ITO ang apela ni House Deputy Majority Leader Paolo Ortega V ng La Union sa mga botante.

Ayon kay Ortega, hindi dapat iboto ang mga kandidato na hindi binibigyang prayoridad ang soberenya ng bansa  lalo na sa harap ng agresibong territorial claims ng Tsina.

“Ako yung statement ko dun, antagal na. Sabi ko nga, ‘wag susuportahan ‘yung mga mouthpiece ng hindi pro-Pilipinas. So, last year pa yata na sinasabi ko na yun na okay lang yung local politics, okay lang na may politika, may konting pag hindi pagkakaintindihan. Pero pag ang kinakampihan mo na eh hindi pro-Pinoy at hindi Pinoy, may problema na talaga doon, malaking problema na,” ani Ortega.

sinabi naman ni Bataan Rep. Geraldine Roman na sa kabila na kailangan pa ring magkaroon ng diplomasya ay dapat maging matatag ang Pilipinas sa usapin ng territorial sovereignty at national security.

“You know what, we are not anti-China. We are against the activities that infringe on our sovereignty and endanger our territorial integrity. Of course, necessarily, we have to engage with them sa trade relations, diplomatic relations. There are also many Filipinos in China. But ibang usapin na itong pagdating sa ating teritoryo,” ani Roman.

Nanawagan din ito sa mga botante na suriing mabuti ang mga kandidato upang masiguro na ang loyalidad ng mga ito ay sa bansa at hindi sa interes ng dayuhan.

“Kaya nga, importante na maging mapanuri ang lahat ng mga botanteng Pilipino. Mawala ng lahat huwag lang ang pakiramdam. Suriin natin ang ating mga kandidato, especially ‘yung mga nasa Senado. Let’s feel, let’s try to read between the lines. Kanino ba talaga ang kanilang loyalty?” pahayag ni Roman.

(Vina de Guzman)

KINONDENA ni House Committee on Foreign Affairs Chairperson Rachel Arenas ang walang basehang pag-aangkin ng Tsina sa Palawan Island, na lumabas at kumalat sa iba’t ibang social media platforms

“The Philippines has always exercised full sovereignty over Palawan. This is an indisputable fact. China’s fabricated claims are blatant propaganda and an attack on our sovereignty. Palawan has always been and will always remain part of the Philippines. This is an established reality,” ani Arenas.

Hinikayat naman ni Arenas ang lahat ng mga kaukulang government agencies na magpalabas ng bagong mapa na naaayon sa batas ng Pilipinas kaugnay sa maritime territory, political boundaries at iba pang importanteng features sa loob ng teritoryo.

Ito ay upang kontrahin ang sobra at iligal na pag-aangkin ng Tsina sa teritoryo ng Pilipinas. (Vina de Guzman)

KINUMPIRMA ni Bureau of Immigration (BI) Commissioner Joel Anthony Viado base sa resulta ng inisyal na imbestigasyon na walang personnel sa kanilang ahensiya ang sangkot sa illegal na paglabas ni Guo.

Ito ang pahayag ni Viado sa isinasagawang imbestigasyon ng  Senate Committee on Justice and Human Rights hinggil sa pagtakas ni Guo.

Sa isinagawang pagdinig, kinumpira ng  National Intelligence Coordinating Agency (NICA) na tumakas ito gamit ang  backdoor sa  Southernmost  bahagi ng bansa.

Pahayag ni Viado na ang mga  private coastlines at  airstrips ay hindi binabantayan ng  BI, kundi sa ilalim ng local government units (LGUs) at  local law enforcement agencies (LEAs), pero inaabuso naman ito ng ilang individual.

Ginagamit din ito ang backdoor exit  na mambiktima ng trafficking  na humahantong sa pagpapahirap sa mga manggagawa.

Pinasalamatan naman ni Viado ang  Inter-agency Council Against Trafficking (IACAT) sa pagtulong sa pagsugpo sa  illegal backdoor exits.

“The misuse of backdoor exits has reportedly been a tactic to evade proper inspection by authorities,” ayon kay  Viado. “We commend IACAT for uniting member agencies to effectively address this national security concern.”  (Gene Adsuara)

NASAMSAM sa tatlong drug suspects, kabilang ang isang band member na itinuturing bilang High Value Individual (HVI) ang mahigit P1.6 milyong halaga ng droga matapos matimbog sa buy bust operation sa Caloocan City, Lunes ng umaga.

Sa kanyang report kay Northern Police District (NPD) Acting District Director P/Col. Josefino Ligan, kinilala ni Caloocan police chief P/Col. Edcille Canals ang mga suspek na sina “Mike”, 44, band member, alays “Rose”, 35, tattoo artist at alyas Marj”, 27.

Ani Col. Canals, ikinasa ng mga operatiba ng Station Drug Enforcement Unit (SDEU) sa pangunguna ni P/Lt. Restie Mables, sa koordinasyon sa PDEA ang buy bust operation matapos magpositibo ang natanggap na ulat hinggil sa umano’y ilegal drug activities ni alyas Mike.

Nang matanggap ang sinyas mula sa kanyang kasama na nagpanggap na poseur buyer na hudyat positibo na ang transaksyon, agad lumapit ang back up na operatiba saka inaresto ang mga suspek dakong alas-11:34 ng umaga sa Phase 5A, Package 3, Bagong Silang, Barangay 176.

Nakumpiska sa mga suspek ang nasa 1,000 grams ng high-grade Kush na nagkakahalaga ng P1,400,000 at 2,170 grams ng pinatuyong dahon ng marijuana na nagkakahalaga ng P260,400, na may kabuuang halaga na P1,660,400.00, buy-bust money, at asul eco bag.

Mahaharap ang mga suspen sa kasong paglabag sa Sections 5, 26, at 11 ng Article II ng RA 9165 o ang Comprehensive Dangerous Drugs Act of 2002.

Pinuri ni Col. Ligan ang Caloocan police para sa kanilang mabilis na aksyon sa pagpapabagsak sa isa pang operasyon ng iligal na droga. (Richard Mesa)

MULING nagtala ng mataas at positibong net trust rating si Caloocan City Mayor Dale Gonzalo “Along” Malapitan bago ang 2025 Local Elections sa darating na Mayo, ayon sa pinakabagong survey na isinagawa ng Social Weather Stations (SWS).

Ang survey ay para sa buwan ng Oktubre 2024 at Pebrero 2025 kung saan nakakuha si Malapitan ng plus 75 net trust rating, na sinasabing dulot ng mahusay at kumpletong programang ipinatupad ng kanyang administrasyon upang mas paunlarin ang estado ng kalusugan, kaligtasan, kabuhayan, edukasyon, at imprastraktura sa lungsod.

Sa kabilang panig, patuloy namang nakakaranas ng pagbaba sa net trust ratings ang kanyang katunggali na si dating Senador Antonio Trillanes IV, na nakakuha ng negative 10 rating noong Oktubre na bumagsak pa sa negative 22 para sa Pebrero 2025.

Ang resulta ng mga nasabing survey ay maaari pang magpatuloy sa mga susunod na buwan hanggang sa araw ng eleksyon, dahil na rin sa malakas na pagtitiwala ng mga taga-Caloocan sa kakayahan ng administrasyon ni Malapitan na ipagpatuloy ang kanyang magandang nasimulan at dalhin ang lungsod sa tamang direksyon. (Richard Mesa)

PINAGHAHANAP ng pulisya ang apat na kalalakihan na magkakangkas sa dalawang motorsiklo na nangholdap sa isang Samgyupsal Restaurant at tumangay ng P5,000.00 cash at mga cellphone sa Bacoor City, Cavite Lunes ng gabi.

Inilarawan ang mga suspek na magkaka-angkas sa  dalawang motorsiko, isa dito ay isang  Honda Click na may box na nakasuot ang driver nito ng pulang jacket itim na panton at puting helmet habang ang  angkas nito ay nakasuot ng brown na hoody, itim na pantalon at naka-bonnet habang ang isa ay isang itim na Honda Beat kung saan ang driver nito ay nakasuot ng itim na T-shirt, maong pants, puting sapatos itim na half face na helmet at ang angkas nito ang nakasuot ng itim na hoody na may puting stripes sa torso, naka-face mask at itim na pantalon at sapatos.

Sa salaysay ng mga biktima na sina Cristine,20,  Sherly,21,  Princess, 35,  Nico, 23 at Albert, 21, pawang mga service crew na pumasok ang apat na suspek bandang alas-6:30 kamakalawa ng gabi  sa Castillo House of Unlimited (Samgyupsal) sa  Molino Road, Brgy. Ligas 1, Bacoor City, Cavite  at nagpanggap na mga customer.

Pagkapasok ng mga suspek, naglabas ng di nabatid na kalibre ng baril, nagdeklara ng holdap at tinangay ang P5,000.00 cash at mga cellphone ng mga service crew.

Matapos nakuha ang gusto, tumakas ang mga suspek sakay ng dalawang motorsiklo sa direksiyon ng Las Piñas.

Nagsasagawa ng backtracking ang pulisya sa CCTV sa dinaanan ng mga suspek at pagkakakilanlan sa mga ito. (Gene Adsuara)

   NAGBIGAY ng pahayag and Department of Public Works and Highways (DPWH) -National Capital Region (NCR) sa gagawin ng rehabilitasyon ng EDSA bus lane kung kaya’t pansamantalang isasara ang EDSA bus lane.

Patuloy ang pag-uusap ng Department of Transportation (DOTr) at Metropolitan Manila Development Authority (MMDA) tungkol sa gagawin rehabilitasyon ng Edsa bus lane.

“We are having continuous meeting because we are just fixing the traffic management with the MMDA and with DOTr. We will start the rehabilitation of EDSA with the bus lane,” wika ni Malaluan.

Uunahin ang EDSA bus lane isara na siyang napagusapan kasama ang MMDA at magkakaroon ng 24/7 na trabaho kaya kailangan talagang ihinto muna ang operasyon ng EDSA Carousel sa lane na ito. Sisimulan na ngayon March ang nasabing rehabilitasyon upang matapos bago ang idadaos na ASEAN Summit na gaganapin sa bansa sa darating na 2026.

Dahil dito, ang mga buses kasama ang EDSA Carousel ay pansamantalang dadaan sa mga linya ng EDSA habang ginagawa ang rehabilitasyon

Masusing pinag-aaralan na ng DOTr ang mungkahi ng DPWH sa balak na pagkakaroon ng shared bus lane sa kahabaan ng EDSA.

“The rehabilitation will be done on one northbound and 15 South bound segments upang maging maayos ang road-riding surface, pavement durability at ang overall the kaligtasan ng mga riding public,” sabi ni Malaluan.

Hinihintay na lamang ang release ng allotments mula sa Department of Budget ang Management (DBM) para sa pondo. Ang nasabing rehabilitasyon ay nagkakahalaga ng P300 milyon para sa northbound segment habang ang 15 South bound segments ay nagkakahalaga naman ng P7 bilyon.

Ang gagawing pag-aayos sa North bound lane ay magsisimula sa Balintawak habang ang parehas na trabaho sa southbound lane naman ay mula sa Monumento hanggang Roxas Boulevard

Kasama rin sa ayusin ay ang pagpapatibay ng EDSA’s concrete pavement, asphalt overlaying na lalagyan ng anti-rutting modifiers.

Ang programa ito ay bahagi ng tinatawag na Comprehensive Traffic Management Plan (CTMP) para sa kalakhang Maynila at karatig na mga probinsya.

Sinabi rin ni MMDA chairman Romando Artes na kasama sa rehabilitasyon ay ang pag-aayos rin ng drainage system na uunahin ang mga ruta sa EDSA na mas kukonti ang alternate na ruta.

“The challenge we are seeing is it will coincide with the rehabilitation of drainage system in EDSA to avoid flooding. We raised the concern because the drainage is in the outer lane, there are lot of utilities there,” wika ni Artes.

Dagdag naman ni DPWH secretary Manny Bonoan na magsasagawa talaga ang pamahalaan ng malawakan infrastructure projects sa taong ito at kasama na dito ang kumpletong rehabilitasyon ng EDSA.

“The rehabilitation project aims to address long-standing issues with the highway as well as enhance the overall commuting experience for millions of Filipinos,” saad ni Bonoan.

Dahil sa rehabilitasyon kung kayat inaasahan na ang trapiko na idudulot nito. “We are working with the MMDA, our LGUs, and stakeholders to mitigate the impact of the traffic during the construction. However, there will still be some inconvenience,” ayon kay Malaluan.  LASACMAR