula sa personal na pera ng mag-asawa. Pumanaw si Nora Aunor noong Abril 16, 2025 sa edad na 71.

Malakanyang, hindi na nagtaka sa sinabi ni Imee Marcos na may ‘group effort’ laban sa mga Duterte

Posted on: April 29th, 2025 by @peoplesbalita No Comments

HINDI na ikinagulat ng Malakanyang ang pahayag ni Sen. Imee Marcos na may group effort na pabagsakin ang mga Duterte at arestuhin si dating Pangulong Rodrigo Duterte. Ayon kay Palace official Claire Castro, opinyon lamang ito ni Marcos at walang basehan. Si Duterte ay kasalukuyang nakakulong sa The Hague sa kasong crimes against humanity.

75% ng mga Pinoy, mas gusto ang mga kandidato na iginigiit ang karapatan ng Pinas sa WPS — SWS

Posted on: April 29th, 2025 by @peoplesbalita No Comments

BATAY sa SWS April 2025 survey na kinomisyon ng Stratbase Group, 75% ng mga Filipino ang mas gusto ang mga kandidatong iginigiit ang karapatan ng Pilipinas sa West Philippine Sea laban sa China. Bumaba ito ng 3% mula 78% noong Pebrero, habang tumaas naman sa 25% ang hindi sang-ayon. Pinakamarami sa hindi sang-ayon ay mula sa Class E.

Pagkuwestiyon ni VP Sara sa timing ng P20 kada kilo ng bigas, pinalagan ng Malakanyang

Posted on: April 29th, 2025 by @peoplesbalita No Comments

PINALAGAN ng Malakanyang ang pagkuwestiyon ni VP Sara Duterte sa timing ng pilot implementation ng P20 kada kilo ng bigas. Ayon kay Palace Press Officer Claire Castro, walang pamumulitika sa pagbibigay ng ayuda at sinabing pinag-aralan nang mabuti ang implementasyon ng proyekto. Inihayag din na suportado ito ng mga gobernador sa Visayas at inaasahang masusustena hanggang Disyembre.

Ika-87 pumping station ng Navotas, binuksan

Posted on: April 29th, 2025 by @peoplesbalita No Comments

BINUKSAN na ng Pamahalaang Lungsod ng Navotas ang ika-87 Bombastik Pumping Station sa kanto ng Ilang-ilang at Waling-waling Sts., Brgy. Tanza 2. Pinangunahan ni Cong. Toby Tiangco ang pagpapasinaya bilang bahagi ng commitment ng lungsod sa flood control infrastructure.

PBBM, labis na ikinalungkot ang ‘deadly incident’ sa Filipino festival sa Vancouver

Posted on: April 29th, 2025 by @peoplesbalita No Comments

NAKISIMPATIYA si Pangulong Ferdinand Marcos Jr. sa mga pamilya ng mga nasawi at nasaktan matapos araruhin ng isang SUV ang mga tao sa isang Filipino festival sa Vancouver, Canada. Aabot sa 11 katao ang namatay at higit 20 ang nasaktan. Ayon sa ulat ng Vancouver Police, walang indikasyon ng banta bago ang insidente. Ang drayber ay isang 30-anyos na lalaki na may kasaysayan ng mental health issues. Siniguro ng Philippine Consulate General sa Vancouver ang pakikipagtulungan sa imbestigasyon.

Bilang paghahanda sa P20-per-kilo rice program: DA, ipinag-utos na ilipat na ang rice stocks sa Visayas bilang paghahanda sa P20-per-kilo rice program

Posted on: April 29th, 2025 by @peoplesbalita No Comments

INATASAN ni Agriculture Secretary Francisco Tiu Laurel Jr. ang National Food Authority (NFA) na simulan nang ilipat ang rice stocks sa Visayas bilang paghahanda para sa paglulunsad ng P20-per-kilo rice program. Kasunod ito ng pag-apruba ng Commission on Elections (Comelec) sa pag-roll out ng inisyatiba. Ang bigas ay manggagaling sa buffer stocks ng NFA, na umabot sa five-year high na 7.17 million 50-kilogram bags. Sa pinakabagong data, tumaas ito sa 7.56 million bags—sapat para sa 10 araw. Inaasahan ang paglipat mula Mindoro patungong Visayas, kabilang ang Cebu, Negros Island, Samar, at Leyte. Tiniyak ng DA ang kalidad ng bigas sa kabila ng kritisismong natanggap ng programa.

2 Pinay, biktima ng Online Trafficking

Posted on: April 29th, 2025 by @peoplesbalita No Comments

Dalawang babaeng Pilipina ang na-rescue sa NAIA matapos mabuking na papunta sa Bahrain para sa ilegal na trabaho. Ayon sa BI, may hawak ang dalawa ng travel documents at airline ticket na ibinigay ng recruiter. Iniimbestigahan na ang sindikato sa likod ng trafficking scheme.

Pananatiling tahimik ni VP Duterte sa alegasyon ng misuse, abuse ng confi fund: ‘Lalo siyang mababaon’

Posted on: April 29th, 2025 by @peoplesbalita No Comments

Tinuligsa ni Rep. Jefferson Khonghun ang pananahimik ni VP Sara Duterte ukol sa alegasyon ng maling paggamit ng P125M confidential funds sa loob ng 11 araw. Giit ni Khonghun, hindi sapat ang emosyonal na paliwanag at kinakailangang magsalita ang bise presidente sa harap ng Senado.