KABILANG si dating Interior Secretary at senatorial candidate Benhur Abalos Jr. sa Magic 12 na iboboto ng mga kabataan na sumagot sa election survey ng Centre for Student Initiatives (CSI).

Nakakuha si Abalos ng 26.92% sa online botohan na isinagawa mula Pebrero 25 – Marso 11, na may 1,200 estudyanteng respondents mula sa Cagayan hanggang sa Lanao del Norte.

Ang CSI ay isang malayang institusyong pinamumunuan ng kabataan at itinutuon sa pananaliksik para sa mga solusyong pangkaunlaran sa edukasyon.

Matatandaan na naging mayor ng Mandaluyong si Abalos kung saan pinangunahan niya ang urban development ng lungsod na nagbunsod sa pagkilala nito bilang “Tiger City of the Philippines.”

Isinulong niya ang mga proyektong pabahay na nagbigay ng land titles sa may 7,700 pamilya. Ipinatupad niya rin ang Project TEACH, isang programa para sa mga batang may ­kapansanan na kinilala ng United Nations Public Service Award.

Bilang dating chairman ng MMDA, naging susi siya sa epektibong pagtugon sa pandemya sa Metro Manila.

Nang maupo bilang Kalihim ng DILG, ipinagpatuloy niya ang kanyang adbokasiya sa mas episyenteng pamamahala at pagpapatibay ng peace and order.

NAKATANGGAP ang mga senior ng Navotas City na edad 80, 85, 90, at 95 ng tig-P10,000 cash incentive sa ilalim ng Expanded Centenarians Act.

Ang unang batch na 53 senior citizen, na umabot sa milestone na edad sa pagitan ng Marso 17 at Disyembre 2024, ay nakinabang din sa libreng medical check-up, mga gamot, at basic laboratory tests.

Ayon sa National Commission of Senior Citizens, ang Navotas ang unang local government unit (LGU) sa Metro Manila na namahagi ng insentibo.

Binigyang-diin ni Rep. Toby Tiangco, co-author ng Expanded Centenarian Acts, ang kahalagahan ng pagpaparangal sa mga senior citizen.

“Ang ating mga nakatatanda ay nag-alay ng maraming taon ng kanilang buhay para sa kanilang pamilya at komunidad. Nararapat lang na kilalanin at suportahan sila habang sila ay kapiling natin,” ani Cong.Tiangco.

Nabanggit din niya na ang inisyatiba ay higit pa sa tulong pinansyal.

“Hindi lang ito tungkol sa pera kundi pagpapakita ng pagpapahalaga at respeto sa ating mga lolo at lola. Ang bawat benepisyo ay isang pasasalamat sa kanilang naging papel sa ating lipunan,” dagdag niya.

Muling pinagtibay ni Tiangco ang pangako ng gobyerno sa pagpapabuti ng buhay ng mga senior citizen.

“Patuloy tayong maghahanap ng paraan upang mapabuti ang kanilang buhay at matiyak na sila ay maalagaan sa kanilang katandaan,” pahayag niya.

Sa ilalim ng Republic Act No. 11982, ang mga nakatatanda na umabot sa edad 80, 85, 90, at 95 ay makakatanggap ng P10,000, bukod pa sa P100,000 na insentibo para sa mga centenarian. (Richard Mesa)

PINAHAYAG ni Department of Transportation (DOTr) Secretary Vince Dizon na sinibak ang general manager ng Metro Rail Transit Line 3 (MRT3) na si Oscar Bongon sa kanyang puwesto.

     Ayon kay Dizon, sinibak si Bongon dahil sa kapabayaan ng pangasiwaan ng MRT 3 na magkaroon ng parating maintenance service ng mga escalators sa mga istasyon ng MRT 3 at dahil dito isang aksidente ang nangyari na may nasaktan na 12 pasahero noong nakaraang Sabado.

     Dagdag ni Dizon na ang pamunuan ng MRT 3 ay nabigong rin na ayusin agad ang nasirang escalator na ayon sa kanya ay hindi katanggap-tanggap. Martes pa naayos ang nasirang escalator matapos ang aksidente noong Sabado.

     “The management fails to make haste decision to repair the malfunctioned escalator wherein it happened last Saturday. It was only last Tuesday that it was repaired not until I called them. For me, its not acceptable,” wika ni Dizon.

     Sinabi ng DOTr na nagbigay na ng rekomendasyon si Dizon sa Malacanang kung sino ang posibleng papalit kay Bongon. Hinihintay na lamang ang official na appointment papers mula sa Malacanang.

     Dagdag ni Dizon na ang nasabing aksidente ay isang proof na ang opisyales ng MRT 3 ay may pagkukulang bilang isang operator nito. Naniniwala siya na dapat ay ibigay na sa pribadong sektor ang operasyon at maintenance nito.

     Ang Japanese firm na Sumitomo Corporation ang siyang maintenance service provider ng MRT3.

     Noong nakaraang Sabado ay nasira ang escalator ng MRT 3 sa Taft Avenue kung saan may nasaktan na mga pasehero at ayon sa report ay anim dito ang nadala sa ospital.

     “The CCTV footage showed a line of commuters falling like a stack of dominoes after the upward-moving escalator suddenly stopped and then went in reverse at a faster speed than normal. One of the affected commuters likened the experience to a scene from American horror film Final destination,” saad ni Dizon.

     Ayon sa pamunuan ng MRT 3, ang main drive chain ng escalator ay nakitang may damage. Humingi ng paumanhin sa mga pasahero na nasaktan ang pamunuan ng MRT 3 sa pangunguna ni Bongon. Nagpayahag din ng paumanhin si Dizon dahil sa hindi inaasahang pangyayari.

     Depense ng pamunuan ng MRT 3 na kanilang binigyan na ng utos ang service provider bago pa man nangyari ang aksidente na magkaron ng extensive maintenance parati upang matiyak ang kaligtasasn ng mga pasahero.

     Sinabi rin ng DOTr na ang mga nangangailangan ng tulong ay puwedeng lumapit sa pamunuan ng MRT 3 at sila ay magbibigay ng tulong at assistance.

     Dahil sa pangyayari ay sinabi ni Dizon na magkakaron siya ng audit inspection ng lahat ng estasyon at siya mismo ang mag-iikot upang tingnan ang mga pasilidad ng bawat estasyon ng MRT 3.

     May kumpiyansa naman si Dizon na ang MRT 3 at ibang pang rail lines sa Metro Manila ay maisasailalim ang operasyon at maintenance sa pribadong sektor bago matapos ang termino ni President Maros. LASACMAR

INIHAYAG ni Manibela President Mar Valbuena na muli silang magkakasa ng 3-day transport strike sa Marso 24 hanggang 26.

Ito ayon sa Manibela ay dahil sa pagsisinungaling ng Land Transportation Franchising and Regulatory Board (LTFRB) na nagsabing umaabot na sa 86% ang nagconsolidate at nakapag-comply para sa modernisasyon ng public utility vehicle (PUVs) sa bansa.

“Ang sinasabi ng LTFRB na 86% na ang nagconsolidate at nakapag-comply. Naging mitsa ito kung bakit hindi na na-renew ang ating provisional authority at hindi na nakarehistro ang aming mga sasakyan,” pahayag ni Valbuena.

Gayunman, sinabi ni Valbuena na maaring ma-extend pa ng mga araw ang tigil pasada depende sa magiging paliwanag ng LTFRB sa sitwasyon.

Iginiit diin din ni Valbuena kay Transportation Secretary Vince Dizon na sibakin sa puwesto ang mga opisyal ng LTFRB sa pangu­nguna ni Chairman Teofilo Guadiz.

Dapat aniyang pag­aralan at suriing mabuti ni Dizon ang kundisyon ng maliliit na driver kung saan may pangako ang pamahalaan na aayusin ang sistema ng transportasyon sa bansa at kalagahan ng maliliit na tsuper ng mga pampasaherong sasakyan.