2025 March Archive - People's Balita

Archive for March, 2025

Magkakapatid, pinagtulungan ang isang lalaki, patay

Posted on: March 7th, 2025 by Peoples Balita No Comments

PATAY ang isang 25-anyos na lalaki nang pagtulungan ng magkakapatid matapos napikon na pinaparatangan na nagkakanlong ng tao sa kanilang bahay sa Tondo, Manila Lunes ng hapon.

Isinugod pa sa Gat Andres Bonifacio Hospital ang biktima na si Raymond Castillo y Galang, may live-in parner ng Bldg 26, Temporary Housing, Aroma Compound, Brgy 105, Tondo, Manila subalit namatay din habang ginagamot .

Pinaghahanap naman ng mga awtoridad ang magkakapatid na sina Vasser Ocampo y Carlos, 31, binata, Dither Ocampo y Carlos, Ness Ocampo y Carlos at Nasser Ocampo y Carlos, pawang nasa wastong edad at pawang residente ng Bldg. 33, Unit 51, Temporary Housing, Brgy. 105, Tondo, Manila na tumakas matapos ang insidente.

Sa ulat, naganap ang insidente bandang alas-3:30 ng kamakalawa ng hapon noong Lunes kung saan nagtungo ang biktima at isang Joylyn Cobo, 24 sa bahay ng magkakapatid at hinahanap kay Vasser ang isang tao kung nagtatago ito sa kanilang bahay subalit hindi ito nakita kaya umuwi ang dalawa.

Makalipas ang ilang minuto, ay bumalik ang biktima at kasama nito sa bahay ng magkakapatid na ikinainis ni Vasser na humantong sa mainitang pagtatalo hanggang sa lumutang ang mga kapatid nito at tinulungan siya habang pinagsasaksak ni Vasser ang biktima..

Sa kabila ng tama ng saksak ng biktima ay nagawa pa umanong tumakbo hanggang sa natumba it pagsapit sa building 27 kung saan tinulungan ito ng kanyang mga kapitbahay at isinugod sa ospital habang ang mga suspek at tumakas.

Makalipas ng dalawang araw na nakikipaglaban sa kamatayan ang biktima ay bumigay din ang katawan nito. (Gene Adsuara)

Kinumpirma ng AFP ang P350 increase sa 2025 General Appropriations Act (GAA) at ipatutupad ito

Posted on: March 7th, 2025 by Peoples Balita No Comments

KAISA si Deputy David “Jay-jay” Suarez ng Quezon sa pagkondena ng Armed Forces of the Philippines (AFP) sa maling ulat na ibinasura ng gobyerno ang dagdag na daily subsistence allowance ng mga sundalo.

Ayon sa mambabatas, isa itong malinaw na pangloloko upang linlangin ang mga sundalo at publiko.

Iginiit nito na nananatiling nakatuon ang Pangulo at Kamara na labanan ang fake news at siguruhing maibibigay ang buong suporta sa mga sundalo.

“We won’t let lies undermine our soldiers. The funding is secured, the commitment is strong, and they will get what they deserve,” ani Suarez.

Kung matatandaan aniya, matapos ang kautusan ng Pangulong Marcos ay isinulong ni Speaker Romualdez na maisama ang pagtaas sa daily subsistence allowance ng mga sundalo mula P150 sa P350 o P10,500 kada buwan sa national budget ngayon taon.

Kinumpirma ng AFP ang P350 increase sa 2025 General Appropriations Act (GAA) at ipatutupad ito.

Nanawagan naman ang militar sa mga sundalo at publiko na kunin ang impormasyon sa official announcements mula sa pamahalaan.

“Enough of this budol! Our soldiers risk their lives every day. They deserve respect, not lies meant to confuse and demoralize them. The budget is there. The law is clear. The funding is secured. This will be implemented—no amount of fake news can change that,” anang kongresista. (Vina de Guzman)

Lalaki, todas sa pamamaril sa Navotas, 2 suspek timbog

Posted on: March 7th, 2025 by Peoples Balita No Comments

TUMIMBUWANG ang duguang katawan ng isang lalaki matapos pagbabarilin ng isa sa dalawang lalaki na kanyang kausap sa Navotas City.

Dead-on-arrival sa Tondo Medical Center sanhi ng tinamong mga tama ng bala sa katawan ang biktimang si alyas “Tisoy”, ng E. Rodriguez St. Brgy Tanza 1.

Ayon kay Navotas police chief P/Col. Mario Cortes, mahaharap sa kasong Murder ang mga suspek na sina alyas “Mark Bryan”, 24, construction worker at alyas “Antonio”, 25, tattoo artist, kapwa residente ng Brgy. Tangos South.

Sa imbestigasyon nina P/MSg Allan Bangayan at PSSg Dylan Renon, dakong alas-11:35 ng Martes ng umaga nang maganap ang insidente sa M Domingo St, Brgy. Tangos North, habang kausap ng biktima ang mga suspek ay isa sa mga ito ang biglang naglabas ng baril at pinagbabaril sa katawan si alyas Tisoy.

Matapos ang insidente, mabilis na tumakas ang mga suspek sakay ng isang puting E-bike patungo sa M Domingo St. Brgy. Tangos North habang isinugod naman ang biktima sa nasabing pagamutan subalit, hindi na umabot ng buhay.

Ipinag-utos naman kaagad ni Col. Cortes sa kanyang mga tauhan ang follow-up imbestigasyon at sa isinagawang backtracking sa mga CCTV footages at pahayag ng mga saksi ay natukoy ang pagkakilanlan ng mga suspek.

Sa ikinasang follow-up operation ng pinagsanib na puwersa ng Intelligence Section, SIDMS at Sub-Station 2 sa pangunguna nina P/Major Albert Junanillo Jr., P/Capt. Joel Madregalejo at P/Capt. Ivan Rinquejo ay agad naaresto ang mga suspek.

Narekober sa mga suspek ang ginamit sa krimen na isang kalibre .38 revolver na may kargang dalawang basyo ng bala at tatlong bala sa cylinder nito at Ebike na ginamit nila sa pagtakas. (Richard Mesa)

Higit 500 job seekers, hired-on-the-spot sa mega job fairs Caloocan

Posted on: March 7th, 2025 by Peoples Balita No Comments

MAHIGIT 500 job seekers mula sa Lungsod ng Caloocan ang hired on the spot sa matagumpay na dalawang mega job fairs sa buwan ng Pebrero na isinagawang ng Pamahalaang Lungsod, sa pamamagitan ng pagsisikap ng Public Employment Service Office (PESO).

Ang nasabing job fairs, ay bahagi ng pagdiriwang ng 63rd Cityhood Anniversary na nagtampok ng dose-dosenang mga kasosyong kumpanya na nag-aalok ng mga pagkakataon, na may permanenteng posisyon sa domestic at overseas setting sa industriya tulad ng retail, sales, business process outsourcing (BPO), at construction.

Pinuri ni Mayor Dale Gonzalo “Along” Malapitan ang PESO para sa pare-parehong sagot nito sa direktiba ng kanyang administrasyon na magbigay ng pangmatagalang trabaho at mga oportunidad sa kabuhayan sa kanyang mga nasasakupan at tiniyak sa kanyang mga nasasakupan na mas marami pang job fair ang ipapatupad sa mga susunod na buwan upang magbukas ng mas maraming pagkakataon para sa mga residente ng Caloocan, lalo na para sa mga first-time na naghahanap ng trabaho.

“Mula po noong nagsimula tayo na maging Ama ng Caloocan, lagi na po nating katuwang ang PESO na siguraduhing laging mayroong available opportunities sa ating mga kababayan, mapa-trabaho man o kabuhayan. Kaya naman po muli akong nagpapasalamat sa kanilang pagkilos para sa espesyal na mga job fair na ating isinagawa ngayong Pebrero,” ani Mayor Along.

“Sa bawat job fair na ating isinasagawa, special targets po natin ang mga Batang Kankaloo na first-time job seekers dahil batid po natin ang kahalagahan na magkaroon muna sila ng karanasan sa mga disente at maayos na trabaho upang kanilang maging tungtungan sa mas malalaking oportunidad sa hinaharap,” dagdag niya. (Richard Mesa)

Malabon LGU, nagpatupad ng real property tax amnesty sa delinquent taxpayers

Posted on: March 7th, 2025 by Peoples Balita No Comments

NAGPATUPAD ang Pamahalaan ng Lungsod ng Malabon ng ordinansa na nagbibigay ng real property tax amnesty para sa delinquent taxpayers, na nagpapahintulot sa kanila na bayaran ang kanilang hindi nababayarang buwis, sa hangarin pagandahin ang revenue collection at palakasin ang ekonomiya ng lungsod.

“Sa pamamagitan ng amnestiyang ito, makapagbibigay tayo ng tulong sa mga taxpayers sa lungsod sa pagbabayad ng kanilang amilyar. Ito ay makakabawas sa kanilang mga alalahanin at magbibigay daan upang magpatuloy sila sa iba pa nilang mga dapat asikasuhin para sa kapakanan ng kanilang mga pamilya. Sa paraang ito, mas mapapadali ang pagbabayad ng buwis sa lupa at iba pang singil na kailangan, na makikinabang ang ating mga mahal na Malabueno habang pinapabuti ang ekonomiya ng lungsod,” said Mayor Jeannie Sandoval.

Ang Ordinansa Blg. 02-2025 (Malabon Real Property Tax Amnesty Ordinance of 2024) ay nag-aalok ng pagbawas sa interes, mga multa, at surcharge sa hindi pa nababayarang real property taxes, kabilang ang sa Special Education Fund, idle land tax, at iba pang espesyal na buwis.

Maaaring magamit ng delinquent taxpayers ang amnestiya sa pamamagitan ng isang beses na pagbabayad o installment payments na sumasaklaw sa kanilang overdue na real property taxes, interes, surcharge, at pinalties.

Ipinaliwanag ng pamahalaang lungsod na ang taxpayers na nagbabayad ng buo sa kanilang mga dapat bayaran sa pamamagitan ng isang beses na pagbabayad sa Enero, Pebrero, at Marso 2025 ay may 100% bawas sa lahat ng interes, multa, at surcharge habang 80% bawas ang ibibigay sa mga magbabayad sa Abril, Mayo, at Hunyo 2025.

Para sa ikatlong quarter ng 2025 (Hulyo – Setyembre), ang taxpayers ay may 60% bawas, habang sa ikaapat na quarter (Oktubre – Disyembre) ay may 40% amnestiya.

Ang taxpayers na piniliing magbayad ng installment ay may 40% na bawas sa kanilang natitirang interes, mga multa, at mga surcharge.

Gayunpaman, ang amnestiya ay hindi nalalapat sa properties na na-auction na sa ilalim ng Local Government Code, ang mga napapailalim sa kompromiso, o properties na sangkot sa patuloy na pag-aayos o hindi pagkakaunawaan tungkol sa real property taxes.

Para mag-aplay sa amnestiya, ang taxpayers ay kailangang mag-pill out sa isang application form na makukuha sa City Assessment Department (CASSD) sa ika-3 palapag ng Malabon City Hall at isumite ang kanilang Real Property Tax Order of Payment (RPTOP) at Statement of Account para sa tamang pagsusuri.

Nilinaw ng pamahalaang lungsod na ang mga nakapagbayad na ng kanilang interes, penalty, at surcharge bago ang paglabas ng ordinansa ay maaari pa ring mag-apply para sa tax credit, na ibabawas sa mga buwis na dapat bayaran sa susunod na taon.

Sinabi ni City Administrator Dr. Alexander Rosete na ang pagpapabuti ng ekonomiya habang tinutulungan ang mga mamamayan ay prayoridad ng pamahalaang lungsod, kabilang na ang mga nagbabayad ng buwis.

“Makakaasa po ang bawat Malabueno na ang ating pamahalaan ay patuloy sa pagbubuo ng mga batas at programa para sa kasiguraduhan ng magandang bukas para sa lahat,” dagdag niya. (Richard Mesa)

PBBM, nilagdaan ang batas ukol sa Alternative Education Program

Posted on: March 7th, 2025 by Peoples Balita No Comments

TININTAHAN ni Pangulong Ferdinand R. Marcos Jr. ang batas na magi-institutionalize sa expanded tertiary education equivalency and accreditation program (ETEEAP).

Sa pamamagitan ng Republic Act 12124, o ETEEAP Act, pahihintulutan ang mga Filipino, lalo na iyong mga propesyonal na nagtatrabaho na tapusin ang kanilang college education para sa pagsusulong ng career.

Ang ETEEAP ay “will identify, assess, validate, and assign equivalent undergraduate-level and special graduate programs of prior learning from formal, non-formal, and informal learning systems and relevant work experiences to qualified individuals for the grant of appropriate academic degrees.”

Ang Commission on Higher Education (CHED) ang magsisilbing pangunahing ahensiya sa pagpapatupad ng ETEEAP.

“Its functions include deputizing higher education institutions (HEIs) with academic degrees to be opened for the ETEEAP, developing standards for a diversified mode of assessing skills, values, knowledge, and levels of competence, and granting or revocation of HEIs’ authority to implement the ETEEAP,” ayon sa batas.

Inatasan din ang CHED na mag-monitor at suriin ang implementasyon ng ETEEAP sa pamamagitan ng pag-deputized ng HEIs, pag-convene sa broad-based at inter-agency consultation meetings, at pagtatakda ng standard fees at iba pang administrative charges para sa accreditation na makapag-aambag sa special account ng ETEEAP.

At upang matiyak ang epektibong implementasyon ng ETEEAP, ang Office of Programs and Standards Development (OPSD) sa ilalim ng CHED ay palalakasin upang magsilbi bilang permanent technical secretariat para magsagawa ng bagong tungkulin ng batas.

Ang mga mamamayang Filipino, nakatira man sa Pilipinas o sa ibang bansa, maaaring mag-apply para sa ‘equivalency at accreditation’ kapag natugunan ng mga ito ang requirements.

Ang mga aplikante ay dapat na 23 taong gulang sa panahon ng paga-apply ng aplikasyon. Kailangan na mayroon itong kompletong secondary school program, bilang patunay ay isang high school diploma o resulta ng Philippine Educational Placement Test o Alternative Learning System Accreditation and Equivalency Assessment and Certification nagsasaad na ang indibiduwal na konsernado ay kuwapilikado na makapasok sa kolehiyo.

Kailangan pa rin na mayroong hindi bababa sa limang taon ng pinagsamang ‘work experience’ sa industriya na may kinalaman sa academic degree program o discipline kung saan ang ‘equivalency of learning’ ay hinahanap. ( Daris Jose)

DepEd: ‘Pag init umabot ng 42 degrees, F2F kanselado

Posted on: March 7th, 2025 by Peoples Balita No Comments

PLANO ng Department of Education (DepEd) na magpatupad ng adjustment sa class schedule ng mga estudyante, bunsod na rin ng nararanasang matinding init ng panahon.

Ayon kay Education Secretary Sonny Angara, may ilang lugar at paaralan na ang nagpapatupad ng class schedule adjustment, kung saan ang morning class sessions ay inilipat ng 6am-10am habang ang panghapong klase ay 2pm-6pm.

Samantala, ang asynchronous learning naman ay idinaraos ng mula 10am-2pm.

Sinabi pa ni Angara na ang mga paaralan ay maaaring mag-transition sa remote o asynchronous learning kung ang heat index ay umabot ng 42 degrees Celsius pataas pa, o base sa direktiba ng local government units (LGUs).

Nagpaalala rin si Angara sa mga paaralan na limitahan ang outdoor physical activities para sa mga mag-aaral, at gumamit ng malilim na lugar, gaya ng school courts, kung kinakailangan.

Pinahihintulutan na rin ng DepEd ang paggamit ng light at kumportableng uniporme para sa mga mag-aaral at school personnel.

Paniniguro pa niya, magpapalagay sila ng mga karagdagang electric fans sa mga silid-aralan at hydration stations, at mamamahagi ng insulated water containers.

Ads March 7, 2025

Posted on: March 7th, 2025 by Peoples Balita No Comments

Kelot na wanted sa kasong rape sa Valenzuela, nabitag sa Occidental Mindoro

Posted on: March 6th, 2025 by Peoples Balita No Comments

HINDI inakala ng 30-anyos na lalaki na wanted sa kaso ng panggagahasa sa Lungsod ng Valenzuela na matunton pa siya ng tumutugis na mga pulis sa kanyang pinagtataguan sa Mamburao. Occidental Mindoro.

Ayon kay Valenzuela Police Chief P/Col. Nixon Cayaban, nakatanggap sila ng impormasyon na nagtatago sa nasabing lugar ang akusadong si alyas “Jonathan” na kabilang sa mga Most Wanted Person sa lungsod kaya agad siyang bumuo ng team mula sa Warrant and Subpoena Section (WSS) at Station Intelligence Unit.

Nakipag-ugnayan si Col. Cayaban sa 402nd Maneuver Company-Regional Mobile Force Battalion (MC-RMFB), 2nd Provincial Mobile Force Company (PMFC) at Mamburao Municipal Police Station sa Occidental Mindoro bilang koordinasyon sa gagawing pagdakip ng kanyang mga tauhan sa akusado.

Dakong alas-6:40 ng umaga nang madakip ng mga tauhan ni Col. Cayaban ang akusado sa tinitirhan niyang bahay sa GCFI Farm II, Brgy Tayamaan, Mamburao, Occidental Mindoro, makalipas magtago ng mahigit 10-taon makarang maharap sa kasong panggagahasa.

Maayos namang naisilbi sa akusado ang warrant of arrest na inilabas noong Enero 9, 2015 ni Valenzuela Regional Trial Court (RTC) Branch 75, Presiding Judge Lilia Mercedes Encarnacion A. Gepty.

Walang inirekomendang piyansa ang hukuman para sa pansamantalang paglaya ni alyas Jonathan na pansamantalang ipiniit sa custodial facility ng Valenzuela Police Station habang hinihintay ang utos ng korte sa paglilipat sa kanya sa Valenzuela City Jail. (Richard Mesa)

“Ne Zha 2”, The Highest-Grossing Animated Film of All Time Arrives in PH Cinemas

Posted on: March 6th, 2025 by Peoples Balita No Comments

WITNESS the next chapter in this legendary battle of fire and ice in ‘Ne Zha 2’, the highest-grossing animated film ever.

The wait is over! The highly anticipated sequel, Ne Zha 2, is finally hitting Philippine cinemas on March 12.

This action-packed animated epic has shattered records worldwide, grossing a staggering US$1.9 billion, making it the highest-grossing animated film of all time. It’s also the first non-American, non-English language animated film to achieve this milestone, solidifying its place in cinematic history.

Not only that, but Ne Zha 2 holds the record for the highest-grossing film in a single territory, achieving this feat in under two weeks.

Picking up where Ne Zha left off, the sequel follows Ne Zha and Ao Bing, who, after being struck down by heavenly lightning, survive as spirits. Thanks to Ne Zha’s mentor, Master Taiyi, their physical forms are restored using the Sacred Lotus. But as they recover, a new danger threatens to disrupt the balance of the realms.

As reincarnations of two opposing forces from the Chaos Pearl, Ne Zha and Ao Bing’s destinies are deeply intertwined.

Ne Zha – Born of the Demon Orb, he wields fire-based powers that match his impulsive and rebellious personality.

Ao Bing – Born of the Spirit Pearl, he controls ice-based abilities, reflecting his calm and noble nature.

Together, they must rise to the challenge and face formidable threats that could reshape their world forever.

Experience the breathtaking animation, spectacular action sequences, and rich mythology that have captivated audiences worldwide. Whether you’re a longtime fan or new to the legend, Ne Zha 2 promises an unforgettable cinematic experience.

The battle begins in Philippine cinemas on March 12. Are you ready?

(ROHN ROMULO)