NASUNGKIT ng Lungsod ng Malabon ang Guiness World Record para sa may pinakamahabang linya ng mangkok ng noodles nang maitala ang 6,549 mangkok na naglalaman ng bantog na Pancit Malabon.

Mismong si Mayor Jeannie Sandoval ay nakibahagi sa preparasyon sa paglalagay ng Pancit Malabon sa mga mangkok na naglalaman ng minimum na 100 gramo ng luto ng noodles hanggang sa maayos na pagpupwesto ng mga ito sa mesa upang masigurong magtatagpo ang magkabilang dulo ng linya na sinimulan pasado alas-11 ng tanghali na ginanap sa Malabon Sports Complex, noong Marso 21, 2025.

Ang kaganapan ay nilahukan ng 12-bantog na mga panciteria sa lungsod na may kanya-kanyang paraan ng pagluluto ng Pancit Malabon na dinarayo ng kanilang mga parokyano.

Ayon kay Mayor Jeannie, nilagpasan nila ang hawak na rekord ng Jinshi Beef and Rice Noodles Association ng China na mayroon lamang 3,988 na linya ng mga mangkok ng noodles.

Sinabi pa niya na hindi lamang ang pagsungkit sa bagong rekord ang kanilang ipinagdiriwang kundi higit ang kanilang mayamang kultura, bantog na mga pagkain, at ang walang hangganang pagtutulungan at bayanihan na sumisimbulo at tumutukoy kung ano ang Malabon.

“Nais din po nating maitala ang Malabon sa mapa ng buong mundo bilang isang lungsod na mayaman sa sining ng pagluluto at nagawa po natin yan ngayong araw,” ani Mayora Sandoval.

Noon pa man ay bantog na, hindi lang sa mga karating lungsod at lalawigan ang Pancit Malabon kundi sa buong kapuluan, na dahilan ng pagdami ng mga panciteriang nagbebenta ng ganitong uri ng pagkaing na may mga sangkap na malalaki o maliliit na noodles, hinimay na tinapa, chicharon, red palm oil, kropek, paminta, fish sauce pusit, hipon, at kalamansi.

Pinangasiwaan ni Guiness adjudicator Sonia Ushirogochi ang naturang kaganapan na kanyang masusing sinuri ang mga pamamaraan at paghahanda bago kumpirmahin ang tamang bilang ng linya ng mga mangkok. (Richard Mesa)

TINURNOVER ni PCpl John Melo De Paz ng Valenzuela Police Sub-Station 3 ang  na si alyas “Allan”, 40, sa imbestigador na si P/MSg Carlito Nerit Jr sa loob ng opisina ng Station Drug Enforcement Unit nakumpiskang hinihinalang shabu sa suspek(SDEU) ng Valenzuela City Police Station upang dalhin sa NPD Forensic Unit para sa laboratory examination. (Richard Mesa)

BAGONG TANGGAPAN NG  ABP PARTYLIST, BINUKSAN

BINUKSAN at binasbasan  nitong Biyernes, Marso 21  ang punong tanggapan ng Ang Bumbero ng Pilipinas (ABP) Partylist sa JW Diokno Boulevard, Pasay City.

Nanguna sa inagurasyon sa kaniang tanggapan ang unang nominado na si Dr. Jose Antonio Ejerrcito “Ka Pep” Goitia kasama  kasama ang iba pang mga nominado na sina Leninsky Bacud, Catleya Cher Goitia, Jose Mari Alfonso Goitia, Carl Gene Moreno Plantado, at Howie Quimzon Manga.

Dinaluhan din ang pagtitipon ang iba’t ibang personalidad sa politika at sektor kabilang si dating Laguna Governor na si ER Ejercito na tumatakbong kandidato sa pagka Mayor sa Laguna at mga anak na si Maria Guaddalupe “Jhulia” at Jorge Antonio Genaro “Jerico” na pawang nagpahayag ng suporta sa ABP Partylist na hinulaan na makakakuha ng tatlong milyong boto sa Laguna.

Kabilang din sa mga sumuporta ang Filipinos Do Not Yield Movement (FDNY-Movement), People’s Alliance for Democracy and Reform (PADER), Alyansa ng Bayan para sa Kapayapaan at Demokrasya (ABKD), Liga Independencia Pilipinas (LIPI),  Isang Bansang Pilipinas (IBP) at ang Kapisanan ng Mamamayang Pilipino (KAMPIL).

Matatandaan na  mula sa ika-14 na puwesto noong Pebrero, umakyat ang ABP Partylist sa ika-12  posisyon, kung saan tumaas ang voter preference nito mula 1.68% patungong 2%  ngayong Marso.

“Narito kami upang ipaglaban ang ating matatapang na bumbero at unang tumutugon, na mga fire rescuers at volunteers   na araw-araw na isinasaalang-alang ang kanilang buhay para sa kaligtasan ng iba. Misyon naming tiyakin na matatanggap nila ang pagkilala, suporta, at mga mapagkukunan na nararapat sa kanila,” ayon kay Dr. Goitia.

Kabilang sa kanilang mga agenda ay Firefighters’ Welfare and Benefits Act; Fire Equipment Modernization Bill at  Community-Based Fire Prevention Program.

Makakikipagtulungan din  ang ABP sa mga lokal na pamahalaan, pribadong organisasyon, at pandaigdigang kasosyo upang palakasin ang kakayahan sa pagtugon sa emergncies at pagpapalaganap ng kaalaman sa pag-iwas sa sunog. (Gene Adsuara)

BINETO (veto) ni Pangulong Ferdinand R. Marcos Jr. ang isang batas na naglalayong ideklara ang Pampanga bilang “Culinary Capital of the Philippines.”

Sa isang liham sa Mababang Kapulungan ng Kongreso na may petsang March 12, ipinaliwanag ni Pangulong Marcos na ang culinary contributions ng Pampanga ay malawak na kinikilala, at ang opisyal na pagkakatalaga rito bilang culinary capital ng bansa ay maaaring magparupok sa pagkakaiba-iba ng Philippine cuisine.

“It cannot be denied that Pampanga is celebrated for its diverse and flavorful dishes, traditional cooking methods, and a strong culture of food innovation,” ang sinabi ni Pangulong Marcos sa kanyang veto message.

“This is consistent with the policy of the government to conserve, promote, and popularize the nation’s historical and cultural heritage and resources, as well as artistic creations,” aniya pa rin.

Gayunman, sinabi ng Pangulo na ang batas ay kapos sa historical basis at mahalagang performance indicators para bigyang katuwiran ang deklarasyon, babala na maaari itong makasakit sa ibang lalawigan na may kahalintulad na mayaman sa culinary traditions.

“I cannot ignore the concerns regarding the declaration’s lack of historical basis, the absence of a thorough study that shows key performance indicators for such designation, and the possibility that the bill may offend sensibilities in other provinces that are equally proud of their culinary contributions,” ang litaniya ni Pangulong Marcos.

Binigyang diin pa rin ng Chief Ececutive na ang Filipino cuisine ay sumasalamin sa ‘cultural at geographic diversity ng bansa, humubog sa naiibang culinary traditions ng mga rehiyon nito.

“Our regions contribute their indigenous dishes with certain recipes that are best done in the areas of origin of their ingredients. All our culinary variations reflect the rich cultural diversity of a group of people scattered among the Philippine islands,” ang tinuran ng Pangulo, binigyang diin ang kahalagahan ng pag-preserba sa nasabing pagkakaiba-iba.

Sa kabilang dako, kinumpirma naman ni Palace Press Officer at Presidential Communications Office Undersecretary Claire Castro na bineto ni Pangulong Marcos ang Senate Bill No. 2797 at House Bill No. 10634 na may titulong “An act declaring the province of Pampanga as the culinary capital of the Philippines.”

“Maganda kasi po ‘yung bill, pero magke-create ito ng discrimination,” ang sinabi ni Castro.

Ang batas, iniakda ng mga Pampanga lawmakers kabilang na si dating Pangulong Gloria Macapagal-Arroyo, naglalayong kilalanin culinary heritage ng Pampanga.

Noong nakaraang taon, inihain ng mga mambabatas mula Pampanga ang House Bill 10014 o panukala na ideklara ang Pampanga bilang “Culinary Capital of the Philippines.”

Pinangunahan ni dating Pangulo Arroyo ang paghahain ng panukala kasama sina Senior Deputy Speaker Aurelio Gonzales Jr., at Representatives Anna York Bondoc at Carmelo Lazatin II na layong palakasin ang gastronomic tourism ng lalawigan.

Malaking tulong din anila ito sa pagbibigay kabuhayan sa mga Kapampangan.

Kaya naman para makuha rin ang suporta ng mga kasamahang mambabatas ay nagkaroon ng food exposition sa Kamara upang ipakita ang cultural heritage ng Kapampangan food at ang ambag nito sa national culinary identity ng Pilipinas.

Ilan sa mga ibinadang pagkain ang sisig, kilayin (kilawin), bistig baka, lagat puso, morcon, at iba pa. (Daris Jose)

INALIS na ng Philippine Health Insurance Corp. (PhilHealth) ang 45 -day benefit limit para matiyak na ang mga serbisyo ng ahensiya ay mananatiling walang hadlang.

Ito ayon kay Presidential Communications Office Undersecretary at Palace Press Officer Claire Castro ay alinsunod na rin sa bilin ni Pangulong Ferdinand Marcos Jr.

Aniya, sinabi ng pamunuan ng PhilHealth, maraming mga serbisyo ang kinakailangan ng higit 45 days na coverage gaya nga lamang ng hemodialysis.

“The 45-day benefit limit is an outdated cost-containment strategy. Naiintindihan natin kung bakit ito inilagay noon, ngunit, sa pagbabago ng ating payment mechanism, napapanahon na rin talagang repormahin ito,” ang sinabi naman ni PhilHealth President and Chief Executive Officer Edwin Mercado.

Winika pa niya na ang panganagilangang medikal ay ” cannot always be predicted or scheduled.”

“Marami ring mga serbisyo ang kinakailangan ng higit sa 45 days na coverage. Kaya naman nagpapasalamat tayo sa PhilHealth Board for approving this policy update,” ang sinabi pa rin nito.

Inanunsyo ng Philippine Health Insurance Corporation (PhilHealth) ang pag-aalis ng 45-day benefit limit sa pagsagot sa medical services partikular sa ilang mga kondisyon, alinsunod sa direktiba ni Pangulong Marcos Jr. na tiyaking hindi maaantala ang serbisyong pangkalusugan para sa mga Pilipino.

Ayon kay PhilHealth Acting President at CEO Dr. Edwin M. Mercado, ang 45-day limit ay isang lumang cost-containment strategy na hindi na angkop sa kasalukuyang panahon.

“Naiintindihan natin kung bakit ito inilagay noon, ngunit, sa pagbabago ng ating payment mechanism, napapanahon na rin talagang repormahin ito. We cannot always predict or schedule our medical needs,” paliwanag ni Dr. Mercado.

“Marami ring mga serbisyo ang kinakailangan ng higit sa 45 days na coverage. Kaya naman nagpapasalamat tayo sa PhilHealth Board for approving this policy update,” dagdag niya.

Bagaman inalis na ang 45-day limit, binigyang-diin ng state health insurer na ang pag-avail ng benepisyo ay dapat nakabatay sa mga sumusunod:

– Medical necessity at tamang treatment plan

– Mga itinakdang Clinical Practice Guidelines (CPGs) ng DOH at PhilHealth

– Quality standards na nakasaad sa PhilHealth Circulars

Samantala, bago pa ang pag-alis ng limitasyong ito, pinalawak na rin ng PhilHealth ang hemodialysis package mula sa 90 sessions patungong 156 sessions.

Sa ngayon, mas maraming pasyente ang makikinabang sa walang limitasyong bilang ng araw ng pagpapaospital na kinakailangan para sa kanilang kalusugan. (Daris Jose)