• October 20, 2025 WordPress timezone: Asia/Manila
    Current date: October 20, 2025
    Current time: October 20, 2025 10:04 AM

  • Ang Diyaryong Pinagkakatiwalaan

Archive for April 30th, 2025

Na-vindicate si Carmina nang atakihin ng bashers: Pagsasalita ni JACKIE, nagkaroon din ng epekto kay KYLINE

Posted on: April 30th, 2025 by @peoplesbalita No Comments

MAGKAIBA ang version ng mga taong malalapit kay Kobe Paras, ang kanyang ina na si Jackie Forster at kay Kyline Alcantara naman na kaibigan o diumano’y girlfriend ng kuya niya.

In fairness kay Kyline, marami itong mga tagahanga. Marami ang talagang nagtatanggol sa kanya. Habang si Kobe naman, dahil na rin sa image nito, sa kabila ng pagpapa-interview ni Jackie, siya pa rin talaga ang tinitingnan ng karamihan na ‘cheater’ at tila nang-api kay Kyline.

Kanya-kanya ng paniniwalaan na lang talaga.

Pero personally, tingin namin, nagkaroon din ng kahit paano, epekto kay Kyline ang pagsasalita ni Jackie. Nagkaroon kasi ng follow-up from her past relationship with Mavy Legaspi.

Parang na-vindicate bigla si Carmina Villarroel nang atakihin ng mga bashers dahil sa diumano’y pagpaparinig kay Kyline. Now na si Jackie naman, naging history repeat itself. Kaya ang payo tuloy ng mga netizen kay Kyline, next time na magbo-boyfriend ito, humanap daw ng ulila na o wala ng nanay. Ha ha!

Ang siste, may nakausap kami, masasabi naming reliable source, naku, mas lalo naming naunawaan ang mga nangyari at nangyayari. Na gets din namin ano ang motibo at kung sino ang mas authentic at hindi.

Anyway, bilang isang babae at nakakatulong din na hindi sumasagot si Kyline, tahimik lang siya, kuha niya ang simpatiya ng karamihan. Yun lang, ito pa lang si Jackie, may CCTV sa bahay kaya tuwing may kausap, nare-record sa cctv.

And that’s includes, yung mga namagitang pag-uusap nila ni Kyline.

 

***

 

LUMABAN na bilang Mayor ng Olongapo City ang manager na si Arnold Vegafria, natalo ito noong nakaraang election.

Pero mukhang naging magandang daan din yun kay ALV dahil nakilala siya na isang anak Olongapo.

Kaya ngayong darating na election, isa rin si Arnold sa tumatakbo bilang Alkalde ng Olongapo. At mukhang mas positibo ang ranking at survey, mas pabor na sa kanya.

Kilala siya sa monicker niya na “Manager ng Bayan” running under the Anak ng Gapo banner, kung papalarin na mananalo, hindi na lamang ang mga talents niyang artista at beauty queens sa ALV ang ima-manage niya, pati na rin ang Gapo.

Totoo rin naman, dati ang Gapo ang mayaman sa economic at tourism, lalo na no’ng nandon pa ang U.S. military bases. At kung mae-elect, marami na siyang plano para sa kanilang bayan.

“This is my fervent wish, to bring back the glory days of Olongapo City the way I remember it best,” sey niya.

Pagdating naman sa mga talents niya, okay raw sa mga ito at suportado siya sa kanyang public service career. In fact, ang alagang si David Licauco ay nakasama na niyang mag-ikot at pinagkaguluhan.

So, how much more pa sa mismong miting-de-avance niya?

(ROSE GARCIA)

Single dad at co-parenting sa dating karelasyon: MARK, anim na taong nawala sa showbiz dahil sa anak na si MARTIN

Posted on: April 30th, 2025 by @peoplesbalita No Comments
HALOS anim na taong namahinga sa showbiz ang male star na si Mark Neumann.
Ano mga naging ganap sa buhay niya sa nakalipas na anim na taon?
Lahad niya, “Just different ano, a lot of work, some insurance, then some business as well as a food consultant.”
Bakit siya nagdesisyon na mag-lie low sa pag-aartista?
“I just wanted to raise my son in peace and you know, to try something else as well.”
May anim na taong gulang na anak na si Mark na si Martin na ang ina ay babaeng Cebuana na hindi taga-showbiz.
“I’m a single dad, I’m co-parenting,” rebelasyon pa ni Mark.
Ang anim na taong pansamantala siyang “nawala” sa showbiz ang edad rin ng anak niya.
“Yeah, because I wanted to raise him in peace as well, one of the reasons.”
Ano naituro kay Mark ng pagiging ama?
“Fatherhood? Patience. A lot of patience and care, sacrifice, and of course, most important of all, love.”
In-open na ba niya si Martin sa publiko?
“I don’t know, probably hindi lang nakita siguro but I brought my son to my tapings.”
Pero sa social media?
“I have videos of him. It’s just not that often because, again, I do really appreciate my private life other than work life.
“So yeah, he’s seen there. No problem.”
Hindi niya kailanman itinago si Martin?
“Why would I? That’s my son.”
Walang karelasyon si Mark sa ngayon.
Nakilala si Mark nang sumali sa Artista Academy ng TV5 na isang artista search show kung saan napasama si mark sa Top 6 finalists.
Huli siyang napanood sa ‘Mga Batang Poz’ series noong 2019 sa iWantTFC.
Ang “Beyond The Call Of Duty” ay pelikulang tungkol sa buhay ng mga pulis at bumbero dito sa ating bansa.
Ang mga bumubuo ng cast ng pelikula, bukod kay Mark ay ay sina Sparkle actor Martin del Rosario, Jeffrey Santos, Teejay Marquez, Mart Escudero, Paulo Gumabao, Maxine Trinidad, Bella Thompson, Lance Lucido, Devon Seron, at Christian Singson.
Ang direktor nito ay si Jose “JR” Olinares na supervising producer rin ng pelikula.
Sina former Ilocos Sur Governor Luis “Chavit” Singson at anak nitong si Stephanie Singson ang mga executive producer ng pelikula (LCS Film Production), si Billy Ray Oyanib ang co-director at si Sam Faj Calaca naman ang tumatayong line producer.
Katuwang nila sa pagbuo ng pelikula ang Philippine National Police PNP), Philippine Public Safey College (PPSC), Bureau of Fire Protection (BFP) at ang PNP Officers Ladies Club (OLC) Foundation, Inc.
Ang PinoyFlix Films and Entertainment Production ang magre-release ng “Beyond The Call of Duty” sa May 28.
(ROMMEL L. GONZALES)

Nanghinayang na hindi nakasama si Gary sa serye: KIKO, goal na maramdaman ng viewers ang espiritu ni FPJ bilang ‘Totoy Bato’

Posted on: April 30th, 2025 by @peoplesbalita No Comments

NGAYONG Mayo, ipinagmamalaking ihandog ng TV5 ang pagbabalik ng isa sa mga kuwentong minahal ng mga Pilipino – ang Totoy Bato.

Hango ito sa obra ni Carlo J. Caparas at sa classic film na pinasikat ni Fernando Poe Jr., ang kapanapanabik na TV adaptation ay mapapanood simula May 5 sa TodoMax Primetime Singko block ng TV5, kapalit ng magtatapos na Lumuhod Ka Sa Lupa.

Matapos ang matagumpay na isang taong pamamayagpag ng Lumuhod Ka Sa Lupa sa primetime, bibigyang-buhay naman ngayon ni Kiko Estrada si Totoy Bato, isang lalaking matatag at hindi matinag sa kanyang paninindigan.

Anyway, malaki ang pasasalamat ni Kiko sa TV5, sa Viva, sa direktor nila na si Direk Albert Langitan.

“This is a collaborative effort,” say ni Kiko sa media conference ng Totoy Bato noong Lunes, April 28, 2025, sa Studio 6 ng TV5, Reliance St., Mandaluyong City.

“This is not me. Hindi lang po ako ito. Lahat po na nandito, ang motto namin is to do simple things extraordinarily well.“That’s Lumuhod Ka Sa Lupa. “At Totoy Bato, ito po ang unang project na kadikit ang Lolo Paquito [Diaz] ko na gagawin ko.

Makakasama ni Kiko ang powerhouse cast ng Totoy Bato  na sina Bea Binene bilang si Emerald Espejo, ang kababata ni Totoy na may lihim na buhay bilang isang agent, at Diego Loyzaga bilang si Dwayne Perez, isa pang kababata na naging mortal na kaaway. Tampok din sa serye ang hanay ng mga tanyag na beteranong artista tulad nina Art Acuña, Nonie Buencamino, Mon Confiado, Mark Anthony Fernandez, at Ms. Eula Valdez. May mga espesyal na pagganap din sina Joko Diaz, Tanya Garcia, Carlene Aguilar, Kean Cipriano, at Ms. Jackie Lou Blanco. Sina Cindy Miranda, Gold Aceron, Ivan Padilla, Andrew Muhlach, Billy Villeta, Benz Sangalang, at Lester Llansang naman ang ku-kumpleto sa cast sa kanilang pagganap sa kanilang mga natatanging karakter.

Ang laking challenge nga nito sa aktor dahil magkasunod ang mga teleserye na siya ang bida.

Pati sa taping ng pagtatapos ng Lumuhod Ka Sa Lupa ay nag-overlap sa simula ng taping ng Totoy Bato.

Saad ni Kiko: “Kailangan galingan n’yong lahat. It’s a team effort.”

“My team is the best. They helped me through the transition, dun sa overlap.

“Kampante ako, at sobrang sigurado ako dahil sa team na meron ako.

“Nag-overlap po kasi ang taping namin sa Totoy Bato, tapos nag-taping pa kami ng Lumuhod, tapos bumalik po ako sa Totoy.

“You know, you take the wins, you take the losses, and kailangan mong i-appreciate yung journey.

“Kung yun yung journey ko sa Totoy Bato, then thank you. It’s the challenge that I accept,” sabi ni Kiko.

“Gusto ko lang sana… eto na ang pagkakataon, e. Ito na yung ibinigay sa akin na biyaya ng Diyos. So, I have to do my best.

“At sana, maramdaman nila yung espiritu ni FPJ, to be honest. Yun yung goal ko ngayon to be honest. Sobrang focused ko dito sa obra ni Carlo J. na ‘to.

“Gaya ng sinabi ko, kadikit po ng pamilya ko ito,” salaysay pa ni Kiko.

Inalok pala ang ama niyang si Gary Estrada na makasama sa Totoy Bato. 

“Actually, funny fact, dapat kasama si Papa dito. Sayang,” may tono na panghihinayang sa tsika ni Kiko.

Sa pagkakaalam daw niya ay talagang kasali pero hindi na raw niya alam bakit hindi ito natuloy.

“I don’t know. I really don’t know… I wish him well. Sana, sana, nagsama kami,”  saad ni Kiko.

“Pero I guess, God said that this is not destiny yet. Kasi feeling ko talaga, tinadhana akong gampanan itong role na ito.”

Sa direksyon ng Lumuhod Ka Sa Lupa director na si Albert Langitan, at sa produksyon ng MavenPro, Sari Sari Network Inc., at Studio Viva, ang Totoy Bato ay muling matutunghayan sa TV5 para itampok ang kuwento ng isang bayaning Pilipino – walang mga superpowers, walang armas, kundi ang malakas na “tibay ng paninindigan.”

Sa makabagong pagbabalik ng Totoy Bato,  muling mabibigyang buhay ang isang minahal na bayani – sa isang kwentong nag-uumapaw sa emosyon at matinding paninindigan. Huwag palampasin ang premiere ng Totoy Bato ngayong Mayo 5, 2025 – subaybayan mula Lunes hanggang Biyernes, 7:15 PM sa TodoMax Primetime Singko block ng TV5 pagkatapos ng Frontline Pilipinas.

(ROHN ROMULO)