INILUNSAD ng Bureau of Immigration (BI) ang isang makabagong border security, ang Advance Passenger Information System (APIS).

Ang APIS na kinikilala sa buong mundo na pinapayagan ang mga awtoridad na nagsagawa ng advance screening ng mga pasahero bago ang kanilang pagdating na makakatulong sa risk assesment at streamline immigration procedures.

Ang  United Nations (UN) Office of Counter-Terrorism ang nag-sponsor sa the UN API goTravel software  na ginamit sa nasabing proyekto.

“This system allows us to screen passengers in advance, improving risk assessment and expediting the processing of legitimate travelers,” ayon APIS Operation Center Chief and Deputy Spokesperson Melvin  Mabulac.

At bilang bahagi sa unang implementasyon, sinimulan ito ng Cebu Pacific na siyang unang carrier na nag-integrate ang sistema ng APIS, at susunod ang Philippine Airlines at mga iba pang mga  bilang bahagi ng  trials at napatunayan na nakakatulong  ito sa trend analyst at passenger risk assessment.

Ang BI ay nagsagawa rin ng matagumpay na connectivity test sa Interpol 24/7 data base at magpapatuloy ito kasama ang  airline representatives, at ang  United Nations Office of Counter-Terrorism (UNOCT) upang masiguro ang  seamless integration at operational efficiency.

“This initiative marks a significant milestone in our ongoing efforts to modernize immigration processes,” ayon kay  BI Commissioner Joel Anthony Viado. “With APIS, we are not only strengthening security but also ensuring a more efficient and hassle-free experience for travelers.” dagdag pa nito.

Sinabi pa ni Viado ang paglulunsad ng APIS ay nakahanay sa  Bagong Immigration vision ng ahensiya. (Gene Adsuara).

TATLO ang naiulat na kumpirmadong  patay sa sunog sa residential area sa Tondo,Maynila Huwebes ng hapon.

Sa  imporamsyon mula sa Bureau of Fire Protection(BFP), dalawang senior na mag-asawa at kanilang anak ang na-trap sa loob ng kanilang bahay matapos na hindi na makalabas dahil na rin sa katandaan at hirap nang lumakad.

Bandang ala-1:22 kamakalawa ng hapon nang magimula ang sunog sa dalawang palapag na  residential structure sa R. A.Reyes St., sakop ng Barangay 58, Zone 5 Tondo.

Inakyat sa ikalawang alarma ang sunog at idineklrang fire out alas 2:41 ng hapon.

Ang mag-asawang biktima ay nasa edad 70 at 78 habang 45 anyos naman ang kanilang anak.

Samantala, sugatan naman ang tatlong fire volunteer at isang civilian .

Nasa 18 pamilya ang apektado sa sunog o 54 indibidwal ang nawalan ng bahay habang umaabot sa P800 libong piso ang pinsala sa sunog na nagsimula sa bahay ni Loreta Flores. (Gene Adsuara)

NAUWI sa pagkalugi at pagsasara ng mga negosyo sa mga tourism hubs ng bansa ang naging epekto dulot ng pangit na serbisyo ng mga electric cooperatives.

Ito ang lumalabas na konklusyon sa isinagawang  focus group discussion (FGD) ng energy  group na ILAW hinggil sa kinakaharap ng mga negosyante sa isla ng Samal, Siargao, Cebu at Puerto Gallera.

Ayon kina ILAW national convenor Beng Garcia at youth convenor Francine Pradez ang palpak na serbisyo ng Northern Davao Electric Cooperative (NORDECO) sa IGACOS, Siargao Electric Cooperative (SIARELCO) sa Siargao, Oriental Mindoro Electric Cooperative (ORMECO) sa Puerto Galera  ay resulta sa pagkalugi at pagsasara ng mga negosyo sa tourism hubs ng bansa  dahil sa madalas na blackout, hindi sapat na supply ng kuryente at mabagal na pagtugon sa mga reklamo.

Nanawagan naman ang ILAW sa mga electric cooperative na pagbutihin ang kanilang serbisyo at tiyaking maaasahan ang suplay ng kuryente, lalo na sa mga tourism hub na nakadepende sa maayos na daloy ng kuryente.

Hinikayat din ng ILAW ang Department of Energy (DOE) at Energy Regulatory Commission (ERC) na magpatupad ng mas mahigpit na regulasyon sa mga electric cooperative sa mga tourism hub.Iminungkahi rin ng grupo ang pagpapataw ng parusa para sa kapalpakan sa serbisyo at pagpapatupad ng mandatory compensation policies upang maprotektahan ang mga apektadong negosyo.

Bilang solusyon, Inirekomenda ng ILAW ang pamumuhunan sa renewable energy para sa mas matatag na suplay ng kuryente at pagbuo ng community microgrids at energy storage systems bilang solusyon. (Gene Adsuara)

TIMBOG ang dalawang riding-in-tandem na mga suspek na nanutok ng baril sa isang estudyante at tumangay ng kanyang motorsiklo nang masabat ng pulisya sa Oplan Sita sa Valenzuela City, kamakalawa ng hapon.

Sa kanyang ulat kay NPD Acting District Director P/Col. Josefino Ligan, kinilala ni Valenzuela police chief P/Col. Nixon Cayaban ang mga suspek sina alyas ‘Macmac’, 30, ng Caloocan City, alyas “Tat”, 21, alyas “Gab”, 49, at alyas “Leo”, 47, pawang residente ng Valenzuela City.

Sa pahayag sa pulisya ng biktimang si alyas “Jan”, 22, estudyante, ng Brgy., Maysan, habang sakay siya ng kanyang motorsiklo nang mapansin niya na sinusundan siya ng apat na lalaki na sakay ng dalawang motorsiklo sa West Service Road, Brgy. Parada dakong alas-4:32 ng hapon hanggang tutukan siya ng baril at inagawa ang motorsiklo niya.

Nakapagsumbong naman kaagad ang biktima sa nagpapatrolyang mga tauhan ng Police Sub-Station (SS1) kaya agad ini-report ng mga ito ang insidente sa Station Tactical Operation Center (STOC) ng Valenzuela police.

Kaagad niradyuhan ng STOC ang kapulisan para sa magsagawa ng dragnet operation saka inilarawan ang suot ng mga suspek at deskripsiyon ng gamit nilang mga motorsiklo.

Ayon kay P/Capt. Doddie Aguirre, hepe ng Police Sub-Station (SS6), habang nagsasagawa sila ng Oplan Sita sa Snake Road, Barangay Lingunan, nang marinig nila ang ulat tungkol sa nasabing insidente.

Makalipas ang ilang minuto, namataan nila Capt. Aguirre ang apat na lalaki na sakay ng tatlong motorsiklo at tugma sa iniulat na nang-agaw ng motorsiklo ng estudyante kaya pinara nila ang mga ito.

          Nang hanapan ng driver’s license at mga papeles ng motor ay nagtangka umanong tumakas ang mga suspek kaya inaresto na sila ng mga pulis kung saan nakuha kay alyas Macmac ang isang kalibre .38 revolver na kargado ng limang bala at apat na plastic sachets ng hinihinalaang shabu.

          Nakuha rin kina ‘Gab’ at ‘Leo’ ang dalawang plastic sachets ng umano’y shabu na tumitimbang lahat ng 3.82 gramo at nagkakahalaga ng P25, 976.00, habang positibo namang kinilala ng biktima ang mga suspek nang iharap sa kanya, pati na ang kanyang motorsiklo.

Kasong paglabag sa R.A. 10883 (New Anti-Carnapping Act of 2016, Article 151 of Revised Penal Code (Resistance and Disobedience to a Person in Authority or Their Agents), R.A. 10591 in relation to B.P. 881 (Omnibus Election Code) at Section 11 of R.A. 9165 ang isasampa ng pulisya laban sa mga suspek sa piskalya ng Valenzuela City. (Richard Mesa)

NAGSAGAWA ang Pamahalaang Lungsod ng Valenzuela, sa pangunguna ni Mayor WES Gatchalian, kasama ang Department of Trade and Industry ng dayalogo sa mga tindero at market violators para maturuan ang mga lumalabag sa pamilihan tungkol sa kahalagahan ng pagsunod sa mga regulasyong namamahala sa mga timbangan at panukat sa mga wet market.

          Binibigyan-diin nito ang kahalagahan ng lahat ng mga transaksyon sa pamilihan ay dapat patas at malinaw, na kapwa pakikinabangan ng mga mamimili at nagtitinda.

Ipinaliwanag ni Councilor Ghogo Deato Lee na ang mga vendor o establisyimento na makikitang gumagamit ng tampered o non-compliant weighing device o lalabag sa New Market Code Ordinance ng Valenzuela City ay papatawan ng mula ₱5,000 hanggang ₱15,000.

Samantala, binigyang-diin ng DTI Fair Trade Enforcement Bureau na si Mr. Joel Buag ang mga patakaran at batas na may kaugnayan sa proteksyon ng consumer at fair trade practices, partikular ang Timbangan ng Bayan o ang Republic Act 11706 na inakda ni Mayor WES sa kanyang termino bilang Congressman.

Sa kanyang mensahe, pinaalalahanan ni Mayor Wes ang mga nagtitinda sa palengke na sundin ang nasabing pambansang batas,

“Ipinaglaban ko po iyan (Timbangan ng Bayan) hindi lang para sa Valenzuela kundi para sa buong Pilipinas…. Sana po, bilang dito po ako nanunungkulan at nakatira (sa Valenzuela) sana dito natin maging example na maganda sa Valenzuela,“ pahayag niya,

Nasa 74 non-compliant weighing scale ang nakumpiska sa isinagawang Operation Timbangan na isinagawa ng City Treasurer’s Office, LEDIPO, Consumer Welfare Unit noong Marso 17-18 sa iba’t ibang palengke sa lungsod.

Bukod dito, nagsagawa rin ng sorpresang inspeksyon si Mayor Wes sa Marulas Public Market at sinuri kung ang mga retailer ng bigas ay sumusunod sa Administrative Circular No. 05, Series of 2025 ng Department of Agriculture, na nagtatakda ng Maximum Suggested Retail Price (MSRP) para sa imported na bigas (5% broken) sa ₱49.

Bilang suporta sa pambansang direktiba, ang pamahalaang lungsod ay sisimulang magbenta ng NFA rice sa maximum na 10 kilo bawat consumer simula sa susunod na lingo sa mga piling 3S Centers sa Valenzuela. (Richard Mesa)

ITO ang hamon ni House Assistant Majority Leader at Taguig City Rep. Pammy Zamora kay dating presidential spokesperson Harry Roque.

Ayon sa mambabatas, dapat agadnang umuwi ng Pilipinas si Roque at harapin ang mga kasong kinakahatap sa halip na manatili sa ibang bansa sa pagkukunwari umano  na nagbibigay suporta kay dating  Presidente Rodrigo Roa Duterte saInternational Criminal Court (ICC).

Inakusahan pa ni Zamora si Roque na sinasamantala umano ang kaso ni  Duterte para sa pansariling interes.

Mismo aniyang si Vice President Sara Duterte ang nagpahayag sa publiko na hindi bahagi si Roque ng legal defense ng kanyang ama.

“Tutal hindi ka naman pala magiging abogado ng dating Pangulo. Harry, umuwi ka na at harapin mo ang mga kaso mo dito sa ating bansa. Hindi mo matatakasan ang batas sa pamamagitan ng pagpunta sa ibang bansa. Suddenly appearing out of hiding to join the ICC proceedings isn’t heroism—it’s pure political theater,” ani Zamora.

Unang  inihayag ni Roque, na nagpakita sa Netherlands,  na plano niyang mag- apply para sa political asylum, dala na rin sa pagiging bahagi nito ng  defense team ni Duterte sa ICC.

Ngunit, tinuligsa maman ni Zamora ang timing at authenticity ng naturang hakbang, kasabay na rin sa kinakaharap na kaso at isyu ni  Roque sa Pilipinas.

Nasangkot ang dating spokesman sa isyung may kaugnayan sa  Lucky South 99, isang Philippine offshore gaming operator (POGO) na naka-base sa  Porac, Pampanga.

Dagdag pa aniya ang cited for contempt ng House Quad Comm na ipinalabas noong September 2024 dahil sa kabiguan nitong magsumite ng mga  importanteng dokumento sa imbestigasyon sa POGO.

“Harry Roque owes it to the Filipino people to return home and face the music. Only then can justice truly prevail, free from opportunistic grandstanding abroad.” pagtatapos ng mambabatas. (Vina de Guzman)