2025 March Archive - People's Balita

Archive for March, 2025

Chiz: Impeachment trial lalarga sa Hulyo 30

Posted on: March 1st, 2025 by Peoples Balita No Comments

INILATAG na ng Senado ang timetable ng impeachment trial laban kay Vice President Sara Duterte at posibleng simulan ang paglilitis sa Hulyo 30, 2025.

Mismong si Senate President Francis “Chiz” Escudero ang inisyal na naglabas ng timetable at mga gagawin sa impeachment trial.

Isang liham na may petsang Pebrero 24 ang ipinadala ni Escudero sa kanyang mga kasamahan, kay Duterte, at Speaker Ferdinand Martin Romualdez kung saan iminungkahi ang kalendaryo para sa impeachment trial.

Sa Hunyo 2, sa pagbubukas ng sesyon sa alas-3 ng hapon ipiprisinta ang Articles of Impeachment ng mga prosecutors kung kailan aaprubahan din ang revised Rules of Procedure ng Impeachment Trial.

Itinakda naman sa Hunyo 3 ang pagpupulong ng Impeachment Court at panunumpa ng mga nanunungkulang senator-judges.

Gagawin sa Hunyo 4 ang pagpapalabas ng mga “summons” at sa Hunyo 14 hanggang 24 ang pagtanggap ng mga pleadings.

Ang pre-trial ay gagawin sa Hunyo 24 hanggang sa Hulyo 25.

Sa Hulyo 28 magsisimula ang 20th Congress at Joint Session ng Kongreso kung kailan gaganapin din ang State of the Nation Address ni Pangulong Ferdinand Marcos Jr.

Sa Hulyo 29 nakatakdang manumpa ang mga bagong elected senator-judges sa Senado na bubuuin din bilang impeachment court.

Inaasahan namang pormal na magsisimula ang impeachment trial sa Hulyo 30.

Nilinaw ni Escudero na ang nasabing panukalang kalendaryo ng impeachment trial ay pag-uusapan pa at pagde-desisyunan ng Senado sa pagbabalik ng sesyon sa Hunyo 2.

Bukod sa panukalang “calendar for procedures,” kasama rin sa liham ni Escudero sa kanyang mga kasamahan ang Special Order na nagtatakda ng pagtatalaga ng iba’t ibang tanggapan ng Senado bilang administrative support sa impeachment court.

PBBM, pinuri ang patuloy na suporta ng ADB sa Pilipinas

Posted on: March 1st, 2025 by Peoples Balita No Comments

PINURI ni Pangulong Ferdinand R. Marcos Jr. ang nagpapatuloy na suporta ng Asian Development Bank (ADB) para sa Pilipinas na may mahalagang kontribusyon sa economic development ng bansa.

Sa courtesy call ni newly-elected ADB President Masato Kanda sa Palasyo ng Malakanyang, inalala ng Pangulo ang long-standing support ng ADB sa Pilipinas, nagsimula sa administrasyon ng kanyang ama na si dating Pangulong Ferdinand E. Marcos Sr.

Matatandaang Disyembre 19, 1966, pinasinayaan ang ADB sa Maynila, kung saan mayroon lamang 31 miyembro noong panahon na iyon, nagsilbi sa agricultural region. Si Takeshi Watanabe ang unang Pangulo ng ADB. Sa kasalukuyan, may 69 na miyembro na ito, 49 ay mula sa Asya.

Inilarawan ng Pangulo ang ADB bilang “the most important partner” ng Pilipinas sabay sabing “The partnership between the ADB and the Philippines has been tremendous.”

Sa kabilang dako, ang mga proyekto na pinondohan ng Asian Development Bank (ADB) ay bahagi ng inisytaiba ng kasalukuyang administrasyon. Ito ay ang Bataan-Cavite Interlink Bridge Project, Davao Public Transport Modernization Project, Climate Change Action Program, Build Universal Health Care Program, Health System Enhancement to Address and Limit COVID-19 (HEAL) Project, Competitive and Inclusive Agriculture Development Program, at ang Walang Gutom 2027: Food Stamp Program.

“I mean the development that we have achieved that being assisted by the ADB, which is the most important partner that we have had in the Philippines,” ang sinabi ng Pangulo sa bagong halal na pangulo ng ADB President.

Samantala, umupo naman si Kanda bilang halal na pangulo ng ADB noong Pebrero 24, 2025, para kumpletuhin ang natitirang termino ng ‘immediate past’ President Masatsugu Asakawa, kung saan ang termino ay mapapaso’ sa November 23, 2026.

“And yet, we find that in the last years, recent years, that has even increased. And so, I think, it is very encouraging, very promising,” ayon sa Pangulo. (Daris Jose)

Kidnappers ng estudyante, dating sangkot sa POGO -Remulla

Posted on: March 1st, 2025 by Peoples Balita No Comments

SINABI ni Interior Secretary Jonvic Remulla na ang sindikatong sangkot at nasa likod ng kidnapping sa isang international student sa Taguig City ay kabilang sa operasyon ng dating Philippine Offshore Gaming Operator (POGO).

”We are definite na ang sindikato na nasa likod ng kidnapping ay former operators ng POGO rin. We are definite na ang perpetrators ay ginamit ang kanilang former bodyguards na AWOL na ngayon sa serbisyo ng AFP at PNP,” ang sinabi ni Remulla sa press briefing sa Malakanyang.

Sa ulat, nailigtas ng mga awtoridad sa Parañaque City ang isang 14-anyos na Chinese student na dinukot dahil sa kaniyang posibleng kaugnayan sa POGO.

Sinabing sinagip ng mga tauhan ng Philippine National Police – Anti-Kidnapping Group ang binatilyong Chinese na nag-aaral sa isang exclusive school.

Pebrero 20 nang dukutin siya paglabas ng kaniyang paaralan sa Bonifacio Global City sa Taguig.

Martes ng gabi nang masagip ang estudyante sa Parañaque.

Sinabi Remulla na ang kidnapping incident ay POGO-related.

”Ito ay resulta ng POGO. We suspect na ang biktima ay galing sa pamilya na nag-ooperate ng POGO dati,” ang winika pa rin ni Remulla.

Tinuran ni Remulla na ang mga perpetrator ng krimen ay nananatili pa rin sa bansa.

”We will make sure that they will be neutralized at the soonest possible time,” ang tinuran pa rin ni Remulla.

Samantala, sinabi ni Remulla na natagpuang patay ang driver ng bata sa ibang sasakyan.

May ilang piraso rin ng ebidensiya ang na-recover sa sasakyan.

At nang tanungin kung ano ang motibo ng kidnapping, sinabi ni Remulla na ang lahat ng ito ay tungkol sa pera.

Patuloy naman ang ginagawang manhunt operations ng mga awtoridad para sa mga salarin ng krimen. (Daris Jose)

DA, hinikayat ang lokal na tomato farmers na makipag-ugnayan para sa ‘direct market linkage’

Posted on: March 1st, 2025 by Peoples Balita No Comments

HINIKAYAT ng Department of Agriculture (DA) ang lokal na tomato farmers na makipag-ugnayan para sa direct market linkages sa gitna ng harvest season.

Ito’y matapos na ang farmgate price ng kamatis ay napaulat na bumaba sa P4 per kilogram hanggang P5/kg sa ilang lugar.

Sinabi ni DA spokesperson Assistant Secretary Arnel de Mesa na maaaring magbigay ang DA sa lokal na magsasaka ng market access sa makatwiran na presyo ng pagbili.

“Tutulungan namin sila kung saan pwedeng i-market sa malapit na palengke o sa ating Kadiwa sa mga regions,” ayon kay de Mesa.

Winika pa ni De Mesa na maaaring humingi ng tulong ang mga magsasaka mula sa municipal agriculturists o DA regional field offices.

Nanawagan naman ito sa mga mangangalakal na iwasan na magsamantala o mag-agrabyado ng mga lokal na magsasaka.

Sa kabilang dako, binigyang diin ni De Mesa ang pangangailangan para sa cold storage facilities para tugunan ang pabagu-bagong farmgate at retail prices ikonsidera rito ang ‘seasonality’ ng agricultural commodities gaya ng kamatis at sibuyas. (Daris Jose)

Senior Citizen, tinangay ang E-bike, sinaksak pa

Posted on: March 1st, 2025 by Peoples Balita No Comments

SUGATAN ang isang senior citizen matapos saksakin siya ng suspek nang tumangi itong ibigay ang kanyang minamanehong E bike sa Kawit, Cavite Martes ng gabi.

Kinilala ang biktima na si alyas Vicente, may-asawa ng Pinagkaisa Village, Brgy. Toclong, Kawit, Cavite habang naaresto naman ang suspek na si alyas Alfred, 25, binata ng 365 Brgy. Alapan I-B, Imus City, Cavite.

Sa ulat, minamaneho ng biktima ang kanyang E-bike habang binabagtas ang kahabaan sa Pinagkaisa Village , Brgey Toclong , Kawit , Cavite bandang alas-11:30 kamakalawa ng gabi pero pagsapit sa gate ng Village ay biglang isinarado ng suspek ang gate at pinuntahan siya ng suspek at puwersahang kinukuha ang susi ng E-bike ng matanda.

Pumalag ang biktima kaya sinaksak siya ng suspek saka tinangay ang kanyang E- bike patungo sa direksiyon ng Alapan main road.

Nag-report ang biktima kung saan sa isinagawang follow up operation ay naaresto ang suspek matapos namataan sa tulay ng Balimbing, Brgy Medecion 1B, Imus City, Cavite. (Gene Adsuara)

Dapat lamang na maging transparent: PBBM, ipinakikita lamang na hindi siya “weak leader”- Castro

Posted on: March 1st, 2025 by Peoples Balita No Comments

DAPAT lamang na maging transparent si Pangulong Ferdinand Marcos Jr. at ipakita sa publiko na hindi siya isang “weak leader.”

Pahayag ito ni Palace Press Officer Undersecretary Claire Castro nang tanungin ang pamamaraan ng pangangampanya ni Pangulong Marcos para sa senatorial slate ng administrasyon para sa Eleksyon 2025.

Matatandaan na kapansin-pansin na tila gumaganti si Pangulong Marcos ng mga birada at pambabatikos gamit ang kanyang mga talumpati sa mga campaign sorties.

”Sa lahat po ng campaign rallies napuntahan po ng Pangulo, ang mga kandidato niya po mismo, ang kanyang mga sinusuportahang kandidato ang nagsasabi kung ano ang kanilang magiging program, ang kanilang magiging proyekto para sa ikauunlad ng bayan at sa ikauunlad ng taumbayan,” ayon kay Castro.

”Siguro po, kailangan lang po talaga paminsan-minsan ang ating Pangulo ay maging transparent din siya sa kanyang na saloobin at para po maipahatid din sa mga tao na he is not and will never be a weak leader,” dagdag na wika nito.

Taong 2021, tinawag ni dating Pangulong Rodrigo “Digong” Roa Duterte si Pangulong Marcos, noon ay isa pa lamang na presidential aspirant na isang “spoiled” at “weak leader”.

Ito ang naging sagot ni Duterte nang tanungin ng local Mindoro lider kung may alyansa sa pagitan ng kanyang anak na si Davao City Mayor Sara Duterte-Carpio ng Lakas-CMD party at PDP-Laban at PDDS na kung siya ay miyembro nito.

“No. I cannot because nand’yan si Marcos. Hindi ako bilib sa kaniya. He’s really a weak leader,” wika ni Duterte.

Si Marcos Jr., na kapangalan ng yumaong dating pangulong Ferdinand Marcos, ay running mate ni Duterte-Carpio.

“Hindi ako naninira ng tao, talagang weak kasi spoiled child, only son. Of course he can talk, he delivers English articulate[ly], ang aral kasi kung saan-saan sa labas. Pero kung sabihin mo na may crisis, he’s a weak leader at saka may bagahe siya,” dagdag pa ni Duterte.

(Daris Jose)

Nangako na ipagpapatuloy ang suporta ng gobyerno… PBBM, pinangunahan ang cash gifts payout para sa mga lolo’t lola

Posted on: March 1st, 2025 by Peoples Balita No Comments

PINANGUNAHAN ni Pangulong Ferdinand R. Marcos Jr., ang inaugural distribution ng cash gifts para sa mga benepisaryo ng Expanded Centenarians Act of 2024.

Nangako rin ang Pangulo na ipagpapatuloy ng administrasyon na iprayoridad ang kapakanan ng mga lolo’t lola.

Tinintahan ang batas noong nakaraang taon, ang Republic Act 11982 ay nagkakaloob ng P10,000 sa mga senior citizens na umabot na sa edad na 80, 85, 90, at 95. Pinanatili naman ng batas ang P 100,000 cash gift para sa mga centenarians, gaya ng nakasaad sa ilalim ng Centenarians Act of 2016 (Republic Act 10868).

Iniabot ng Pangulo ang cash gifts sa 14 na senior citizens sa Palasyo ng Malakanyang, tanda ng pagsisimula ng isang nationwide distribution effort ng sabay-sabay na payouts sa lahat ng rehiyon.

May kabuuang 1,079 senior citizens ang makatatanggap ng cash gifts sa pamamagitan ng nationwide distribution effort na ito.

Ipagkakaloob din ang medical at legal assistance sa payout centers sa pamamagitan ng pagsisikap ng National Commission of Senior Citizens (NCSC).

Sa kabilang dako, sa naging talumpati ni Pangulong Marcos, binigyang diin nito ang kahalagahan na tiyakin ang kapakanan ng mga lolo’t lola, binigyang diin na marami pang dapat gawin para sa mga matatanda sa bansa.

Biniyang diin nito ang mga pakikibaka sa pananalapi na kinahaharap ng maraming matatanda, sinasabi na 73% ng mga senior citizens ang nakadepende sa suporta mula sa kanilang mga anak, at 55% naman ng kanilang healthcare expenses ay paid out ng kanilang sariling bulsa.

Sa pagtugon sa mga alalahanin na ito, binigyang diin ng Pangulo ang ilang inisyatiba para paghusayin ang buhay ng mga senior citizens, kabilang na ang mga benepisyo sa ilalim ng Expanded Senior Citizens Act gaya ng 5% hanggang 20% discount sa iba’t ibang serbisyo; 5% discount para sa utilities gaya ng water at electricity consumption hanggang sa ‘specified limits’; at 20% discount sa transportasyon, medikasyon, healthcare services, at maging recreational activities.

Idagdag pa rito, nagbibigay din ang batas ng free healthcare services para sa mga lolo’t lola sa government health facilities, tinitiyak na makatatanggap ang mga ito ng kinakailangang medical care ng walang financial burden.

“Sa ating mga seniors, nawa’y magkaroon kayo ng marami pang panahon ng kagalakan kasama ang inyong mga minamahal sa buhay. Hiling ko rin na magkaroon po kayo ng mga mas matatamis na kuwento na ibabahagi sa susunod na henerasyon,” ang sinabi pa ni Pangulong Marcos.

Samantala, sa pamamagitan ng NCSC, layon ng pamahalaan na magbigay ng P2.9 billion na cash gifts ngayong taon para sa mahigit na 275,000 senior citizens sa buong bansa. (Daris Jose)

PBBM sa DILG, PNP: Habulin lahat ng KFR groups

Posted on: March 1st, 2025 by Peoples Balita No Comments

INATASAN ni Pangulong Ferdinand Marcos Jr. ang Philippine National Police (PNP) at Department of Interior and Local Government (DILG) na habulin ang Kidnap for Ransom (KFR) groups sa bansa.

Sa press briefing sa Palasyo, sinabi ni DILG Secretary Jonvic Remulla na inatasan siya ng Presidente na palakasin ang kampanya laban sa KFR groups at lansagin ang mga ito sa lalong madaling panahon.

Kilala na rin aniya ng PNP Anti-Kidnapping Group ang mga grupo at miyembro ng mga ito, maging ang kanilang safehouses at kung saan nakatira ang mga ito.

Dahil dito kaya aasahan na aniya ang mas pinaigting na operasyon sa mga susunod na araw.

Sinabi naman ni NCRPO Chief Pol. Brigadier General Anthony Aberin na dahil sa mga naitalang insidente ng kidnapping nitong taon kaya pinalakas na ang police visibility sa mga lugar na posibleng target ng mga kidnapper.

Pinalakas na rin nila ang presensiya sa social media sa pamamagitan nang pag-post ng mga tips kung paano makaiwas sa kidnapping. (Daris Jose)

Ayala Malls Cinemas continues to celebrate the awards season with multi-award winning film, “The Brutalist”

Posted on: March 1st, 2025 by Peoples Balita No Comments

DON’T miss checking off another multi-award winning film off your list just in time for the 2025 Academy Awards, as Ayala Malls Cinemas exclusively brings The Brutalist to the Philippines on March 5. The film has bagged a significant number of awards and nominations, including Best Picture, Best Actor, Best Supporting Actress, Best Supporting Actor, and more for the upcoming Academy Awards..

Watch the trailer: https://youtu.be/GdRXPAHIEW4?si=_h8jm1FWW7YYxgNn

The Brutalist follows Hungarian architect László Toth(Adrien Brody), who escapes a war-torn Europe and arrives in America to rebuild his life and career. His unique and compelling work catches the attention of wealthy industrialist Harrison Lee Van Buren(Guy Pearce). So unfolds a story of László navigating his way in a strange new country, gaining prominence which comes at a heavy price.

The film has already won Best Picture from the Critics’ Choice Awards and The Golden Globes. Adrien Brody has received Best Actor awards from the BAFTAs, Critics’ Choice Awards, and Golden Globes

The Guardian praised The Brutalist and its impactfulness, mentioning its superb cinematography and design. They write, “It is an electrifying piece of work, stunningly shot by cinematographer Lol Crawley and superbly designed by Judy Becker. I emerged from this movie light-headed and euphoric, dizzy with rubbernecking at its monumental vastness.”

The Hollywood Reporter calls Adrien Brody’s performance as László Toth his best in years, writing, “Brody has seldom been better, bringing tremendous gravitas but also a pain that gnaws at László’s prideful sense of self, one of purpose and destiny.”

The Brutalist is part of the roster of 2025 Academy Award nominated films exclusively showing in Ayala Malls cinemas this awards season, along with Anora and A Room Next Door. Ayala Malls Cinemas is committed to bringing internationally acclaimed films to the country, pairing the experience with world-class cinema technology.

Luxurious seats ensure a comfortable watch, and Dolby Atmos sound technology takes cinema experience to greater heights. Elevate your movie-going experience with delicious treats and beverages for The Movie Snackbar, and have your Academy Awards film day exclusively at Ayala Malls Cinemas.

Keep updated with The Brutalist and all the latest cinema experiences from Ayala Malls Cinemas by following the official Ayala Malls Cinemas FB and IG pages

(ROHN ROMULO)

Bukambibig na ngayon ang salitang ‘okay na ’to!’: MIGUEL, iniintrigang mas sikat pa ang kanyang Mommy GRACE

Posted on: March 1st, 2025 by Peoples Balita No Comments

BUKAMBIBIG ngayon ng karamihan ang salitang “Okay na ‘to!”

At saka nila sasabihin na, “Grace Tanfelix?”. Isa lang ang ibig sabihin, marami na talaga ang nanonood sa mga vlogs ng mommy ni Miguel Tanfelix.

Kaya may mga humihirit na, “Mas sikat na nanay ni Miguel kesa sa kanya!”.

Pero in fairness to Miguel, nakausap na namin siya tungkol sa pagiging vlogger ng nanay niya at isa siya sa unang-unang natutuwa na marami ang nakakapanood.

Maging ang mga co-stars nga raw niya, masaya kapag pinapabaunan siya ng mommy niya ng luto nito at sini-share niya sa taping.

Kaya para kay Miguel, okay lang na bukod sa kanya, sumisikat na rin ang ina at nagiging word of mouth na ng karamihan ang “okay na ‘to!”

Nakakaloka lang ang ilang mga bashers siguro ni Miguel o ng network o ng kanyang primetime series na “Mga Batang Riles” na kesyo mas nauna pa raw napasikat ng Tiktok ang nanay kesa napasikat ng Sparkle ang anak.

Grabe naman, e, isa kami sa mga unang follower rin ng nanay ni Miguel na isa rin sa ikinaaliw namin sa kanya, yung malamang nanay siya ni Miguel at may mga instances na nakakasama pa sa video niya ang Kapuso actor.

Pero dahil nga marami na ang gumagamit ng “Okay na ‘to,” aba, mag-special guest na rin ang nanay ni Miguel sa sariling serye.

Kung may mga namba-bash, ang dami rin naming nababasang comment na natutuwa sa mag-ina.

***

MAKIKITA ang art exhibit na kung tawagin ni Manila Vice Mayor Yul Servo na metal artwork sa arrival ng Terminal 3 sa NAIA, malapit sa may VIP parking.

Na-impress kami dahil kakaiba ang art form niya at talagang matiyaga niyang pinag-aralan, ginuhit ang mapa ng iba’t-ibang lugar sa Manila sa pamamagitan ng mga scrap na metal o stainless steel.

Matagal na itong ginagawa ni Yul, pero ang 13 pieces na makikita sa NAIA ay plano niyang iikot sa buong bansa. Isang paraan na rin niya ito para maipakita pa raw ang legacy ng Manila kunsaan siya pinanganak, lumaki at naninilbihan.

Sa ngayon, tumatakbo pa rin siya sa pagka-Vice Mayor ng Manila at sabi nga namin, kahit nasa partido siya ng incumbent Mayor, nakasama niya rin sa termino noong Congressman siya si Isko Moreno na kalaban nilang partido at kung hindi ba siya naiipit?

“Parehas ko silang mga naging lider. May time na pwede ka talagang maipit. May time na pwede ka talagang pumunta sa isang panig lang, sa isang prinsipyo.”

Although, nalulungkot daw siya na silang magkapatid ay nasa magkalaban na partido.

“Nakakalungkot pero hindi kami magka-away. Pero, pagdating sa pulitika, magkahiwalay kami. Hindi kami nag-uusap pagdating sa pulitika. Alam mo na, gusto kong lumaban na may respeto, may pagmamahal, patas. Magkahiwalay tayo, pero lumaban tayo ng patas.”

Sa isang banda, aminado si Yul na nami-miss niya ang pag-arte, pero ang huli naman daw niya ang “Black Rider” pero kahit na naka-focus siya sa pulitika, hindi raw mawawala na sa dugo niya ang pag-arte, pero sa ngayon, ang metal art ang isa sa napagtutuunan niya ng pansin.

(ROSE GARCIA)