Ikinatuwa ni Speaker Martin Romualdez ang projection ng NEDA na magiging upper middle-income country ang Pilipinas sa 2026. Binanggit niya ang mga batas at programang isinusulong ng Kamara para masiguro ang benepisyo ng paglago ng ekonomiya sa karaniwang Pilipino. Kabilang dito ang Trabaho Para sa Bayan Act, PPP Code, Internet Transactions Act, at suporta sa mga sektor gaya ng agrikultura at edukasyon.

Ikinabahala ng mga mambabatas ang ulat ng CHR na pumalo sa 2.7M ang kaso ng OSAEC sa 2023 mula sa 426,000 noong 2019. Ayon kina Gabriela Rep. Arlene Brosas at dating Rep. Sarah Elago, ang problema ay nakaugat sa kahirapan. Nanawagan sila ng mas komprehensibong batas, child-sensitive approaches, at mas malaking pondo sa social services, trabaho, at edukasyon upang tugunan ang problema.

Nangako si senatorial candidate Benjamin “Benhur” Abalos, Jr. na isusulong ang panukalang batas para sa dagdag benepisyo ng mga opisyal ng barangay at tanod, lalo na kung sila ay masugatan o magbuwis ng buhay sa tungkulin. Ito ay matapos ang pagkamatay ng isang kagawad sa New Lucena, Iloilo. Layunin ng panukala ang sapat na pondo, agarang medikal na tulong, at insurance system para sa mga barangay workers. Binigyang-diin ni Abalos ang kakulangan ng LGUs sa pagbibigay ng benepisyo at ang pangangailangang gawing pantay-pantay ang access sa tulong.

HINIKAYAT ni Cagayan de Oro City Rep. Rufus Rodriguez ang Department of Justice (DOJ) na maghain ng kasong kriminal laban sa opisyal at miyembro ng board of directors ng isang kumpanya na kinontrata ng Tsina para sa usapin ng West Philippine Sea. Ang apela ay ginawa ng mambabatas makaraang ibinunyag ni Senador Francis Tolentino, chairman ng Senate special maritime committee, sa isinagawang public hearing nitong Huwebes na ang Makati-based Infinitus Marketing Solutions ay nagsilbi umanong “keyboard warriors” ng Tsina para pabanguhin ang Beijing sa isyu ng West Philippine Sea. “The DOJ and the National Bureau of Investigation should file charges for treason and other violations of the Revised Penal Code and the National Security Act against officers and directors of Infinitus Marketing Solutions. In general, these laws punish any Filipino who betrays or is disloyal to his country and who works against its national interest, sovereignty and territorial integrity,” ani Rodriguez. Idinagdag nito na dapat ding kasuhan ang Chinese embassy officers na nagpasok ng kontrata sa Infinitus bilang “principals by direct participation.” “These Chinese diplomats and embassy staff should likewise be immediately sanctioned by the Department of Foreign Affairs,” giit nito. Hinikayat din ni Rodriguez si Tolentino na ipatawag ang mga opisyal at miyembro ng board of directors ng Infinitus upang magpaliwanag sa kontrata nito sa China. “I am interested in knowing the social media personalities they have engaged and paid to work against our national interest and promote China’s false narratives on the West Philippine Sea,” dagdag nito. Sa ginanap na pagdinig ng senado ntitong Huwebes, inihayag ng isa pang resource person na si National Security Council Assistant Director General Jonathan Malaya na may nakita silang “indicators” na pinoponodohan umano ng Cang ilang kandidato ngayong May 12 elections. (Vina de Guzman)

KULUNGAN ang bagsak ng isang miyembro ng Barangay Task Force matapos mahulihan ng baril sa Caloocan City. Ayon sa ulat, habang nagpapatrolya ang Caloocan Police sa Brgy. 176-E Bagong Silang, isang residente ang nagbigay ng impormasyon na may baril ang suspek. Kaagad siyang sinita ng mga pulis at nakitaan ng kalibre .45 pistola na may anim na bala. Walang naipakitang dokumento ang suspek kaugnay sa armas kaya agad siyang inaresto. Sinampahan siya ng kasong paglabag sa R.A. 10591 at Omnibus Election Code.

LUMAGDA ng isang Memorandum of Agreement (MOA) ang National Housing Authority (NHA) at ang Philippine Fiber Industry Development Authority (PhilFIDA), na layuning magbigay ng mga programang pangkabuhayan sa mga benepisyaryo ng NHA. Sa ilalim ng kasunduan, magsasagawa ang PhilFIDA ng mga pagsasanay sa paggawa ng handmade paper, scrunch, macrame bag, iba’t ibang handicraft, at basic handloom weaving. Layunin nito na bigyan ng kasanayan ang mga benepisyaryo upang makapagsimula ng sariling kabuhayan habang isinusulong ang paggamit ng lokal na yamang hibla. Dumalo sa MOA signing sina NHA CSSD OIC Donhill Alcain, PhilFIDA Executive Director Arnold Atienza, at Fiber Utilization and Technology Division OIC Concepcion D. Jocson.