2025 March Archive - People's Balita

Archive for March, 2025

Nagiging emosyonal dahil sa paghihiwalay: SAM, ayaw sagutin kung makikipag-ayos pa kay CATRIONA

Posted on: March 5th, 2025 by Peoples Balita No Comments

EMOSYONAL si Sam Milby nang mapag-usapan ang break-up nila ni Catriona Gray sa kanyang interview with Boy Abunda sa ‘Fast Talk with Boy Abunda.’

Una munang tanong ni Kuya Boy ay kung paano nakaapekto sa kanya ang break-up with Catriona at kung paano niya ito na-handle.

Dito inamin ni Sam na hindi naging madali sa kanya, “Honestly, not well.”

Ayaw niya raw sanang pag-usapan tang break-up nila ni Catriona pero kinailangan niyang sagutin ang issue ng third party kay Moira dela Torre kaya nagpa-interview siya recently para linawin ang maling tsismis.

Sey niya, “Sa amin ni Cat, we’ve always been private about our relationship and out of respect sa kanya, I still don’t feel comfortable taking about our relationship.

“It’s been rough. No break-up is easy and it’s really been rough. I mean, it wasn’t only mag-boyfriend-girlfriend kami, we were engaged. And to have that not pushed through, it’s been really rough, honestly.”

Hanggang sa naging emosyonal na si Sam at napahagulgol na.

“I didn’t expect to be emotional right now. I’m sorry, it’s a hard subject that I just don’t want to talk about it. But if people think that it’s pretty easy for me, it hasn’t.”

“I’m not an emotional person. That’s why it’s. . .I don’t wanna go into details and the more you talk about any issue, mas maraming bala ‘yung mga tao to use against you.”

Sabi pa niya, “I have so much love and respect on both sides, I wanna believe, but it hasn’t been easy at all.”

Inamin ni Sam na hindi rin naging madali para sa kanya ang makitang umiiyak ang ex-girlfriend niya noong concert ni TJ Monterde.

“I didn’t know TJ, first off, he has beautiful songs. I didn’t know na ganu’n ‘yung mga songs niya and it’s kind of. . .yeah. It was such a beautiful concert but it was really hard.

“A woman that I still love and care about, I see a few seats away from me is crying. Beautiful songs. And I didn’t know how to react. Like I said, I really don’t feel comfortable talking about details about that but if people thought that I was comfortable, I was complete opposite, I was not comfortable during that concert.

“And it’s something that should be celebrated because it was a beautiful concert, my best friend was directing, John Prats. But it was a hard situation and I was kind of frozen at that time. Yeah, it wasn’t easy at all,” pahayag ni Sam.

Nakiusap naman si Sam na hindi na niya sasagutin ang tanong kung dumating siya sa puntong makikipag-ayos kay Catriona.

**”

BONGGA ang naging birthday gift ni Joey de Leon kay Maine Mendoza dahil siya mismo ang nag-effort na gumawa nito.

Sa kanyang Instagram account ay ibinahagi ni Joey ang larawan ng portrait na gift niya kay Maine na siya mismo ang nag-paint.

Ipinaliwanag niya ang kanyang painting at nagpasalamat kay Maine sa 10 years nilang pagsasama sa “Eat Bulaga.”

“This is my gift to the Birthday Girl Maine—a self portrait with a touch of Yaya Dub (polka dots). Thanks Menggay for the happy and funny ten years as a Dabarkads”

Sa comment section ay sumagot naman si Yaya Dub ng “Thank you, Boss Joey! Love you.”

Love talaga ni Joey si Maine.

(ROSE GARCIA)

Nag-sorry sa kanya at pasok pala sa 26th slot: ALEX, nag-react na hindi kasama sa ‘Top 25 Most Beautiful Vloggers’

Posted on: March 5th, 2025 by Peoples Balita No Comments

MARAMING naaliw sa bonggang hirit ni Alex Gonzaga sa nilabas sa page ng Pinoy History sa Facebook para sa TOP 25 MOST BEAUTIFUL VLOGGERS (MOST ADMIRED VLOGGERS 2024).

Hindi kasi siya nakapasok na kung saan nasa Top 10 sina Jenela in Japan (1) Sachzna Laparan (2) Ivana Alawi (3), Shaha Meta (4), Bangus Girl (5), Queenay Mercado (6), Carla Albeus Topular of JomCAr (7), Maureen Dejillo (8), Dr. Krizzle Luna (9), at Petra Mahalimuyak /Ashley Rivera (10).

Komento ng aktres/vlogger, “SO DITO KAHIT PANG 26th DI MO MAN LANG AKO NACONSIDER!! Kahit saling ketket nalang oh.”

Sagot naman ng Pinoy History, “sorry Ma’am Alex.”

Kasunod nito ay ginawan na siya ng art card na kung pasok na siya sa pang-26th na kung saan mababasa rin ang iba pa niyang achievements bilang sikat na digital creator na may 13 million plus na followers.

Caption ni Alex, “Nakakaburyo kasi yung pag top 25 most beautiful vlogger, hindi man lang ako sinama. Yan atleast ginawa na ako kahit 26th.”

Paliwanag naman ng Pinoy History sa kanilang FB post, “Paumanhin po Ma’am Alex Gonzaga, Heto na po, ‘wag na pong magtampo!

“Note: Dahil po sa kakulangan ng espasyo sa aming ginawang Art Card, hindi naisama si Ms. Alex Gonzaga sa Top Most Beautiful Vloggers 2024 dahil s’ya ay pang-26th, humihingi po ng dispensa ang pamunuan ng Pinoy History.”

Dagdag na komento pa nila, “Salamat po sa pag-unawa Ma’am, “we love you”

Sinagot naman ito ni Alex ng, “Pinoy History next time alam nyo na isama nyo ko sa cut off.”

Sumangayon naman ang netizens, na dapat daw kasama si Alex sa Top 25, dahil sa totoo lang maganda rin naman siya, nakakaaliw at talagang matataas ang views sa mga videos na kanyang ina-upload.

***

Hanggang saan aabot ang P10 mo? Walong oras na Mobile Legends sa TNT!

Madalas ka pa rin bang magbayad ng WiFi o kumonek sa internet shop para lang makapaglaro ng Mobile Legends: Bang Bang (MLBB)?

Hindi mo na kailangang gawin iyan dahil di hamak na mas makakasulit ka sa TNT Panalo 10 – ang mas pinasulit na offer ng TNT na merong 300 MB, 60 minutes of calls, at 60 texts messages to all networks – valid for 1 day sa halagang P10 lang.

Sobra-sobra pa nga ang 300 MB para sa MLBB dahil ang dalawang oras na paglalaro nito ay kumakain lamang ng 5 MB. Samantala, umaabot lang ng 17 MB ang mga practice session ng mga esports player na tumatagal hanggang walong oras.

Ibig-sabihin, bukod sa buong araw na paglalaro ng MLBB, pwede pang gamitin ang natitirang data para sa ibang online activities tulad ng pagbabasa ng tips at gameplay sa online forums, o kaya naman ang panonood ng mga livestream ng iyong mga paboritong gamers, at marami pang iba.

At dahil may kasamang 60 minutes of calls at 60 texts to all networks ang TNT Panalo 10, mas madali na ring magyaya ng mga katropa para maglaro kahit saan at kahit kailan.

Para mag-register sa TNT Panalo 10, mag-log in lang sa Smart App o sa inyong mobile wallet, mag-load sa suking tindahan, o i-dial ang *123# sa iyong smartphone.

Isa lamang ang TNT Panalo 10 sa mga mas pinasulit na data, call, at text offers na handog ng TNT sa nalalapit na 25th anniversary celebration nito. Mas pinalawak at pinalakas din ng TNT ang network nito sa buong bansa para patuloy na magbigay-saya sa mas maraming Pilipino.

Abangan ang iba pang mga exciting na promo at pakulo ng TNT sa 25th anniversary nito! Para hindi mahuli, siguraduhing i-follow ang official TNT accounts sa Facebook, TikTok, YouTube at X.

(ROHN ROMULO)

‘Healthy Daddy’ ang tawag sa dating sexy actor: CHRISTIAN, maraming nai-inspire sa video post na todo workout sa gym

Posted on: March 5th, 2025 by Peoples Balita No Comments

REUNITED ang magkaibigan at kapwa Kapuso stars na sina primetime action hero Ruru Madrid at Jon Lucas sa action-adventure series na Lolong: Bayani ng Bayan.

Nagkatrabaho sila sa full action series na Black Rider na pinagbidahan din si Ruru at si Jon gumanap bilang pangunahing kontrabida. Sa seryeng ito rin lumalim ang kanilang pagkakaibigan.

Muli silang magtutuos on-screen dahil papasok si Jon bilang isa sa mga bagong karkater sa Lolong: Bayani ng Bayan.

Gaganap siya bilang Lizardo, isang fighter na sabak sa sabungan ng mga Atubaw.

Mapapanood rin ngayong linggo ang paglaya ni Dona Banson, played by Jean Garcia. Dadalhin niya sa labas ng kulungan ang kanyang katauhan bilang religious leader na kung tawagin ay “Banal na Ina.”

Magbabalik na rin sa Tumahan si Dolores–karakter ni Maui Taylor–na laging handang tumulong kay Dona.

***

PAMBANSANG Healthy Daddy ang tawag sa dating sexy actor na si Christian Vazquez pagkatapos nitong mag-post ng mga video na todo workout siya sa gym.

At nung 48th birthday niya ay pinost niya ang isang mirror kunsaan kita ang kanyang six-pack abs. May caption ito na “Checking 1 2 3 at 48.”

Kaya maraming kaedaran ni Christian na na-inspire sa kanyang posts. Na hindi raw sapat na makuntento sila sa kanilang “dad bods”. Puwede pa nilang ma-achieve ang katawan ng aktor na malapit na sa edad na 50.

Nasabi pa noon ng aktor: “I want to be strong when I reach 50. So I start today and everyday coz that is the way. It rhymes they say.”

Sumikat si Christian dahil sa 2000 PLDT TV commercial kunsaan nanggaling ang sikat na linyang “suportahan ta ka”.

In 2001 ay na-introduce si Christian sa pelikulang Pagdating ng Panahon nila Sharon Cuneta at Robin Padilla. In 2003, pinasok niya ang pagpapa-sexy sa mga pelikula ng Seiko Films na Liberated at Liberated 2.

Kasalukuyang napapanood si Christian sa mga teleserye na FPJ’s Batang Quiapo at How To Spot A Red Flag.

(RUEL J. MENDOZA)

Doncic, James nanapaw sa Clippers

Posted on: March 5th, 2025 by Peoples Balita No Comments

KUMOLEKTA si Luka Doncic ng 29 points at 9 assists at may 17 markers si LeBron James sa 108-102 pagpapatumba ng Lakers sa Clippers

Isang puntos na lamang ang kailangan ng 40-anyos na si James para maging unang player sa NBA history na umiskor ng 50,000 combined points sa regular season at playoffs.

Nag-ambag si rookie Dalton Knecht ng 19 points para sa ikaanim na sunod na panalo ng Lakers (38-21) bagama’t hindi naglaro sina injured starters Austin Reaves at Rui Hachimura.

Bumira si Kawhi Leonard ng season-high 33 points para sa Clippers (32-28) na ilang beses binura ang 21-point deficit ngunit kinapos sa huli.

Inilista ng Lakers ang 86-66 abante sa 2:20 minuto ng third quarter bago ito naputol ng Clippers sa 102-107 mula sa three-pointer ni Leonard sa huling 1:40 minuto ng fourth period.

Sa Boston, umiskor si Jaylen Brown ng 22 points habang nagsalpak si Derek White ng isang floater sa huling minuto ng laro sa 110-103 pagdaig ng nagdedepensang Celtics (43-18) sa Denver Nuggets (39-22).

Sa Cleveland, bumanat si De’Andre Hunter ng 32 points kasama ang go-ahead 3-pointer sa huling 30 segundo sa overtime sa 133-129 paglusot ng Cavaliers (50-10) sa Portland Trail Blazers (27-34).

Sa San Antonio, nagpasabog si Jalen Williams ng career-high 41 points habang may 31 markers si Shai Gilgeous-Alexander sa 146-132 panalo ng Oklahoma City Thunder (49-11) sa Spurs (25-34).

Pinas ready na sa hosting ng FIVB men’s world meet

Posted on: March 5th, 2025 by Peoples Balita No Comments

HANDANG-handa na ang Pilipinas para sa pamamahala sa 2025 FIVB Volleyball Men’s World Championships na hahataw sa Setyembre 12 hanggang 28 sa SM Mall of Asia Arena at sa Smart Araneta Coliseum.

Ito ang sinabi kahapon ni Philippine National Volleyball Federation (PNVF) president Ramon “Tats” Suzara sa ikalawang Inter-Agency Meeting na inorganisa ng Philippine Sports Commission (PSC) sa GSIS Conference Hall sa Pasay City.

Kasama rin si Department of Tourism Secretary Christina Frasco sa nasabing briefing sa mga kinatawan ng higit sa 20 government at private agencies na bumubuo sa Task Force para sa hosting mula sa inilabas na Administrative Order No. 30 ng Malacañang.

“It’s all systems go and the preparations are going on smoothly,” wika ni Suzara sa kahandaan ng bansa sa pagdaraos ng nasabing world meet.

Solidong suporta ang pangako ng gobyerno sa nasabing event, ayon kay Bachmann na namumuno sa Inter-Agency Task Force.

“The full support of the government is guaranteed for this historic and world-class event,” sabi ng PSC chief.

Nasa pulong din ang mga kinatawan ng Philippine Amusement and Gaming Corp., Departments of Trade and Industry, Health, Foreign Affairs, Public Works and Highways, Interior and Local Government at Information and Communications Technology.

Sinamahan sila ng Metropolitan Manila Development Authority, Commission on Higher Education, Senate of the Philippines, PHLPost, Commission on Immigration, Customs, Philippine National Police, National Intelligence Coordinating Committee, Climate Change Commission at ng MVP Group pati na ang mga opisyales ng Pasay, Manila, Taguig at Quezon City.

No. 7 top most wanted person ng Malabon, 1 pa laglag sa selda

Posted on: March 5th, 2025 by Peoples Balita No Comments

HIMAS-REHAS ang isang kelot na wanted sa kaso ng panggagahasa at pang wanted person matapos madakma ng pulisya sa magkahiwalay na manhunt operation sa Malabon City.

Ayon kay Malabon police chief P/Col. Jay Baybayan, ikinasa ng pinagsanib na mga tauhan ng Warrant and Subpoena Section (WSS), Women’s and Children Protection Desk (WCPD) at Station Intelligence (SIS) ang pagtugis kay alyas “Jonhnel”, 22, na nakatala bilang No. 7 Top Most Wanted Person sa lungsod.

Dakong alas-2:00 ng hapon nang madakip ng mga tauhan ni Col. Baybayan ang akusado sa kanyang bahay sa Liwayway St., Brgy. Bayan-Bayanan.

Ang akusado na nakatala din bilang No. 8 TMWP sa NPD ay binitbit ng pulisya sa bisa ng warrant of arrest para sa kasong Rape na inisyu ng Malabon City Regional Trial Court Brach 73, noong February 4, 2021 na walang inirekomendang piyansal.

Samantala, alas-12:40 ng tanghali nang damputin ng mga tauhan ng Malabon Police Sub-Station (SS7) sa Frederick St., Brgy. Hulong Duhat ang mangingisda na si alyas “Ruel”, 41, sa bisa ng warrant of arrest para sa paglabag sa P.D 1602 na inisyu ng Malabon City RTC Branch 292 noong January 16, 2025.

Nang kapkapan, nakuha ng mga tauhan ni Col. Baybayan kay alyas Ruel ang isang improvised handgun (pen gun) na kargado ng isang bala ng caliber .38 kaya mahaharap siya sa isa pang kaso na paglabag sa R.A. 10591 (Comprehensive Firearms and Ammunition Act) at BP 881 (Omnibus Election Code of the Philippines). (Richard Mesa)

HVI tulak, nalambat sa Navotas drug bust, P378K droga, nasabat

Posted on: March 5th, 2025 by Peoples Balita No Comments

UMABOT sa halos P.4 milyong halaga ng shabu ang nasamsam sa isang tulak ng droga na itinuturing bilang High Value Individual (HVI) matapos kumagat sa ikinasang buy bust operation ng pulisya sa Navota City, kamakalawa ng gabi.

Sa kanyang ulat kay Northern Police District (NPD) Acting District Director P/Col. Josefino Ligan, sinabi ni Navotas police chief P/Col. Mario Cortes na nagawang makipagtransaksyon kay alyas “Pugak”, 43, ng Market 3, Brgy. NBBN ng isa sa mga operatiba ng Station Drug Enforcement Unit (SDEU).

Agad ikinasa ng mga tauhan ni Col. Cortes ang buy bust operation sa koordinasyon sa PDEA na nagresulta sa pagkakaaresto sa suspek dakong alas-8:43 ng gabi sa Road 10, Brgy. NBBN, matapos bintahan ng P5,500 halaga ng shabu ang isang pulis na nagpanggap na buyer.

Nakumpiska sa suspek ang humigi’t kumulang 55.7 grams ng hinihinalang shabu na nagkakahlaag ng P378,760, at busy bust money na isang tunay na P500 bill at limang P5,000 boodle money.

Kasong paglabag sa Sections 5, at 11 ng Article II ng RA 9165 o ang Comprehensive Dangerous Drugs Act of 2002 isinampa ng pulisya laban sa suspek sa Navotas City Prosecutor’s Office. (Richard Mesa)

Malakanyang kay Roque: ‘We’re messengers, we don’t sell the President’

Posted on: March 5th, 2025 by Peoples Balita No Comments

PINALAGAN ng Malakanyang ang kamakailan lamang na sinabi ni dating presidential spokesperson Harry Roque na ang kanilang papel ay hindi para ibenta ang Pangulo o ang administrasyon kundi ang umakto bilang mensahero sa publiko.

Ang makasama aniya sa Presidential Communications Office (PCO) ay nangangahulugan na maging isang mensahero ng gobyerno sa publiko.

Ang pahayag ni PCO Undersecretary at Palace Press Officer Claire Castro Castro ay tugon nang tanungin at hingan ng komento sa naging pahayag ni Roque na ang pagtrabaho sa PCO ay katulad ng pagiging isang ‘salesman’ para sa Pangulo at sa administrasyon.

Si Roque, nagsilbi noon bilang tagapagsalita sa ilalim ni dating Pangulong Rodrigo Duterte, ay nagpahayag na mahirap i-promote ang isang produkto, o sa pagkakataong ito, ang isang Pangulo, kung ito’y masama o may depekto.

Sa kanyang naging pahayag, binigyang diin ni Castro na ang papel ng PCO ay ipabatid sa publiko ang tungkol sa mga inisyatiba ng gobyerno.

“Hindi po kami salesman dito. Kami po ay messenger,” ayon kay Castro.

“Ang salesman po kasi ay kailangan na maganda ang bokadura mo; kailangan na ibenta kahit na minsan ay hindi totoo iyong mga sinasabi mo para lang mabenta ang isang tao o isang produkto,” aniya pa rin.

“Hindi po kami nagbibenta ng pangulo o ng gobyerno. Pinapakita lamang po namin at inilalahad namin kung ano ang maaaring makuha ng taumbayan sa ating gobyerno, kung anong puwedeng itulong ng ating gobyerno sa taumbayan,” ayon pa rin kay Castro.

Tila pinasaringan naman ni Castro si dating Pangulong Digong na kilala sa kanyang pagiging ‘rhetorics at tough-talking persona’ sabay sabing mahirap na i-promote ang isang tao na kilala rin sa kanyang mga pagbibiro o jokes.

“Naniniwala po talaga kami na mahirap ibenta ang bulok o masamang produkto,” ang sinabi ni Castro.

“Mahirap po talagang ibenta kapag ang ibinibenta mo ay kailangan mo pang linisin ang mga sinasabi. Mahirap ibenta ang mga tao na ang laging nababanggit ay joke lamang iyan,” aniya pa rin.

(Daris Jose)

Malakanyang, ikinatuwa ang pagbaba ng 2024 Budget Deficit

Posted on: March 5th, 2025 by Peoples Balita No Comments

IKINATUWA ng Malakanyang ang pagbaba ng budget deficit ng bansa noong nakaraang taon at iniuugnay ang pagkabawas sa epektibong pamumuno ni Pangulong Ferdinand R. Marcos Jr. at pagsisikap ng economic team ng administrasyon.

“Magandang balita ang ibinahagi ng Department of Budget and Management. Dahil sa epektibong pamumuno ni Pangulong Marcos Jr., bumaba sa 5.7 percent o 1.5 trillion pesos ang budget deficit ng bansa nitong 2024,” ang sinabi ni PCO Undersecretary at Palace Press Officer Atty. Claire Castro sa press briefing.

“Pinakamababa ito mula noong taong 2020. Nagpakita ng mabuting pagtatrabaho ang economic team ng administrasyon. Umabot naman sa 16.72 percent ng GDP (gross domestic product) or 4.4 trillion pesos ang government revenues sa nakaraang taon,” dagdag na wika nito.

Nangyari ang budget deficit nang malampasan ng government expenditures ang kinikita nito.

Ito ay pangunahing indicator ng financial health ng bansa, higit sa lahat tungkol sa ‘government spending at income.’

Kamakailan lamang ay napaulat na bumaba ang budget deficit ng bansa noong 2024 sa ₱1.5 trillion ayon sa Bureau of Treasury (BTr).

Sa inilabas na datos ng BTr, bumaba sa 5.70% ng gross domestic product (GDP) ang fiscal deficit noong 2024 mula sa 6.22% noong 2023.

Samantala, umabot sa ₱4.419 trilyon ang kabuuang kita ng gobyerno noong 2024, mas mataas kaysa sa target na ₱4.270 trilyon. Katumbas ito ng 16.72% ng GDP, ang pinakamataas sa nakalipas na 27 taon mula 1997.

Ang paglago ng kita ay dahil sa mas mataas na non-tax revenue collections.

Sa buwan ng Disyembre, lumago ng 20.99% ang koleksyon ng gobyerno sa ₱314.7 billion, bunsod ng mas malakas na non-tax revenue performance.

Sa kabuuang koleksyon, 86.01% o ₱3.801 trilyon ay mula sa buwis, habang ang natitirang 13.99% o ₱618.3 billion ay mula sa non-tax sources.

Lumago ng 13.29% ang koleksyon ng Bureau of Internal Revenue (BIR) sa ₱2.852 trillion habang, umabot sa ₱916.7 billion ang koleksyon ng Bureau of Customs (BOC). (Daris Jose)

Nasungkit na P206-million deal sa PCSO, fake news- PCO Sec. Ruiz

Posted on: March 5th, 2025 by Peoples Balita No Comments

GANITO ituring ni Presidential Communications Secretary Jay Ruiz ang paratang sa kanya na nakasungkit siya ng P206-million deal sa Philippine Charity Sweepstakes Office (PCSO) para sa page-ere ng lotto draws sa state-run IBC 13.

“Let me clarify that story. Actually, I did not want to dignify the story ‘no kasi it’s fake news. It’s fake news. Unang-una, I don’t own a share; I’m not a stockholder; I am not an owner of Digital 8. I was an authorized representative, to represent the company in the joint venture agreement between IBC-13, Digi8 and PCSO. I never owned that company,” ang pahayag ni Ruiz.

Sa isang panayam, sinabi ni Ruiz na nagsilbi lamang siyang “authorized representative” para sa Digital 8 Inc. sa panahon ng negosasyon ng P206-million deal kasama ang Philippine Charity Sweepstakes Office (PCSO) para sa page-ere ng lotto draws sa state-run IBC 13.

“So, parang ginawa lang nila as representative dahil may konting pangalan naman tayo, ginawa akong parang spokesperson ng kumpanya – head ng sales and marketing noong October 2024. And in January 17 dahil nga may mga iba naman na akong inaayos na negosyo, ako po’y nag-resign sa kumpanya. I never owned a single share of Digital 8 so maliwanag po iyan,” aniya pa rin.

Binigyang diin ni Ruiz na ang kasunduan ay tinintahan bago pa ang kanyang appointment bilang hepe ng PCO dahilan para kumalas siya sa kompanya nito lamang January 2025.

“’Yung Digital 8, hindi akin ‘yan . I’m not the owner, I’m not a stockholder. Naimbitahan lang ako para mag-represent sa company kasi siyempre kahit papano may pangalan naman tayoand they want some status for their spokesperson. Authorized representative ang tawag,” diing pahayag ni Ruiz.

Aniya pa, ang akusasyon sa laban sa kanya ay walang basehan at hindi totoo, malinaw na fake news dahil ang kompanya at dealings ay nangyari bago pa siya pumasok sa public office.

“Wala pa ko sa gobyerno noon… Since hindi akin ‘yan, the accusations walang katotohanan. Ayoko sana patulan kasi fake news eh,” dagdag na wika nito.

Dismayado rin si Ruiz sa itinuturing din niyang ‘demolition job’ laban sa kanya dahil apektado ang kanyang pamilya partikular na ang kanyang mga anak dahil hindi man lamang nakuha ang kanyang panig sa usaping ito.

“Eight days pa lang ako. I’m trying to reform the office.Pang-apat na PCO secretary ako. Eighth day pa lang madami nang sinasaksak sa akin, lumutang pa lang ang pangalan ko kung anu-ano nang paninira ang lumalabas,” ang sinabi ni Ruiz. (Daris Jose)